Murli du jour du samedi 8 octobre 2022

08-10-2022 praatahmurli om shanti "baapdaada"' madhuban

“meethe bachche - tumhaari padhaai buddhi ki hai, buddhi ko shuddh karne ke liye pravritti mein bahut yukti se chalna hai, khaan-paan ki parhej rakhni hai''

prashn:- eeshvar ki kaarobaar badi wonderful aur gupta hai kaise?

uttar:- har ek ke karmon ka hisaab -kitaab chuktu karvaane ki kaarobaar badi wonderful aur gupta hai। koi kitna bhi apne paap karma chhipaane ki koshish kare lekin chhip nahin sakta। saja zaroor bhogni padegi। har ek ka khaata oopar mein rehta hai, isliye baap kehte hain - baap ka banne ke baad koi paap hota hai to sach bataane se aadha maaph ho jaayega। sajaayen kam ho jaayengi। chhipaao mat। kaha jaata hai kakh ka chor so lakh ka chor… chhipaane se dhaarna ho nahin sakti।

om shanti। kiski yaad mein baithe ho? bachche samajhte hain maat-pita baapdaada abhi aayenge, aakar ham bachchon ko apna varsa denge। baba se ham phir se 5 hajaar varsha pahle muaaphik svarga ka varsa le rahe hain। yeh to har ek ke dil mein hoga na। abhi is narka roopi bhambhor ko aag lagne vaali hai। tumhaara is duniya vaalon se koi bhi tailuk nahin hai। tumhaare liye gyaan bhi gupta hai to varsa bhi gupta hai। laukik baap ka varsa to pratyaksha hota hai। baap ki yeh jaaydaad hai। aankhon se dekhte hain। baap ko bhi dekhte hain aur varse ko bhi dekhte hain। ab hamaari aatma bhi gupta hai। in aankhon se na aatma ko na paramatma ko dekh sakte hain। laukik sambandh mein apne ko shareer samajh inko (shareer ko) bhi in aankhon se dekhte hain aur shareer dene vaale baap ko bhi dekhte hain। teacher guru ko bhi dekhte hain yahaan to yeh baap teacher guru sab hai gupta। bachche jaante hain ham aatmaon ko ab gyaan ka teesra netra mila hai। aage teesra netra nahin tha। aatma soi padi thi। ab aatma ko jagaate hain, to aatma bhi gupta hai। jaise aatma aakar shareer mein pravesh karti hai vaise shivbaaba bhi is shareer mein aakarke hamko phir svarga ka maalik bana rahe hain। buddhi bhi kehti hai hamne anek baar baap se varsa liya hai - aadhaakalpa ke liye। phir aadhaakalpa ganva dete hain। ab phir se ham shreemat par apni raajdhaani sthaapan kar rahe hain। shreemat dene vaala bhi gupta hai। tumhaari aatma jaanti hai ki ham parampita paramatma se gupta roop se sun rahe hain। aatma-abhimaani zaroor banna hai। pahle aatma hai, peechhe shareer hai। aatma avinaashi, baap bhi avinaashi। baap jo shareer leta hai woh vinaashi hai। is shareer mein aakar bachche-bachche kehte hain aur smriti dilaate hain ki main aaya hoon tumko daivi satayugi svaraajya ke liye purooshaartha karaane। purooshaartha bhi poora karna hai। satayug mein sirf tumhaara hi raajya hoga। tum raajya karte the। phir punarjanma to lena hota hai। jo shreekrishna ki vanshaavli athva daivi kul ke the vahi phir rahenge। doosra phir koi nahin hoga। chandravanshi kul bhi nahin hoga। yeh to bahut sahaj baaten hain samajhne ki। barobar satayug mein koi dharma nahin tha। abhi to dher dharma hain, aapas mein ladte-jhagadte rehte hain। anek taaliyaan bajti rehti hain। satayug mein dharma hi ek hai to taali bajti nahin। to tum bachche gupta hi apna raajya sthaapan kar rahe ho। har ek kahenge ham apne raajya mein oonch pad paane ka purooshaartha kar rahe hain। to itni bahaaduri bhi chaahiye। tumhaara naam hi hai shiv shaktiyaan, sher par savaari koi hoti nahin hai, yeh mahima dikhaai hai isliye shakti ko sher par bithaate hain। tum koi sher par to nahin baithte ho। tum to maaya par jeet paane vaale ho। yeh pahalvaani dikhaate ho isliye tumhaara naam shiv shakti sena rakha hai। yoon to gop bhi hain parantu majority maataaon ki hai। apvitra pravritti maarga se pavitra pravrittimaarga mein tum le jaate ho। tum jaante ho satayug vishnupuri mein ham bahut sukhi the। pavitrata, sukh, shanti sab kuchh tha। yahaan to kitna duhkh hai। ghar mein bachche kapoot hote hain to kitna tang karte hain। vahaan to sadaiv harshit rehte hain। tum jaante ho behad ka baap phir se behad ka sukh dene aaya hai। baap kehte hain bhal grihastha vyavhaar mein raho sirf buddhi mein yeh dhaarna karo - yeh padhaai buddhi ki hai। ghar mein rehte shreemat par chalo। khaan-paan se bhi asar lag jaata hai isliye yukti se chalna hai। har ek ka karmabandhan apna hai। koi baandheli hai, koi bandhanmukta hai। koi to chaturaai se bhoon-bhoon kar chhutti le leti hain। yuktiyaan to bahut samjhaai hain। bolo baap ka pharmaan hai pavitra bano, main tumhein bhakti ka phal dene aaya hoon। to zaroor bhagwan ki mat par chalna pade tab hi bigar saja khaaye ham mukti-jeevanmukti ko paayenge। janma-janmaantar ka bojha sir par hai। jaise baap ek second mein mukti-jeevanmukti dete hain, vaise sajaayen bhi ek second mein mil jaati hain, parantu bhogna bahut hoti hai। jaise kaashi kalvat khaate hain to woh thode samay mein bahut sajaayen khaate hain parantu hisaab-kitaab chuktu ho jaata hai। tumko to bigar saja khaaye hisaab-kitaab chuktu karna hai isliye aisa purooshaartha karna chaahiye jo saja na khaani pade। baba ko yaad karna achha hai। vinaash bhi saamne khada hai। vinaash kaale paandavon ki preet buddhi। baap ne sammukh aakar preet rakhvaai hai। baaki auron se preet rakh kya karenge! woh sab khalaas ho jaane hain। ek baap ko yaad karne ka haddi purooshaartha karna hai। baahar se karke mitra sambandhiyon se khush khairaaphat poochhi jaati hai, parantu dil ek baap se। jismaani aashik maashook ghar mein rehte ek do ko yaad karte hain। tum aashik bane ho shivbaaba ke। woh tumhaare sammukh hai। woh tumko yaad karte, tum unko yaad karo। shivbaaba is shareer mein aakar aatmaon ki sagaai svayan se karaate hain। isko kaha jaata hai aatmaon ka parampita paramatma ke saath kalyaankaari mela। tum gyaan gangaayen ho, gyaan saagar baap ek hai। baap ko yaad karne se vikarma vinaash honge। baap aur koi takleeph nahin dete, sirf pavitra rehna hai। kaam mahaashatru hai, in par jeet paane se tum shreekrishnapuri ke maalik banenge। baap ka pharmaan hai pavitra bano to 21 janma ki raajaai paayenge। patit banne se to bartan maanjakar rehna achha hai। parantu deh-abhimaan na tootne ke kaaran varse ko bhi ganva dete hain। dekho baap kitna bada hai, patit duniya, patit shareer mein aaya hai। shivbaaba ko somnaath ke mandir mein pooj rahe hain। vahi baba is samay dekho kitna saadhaaran baithe hain। ab paramatma khud shiksha de rahe hain, is par bhi nahin chalenge to pad ko lakeer laga denge।

baap kehte hain bachche pavitra bano। abhi sab bhrashtaachaari hain, shreshthaachaari unko kaha jaata hai jo pavitra rehte hain। government ne sannyaasiyon ka jhunda banaaya hai ki tum sabko shreshthaachaari banaao। parantu shreshthaachaari to hote hi satayug mein hain। yahaan koi ho na sake। pavitra hi shreshtha kahe jaate hain। sannyaasi pavitra hain parantu phir bhi apvitra se janma lete hain kyonki hai hi maaya ka raajya। koi yogbal se janma to lete nahin hain। baap bachchon ko samjhaate hain dil hamesha saaph rahni chaahiye। jara bhi anhakaar na rahe। bilkul gareeb ban jaana achha hai। baap hai gareeb nivaaz, vaah gareebi vaah! gareebon ko saahookaar banaana hai। baap kehte hain bhaarat ko gareeb se saahookaar banaata hoon। bhaaratvaasi hi banenge aur banenge woh jo shreemat par chalenge। vahi svarga ke maalik ban sakenge। baap sahaj raajayog sikhlaate hi hain shreekrishnapuri athva svarga ka maalik banne ke liye। baap ka pharmaan hai pavitra bano aur koi manushya ko ham guru nahin maante। jaasti khitpit hoti hai pavitrata par। kisko maar milegi, ghar se nikaal denge to woh kya karegi? baap unko sharan dete hain, parantu aise bhi nahin ki baba paas aakar phir sambandhi yaad pade aur nuksaan karte rahen। phir donon jahaanon se nikal jaate hain। gyaan ki dhaarna nahin karte to sudharte nahin। puraani hi chaal chalte rehte hain। yahaan to koi bhi paap nahin karna chaahiye। tumko to punya aatma banna hai। shreemat ke aadhaar par apne aapse poochho - yeh paap hai va punya hai? baba samjhaate hain jo bhi paap kiye hain woh baap ko sunaane se aadha paap mit jaayega। bahut bachche bataate hain hamne yeh kiya hai। yeh gunaah hai, phalaane se patit bane hain। baap to jaante hain na kitne vikarma kiye hain। samjhaate hain abhi koi paap nahin karo, nahin to saza ekdam sauguni ho jaayegi phir dharmaraajpuri mein saakshaatkaar karaayenge। tum aise-aise paap karke chhipaate the। chhip to nahin sakta। bhal nahin dekhte hain, woh baap to achhi reeti jaante hain na। dharmaraaj ke paas saara khaata rehta hai। eeshvareey kaarobaar badi wonderful aur gupta hai। kehte hain na - zaroor paap kiya hai tab doosre janma mein chhi-chhi ghar mein janma mila hai। to zaroor jama hota hai na। oopar mein khaata to hai na। abhi woh khaata yahaan hai isliye baap samjhaate rehte hain ki ab koi paap nahin karna। kakh ka chor so lakh ka chor kaha jaata hai। samajhna chaahiye ki ham bahut bada paap karte hain phir pad bhrashta ho jaayenge। dhaarna nahin hoti to eeshvareey service kar nahin sakte auron ka bhi kalyaan karna hai। aise samay barbaad karenge, paap karte rahenge to pad kam ho padega। phir kalpa-kalpaantar ke liye woh pad ho jaayega isliye jitna ho sake purooshaartha karna hai। poochhte hain baba ke paas kyon aate ho? kehte hain sooryavanshi raajdhaani ka varsa lene, to shreemat par zaroor chalna pade। dekhna hai ki mere se koi bura kaam va paap to nahin hota hai? nahin to sauguna danda pad jaayega, phir daas daasi jaakar banenge। yahaan isliye thode hi aaye ho। mama baba kehte ho to nar se naaraayan banna chaahiye na। bigar dhaarna ke pad kaise paayenge। mama baba kehte bhi maa baap ke takhta par na baithe to samjhenge poora padhte nahin hain। mama baba to nar se naaraayan, naari se lakshmi bante hain na। tumko bhi baap vahi padhaate hain na। to baap se poora varsa lena chaahiye। bahut hain jo chhip-chhip karke paap karte rehte hain, batlaate nahin hain। kitna bhi samjhaao phir bhi chhodte nahin। chor ko aadat pad jaati hai to chori bigar, jhooth bolne bigar rah nahin sakte। sachche baap ke saath sach hi bolna chaahiye। baap ko batlaana chaahiye ki hamse yeh paap hua hai, kshama karo। maaya ne paap kara liya। achha phir bhi sach bola hai to paap aadha maaph ho sakta hai। nahin to paap badhta hi jaayega। koi kehte hain dhandhe mein paap hota hai। vyaapaari log paap karte hain to dharmaau nikaalte hain ki paap kam ho jaaye। paap karke phir punya mein paisa laga diya woh bhi achha hi hai। doobi naanv se loha nikle woh bhi achha। yeh baap to svarga ki sthaapna karte hain to sab punya mein hi chala jaayega। daan punya karne vaale ko milta to hai na। baap har ek ko samjhaate hain, baap har ek baat mein mat dete hain to bachchon ko kabhi aisa kaam nahin karna chaahiye। parantu maaya chhodti nahin hai। achhi-achhi cheez dekhenge to jhat kha lenge va utha lenge। aise-aise paap karma karne se apna hi pad bhrashta kar lete hain। kai bachche baba-baba kah kar phir haath chhod dete hain। haath chhoda phir kya haal hoga? maaya ekdam hi kachcha kha legi phir woh kaudi ka bhi nahin rehta। nambarvaar to hote hain na। sukhdhaam mein koi to raajaai karte hain, koi phir saadhaaran bhi honge। daas daasiyaan bhi hongi na। abhi tum bachchon ko behad ke baap se behad sukh ka varsa mil raha hai, isliye baap ki shreemat par chalkar poora varsa lo। maut to saamne khada hai। akaale mrityu to hoti hai na। aeroplane gira to sab mar gaye। kisko pata tha ki yeh hoga। maut sir par khada hai isliye koshish karke baap se poora varsa lena chaahiye। shreemat par shareer nirvaah arth karma bhal karo। saath-saath yeh padhaai bhi padho। baap yuktiyaan to sab batlaate hain। purooshaartha kar pavitra bhi rehna hai। jhaadu lagaana, bartan maanjana achha hai - apvitra banne se। parantu dehi-abhimaani banna pade। pavitrata ka maan to hai na। pavitra nahin banenge to pad bhi nahin paayenge। yeh sab bachchon ko samjhaani di jaati hai। bachche to vriddhi ko paate rahenge। praja bhi bahut banni hai। ek raaja ko praja to hajaaron ki andaaj mein chaahiye na। raaja banne mein mehnat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is vinaashkaal mein dil ki sachchi preet ek baap se rakhni hai। ek ki hi yaad mein rehna hai।

2) sachche baap se sada sachche rehna hai। kuchh bhi chhipaana nahin hai। dehi-abhimaani rahne ki mehnat karni hai। apvitra kabhi nahin banna hai।

vardaan:- duhkh ki lahron se nyaare rah prabhu pyaar ka anubhav karne vaale khushi ke khajaane se sampanna bhav

sangam ke samay duhkh ke lahron ki kai baaten saamne aayengi lekin apne andar vo duhkh ki lahar duhkhi nahin kare। jaise garmi ki mausam mein garmi hogi lekin svayan ko bachaana apne oopar hai। to duhkh ki baaten sunte hue bhi dil par uska prabhaav na pade। jab aise duhkh ki lahron se nyaare bano tab prabhu ka pyaara banenge। jo aise nyaare aur parmaatma pyaare hain vahi khushiyon ke khajaane se sampanna rehte hain।

slogan:- trikaaladshi va trinetri woh hai jo maaya ke bahuroopon ko sahaj hi pahchaan le।