Murli du jour du lundi 24 octobre 2022

24-10-2022 praatahmurli om shanti "baapdaada"' madhuban

“meethe bachche - baap ke madadgaar ban sabko nai duniya ka purooshaartha karaao - jaise khud knowledgeful bane ho, aise auron ko bhi banaate raho''

prashn:- tum bachchon ko abhi kis smriti mein rehna hai? smriti ki kamaal kya hai?

uttar:- tumhein abhi beej aur jhaad ki jo knowledge mili hai, us knowledge ki smriti mein rehna hai। is smriti se tum chakravarti raaja ban jaate ho - yahi hai smriti ki kamaal। baap bachchon ko smriti dilaate hain - bachche smriti aai tumne aadhaakalpa bahut bhakti ki hai। ab main tumhein bhakti ka phal dene aaya hoon। tum phir se vaikuntha ka maalik bante ho। jaise baap meetha hai - aise baap ki knowledge bhi meethi hai, jiska simran kar simar-simar sukh paana hai।

geet:- jaag sajniyaan jaag…

om shanti। meethe-meethe bachchon ne geet suna। aaj deepmaala hai। deepmaala kaha jaata hai naye yug ko। satayug mein koi deepmaala nahin manaai jaati kyonki vahaan sabhi ki aatma roopi jyoti jagi hui hoti hai। bachche jaante hain ki ham nai duniya mein raajya bhaagya lene ka purooshaartha kar rahe hain - shreemat par। tum abhi trikaaldarshi bane ho। trikaaldarshi kaha jaata hai past, present, future ko jaanne vaale ko। tumko ab teenon kaalon ki knowledge hai। to tumko auron ko bhi samjhaana hai। khud bhi kaanton se phool bante ho, auron ko bhi banaana hai। past ki history-geography ko jaanne se future kya hone vaala hai, woh bhi jaan jaate ho। future ko jaanne se past, present ko bhi jaan jaate ho - isko kaha jaata hai knowledgeful। past tha kaliyug, present hai sangamayug, phir future satayug treta ko aana hai। to tum bachchon ne is chakra ko jaan liya hai aur nai duniya mein jaane ke liye purooshaartha kar rahe ho aur auron ko bhi purooshaartha karaane mein lage hue ho, baba ke madadgaar ban। baap hai sikeeldha aur tum bhi sikeeldhe ho kyonki paanch hajaar varsha ke baad mile ho। to baap aaya hai sajniyon ko shrrigaanr kar nai duniya mein le jaane। bachchon ki buddhi mein oopar se lekar mool vatan, sookshm vatan ki knowledge hai। bachche jaante hain ki kaun-kaun dharma sthaapak kab aur kaise oopar se aakar dharma sthaapan karte hain। baap ne tumko knowledgeful banaaya hai। usko most beloved kaha jaata hai। meethe te meetha hai। tum jaante ho kitna meetha hai। uski mahima aparmaapaar hai to unke varse ki mahima bhi aparmaapaar hai। naam hi hai svarga, heaven, paradise, bahishta। paramatma ko kehte hain god father, duhkh harta sukh karta। to unko kitna yaad karna chaahiye। parantu drama anusaar yaad nahin aata। yeh geet kitna achha hai। ghar mein 3-4 record zaroor hon। yeh record bhi baap ki yaad dilaate hain। brahman hi jaante hain ki nai daivi duniya svaraajya arthaat aatma ko ab raajya mil raha hai। laukik baap dvaara jo varsa milta hai woh yeh nahin kehte ki paramatma dvaara mila hai। tum jaante ho baap se raajya liya phir gavaaya। ab phir le rahe hain। satayug mein gore the phir kaale bane। gaate bhi hain shyaam sundar। shyaam tha - ab sundar banne ke liye satguru mila hai। ab satguru aur govinda donon khade hain। phir kehte hain balihaari guru aapki... tum shreekrishna ban rahe ho। balihaari tum bachchon ki jo tum aisa ban rahe ho। woh to kah dete shreekrishna gau charaate the। phir brahma ke liye bhi kehte unki gaooshaala thi। to gaooshaala na hai shreekrishna ki, na brahma ki। gaooshaala shivbaaba ki hai।

abhi tum bachche tyohaaron ka rahasya bhi samajhte ho। tum jaante ho ki deepmaala hoti hai satayug mein। vahaan jyoti jagi rehti hai। tumhaari 21 janma deepmaala hai। yahaan varsha-varsha manaate hain। aaj manaate, kal deeva bujh jaata। agar satayug mein manaayenge to bhi coronation, us din aatashbaaji jalaate hain। yahaan to paai paise ki aatashbaaji khelte hain, jisse kai accident ho jaate hain। vahaan to badi coronation hoti hai। yahaan raajaai milti hai to varsha-varsha manaate hain। parantu is raajaai mein sukh nahin। yeh hai bhrashtaachaari duniya, woh thi shreshthaachaari duniya। baap kehte hain dekho tumko kitna samajhdaar banaate hain। baap ko kaha jaata hai trilokeenaath। triloki ke maalik nahin bante। unmein knowledge hai। tumko vaikuntha ka maalik banaate hain। tumko kitni khushi honi chaahiye। aadhaakalpa tumne bhakti ki, ab baap mila hai। baap ab smriti dilaate hain - kehte hain, simro, simro... kisko? baap ko aur baap ke rachna ki knowledge ko। beej aur jhaad ko। is smriti se tum chakravarti raaja ban jaate ho। dekha smriti ki kamaal, kya se kya banaati hai। isko kaha jaata hai spiritual knowledge। aatma ka jo baap hai woh knowledge sunaate hain। geeta mein shreekrishna ka naam daal diya hai। parantu baap tumko knowledge de apne se bhi ooncha banaate hain। tum vaikuntha ke maalik bante ho। jaise woh padhaai padhte hain to buddhi mein rehta hai ki ham barrister banenge। tum jaante ho ham beggar se prince banenge। phir mahaaraaja banenge। ab baap teacher roop se padha rahe hain। laukik mein bachcha 5 varsha baap ke paas rehta hai phir teacher ke paas jaata hai, budhaape mein phir guru karte hain। yahaan to baap ke bane aur baap, teacher roop mein shiksha dete hain aur sadgati ke liye saath le jaate hain। woh guru saath nahin le jaate। khud hi mukti mein nahin jaate। woh yaatra mein le jaate hain, tum bhi pande woh bhi pande। parantu woh thikkar thobar ki yaatra hai। yeh gyaan tumko hai। tumko khushi rahni chaahiye। yeh student life hai to bhoolna kyon chaahiye। parantu maaya woh khushi rahne nahin deti hai kyonki karmaateet avastha ant mein aayegi। kaha hai na smritilabdha। simar-simar sukh paao, vahaan klesh hota nahin। kaha jaata hai jeevanmukti। jaise baap meetha hai vaise baap ki knowledge meethi hai। baba ki mahima aparmaapaar hai arthaat paar nahin paaya jaata hai। yeh bhakti mein kaha jaata hai। tum yeh nahin kah sakte ho kyonki tumko saari knowledge mili hui hai। tumko bahut meetha banna hai। apne ko dekho ki mere mein koi vikaar to nahin hai? kisi ka avgun to nahin dekhte? bahut meethi drishti rakhni hai। baba ke kitne bachche hain। sab par meethi drishti hai na। tumko bhi aisi rakhni hai। manushya yeh nahin jaante ki raadhe-krishna, lakshmi-naaraayan ka kya sambandh hai isliye chitra bhi banaaya hai। chhotepan mein raadhe krishna svayanvar ke baad lakshmi-naaraayan bante hain। baap aakar smriti dila rahe hain ki bachche tum devta the। bachche kehte barobar the। kehte hain brahman devi-devtaae namah, brahman log kehte hain parantu jaante nahin ki brahman, devta, kshatriy teen dharma sthaapan karte hain। to braahmanon ka baap hai - brahma aur shiv। baap saadhaaran roop mein aate hain। yeh rath mukrar hai, bhaagyashaali rath।

manushya deepaavli ke din lakshmi se paise maangane ke liye aavaahna karte hain। pahle tum bhi maangate the। abhi tum lakshmi-naaraayan ban rahe ho। yahaan par to bheekh hi bheekh maangate hain। chillaate hain, putra do, dhan do। satayug mein aise nahin maangate। shivbaaba bachchon ke sab bhandaare bharpoor kar dete hain। baap to svarga rachenge - narka thode hi rachenge। abhi narka mein baba aaya hai svargavaasi banaane। sabhi patit hain, yeh nahin jaante ki ham narkavaasi hain। jo svargavaasi the, ab woh narkavaasi bane hain। ab phir svargavaasi ban rahe hain। shivbaaba ka akaaltakhta yeh brahma hai, jismen akaalmoorta paramatma aakar baithte hain। aatma bhi akaalmoorta hai। aatma ka takhta yeh bhrakuti hai। nishaani bhi hai jo mastak mein tilak dete hain, aajkal bail ko bhi tilak dete hain। to yeh bhrikuti brahma aur shivbaaba donon ka takhta hai। to main aakar knowledge deta hoon, knowledgeful hoon। main koi sabhi ke dilon ko nahin jaanta hoon, thought reader nahin hoon। haan dil ka maalik kah sakte ho kyonki dil kaha jaata hai aatma ko। to mai aatma ka maalik hoon, shareer ka maalik nahi hoon। aisa saadhu log kehte hain na - main maalik। to main aavinaashi aatma ka maalik hoon kyonki main khud avinaashi hoon। tum vinaashi cheez ke maalik bante ho kyonki tum ek vinaashi shareer chhod doosra lete ho। tum abhi vaikuntha mein jaate ho, isliye padhaai padh rahe ho। kehte hain na - jab tak jeena hai tab tak peena hai। jab padhaai poori hogi tab yeh shareer hi chhoot jaayega। kehte hain ki paramatma ko sankalp utha srishti rachne jaaoon। jab samay hoga tab hi act karne ka vichaar aayega aur aakar part bajaayega। baap kehte hain - jaise tum part bajaate ho, vaise main bhi bajaata hoon। baaki main janma-maran mein nahin aata hoon isliye meri kitni mahima hai। vaikuntha ki bhi mahima hai। sannyaasiyon ko satayug ke sukh ka maaloom nahin hai। vahaan ka sukh unhon ko milna hi nahin hai। satayug ke liye bhi unhonne suna hai na ki kans the। to samajhte hain vahaan bhi sukh nahin tha। to auron ko bhi aise sunaate ki kaag vishta samaan sukh hai। to aise sunaakar auron ko sannyaas karaate hain। tum bachche to svarga ke sukh paate ho। yeh to antim janma hai। marenge bhi sabhi। main aaya hi hoon lene liye to kya tum yahaan hi baithe rahenge। machchharon sadrishya sabko le jaaoonga। to mama baba sadrishya purooshaartha kar pad le lena chaahiye। brahma mukh vanshaavli ho na। jitne satayug, tretaayug mein devtaayen honge utne hi ab brahma mukh vanshaavli banne hain। to kaayde anusaar maat-pita bhi hai phir kisko mukrar kiya jaata hai sambhaal ke liye। naye-naye bachche to aate rahenge, padhaai chalti rahegi। pichhaadi tak vriddhi ko paate rahenge। paravrish bahut achhi karni chaahiye। woh hai baagvaan। tum jo centre par rehte ho woh hue maali। maali ko to paudhon ki sambhaal karni chaahiye। jo maali hi theek nahin hoga to woh paudhon ki kya sambhaal karega। jo maali achha-achha bageecha banaate hain, to baagvaan dekh bahut khush hote hain। phir baagvaan jaate hain dekhne ki kis-kis ne bada achha bageecha banaaya hai। tum bhi jaante ho ki kaun-kaun achhe maali hain। jo achhe-achhe maali hain unko inaam bhi milta hai। tum maaliyon ki paghaar (tankha) badhti jaati hai।

abhi tum bachchon ko apni manzil ko yaad karna hai kyonki tumhein abhi vaapis ghar jaana hai to ghar ko yaad karna pade। sivaae yaad ke shantidham nahin ja sakte। nahin to mochra (saza) bahut khaana padega, pad bhi achha pa nahin sakenge। is samay jo sookshm vatan mein jaate hain, service arth jaate hain। pahle number mein baba service karte hain, second number mein mama kyonki mama ko second number mein aana hai। to tum bachchon ko bhi mama baba ko follow karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan bahut meetha banna hai। sabko meethi drishti se dekhna hai। kisi ka bhi avgun nahin dekhna hai।

2) godly student life ki khushi mein rehna hai। jab tak jeena hai padhaai roz padhni hai।

vardaan:- lagan ki agni dvaara ek deep se anek deep jalaakar sachchi deepaavli manaane vaale kul deepak bhav

aap aatma roopi deepak ki lagan ek deepraaj baap ke saath lagna hi sachchi deepaavli hai। jaise deepak mein agni hoti hai aise aap deepkon mein lagan ki agni hai, jisse agyaanta ka andhakaar door hota hai। log to deepaavli par mitti ka sthool deepak jagaate hain lekin aap chaitanya deepak, kul ke deepak aur baapdaada ki aashaaon ke deepak ho। aapke ekras, atal adol jage hue deepak se jab anek deepak jag jaayenge tab sachchi deepaavli hogi।

slogan:- samay ke mahatva ko jaan lo to sarva praaptiyon ke khajaane se sampanna ban jaayenge।