Murli du jour du jeudi 2 février 2023

02-02-2023 praatahmurli om shanti "baapdaada"' madhuban

“meethe bachche - ek eeshvar ki mat hi shreshtha mat hai, jis mat par chalne se hi tum sachcha sona banenge, baaki sab maten asatya banaane vaali hain''

prashn:- kaun sa part ek gyaan saagar baap mein bhara hai, jo kisi manushya-aatma mein nahin?

uttar:- baba kehte - mujh aatma mein bhakton ki sambhaal karne ka, sabko sukh dene ka part hai। main gyaan saagar baap sabhi bachchon par avinaashi gyaan ki barsaat karta hoon, jin gyaan ratnon ka koi moolya nahin kar sakta। main liberator hoon, roohaani panda ban tum aatmaon ko vaapis shantidham le jaata hoon। yeh sab mera part hai। main kisi ko duhkh nahin deta, isliye sab mujhe aankhon par rakhte hain। raavan dushman duhkh deta hai isliye uski effigy jalaate hain।

geet:- jo piya ke saath hai…

om shanti। baap ne om ka arth to bachchon ko samjha diya hai। om arthaat aham aatma। bas, arth hi itna chhota hai। aise nahin ki aai em god। panditon aadi se poochhenge om ka arth kya hai? to woh bahut lamba-chauda sunaayenge aur yathaartha bhi nahin sunaayenge। yathaartha aur aythaartha, satya aur asatya। satya to hai hi ek baap। baaki is samay to hai hi asatyata ka raajya। raamraajya ko hi satya ka raajya kahenge। raavan raajya ko asatyata ka raajya kahenge। woh aythaartha hi sunaate hain। baap hai satya, woh sab satya sunaakar sachcha sona bana dete hain। phir maaya asatya banaati hai। maaya ki praveshta ke kaaran manushya jo kuchh kahenge woh asatya hi kahenge, jisko aasuri mat kaha jaata hai। baap ki hai eeshvareey mat। aasuri mat vaale jhooth hi bataayenge। aasuri maten duniya mein anekaanek hain। guru bhi anek hain। unhon ki shreemat nahin kahenge। ek eeshvar ki mat ko hi shreemat kahenge। abhi tum bachche samajhte ho ham shreemat par chal shreshtha bante hain। sabse shreshtha to hai hi parampita paramatma। jo rehte bhi oonche te oonche hain। sab bhakta unko yaad karte hain। bhakta shreemat ko yaad karte hain, to zaroor koi aasuri mat par hain। abhi tum shreemat par shreshtha bante ho, phir vahaan bhagwan kahkar yaad karne ki darkaar hi nahin। devi-devtaaon ko koi duhkh nahin jo yaad karna pade। bhakton ko to apaar duhkh hai। abhi to bahut duhkh ke pahaad girne hain। mahaabhaari ladaai, yeh duhkhon ka pahaad hai - manushyon ke liye। tum bachchon ke liye sukh ka pahaad hai। duhkh ke baad sukh zaroor aana hai। is vinaash ke baad phir tumhaara hi raajya hona hai। anek dharmon ka vinaash hota hai aur jo dharma ab praayahlop hai, unki sthaapna hoti hai। goya is mahaabhaari ladaai dvaara svarga ke gates khulte hain। is get se kaun jaayenge? jo raajayog seekh rahe hain। sikhlaane vaala baap hai। jo piya ke saath hai unke liye yeh gyaan barsaat hai। piya baap ko kaha jaata hai। woh varsha to paani ke saagar se nikalti hai। yeh avinaashi gyaan ratnon ki barsaat hai। jo piya gyaan saagar ke saath hai, unke liye avinaashi gyaan ratnon ki barsaat hai। in avinaashi gyaan ratnon ki tumhaari buddhi roopi jholi mein dhaarna hoti hai। education buddhi mein dhaaran ki jaati hai na। aatma hai man-buddhi sahit to jaise ki aatma grahan (dhaaran) karti hai। jaise aatma ko yeh shareer hai, vaise aatma ko man-buddhi hai। buddhi se grahan karte hain। grahan tab hota hai, (dhaarna tab hoti hai) jabki yog hai। yeh baap baith bahut sahaj baaten samjhaate hain। manushyon ne to bahut difficult baaten suna di hain। shaastron mein bhi bahut maten hain। geeta ka bahut prachaar hai। adhyaay ka arth bahut karte hain। kitni anekaanek geetaayen bana di hain aur koi shaastra nahin, jiske liye kahen phalaane ka ved, phalaane ka shaastra। geeta ke liye kehte hain - gaandhi geeta, taigor geeta, gyaaneshvar geeta, ashtaapa geeta .... bahut naam geeta ke rakh diye hain aur ved shaastra ke kabhi itne naam nahin sunenge। parantu manushya samajhte kuchh bhi nahin hain। yeh gyaan hi praayahlop ho jaata hai। ab deity sovereignty kahaan se milegi? zaroor jo satayug ki sthaapna karne vaala hoga vahi dega। ab baap aaya hua hai, tum bachchon ko svarga ki raajaai dene। so bhi 21 janmon ke liye। gaaya jaata hai kumaari woh jo 21 kul ka uddhaar kare। ab woh kumaari kaun si? tum sab kumaar kumaari ho। tum koi ko bhi 21 janmon ke liye raajya bhaagya praapta kara sakte ho। shreemat se athva baap ki mat se। paathshaala mein jo padhte hain woh jaante hain ki ham student hain। aur satsangon mein apne ko student nahin samjhenge। student ko em object buddhi mein rehti hai। tum ho eeshvareey students। bhagvaanuvaach - main tumko raajayog sikhaata hoon, manushya se devta banaata hoon। devtaaon ki raajdhaani thi। yatha raaja raani devi-devta tatha praja... nar se naaraayan bante hain। yeh em object hai first। aise nahin raaja raam va raani seeta banaayenge। yeh hai hi raajayog। raajaaon ka raaja banaayenge। kalpa-kalpa main phir se aata hoon, ganvaaya hua raajya dene। tumhaara raajya koi manushyon ne nahin chheena hai। chheena hai maaya ne। ab jeet bhi maaya par paani hai। woh ladaai hoti hai raajaaon ki। ek do ke oopar jeet paane liye ladte hain। ab to praja ka praja par raajya ho gaya hai। had ke raajaaon ki anekaanek ladaaeeyaan lagi hain। unse had ki raajaai milti hai aur is yogbal se tum vishwa ki raajdhaani sthaapan karte ho, isko ahinsak ladaai kaha jaata hai। ladaai athva marne maarne ki baat nahin hai। yeh hai yogbal। kitna sahaj hai। baba ke saath yog lagaane se ham vikarmaajeet bante hain। phir koi maaya ka vaar nahin hoga। haatamtaai ka khel dikhaate hain। woh muhalra mukh mein daalte the to maaya gum ho jaati thi। muhalra nikaalte the to maaya aa jaati thi। allaah avaldeen ka bhi naatak hai। thaka karne se bahishta nikal aata tha। woh hai bahishta athva svarga। to baap baith bahishta ki sthaapna karte hain brahma dvaara। parampita paramatma koi narka ki sthaapna thode hi karenge। aisa hota to unki effigy banaate। effigy to raavan ki nikaali jaati hai, kyonki raavan hi sabka dushman hai। baap jo svarga ki sthaapna karte hain unko to aankhon par rakha jaata hai। baap kehte hain mujhe bhakta yaad karte hain ki aakar duhkh se chhudaao isliye aakar liberate karta hoon। baap liberator bhi hai, roohaani panda bhi hai। tumko le jaate hain apne shantidham। jo piya ke saath hai, unke liye avinaashi gyaan ratnon ki barsaat hai, jin gyaan ratnon ka moolya nahin kiya jaata। baba hai gyaan saagar to zaroor aatma mein part bhara hua hai। parampita paramatma khud bhi kehte hain meri jo aatma hai, jisko tum paramatma kehte ho, mere mein bhi part bhara hua hai। bhakton ki sambhaal karna, sabko sukh dena। duhkh to maaya deti hai। bhakton ko alpakaal ke liye sukh dene ka bhi mera part hai। main hi saakshaatkaar karaata hoon aur divya buddhi deta hoon। jisko gyaan ka teesra netra kaha jaata hai। jisse tumhaari buddhi ka godrej ka taala khulta hai। mera bhi part hai to jo baap ke saath hain unke liye gyaan barsaat hai। ab itne sab bachche kaise saath rah sakte! tum baap ko yaad karte rahenge to goya baap ke saath hi ho। koi London, koi kahaan hain, phir saath kahaan hain? unko bhi murli jaati hai। jo sayaane samajhdaar hote hain woh ek haphta bhi achhi reeti samjhen to unko svadarshan chakradhaari bana deta hoon। 84 janmon ke svadarshan chakra ka raaz abhi tum bachchon ne samjha hai। jis svadarshan chakra phiraane se maaya raavan ka sir kaat dete ho arthaat un par jeet paate ho। baaki sir kaatne ki koi baat nahin hai। unhonne phir hinsak astra shastra de diye hain। vaastav mein shankh yeh mukh hai। chakra phiraana yeh buddhi ka kaam hai। to yeh alankaar bhaktimaarga mein bahut de diye hain। shaastra aadi jo bhakti maarga mein chal rahe hain drama anusaar phir vahi niklenge। ho sakta hai yeh sachchi geeta bhi koi na koi ke haath mein aa jaaye to kuchh inse bhi daal denge। baaki sabhi vahi niklenge। koi-koi akshar unmein yahaan ke aaye hain। bhagvaanuvaach theek hai। raajayog bhi theek hai। baap kehte hain ab vaapis jaana hai। is shareer sahit sab kuchh bhoolna hai, iske badle tumko pure shareer milega। aatma bhi pure ho jaayegi। dhan bhi tumhaare paas athaah hoga। tumko bahut lobh hai। parantu inko shuddh kaha jaata hai, isse bhaarat saara shuddh banta hai। bhaaratvaasi chaahte hain raamraajya, one government, one nation ho, ek mat, advet mat ho। advet ka arth hi hai devta। yeh hai aasuri mat। shreemat bigar sab aasuri maten hain। jis kaaran ek do mein ladte jhagadte rehte hain। eeshvar ke bachche na hone kaaran nidhan ke ban pade hain। satayug mein devtaayen hain dhani ke। vahaan jaanvar bhi kabhi ladte nahin। yahaan to sab ladte jhagadte hain। satayug mein hai sabko behad ka sukh।

ab tum bachche jaante ho ham baap se eeshvareey janma siddha adhikaar le rahe hain। eeshvar sammukh hai na। kehte hain main kalpa-kalpa aata hoon - svarga sthaapan karne। tum bachchon ke liye wonderful saugaat le aata hoon। baap kehte hain mere laadle sikeeldhe bachchon 5 hajaar varsha baad aakar tum milte ho। aise aur koi kah na sake। bhal apne ko brahma, vishnu, shankar kahlaaven। parantu aisi baaten kisko kahne aayengi hi nahin। ismen koi copy kar na sake। baap kehte hain mere laadle sikeeldhe bachchon 5 hajaar varsha ke baad phir se aakar tum mile ho। sirf tum hi। bahut bachche milte rahenge। raajdhaani sthaapan karne mein bahut mehnat lagti hai। raaja raani ek, phir unke bachche vriddhi ko paayenge। bhaarat mein prince princess kitne honge। samjho laakh do hain, praja hogi 40-50 karod। to manzil bahut badi hai। yeh baap ki college hai। to kitna achhi reeti purushaartha karna chaahiye। baap to kahenge raajaaon ka raaja bano, na ki praja। banenge vahi jo kalpa pahle bane honge। ham saakshi hokar dekhenge kaun kis prakaar ka varsa lete hain। koi to ekdam pakad lete hain। most beloved baap hai। chumbak par sueeyaan kheenchakar aati hain। koi mein kat (junk) jaasti hoti hai, koi mein kam। najdeek vaale to ekdam aakar milenge, saaph sui jhat kheench aayegi। baap kat ko nikaal kar aisa chamkaate hain jo tum bachche vahaan saath rahenge। tumko roodra maala mein pirona hai। gaayan bhi hai parantu jaante nahin hain ki yeh maala kiski bani hui hai। baap kehte hain meri maala jo hogi woh svarga ki maalik hogi। bhakta maala ko bhi tum samajh gaye ho। woh raavan ki maala hai। pahle raavan ki maala mein kaun aate hain, poojya se pujaari kaun bante hain? aapehi poojya devta, phir pujaari bante hain। yeh kitni guhya baaten samajhne ki hain।

tum ho philanthropist। deh sahit sab kuchh baba ko bali chadhte ho। sannyaasi philanthropist nahin bante। woh to gharbaar chhod jangal mein chale jaate hain। tum sab kuchh eeshvar arpan karte ho। everything for god father। to baap phir kehte hain mera sab kuchh tum bachchon ke liye hai। manushya jab marte hain to sab saamagri karneeghor ko dete hain। baap kehte hain main bhi karneeghor hoon। tumhaare paas puraana kakh-pan hai, sab daan karte ho। baap par balihaar jaate ho। kaam to phir bhi tumhaare hi aata hai। baba to makaan aadi bhi apne liye nahin banaate hain। shivbaaba hai daata। saare svarga ki raajaai tumko de dete hain, isliye inko saudaagar bhi kehte hain। kitni meethi-meethi baaten hain। imtahaan poora hone vaala hai। baba aakhir imtahaan kabhi poora hoga? baba kehte hain - jab tum marne par aayenge, gyaan poora hoga tab yeh vinaash aarambha hoga। phir golden spoon in mouth। janma lenge aur spoon milega। yahaan to 30-40 varsha padhte hain, to yahaan hi uska phal mil jaata hai। tumhaara to hai bhavishya ke liye। bhavishya janma tumko milega to tum prince banenge। to imtahaan tab poora hoga jab vinaash shuru hoga। ek taraph padhaai poori hogi aur vinaash shuru ho jaayega। baaki rehearsal to hoti rahegi। tumko is padhaai ka phal phir nai duniya mein milna hai। vahaan aatma, shareer, raajaai sab naya hota hai। yeh badi guhya dhaarna ki baaten hain। padhaai kabhi chhodni nahin chaahiye। baap baith samjhaate hain wonderful baaten hain na। deri se aane vaale bhi jhat yog aur gyaan mein lag jaate hain to woh bhi oonch pad pa sakte hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer aur aatma donon ko pavitra banaane ke liye is puraane shareer sahit sab kuchh bhoolna hai। deh sahit baap par poora bali chadh philanthropist (mahaadaani) banna hai।

2) baap ki shreemat par chal behad ka sukh lena hai। yeh shuddh lobh rakhna hai, jisse saari vishwa sukhi banen। baaki ashuddha lobh tyaag dena hai।

vardaan:- amritvele ke mahatva ko jaan mahaan banne vaale vishesh sevaadhaari bhav

sevaadhaari arthaat aankh khule aur sada baap ke saath baap ke samaan sthiti ka anubhav karen। jo vishesh vardaan ke samay ko jaante hain aur vardaanon ka anubhav karte hain vahi vishesh sevaadhaari hain। agar yeh anubhav nahin to saadhaaran sevaadhaari hue, vishesh nahin। jise amritvele ka, sankalp ka, samay ka aur seva ka mahatva hai aise sarva mahatva ko jaanne vaale mahaan bante hain aur auron ko bhi mahatva batlaakar mahaan banaate hain।

slogan:- jeevan ki mahaanta satyata ki shakti hai jisse sarva aatmaayen svatah jhukti hain।