Murli du jour du lundi 27 février 2023

27-02-2023 praatahmurli om shanti "baapdaada"' madhuban

“meethe bachche - baap aaya hai behad srishti ki seva par, narka ko svarga banaana - yeh seva kalpa-kalpa baap hi karte hain''

prashn:- sangam ki kaun si rasam saare kalpa se nyaari hai?

uttar:- saare kalpa mein bachche baap ko namaste karte hain, lekin sangam par baap bachchon ko namaste karte hain। baap kehte hain main tum sikeeldhe bachchon ki seva par upasthit hua hoon to tum bachche bade thahre na। baap kalpa ke baad bachchon ke paas aate hain, saari srishti ke kichde ko saaph kar narka ko svarga banaane। baap jaisa niraakaari, nirhankaari aur koi ho nahin sakta। baap apne thake hue bachchon ke paanv dabaate hain।

om shanti। baap aane se hi pahle-pahle bachchon ko namaste kare ya bachche baap ko namaste karen? (bachche baap ko namaste karen) nahin, pahle baap ko namaste karna pade। sangamayug ki rasam-rivaaj hi sabse nyaari hai। baap khud kehte hain main tum sabka baap tumhaari service mein aakar upasthit hua hoon। to zaroor bachche bade thahre na। duniya mein to bachche baap ko namaste karte hain। yahaan baap namaste karte hain bachchon ko। gaaya bhi hua hai niraakaari, nirhankaari to woh bhi dikhlaana pade na। woh to sannyaasiyon ke charnon mein jhukte hain। charnon ko choomte hain। samajhte kuchh bhi nahin। baap aate hi hain bachchon se milne - kalpa ke baad। bahut sikeeldhe bachche hain, isliye kehte hain - meethe bachche thake ho। dropdi ke bhi paanv dabaaye hain na। to servant hua na। vande maatram kisne uchchaara hai? baap ne। bachche samajhte hain baap aaya hua hai saari srishti ki behad seva par। srishti par kitna kichda hai। yeh hai hi narka to baap ko aana padta hai, narka ko svarga banaane - bahut ukeer (pyaar-umang) se aate hain। jaante hain mujhe bachchon ki seva mein aana hai। kalpa-kalpa seva par upasthit hona hai। jab woh khud aate hain tab bachche samajhte hain baap hamaari seva mein upasthit hue hain। yahaan baithe sabhi ki seva ho jaati hai। aise nahin sabke paas jaata hoga। sarvavyaapi ka arth bhi nahin jaante। saari srishti ka kalyaankaari daata to ek hai na। unki bhent mein manushya koi seva kar na saken। unki hai behad ki seva।

geet:- jaag sajniyaan jaag…

om shanti। dekho kitna achha geet hai। nav yug aur puraana yug.... yugon par bhi samjhaana chaahiye। yug bhaaratvaasiyon ke liye hi hain। bhaaratvaasiyon se woh sunte hain ki satayug, treta hokar gaye hain kyonki woh to aate hain dvaapar mein। to auron se sunte hain praacheen khanda bhaarat tha, usmein devi-devtaayen raajya karte the। aadi sanaatan devi-devta dharma tha, abhi nahin hai। gaaya jaata hai brahma dvaara sthaapna, vishnu dvaara paalna karaate hain। karte nahin hain, karaate hain। to yeh hai unki mahima। vaastav mein unko pahle rachna rachni hai sookshm vatan ki kyonki creator hai। geeta ke liye to sab kehte hain sarva shaastramai shiromni shreemad bhagvat geeta। parantu bhagwan ka naam nahin jaante, kaun sa bhagwan? vyaas aadi shaastra banaane vaalon ne shreekrishna ka naam daal diya hai। geeta to devi-devta dharma ki maai baap hai। baaki sab baad mein aaye। to yeh hui praacheen। achha bhagwan ne geeta kab sunaai? zaroor sabhi dharma hone chaahiye। sabhi dharmon ke liye vaastav mein ek geeta hai mukhya। sab dharma vaalon ko maanna chaahiye। parantu maante kahaan hain। musalmaan, Christian aadi bade kattar hain। woh apne dharma shaastra ko hi maante hain। jab maaloom padta hai ki geeta praacheen hai tab mangaate hain। parantu yeh to jaante nahin ki bhagwan ne geeta kab sunaai? chinmayaanand kehte hain 3500 varsha before Christ, geeta ke bhagwan ne geeta sunaai। ab 3500 varsha pahle to yeh dharma the hi nahin। phir sabhi dharmon ka woh shaastra kaise ho sakta। is samay to sabhi dharma hain। sabhi dharmon ki geeta dvaara sadgati karne baap aaya hua hai। geeta baap ki uchchaari hui hai। usmein baap ke badle bachche ka naam daal mushkilaat kar di hai। isse siddha nahin hota ki shivraatri kab manaaye? shiv jayanti aur krishna jayanti lagbhag ho jaati। shiv jayanti samaapta hoti aur krishna ka janma ho jaata। kabhi bhi shreekrishna gyaan yagya nahin gaaya jaata। roodra gyaan yagya gaaya jaata hai, unse hi vinaash jvaala prajjavlit hui। so to barobar dekh rahe ho। aadi sanaatan devi-devta dharma ki phir se sthaapna ho rahi hai। phir aur dharma rahenge nahin। krishna bhi tab aaye jabki sabhi dharma na ho। yeh bhi samajh ki baat hai na। satayug mein sooryavanshi devi-devtaaon ka raajya tha to zaroor thode manushya honge। baaki sab aatmaayen muktidhaam mein rehti hain। bhagwan se to sabko milna hota hai na। baap ko salaam to karenge na। baap bhi phir se aakar salaam karte hain bachchon ko। bachche phir baap ko karte hain। is samay baap chaitanya mein aaya hua hai। phir vahaan sabhi aatmaayen baap se milegi zaroor। sabko bhagwan se milna zaroor hai। kahaan mile? yahaan to mil na saken kyonki koton mein koi, koi mein bhi koi hi aayenge। to sab bhakta kab aur kahaan milenge? jahaan se bhagwan se bichhude hain, vahaan hi jaakar milenge। bhagwan ka nivaas sthaan hai hi paramdham। baap kehte hain main sabhi bachchon ko paramdham le jaata hoon - duhkh se liberate kar। yeh kaam unka hi hai। abhi to dekho anek bhaashaayen hain। agar sanskrit bhaasha shuru karen to itne yeh sab kaise samjhen। aajkal geeta sanskrit mein kantha kara dete hain। bahut achhi geeta gaate hain sanskrit mein। ab ahilyaayen, kubjaayen, ablaayen... sanskrit kahaan jaanti। hindi bhaasha to common hai। hindi ka prachaar jaasti hai। bhagwan bhi hindi mein suna rahe hain। woh to geeta ke adhyaay batlaate hain, inke adhyaay kaise bana sakenge। yeh to shuru se lekar murli chalti rehti hai। baap ko aana hi hai patit srishti ko paavan banaane। heavenly god father to zaroor svarga hi create karega। narka thode hi rachega, narka ki sthaapna raavan karte hain। svarga ki sthaapna baap karte, unka right naam shiv hi hai। shiv arthaat bindi। aatma hi bindi hai na। star kya hai? kitna chhota hai? aise thode hi aatmaayen oopar jaayengi to badi ho jaayengi। yeh to bhrakuti ke beech mein nishaani dikhaate hain। kehte bhi hain bhrakuti ke beech mein chamakta hai ajab sitaara। to zaroor bhrakuti mein itni chhoti aatma hi rah sakegi। to jaise aatma hai vaise paramatma। parantu wonder yeh hai jo har ek itni chhoti aatma mein sabhi janmon ka part bhara hua hai। jo kabhi ghista nahin hai, for ever chalta rahega। kitni guhya baaten hain। aage kab yeh baaten sunaai thi kya? aage to kehte the ling roop hai, angushthaakaar hai। pahle hi agar yeh baaten sunaate to tum samajh nahin sakte। abhi buddhi mein baithta hai। star to sab kahenge। saakshaatkaar bhi star ka hota hai। tumko saakshaatkaar kis cheez ka chaahiye? nai duniya ka। nai duniya svarga rachte hain baap। vahi sabko bhej denge। khud ek hi baar aate hain। ab manushya maangate hain shanti kyonki sabhi shanti mein hi jaane vaale hain। kehte hain sukh kaag vishta samaan hai। geeta mein to hai raajayog.... jisse raajaaon ka raaja bante hain। jo kehte hain sukh kaag vishta samaan hai to unko raajaai kaise mile। yeh to pravritti maarga ki baat hai। sannyaasi to geeta ko bhi utha na sake। baap kehte hain sannyaas do prakaar ke hain। yoon to sannyaasiyon mein bhi bahut prakaar ke hain। yahaan to ek hi prakaar ka sannyaas hai। tum bachche puraani duniya ka sannyaas karte ho। grihastha vyavhaar mein rehte, kamal phool samaan rehna hai। kaise rehte hain, so inhon se poochho। bahut hain jo aise rehte hain। sannyaasiyon ka yeh kaam nahin hai। nahin to khud kyon gharbaar chhodte। charity begins at hom। pahle-pahle to stri ko sikhlaayen। shivbaaba bhi kehte hain pahle-pahle main apni stri (saakaar brahma) ko samjhaata hoon na। charity begins at hom। shivbaaba ka yeh chaitanya hom hai। pahle-pahle yeh stri seekhti phir unse adopted children nambarvaar seekh rahe hain। yeh badi guhya baaten hain। sabhi shaastron mein mukhya shaastra hai geeta। parantu geeta shaastra se koi prerna nahin karte hain। woh to yahaan aate hain, yaadgaar bhi hain। shiv ke anek mandir hain। khud kehte hain main saadhaaran brahma tan mein aata hoon। yeh apne janmon ko nahin jaante। ek ki baat to hai nahin। sabhi brahma mukh vanshaavli baithe hain। sirf is ek ko hi baap samjhaaye, parantu nahin। brahma mukh dvaara tum brahman rache gaye so to braahmanon ko hi samjhaate hain। yagya hamesha braahmanon dvaara hi chalta hai। un geeta sunaane vaalon ke paas brahman hain nahin, isliye woh yagya bhi nahin thahra। yeh to bada bhaari yagya hai। behad ke baap ka behad ka yagya hai। kab se degiyaan chadhti aai hain। abhi tak bhandaara chalta hi rehta hai। samaapta kab hoga? jab saari raajdhaani sthaapan ho jaayegi। baap kehte hain tumko vaapis le jaayenge। phir nambarvaar part bajaane bhej denge। aise aur to koi kah na sake ki ham tumhaara panda hoon, tumko le jaaoonga। jo bhi patit manushya hain, sabko paavan banaakar le jaate hain। phir apne-apne dharma sthaapan karne samay paavan aatmaayen aana shuru karti hain। anek dharma abhi hain। baaki ek dharma nahin hai, phir aadhaakalpa koi shaastra nahin rehta। to geeta sab dharmo ki, sab shaastron ki shiromni hai kyonki isse hi sabki gati sadgati hoti hai। to samjhaana chaahiye - sadgati hai bhaaratvaasiyon ki, baaki gati to sabki hoti hai। bhaaratvaasiyon mein bhi gyaan woh lete hain jo pahle-pahle paramatma se alag hue hain, vahi pahle gyaan lenge। vahi phir pahle-pahle jaana shuru karenge। number-vaar phir sabko aana hai। sato rajo tamo se to sabko paar karna hai। abhi kalpa ki aayu poori hui hai। sabhi aatmaayen haajir hain। baap bhi aa gaya hai। harek ko apna part bajaana hai। naatak mein sabhi actors ikatthe to nahin aate, apne-apne time par aate hain। baap ne samjhaaya hai nambarvaar kaise aate hain। varnon ka raaz bhi samjhaaya hai। choti to braahmanon ki hai। parantu braahmanon ko bhi rachne vaala kaun hai? shoodra to nahin rachenge। choti ke oopar phir braahmanon ka baap brahma। brahma ka baap phir hai shivbaaba। to tum ho shiv vanshi brahma mukh vanshaavli। tum brahman phir so devta banenge। varnon ka hisaab samjhaana hai। bachchon ko raay bhi di jaati hai। yeh to jaante hain sab ek jaise hoshiyaar to nahin hain। koi naye ke aage vidvaan pandit aadi debate karenge to woh samjha nahin sakenge। to kah dena chaahiye ki main nai hoon। aap phalaane time par aana phir hamaare se bade aapko aakar samjhaayenge, mere se teekhe aur hain। class mein nambarvaar hote hain na। deh-abhimaan mein nahin aana chaahiye। nahin to aabru (ijjat) chali jaati hai। kehte hain bi.ke. to poora samjha nahin sakte, isliye deh-abhimaan chhod refer karna chaahiye aur taraph। baba bhi kehte hain na ham oopar se poochhenge। pandit log to bada maatha kharaab karenge। to unko kehna chaahiye - main seekh rahi hoon, maaph kariye। aap kal aana to hamaare bade bhaai-bahinen aapko samjhaayenge। mahaarthi, ghodesvaar, pyaade to hain na। kinhon ki sher par savaari bhi hai। sher sabse teekha hota hai। jangal mein akela rehta hai। haathi hamesha jhunda mein rehta hai। akela hoga to koi maar bhi de। sher teekha hota hai। shaktiyon ki bhi sher par savaari hai।

tumhaari mission bhi baahar nikalni hai। parantu baba dekhte hain paan ka beeda uthaane vaala kaun hai? praacheen devta dharma kisne sthaapan kiya - woh siddha kar bataana hai। bahut to god goddess bhi kehte hain। woh samajhte hain god-goddess alag hain, eeshvar alag hai। lakshmi-naaraayan ko bhagwan bhagavti kehte hain। parantu law ke viruddha hai। woh to hain devi-devtaayen। agar lakshmi-naaraayan ko bhagwan bhagavti kehte to brahma vishnu shankar ko pahle bhagwan kehna pade। samajh bhi chaahiye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-abhimaan chhod apne se badon ko aage karna hai। baap samaan nirhankaari banna hai।

2) charity begins at hom... pahle apne grihastha vyavhaar ko kamal phool samaan banaana hai। ghar mein rehte hue buddhi se puraani duniya ka sannyaas karna hai।

vardaan:- sambandh mein santushtata roopi svachchhata ko dhaaran kar sada halke aur khush rahne vaale sachche purushaarthi bhav

saare din mein variety aatmaon se sambandh hota hai। usmein check karo ki saare din mein svayan ki santushtata aur sambandh mein aane vaali doosri aatmaon ki santushtata ki percentage kitni rahi? santushtata ki nishaani svayan bhi man se halke aur khush rahenge aur doosre bhi khush rahenge। sambandh ki svachchhata arthaat santushtata yahi sambandh ki sachchaai aur saphaai hai, isliye kehte hain sach to bitho nach। sachcha purushaarthi khushi mein sada naachta rahega।

slogan:- jinhen kisi bhi baat ka gam nahin, vahi begampur ke bephikra baadshaah hain।