Murli du jour du samedi 4 mars 2023

04-03-2023 praatahmurli om shanti "baapdaada"' madhuban

“meethe bachche - tum roohaani yaatra par ho tumhein deh ka bhaan aur puraani duniya ko bhool vaapas ghar chalna hai, ek baap ki yaad mein rehna hai''

prashn:- saakshi ho kaun si baat har ek ko apne aap se poochhni hai?

uttar:- jaise baap saakshi ho har ek bachche ki avastha dekhte hain ki inki avastha kaisi hai? baap ko paakar ateendriy sukh ka anubhav karte hain ya nahin? aise apne se poochhna hai ki ham apne aapko kitna saubhaagyashaali samajhte hain? kitni khushi rehti hai? baap se poora varsa liya hai? vaaris banaaye hain? yogbal se paapon ko bhasma kar punya aatma bane hain?

geet:- raat ke raahi thak mat jaana…

om shanti। yeh bachchon ko samjhaaya hua hai jaise aatma shant swaroop hai vaise parampita paramatma bhi shant swaroop hain। om ka arth bhi samjhaaya hua hai ki om arthaat aham aatma, mam maaya। sannyaasi log kehte hain aham brahmasmi। woh brahm ko eeshvar samajhte hain। rachna ko maaya kah dete hain। aham brahmasmi ka yeh arth karte hain। parantu hai sab wrong। manushya jo kuchh karte hain sab manushyon ki suni-sunaai par। jisne jo kuchh samjhaaya, jo rasam chalaai, us par chal padte hain। uska naam ho jaata hai। yeh bhi drama mein noondh hai। ab baap kehte hain he raahi ...., kahaan ke raahi? paramdham ke raahi। yeh ho gai roohaani yaatra roohon ke liye। aatmaon ke vaapis jaane liye yaatra hai। guide to zaroor chaahiye। vilaayat se aate hain to unko bhi guide milta hai, mukhya-mukhya sab sthaan dikhaane liye। parampita paramatma ko bhi guide kaha jaata hai, pandon ko bhi guide kaha jaata hai। to baap kehte hain - bachche, ab main aaya hoon tum bachchon ko vaapis le jaane। kitni first-class yaatra hai। jiske liye bhakta log aadhaakalpa se bhakti karte aaye hain। kehte hain - aao, hamko apne paramdham mein le chalo। woh jismaani yaatraayen hain anek prakaar ki। kitne jismaani pande hain! roohaani panda ek hi hai। unhonne phir paandav sena, shakti sena dikhaai hai। ladaai ki to koi baat nahin hai। baap baith samjhaate hain - he meethe bachche। pahle to yeh nishchay hona chaahiye ki barobar woh baap hai। tumhaara buddhiyog baap ke paas jaana chaahiye। baba aaya hua hai hamko vaapis le jaane liye। yahaan yeh hai duhkhadhaam, patit duniya narka। hell naam to hai na। gaate bhi hain left for heavenly abode.. zaroor koi nai cheez hai। manushya jaante nahin sirf kah dete hain। rasam-rivaaz jo chali aai hai so kah dete hain, phalaana jyoti jyot samaaya arthaat aatma paramatma ban gai। yeh nahin jaante ki drama hai। aatma immortal hai। us avinaashi aatma mein 84 janmon ka part bhara hua hai। param aatma mein bhi part bhara hua hai। isko kaha jaata hai drama ki kudrat। paramatma se bhi tum paartadhaariyon ka to aur hi jaasti part hai। woh to hai creator, director। tum jo devi-devta bante ho unka sabse jaasti part hai। aadi se ant tak tumhaara part hai। satayug treta mein to baap ka part hai nahin। vahaan baba ko kuchh bhi karna nahin padta। is samay main bahut service karta hoon। tum bachchon ko bhi aur bhakton ko bhi raazi karna padta hai। bhakton ko saakshaatkaar hota hai to woh samajhte hain bas hamne eeshvar ko paaya। bhakton ka naam kitna hai! woh hai bhakta maala aur yeh hai roodra maala। gyaan maala mein bhakti nahin hai। woh to gyaan saagar se gyaan dhaaran kar bhakton ka bhi uddhaar karte hain। unhon ki hi phir roodra maala banti hai।

ab tum bachche samajhte ho ham roohaani yaatra par hain। grihastha vyavhaar mein rehte yaad badhaani hai। woh hai bahut sweet cheez। baap rachta bhi hai, bachchon ko create karte hain। brahma mukh vanshaavli banaaya hai। sab kehte hain ham shivbaaba ke bachche hain phir direction mukhya dete hain ki manamnaabhav। main aaya hua hoon tumko padhaane। hoobhu 5 hajaar varsha pahle mainne yeh raajayog sikhaaya tha। main niraakaar aatmaon se baat karta hoon। tum apne organs ka aadhaar lete ho। main inke organs ka aadhaar leta hoon। ab tumko vaapis jaana hai isliye puraani duniya ko bhoolna hai, isko hi sannyaas kaha jaata hai। pahle-pahle to nishchay karna hai - main aatma hoon, deh nahin। is deh ka bhaan bhool jaana hai। puraani duniya ko chhodna hai। ab main vaapas lene aaya hoon to meri shreemat par chalo। deh sahit deh ke sabhi sambandh aadi bhool jaao। ek baap ko yaad karna hai। mehnat bigar koi baadshaahi thode hi milegi। vishwa ka maalik banna hai। jo knowledge mere mein hai woh ab tumhaare mein bhi aa gai। tumko sankshep mein aur detail mein bhi samjhaaya jaata hai। beej se itna saara jhaad nikalta hai। phir jhaad ki detail mein jaayenge to bahut vistaar hai। baap kehte hain ab is puraane jhaad ko bhoolo। ab sirf mujhe yaad karte raho। bhagvaanuvaach - main tumko raajayog aur rachna ki knowledge deta hoon। yeh rachna kaise rachta hoon, kaise vriddhi ko paati hai। yeh hai drama ko samajhna। so to manushya hi jaanenge। bhagwan padhaayenge bhi manushyon ko। mukhya hai geeta। geeta ka naam hai। geeta mein hai bhagvaanuvaach। aise nahin vyaas bhagvaanuvaach... kehte hain shreekrishna bhagwan ne geeta sunaai, vyaas ne likhi। woh to peechhe likhi gai hai na। is samay likhen woh to vinaash ho jaayegi। tum yeh sabhi karke do chaar hajaar banaayenge। woh geetaayen to laakhon karodon ki andaaj mein hain। phir bhi yahi puraane shaastra nikalte hain jisse phir copy karte hain, jo us geeta mein akshar by akshar hai vahi niklega। drama mein vahi noondh hai। jis samay shaastra likhen hain usi samay likhenge bhi zaroor। lakshmi-naaraayan bhi vahi ban rahe hain। vahi unke mahal aadi banenge।

is samay baba ne is kalpa vriksha ka aur drama ka gyaan diya hai। kehte hain tum ab mile ho, kalpa-kalpa milte rahenge। bhagvaanuvaach bhi likha hua hai। main tumko raajayog sikhaata hoon। bhagwan nai srishti rachte hain zaroor unko raaja banaayenge। dvaapar ka to nahin banaayenge na। kehte hain kalpa-kalpa main sangam par hi aata hoon। guide to ant tak saath hoga। woh guru log to mar jaate hain phir unhon ki gaddi chalti hai। baap kehte hain mujhe to tum sabko vaapis le jaana hai। main apne poore samay par aata hoon। yeh baaten aur koi samjha nahin sakte hain। manamnaabhav ka akshar geeta mein bhi aadi aur ant mein hai। yahi kehte hain ki mujhe yaad karo। main tumko vishwa ka maalik in lakshmi-naaraayan jaisa banaaoonga। raajaaon ka raaja banaaoonga। usi sooryavanshi chandravanshi gharaane mein tum punarjanma lenge। abhi tum kaliyug mein ho, kaliyug se tumko satayug mein le ja raha hoon।

main kalpa-kalpa aakar sthaapna karta hoon। is samay hi aaoonga। ham bhi drama ke vash hain। saakshi ho har ek ki avastha ko dekhte hain ki inki avastha kaisi hai? behad ke baap ko paakar ateendriy sukh ko paate hain ki nahin? har ek apni dil se poochhe - ham apne ko kitna saubhaagyashaali samajhte hain? baap ke bachche bane hain to baap se poora varsa liya hai? aise bhi nahin baba sabko lakshmi-naaraayan banaayenge। yeh padhaai hai, jitna jo purushaartha kare। school mein padha jaata hai to em object rehti hai na। tum jaante ho humein 5 hajaar varsha pahle muaaphik hoobhu baap aakar raajayog sikhla rahe hain। bhagvaanuvaach - main tumko patit manushya se paavan devta banaata hoon। god padhaate hain to zaroor god-goddess banaayenge na। jaise barrister, barrister banaate hain। bhakti maarga mein bhagavti-bhagwan kehte hain parantu hain devi-devtaayen। aadi sanaatan devi-devta dharma kaha jaata hai।

tum jaante ho kaise baap aakar hamko padhaate hain। mukhya em object bhi buddhi mein hai। chakra to buddhi mein phiraana hi hai। grihastha vyavhaar mein rehte pavitra rehna hai। pavitra nahin banenge to pavitra duniya ke maalik kaise banenge? yeh drama ka raaz aur koi samajh nahin sakte। yeh chitra aadi bhi baap ne banvaaye hain। baba thode hi artist tha। yeh cheez aur koi banva nahin sakta hai। yeh maps hain। yeh jhaad hai, beej oopar hai। kalpa vriksha ke neeche jagdamba baithi hai, jo sabhi ke sukh ki kaamna poori karti hai। satayug mein duhkh ka naam nahin hota। tum kahenge ham nai duniya ke maalik ban rahe hain। manushya se devta kiye karat na laagi vaar.. sikkha log unki mahima karte hain। devi-devta hi svarga ke maalik the। woh ab aur dharmo mein convert ho gaye hain phir nikalte aayenge। ham bhi aage hindu dharma likhte the। abhi ham kehte hain brahman dharma ke hain। bhale ham brahman dharma likhte hain parantu woh phir bhi hindu samajh lete hain kyonki unke paas brahman dharma ka column koi hai hi nahin। ham devi-devta kahenge to bhi badli kar hindu likh denge kyonki brahman athva devi-devta dharma ka naam hi gum hai। abhi tum bachche jaante ho ham so devi-devta banne ke liye purushaartha kar rahe hain। vahaan yatha raaja-raani tatha praja sabhi ki in lakshmi-naaraayan jaisi dress rehti hai। peetaambar - yeh hai satayugi sooryavanshi ki dress। treta mein raamraajya mein phir doosri dress hoti hai। rasam-rivaaj alag hoti hai। shreekrishna ko hamesha peetaambardhaari kehte hain।

to ab yeh nishchay karna hai ki baap hamko svarga ka varsa dete hain। yeh mrityulok khatma hona hai। jab tum nirantar baap ko yaad karte rahenge tab sampoorn nirvikaari banenge। usi yogbal se paap katte jaayenge, punya aatma ho jaayenge। tum baap ke paas surrender hote ho, punya karte ho। phir yaad se aatma pavitra banti jaati hai। koi ko bhi samjhaana hai bahut sahaj। bhagvaanuvaach kab suna hai? svarga ki sthaapna karne vaala vahi father hai। baap aur varse ko yaad karna hai। mahaaraaja banne chaahte ho to bataao tumne kitni praja banaai hai? aise bahut likhte hain ki phalaane ne hamko drishti di, teer lag gaya। praja banaane aur vaaris banaane ki mehnat karni pade। praja to bahut sahaj ban jaati hai phir gaddi par kaun baithenge? woh bhi mehnat kar banaana hai। maayaajeet, jagatjeet banna hai। maaya se haare haar hai। baap se shakti leni hai। yeh mehnat tum bachchon ko karni hai। koi bhi baat mein moonjhate ho to poochhte raho। baap padhaate hain to ismen koi sanshay nahin aana chaahiye na। anek prakaar ke sankalpon ke toofaan to aayenge। buddhiyog todne ki koshish karenge। toofaan lagenge, maaya khoob hairaan karegi। phir kahenge yeh to maatha hi kharaab ho pada hai। jo beemaari aadi kabhi hui nahin so ab hoti rehti hai। vighna bahut aayenge, ismen kamjor nahin banna hai। achha!

baapdaada meethi-meethi mama ka sikeeldhe bachchon prati yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ne jo first class yaatra sikhlaai hai, us roohaani yaatra par rehna hai। shreemat par deh sahit sab kuchh bhoolna hai।

2) kabhi bhi maaya ke toofaanon mein kamjor va sanshay buddhi nahin banna hai। kisi bhi baat mein moonjhana nahin hai।

vardaan:- sada bharpoorta ki anubhooti dvaara tedhe raaste ko seedha banaane vaale shakti avtaar bhav

sada shakti ke, gunon ke, gyaan ke, khushi ke khajaane se bharpoor raho to bharpoota ke nashe se tedha raasta bhi seedha ho jaayega। agar khaali honge to khadda ban jaayega aur khadde mein girne se moch aayegi। jo kamjor aur khaali hote hain unhein sankalpon ki moch aati hai। shakti avtaar arthaat tedhe ko seedha karne ka contract lene vaale। aisa contract lene vaale kabhi yeh nahin kah sakte ki raasta tedha hai। agar koi girte hain to attention ki kami hai ya buddhi bharpoor nahin hai।

slogan:- roohaab ko dhaaran karne vaale hi roohaani gulaab hain।