Murli du jour du lundi 27 mars 2023

27-03-2023 praatahmurli om shanti "baapdaada"' madhuban

“meethe bachche - baap samaan nidar bano, apni avastha saakshi rakh sada harshit raho, yaad mein rahne se hi ant mati so gati hogi''

prashn:- khushanseeb bachche sada fresh aur harshit rahne ke liye kaun si vidhi apnaate hain?

uttar:- din mein do baari gyaan snaan karne ki। bade aadmi fresh rahne ke liye do baar snaan karte hain। tum bachchon ko bhi gyaan snaan do baari karna chaahiye। isse bahut faayde hain -1. sada harshit rahenge, 2. khushanseeb, takdeervaan ban jaayenge, 3. kisi bhi prakaar ka sanshay nikal jaayega, 4. maayaavi logon ke sang se bach jaayenge, 5. baap aur teacher khush honge, 6. gul-gul (phool) ban jaayenge। apaar khushi mein rahenge।

geet:- jaag sajniya jaag…

om shanti। shivbaaba bachchon ko baith samjhaate hain brahma mukh se। yeh hai gaoomukh। bail mukh nandeegan hai na। geet bhi suna। saajan kehte hain sajniyon ko, ab sajniyaan sirf female to nahin, yeh males bhi sajniyaan hain। jo bhi bhakti karte hain, bhagwan ko yaad karte hain to ho gayi sajniyaan। saajan to ek hai। saadhu bhi saadhna karte hain bhagwan se milne liye। to woh bhi sajniyaan thahre। woh ek bhagwan kaun? ek to kaha jaayega god father ko। jaise var raaja ko aana padta hai vanni (stri) ko le jaane ke liye। yeh sab hain vanniyaan। saajan ko yaad karti hain to zaroor aana padega। ek ke liye to nahin, sabke liye aana padega aur sabhi sajniyaan duhkhi hain। koi na koi rog, beemaari aadi hogi zaroor। to yeh ho gaya narka। svarga mein hai sukh, narka mein hai duhkh। is samay ham sab hain narkavaasi sajniyaan arthaat sab maaya raavan ki kaid mein hain। behad ka baap behad ki baaten hi samjhaayenge। saari duniya kaid mein hai, isko duhkhadhaam kaha jaata hai। dhaam arthaat rahne ki jagah। kaliyug mein hai duhkh। satayug mein hai sukh। daivi sampradaay, aasuri sampradaay - yeh hai geeta ke bhagwan shiv ke mahaavaakya। woh khud kehte hain - sajniyaan, ab navayug aaya। yeh puraani duniya hai। saajan kehte hain ab jaago। ab naya yug, satayug aata hai। geeta se svarga sthaapan kiya tha। geeta bhaarat ke devi-devta dharma ka shaastra hai, jo devta dharma ab praayahlop ho gaya hai। praayah arthaat baaki aate mein namak jaakar raha hai। chitra hain lekin apne ko koi bhi devta nahin maante। yeh bhool gaye hain ki satayug mein devi-devta dharma tha, jisko hi svarga kaha jaata hai। jab lakshmi-naaraayan ka raajya hoga tab woh aise nahin kahenge ki ab svarga hai। phir to yeh bhi samjhen ki narka hona hai। yeh sab raaz ham abhi jaante hain। paanch hajaar varsha pahle svarga tha, ab narka hai। devi-devta dharma ki taang tooti hui hai। yeh baaten aur koi geeta sunaane vaala bata na sake। sarva shaastramai shiromni geeta hai। geeta ka bhagwan hi geeta dvaara bhaarat ko svarga banaate hain। phir aadhaakalpa vahaan geeta ki darkaar nahin। vahaan to praalabdha hai। baba khud kehte hain yeh gyaan praayahlop ho jaata hai। abhi lop hai na। ham roz nai-nai baaten sunte hain। woh to 18 adhyaay sunte aaye hain। usko naya kaun kahenge? poore 18 adhyaay likh diye hain। yahaan to ham padhte rehte hain। yog lagaate rehte hain। ismen bhi time lagta hai।

gyaan aur yog donon bhaai-behen hain। baba kehte hain dhyaan se gyaan shreshtha hai kyonki usse hi tum jeevanmukti pa sakenge। aisa koi kah na sake ki hamko saakshaatkaar ho to purushaartha karen। saamne shreekrishna ka chitra dekh rahe hain aise prince-princess banenge, phir jo chaahe so bano। prince-princess bante hain yeh to maanna chaahiye na। ab navayug aa raha hai। jahaan jeet, vahaan jaakar prinsapne ka janma lenge। ratnajdit murli bhi hogi - yeh nishaani hai। shreekrishna ko bhi murli dikhaate hain kyonki shahzaada hai na। baaki vahaan gyaan ki koi baat nahin। gyaan ka saagar to ek shivbaaba hai। woh baba kehte hain bachche vinaash saamne khada hai। pichhaadi mein mantra dene vaala koi nahin rahega। ant mati so gati gaai hui hai na। ant mein meri yaad rakhenge to gati mil jaayegi। tum aajkal karte aaye ho। do chaar itphaak dikhaaoonga ki kaise achaanak manushya marte hain। us samay mantra to yaad kar nahin sakenge। samjho achaanak chhat gir padti hai, us samay yaad kar sakenge? dharti hilegi, us samay to haay-haay karne mein lag jaayenge। bahut samay se practice hogi to phir us samay avastha hilegi nahin। saakshi ho, harshitmukh baithe rahenge। manushya to thoda aavaaj se darke maare bhaag jaayenge। tum kabhi bhaagenge nahin। darne ki baat nahin। jaise baba nidar hai bachchon ko bhi nidar banna hai।

baba kehte - bachche, ab navayug aa raha hai। ab apne ko insure kar do। saare bhaarat ko tum insure karte ho। baap se taakat lekar bhaarat ko tum insure kar rahe ho। bhaarat heere jaisa ban jaayega। phir usmein bhi jitna jo life ko insure karega। tan-man-dhan sab insure ho jaata hai। baba kehte hain yeh gyaan pratyakshaphal dene vaala hai। jaise sudaame ka misaal hai jhat mahal dekhe। to pratyakshaphal hua na। prince-princess ka bhi saakshaatkaar karte hain। phir prince-princess to satayug mein bhi hain, treta mein bhi hain। yeh thode hi samajh sakenge ki ham kahaan ke prince banenge। sab sooryavanshi to nahin ban sakenge। yeh sab hai saakshaatkaar। baaki aatma koi nikalkar jaati nahin hai। yeh saakshaatkaar ki drama mein noondh hai। soul ko bulaate hain to aise thode hi aatma koi shareer se nikal jaati hai। phir to woh shareer rah na sake। yeh sab saakshaatkaar hain। baba bhinna-bhinna roop se saakshaatkaar karaate hain। noondh hai tab soul aati hai, yeh drama ka raaz samajhna hai। nai baaten hain na। to class mein bhi regular aana pade। tumko maaloom hai - bahut achhe-achhe aadmi do baari snaan karte hain fresh rahne ke liye। yeh bhi gyaan snaan do baari karne se fresh honge। do baari gyaan snaan karne se bahut-bahut faayda hai। nahin to muphta mein apni baadshaahi ganva denge। baba register se bhi jaanch karte hain। poora khushanseeb takdeervaan kaun hain? are behad ke baap se athaah dhan lene jaate hain, svarga ka maalik bante hain। agar itna nishchay nahin to oonch pad bhi pa nahin sakenge। do baari snaan karne se tum bahut-bahut harshit rahenge। baba kehte hain main guide ban tum bachchon ko le chalne aaya hoon। kitna ghumaata hoon! vo log aeroplane se oopar mein jaate hain, kitni unhon ki mahima hoti hai। vaastav mein mahima to tumhaari honi chaahiye। tum vaikuntha mein jaakar ghoom phir aate ho। most wonderful cheez hai! baba kehte hain main sabse door rahne vaala aaya hoon desh paraaye। phir ismen sarvavyaapi ki to baat hi nahin। tum paigambar ho, paigaam dene vaale ho na। main bhej deta hoon। yeh bhi drama mein noondh hai। drama anusaar har ek ko apna part bajaane aana padta hai। phir main bhi aaya hoon, aakar padhaata hoon। yeh to geeta paathshaala hai। un satsangon mein to tum janma-janmaantar jaate rehte ho। ek kaan se suna, doosre se nikla। em object kuchh nahin। abhi to andar mein khushi ki taaliyaan bajti rehti hain। student life mein jo achha padhte hain unko to khushi rehti hai na। bachche ke sambandh ki bhi khushi hogi। teacher ko bhi khushi hogi। yeh bhi maa baap hai, teacher hai to khushi hoti hai। bachchon ka farja hai padhna। ab baap sammukh aaya hua hai to ek baap se hi suno। tum aadhaakalpa bahut bhatke ho। ab bhatakna banda karo, parantu woh bhi tab hoga jab poora nishchay ho।

manushya kehte hain ki kaliyug mein itne varsha pade hain। tum jab unko bataayenge to woh kahenge yeh sab kalpana hai। jaadu hai। bas ablaayen vahaan hi baith jaayengi। baba apni taraph kheenchate, maayaavi purush phir apni taraph kheenchate। beech mein latakte rehte hain। baba samjhaate hain - bachche, jab tak do baari gyaan snaan nahin kiya hai tab tak kuchh faayda nahin hoga। are koi samay murli mein aisi points nikalti hain jisse aisa teer lag jaayega jo tumhaara sanshay mit jaayega, aur koi bhi satsang mein jaane ke liye kabhi mana nahin karte। yahaan ke liye mana karte hain kyonki yahaan pavitra banne ki mukhya baat hai। stri-pati donon ko pavitra banna hai। yahaan to stri pati ke pichhaadi sati banti hai ki pati-lok mein jaayen। pati narka mein hai to stri bhi narka mein aa jaati hai। ab tum donon svarga mein jaane ke liye purushaartha karo। ablaaon par kitne atyaachaar hote hain! bachchiyaan kahen ham shaadi nahin karengi, woh kahe shaadi zaroor karni hai। baba kehte - bachchiyaan, is antim janma mein shaadi karne se moh ki jaal badhti jaayegi। pati mein moh, phir bachchon mein moh। piyarghar, sasurghar mein moh.. aaj bachcha janma party denge, kal bachcha mar gaya to haaydosh macha denge। satayug mein to tum bahut khush rahenge।

baba samjhaate hain - bachche, ghar-ghar ko svarga banaao। chitra rakh do। jo bhi aaye, bolo svarga ke maalik banenge? aao, ham samjhaayen। baba bahut achhe-achhe slogans bataate hain। do baari snaan karne se tum bahut gul-gul ban jaayenge। apaar khushi rahegi। kaha jaata hai eeshvar ki mahima aparmaapaar hai। to tumhaare khushi ki mahima bhi aparmaapaar ho jaayegi। geeta ki mahima bhi aparmaapaar hai। tum kahenge geeta se ham svarga ka maalik ban rahe hain।

ek paramatma ke sivaae koi aise kahenge nahin ki jaag sajniyaan jaag, ab satayug aa raha hai..। main shama tumhaari jyot jagaane aaya hoon। yeh daada bhi abhi purushaarthi hai। baba tumhein naye yug ke liye nai kahaani sunaate hain। kitna achha geet hai! yeh raasta hi naya hai। woh log kehte shaastron se hi bhagwan ka raasta milega phir kah dete sab eeshvar hi eeshvar hain, uski hi mahima hai। ham to duniya mein aaye hain khushi manaane, kuchh bhi khaao-piyo-mauj karo, aatma par lep-chhep nahin lagta। apni gandi trishnaayen poori karne ke liye aatma nirlep kah dete hain। aise ke sang mein kabhi phansana mat। tum ho hans। baba kehte tumko bilkul pure banna hai। vikaar mein jaana to criminal assault hai। bhal meri baat abhi nahin maano, abhi svachchha nahin banenge, madadgaar nahin banenge to dharmaraaj dvaara bahut sazaayen khaani padengi। yaad rakh lena, bhagwan ne naya sansaar dikhaaya hai, tum naye sansaar ke maalik banne aaye ho to apni dil se poochho - ham sautele hain ya maatele? shivbaaba hai daada, brahma hai baba, ham hain potre potriyaan। yeh eeshvareey kutumba hai। daada yaad nahin padega to varsa kaise lenge? isliye daade ko zaroor yaad karna hai। baap ke sivaae daada kaise hoga? daada hai, tum potre ho। beech mein baap zaroor hai। potron ka hak hai daade par isliye kehte hain tum daade se property le hi lena। khushi ki baat hai na।

ham shiv bhagwan ki geeta se bhaarat ki takdeer heere jaisi bana rahe hain। ek geeta hi heere jaisa banaati hai। baaki sab kaudi tulya bana dete hain। bhaarat ki takdeer ko ekdam lakeer lag gai hai। ab phir baap bhaarat ki takdeer jagaate hain। manushya geeta ka chhota locket banaakar bhi pahante hain। parantu uske mahatva ko koi nahin jaante। yahaan kaayde bhi bade kade hain। pavitra brahman zaroor banna pade। thagi se mama-baba nahin kehna hai। sachcha banenge tab hi nasha chadhega। half caste ko nasha nahin chadhega। bhagwan bhaarat ke peechhe deevaana bana hai ki ham bhaarat ko phir heere jaisa banaaoonga to bhaarat par aashik hua hai na। bhaarat ko phir se oonch banaate hain। aashik maashook ke pichhaadi deevaana hota hai na। to bhaaratvaasiyon ke peechhe kitna deevaana hai! kitna door se bhaagte hain aur phir kitna bada nirhankaari hai! achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) behad ke baap se athaah gyaan dhan lene ke liye do baari gyaan snaan karna hai। padhaai mein regular zaroor banna hai।

2) full caste sachcha pavitra brahman banna hai। baap ka madadgaar banna hai। gandi trishna rakhne vaalon ke sang mein kabhi nahin phansana hai।

vardaan:- tan man aur dil ki svachchhata dvaara saaheb ko raazi karne vaale sachche holeehans bhav

svachchhata arthaat man-vachan-karma, sambandh sabmen pavitrata। pavitrata ki nishaani saphed rang dikhaate hain। aap holeehans bhi saphed vastradhaari, saaph dil arthaat svachchhata swaroop ho। tan, man aur dil se sada bedaag arthaat svachchha ho। saaph man va saaph dil par saaheb raazi hota hai। unki sarva muraaden arthaat kaamnaayen poori hoti hain। hans ki visheshta svachchhata hai isliye brahman aatmaon ko holeehans kaha jaata hai।

slogan:- jo is samay sab kuchh sahan karte hain vahi shahanshaah bante hain।