Murli du jour du jeudi 20 avril 2023

20-04-2023 praatahmurli om shanti "baapdaada"' madhuban

“meethe bachche - baap tumhein yeh padhaai jo padha rahe hain, yahi unki kripa hai, tum takdeer jagaakar aaye ho bhavishya nai duniya mein devi-devta banne''

prashn:- bachchon ne baap ke sammukh kaun-si pratigya ki hai?

uttar:- tumne pratigya ki hai - baba aap aaye ho bhaarat ko svarga banaane, ham aapki shreemat par chal bhaarat ko svarga banaane mein aapke madadgaar banenge। pavitra ban bhaarat ko pavitra banaayenge।

geet:- takdeer jagaakar aai hoon…

om shanti। bachchon ne geet ki line suni। yeh school athva university hai, kaun si? god fatherly university। god father padhaate hain, bhagvaanuvaach। god father kaha jaata hai behad ke baap ko। laukik father ko god nahin kahenge। ek god ko hi sab manushya maatra god father kehte hain। woh hai behad ka father। is saare srishti ko rachne vaala god father hai। laukik bachchon ko bhi father hota hai, jisko baba kaha jaata hai। yeh hai behad ka paarlaukik baap। laukik baba to yahaan bahut hain। harek ko apne bachche hote hain। to behad ke baap se zaroor koi varsa milna chaahiye। yahaan tum takdeer banaakar aaye ho, baap se behad sukh ka varsa lene। yahaan kaun padhaate hain? bhagvaanuvaach। vahaan manushya bairistari, injeeniyri, doktari aadi padhaate hain, yahaan to behad ka baap aakar padhaate hain। to tum yahaan takdeer banaakar aaye ho। tumko manushya se devta banaaya jaata hai।

tum jaante ho bhaarat mein hi devi-devtaaon ka raajya hota hai। bhaarat hi praacheen puraane te puraana khanda hai। 5 mukhya khanda hain, pahla number hai bhaarat। jab bhaaratvaasi bhaarat khanda nai duniya mein the to devi-devta raajya karte the। lakshmi-naaraayan ka raajya tha tab yeh bhaarat naya tha, sirf bhaaratkhanda hi tha। us samay aur koi dharma nahin tha। devi-devtaayen pavitra the। yatha raaja raani lakshmi-naaraayan pavitra the, bhaarat bahut dhanvaan tha, heere tulya tha। ab to bhaarat bahut kangaal hai। kaudi tulya hai। svarga mein ladaai jhagda kuchh bhi nahin tha। viceless bhaarat tha। is samay, jabki kaliyug hai to bhaarat apvitra hai। kitna duhkh hai। ab is bhaarat ko phir se svarga kaun banaate hain? baap samjhaate hain tum takdeer jagaakar aaye ho, manushya se devta banne, jo behad ka baap hi banaate hain। manushya koi sadgati nahin de sakte। patit manushya kisko paavan bana nahin sakte। svarga mein kabhi aise nahin kahenge ki patit-paavan aao kyonki vahaan sab pavitra the। bhaarat sada sukhi tha phir se bhaarat ko sada sukhi banaana baap ka hi kaam hai। bhaarat shivaalay tha। parampita paramatma ko shiv kaha jaata hai। uski jayanti bhaarat mein manaate hain। shiv paramatma jo sabka baap hai vahi aakar sabko duhkh se chhudaate hain। us baap ko sab bhoole hue hain। shanti daata, sukh daata woh ek hi baap hai। bhaarat svarga tha। pavitra the to shanti bhi thi, to sukh bhi tha। purity, pees, prosperity thi। sannyaasi bhi bhaarat ko madad dene liye sannyaas karte hain ki pavitrata ki taakat mile। sabhi vikaari manushya jaakar unko maatha tekte hain। sannyaasi pavitrata ki madad se bhaarat ko thaamte hain। bhaarat jaisa sukhi pavitra khanda koi hota nahin। oonche te ooncha bhaarat khanda hi gaaya jaata hai। phir se bhaarat ko naya baap hi banaate hain। koi bhi manushya ko bhagwan nahin kaha ja sakta hai। na sabmen eeshvar hai। parantu sabmen 5 shaitaan hain। in 5 vikaaron ko milaakar raavan kaha jaata hai। is samay raavan ka raajya hai। sabhi vikaari patit hain। satayug mein pavitra grihastha dharma tha। sampoorn nirvikaari the। bhaarat mein devi-devta raajya karte the। ab drama anusaar phir bhaarat puraana bana hai। nai srishti so puraani zaroor banegi। bhaarat mein ek world almighty authority ka raajya tha, unko svarga kaha jaata hai। jo sthaapan karta hai behad ka baba, in maataaon dvaara। shiv shakti sena maataayen hain na। jagat amba bhi gaai hui hai। manushya nahin jaante ki oonche te oonch kaun hai। sabse oonche te oonch hai parampita paramatma। phir hai brahma vishnu shankar। parampita paramatma ka kya part hai? woh aakar bhaarat ko patit se paavan banaate hain। brahma dvaara paavan duniya ki sthaapna karte hain। tum brahmaakumaar kumaariyaan raakhi baandhate ho ki ham bhaarat ko pavitra banaayenge। he baba ham aapki shreemat par chal pavitra ban bhaarat ko pavitra banaae phir raajya karenge। baap aakar brahma dvaara sthaapna karaate hain। brahma, prajaapita sabka baap hai। jagat amba hai sabki maata। bhaaratvaasi gaate hain tum maat-pita ham baalak tere... baap svayan aakar padhaate hain, yahi kripa karte hain, jisse ham bhavishya mein bahut sukh dekhenge। yahaan to bahut duhkh hai isliye inko narka kaha jaata hai। deity world so phir devil world banti hai। deity world mein doosra koi khanda nahin rehta hai। behad ka baap hi aakar bachchon ko behad world ki history-geography samjhaate hain, jo aur koi samjha na sake।

tum bachche behad ke baap se pratigya karte ho - he baba, aap aaye ho bhaarat ko svarga banaane, ham shreemat par chal bhaarat ko svarga athva shreshtha banaae phir un par raajya karenge, isko raajayog ki shiksha kaha jaata hai। sannyaasiyon ka hai hathayog, gharbaar chhod dete hain। tumko chhodna nahin hai। is puraani duniya ko bhoolna hai। tum ab nai duniya mein jaane vaale ho। baap guide bankar aaye hain। woh hai liberator, sabko duhkhon se chhudaane vaala। shivbaaba ka bhaarat hai birthplace। somnaath ka mandir bhi yahaan hai। manushya yeh bhool gaye hain ki bhaarat bada teertha hai। sabhi manushyon ka baap, jo sukh-shanti dete hain, unka birth place hai। sabko bhaarat mein aakar shiv ke mandir mein shiv ko naman karna chaahiye। sabse shreshtha mat hai bhagwan ki। shri shri shivbaaba behad ka sukh dene vaala hai। sukh milta hai baap se। vinaash saamne khada hai। is mahaabhaari ladaai dvaara sukhdhaam shantidham ke get khulne vaale hain। tum bi.ke. bhaarat ko svarga banaane ke liye tan-man-dhan se seva kar rahe ho। jaise gaandhi ki mat par sabne tan-man-dhan se seva kar foreign ke raajya ko bhaga diya। parantu ab bahut duhkh hai। ab is raavan par jeet paani hai। aadhaakalpa raavan raajya, aadhaakalpa raam-raajya। dvaapar se lekar deh-abhimaan mein aane se baap ko bhool jaate hain aur baap ko na jaanne kaaran ladte jhagadte rehte hain। to bhaaratvaasi jab duhkhi ho jaate hain tab hi baap aate hain bachchon ki kismat jagaane। yahaan andhashraddha ki koi baat nahin। yeh to padhaai hai। baap hi aakar saari knowledge dete hain kyonki woh knowledgeful hai। kehte hain mere mein saare chakra ka gyaan hai। satayug mein lakshmi-naaraayan ka raajya tha phir raam seeta ka raajya tha, sher bakri ikatthe jal peete the। yatha raaja raani tatha praja the। dharma ka upkaar tha। ab to ghar-ghar mein duhkh hai। baap aakar sabhi ko sukhi banaate hain। tum bhaarat maata shakti sena ho। yeh mandir tumhaara hai। ab tum raajayog mein baithe ho, isko raajayog ki padhaai kaha jaata hai। tumko god father padhaate hain।

baap hi aakar tum maataaon dvaara sabki kismat jagaate hain। vandana ki jaati hai parampita paramatma ki। devtaaon ki bhi vandana karte hain। patit manushya sannyaasiyon ki bhi vandana karte hain। tum maataaon ke liye kaha jaata hai vande maatram। tum maataaon dvaara hi bhaarat svarga banta hai। pavitrata bigar sukh mil nahin sakta। jo baap ka banenge, baap ko yaad karenge, aur sang tod ek sang jodenge - vahi shivbaaba ke paas chale jaayenge। bhaarat mein hi baap avtaar lete hain। tum kitne duhkhi the! kitne bachche aaye hain yahaan sukh paane ke liye! tum sabki roohaani social service karte ho। tum ho gupta sena, jo raavan par jeet paakar svarga ke maalik bante ho। niraakaar baap niraakaar aatmaon se baat karte hain। aatma organs dvaara sunti hai। aatma mein 84 janmon ke sanskaar hain। pahle vaale 84 janma lete hain, pichhaadi vaale kam lenge। bhaarat sirtaaj tha। bhaarat hi kangaal bana hai, phir sirtaaj ban raha hai। yeh vahi ladaai hai jo 5 hajaar varsha pahle lagi thi, jisse bhaarat svarga bana tha। tumhaari hai raajayog ki padhaai। sannyaasiyon ka hai hathayog। tum bachchon ko puraani duniya ko bhool ek baap ko yaad karna hai। yog agni se hi tumhaare paap kat jaayenge aur koi paavan banne ka upaay nahin hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class - 28-6-68

yahaan sabhi baithe hain samajhte hain ki ham aatmaayen hain, baap baitha hai। aatma abhimaani ho baithna isko kaha jaata hai। sabhi aise nahin baithe hain ki ham aatma hain baba ke saamne baithe hain। ab baba ne yaad dilaaya hai to smriti aayegi attention denge। aise bahut hain jinki buddhi baahar bhaagti hai। yahaan baithe bhi jaise ki kaan banda hain। buddhi baahar mein kahaan na kahaan daudti rehti hai। bachche jo baap ki yaad mein baithe hain ve kamaai kar rahe hain। bahuton ka buddhi yog baahar mein rehta hai, woh jaise ki yaatra mein nahin hain। time vesta hota hai। baap ko dekhne se bhi baba yaad padega। nambarvaar purushaartha anusaar to hai hi। koi koi ko pakki aadat pad jaati hai। ham aatma hain, shareer nahin hain। baap knowledgeful hai to bachchon ko bhi knowledge aa jaati hai। abhi vaapis jaana hai। chakra poora hota hai abhi purushaartha karna hai। bahut gai thodi rahi......imtihaan ke dinon mein bhi bahut purushaartha karne lag padenge। samjhenge nahin to naapaas ho jaayenge, pad bhi bahut kam ho jaayega। bachchon ka purushaartha to chalta hi rehta hai। deh-abhimaan ke kaaran vikarma honge, to uska sau guna danda ho jaayega kyonki hamaari ninda karaate hain। aisa karma nahin karna chaahiye jo baap ka naam badnaam ho, isliye gaate hain sadguru ka nindak thaur na paave। thaur maana baadshaahi। padhaane vaala bhi baap hai, aur kahaan bhi satsang mein em object nahin hai। yeh hai hamaara raajayog। aur koi aise mukh se kuchh kah na sake ki ham raajayog sikhlaate hain। woh to samajhte hain shanti mein hi sukh hai? vahaan to na duhkh, na sukh ki baat hai। shanti hi shanti hai। phir samjha jaata hai inki takdeer mein kam hai। sabhi se takdeer oonchi unki hai jo pahle se part bajaate hain। vahaan unko yeh gyaan nahin rehta। vahaan sankalp hi nahin chalega। bachche jaante hain ham sabhi avtaar lete hain। bhinna bhinna naam roop mein aate hain। yeh drama hai na। ham aatmaayen shareer dhaaran kar ismen part bajaati hain। woh saara raaz baap baith samjhaate hain। tum bachchon ko andar mein ateendriy sukh rehta hai। andar mein khushi rehti hai। kahenge yeh dehi-abhimaani hai। baap samjhaate bhi hain tum student ho। jaante ho ham devta svarga ke maalik banne vaale hain। sirf devta bhi nahin, ham vishwa ke maalik banne vaale hain। yeh avastha sthaai tab rahegi jab karmaateet avastha hogi। dramaplan anusaar honi hai zaroor। tum samajhte ho ham eeshvareey parivaar mein hain। svarga ki baadshaahi milni hai zaroor। jo service bahut karenge unko oonch pad milega। ham kam pad paayenge yeh andar mein rahega। jo jaasti service karte hain, bahuton ka kalyaan karte hain to zaroor oonch pad milega। baba ne samjhaaya hai yeh yog ki baithak yahaan ho sakti hai। baahar centre par aise nahin ho sakti hai। chaar baje aana, neshta mein baithna, vahaan kaise ho sakta hai। nahin। centre mein rahne vaale bhal baithe। baahar vaale ko bhoole chuke bhi kehna nahin hai। samay aisa nahin hai। yeh yahaan theek hai। ghar mein hi baithe hain। vahaan to baahar se aana padta hai। yeh sirf yahaan ke liye hai। buddhi mein gyaan dhaaran hona chaahiye। ham aatma hain। unka yeh akaal takhta hai। yeh aadat pad jaani chaahiye। ham bhaai-bhaai hain, bhaai se ham baat karte hain। apne ko aatma samajh baap ko yaad karo to vikarma vinaash ho jaayen। achha!

meethe meethe roohaani bachchon ko roohaani baap va daada ka yaad pyaar good night aur namaste।

dhaarna ke liye mukhya saar:-

1) apne tan-man-dhan se roohaani social seva karni hai। raavan par jeet paakar bhaarat ko svarga banaana hai।

2) apaar sukh paane ke liye pavitrata ki pratigya kar aur sab sang tod ek baap ki yaad mein rehna hai।

vardaan:- svayan ko behad ki stage par samajh sada shreshtha part bajaane vaale hero paartadhaari bhav

aap sab vishwa ke showcase mein rahne vaale showpiece ho, behad ki anek aatmaon ke beech bade te badi stage par ho। isi smriti se har sankalp, bol aur karma karo ki vishwa ki aatmaayen humein dekh rahi hain isse har part shreshtha hoga aur hero paartadhaari ban jaayenge। sabhi aap nimitta aatmaon se praapti ki bhaavna rakhte hain to sada daata ke bachche dete raho aur sarva ki aashaayen poorn karte raho।

slogan:- satyata ki shakti paas ho to khushi aur shakti praapta hoti rahegi।