Murli du jour du jeudi 11 mai 2023

11-05-2023 praatahmurli om shanti "baapdaada"' madhuban

“meethe bachche - pahle apne oopar raham karo, phir aapka farja hai apne parivaar ko svarga mein chalne ka sahi raasta bataana, isliye unhein bhi laayak banaane ka poora purushaartha karo''

prashn:- tum kis race ke aadhaar se shivaalay ke maalik ban jaayenge?

uttar:- follow father-mother। sirf ek janma pavitrata ki pratigya karo। narka se dil hata do। shivbaaba tumhaare liye shivaalay sthaapan kar rahe hain, jahaan tum chaitanya mein raajya karenge। dhandhaadhori karte baap aur svarga ko yaad karne se raajaai ka tilak mil jaayega arthaat shivaalay ke maalik ban jaayenge।

geet:- tumheen ho maata pita…

om shanti। kuchh-na-kuchh kehna padta hai। om shanti ya shivaae namah। parmaatmaae namah kehte hain na। om shanti ham kehte hain। yeh hai apna aur baap ka parichay dena। woh mahima bhakta log karte hain - tvamev maataashcha pita.. tum to bachche ho। jiski mahima bhakta log bhakti maarga mein karte hain, aaj woh baap aapke sammukh baitha hua hai। zaroor sammukh tha, ab phir sammukh baithe hue hain। yeh baaten abhi tum bachche hi jaante ho। bhakta nahin jaante hain। tum bachche jaante ho ek hi baap hai, jiski mahima ho rahi hai। woh baap tum bachchon ko kitna sukh de rahe hain! jo tum phir 21 janmon ke liye kabhi duhkhi nahin hone vaale ho। aise baap ke sammukh tum baithe ho। tum jaante ho yeh hamaara behad ka baap hai। jo hamko svarga ke sukh dene liye service kar rahe hain। baap hamesha bachchon ko rachkar unhon ki seva kar laayak banaate hain। baap jaise ki bachchon ka gulaam ban jaata hai। laukik baap bhi bachchon ki paalna karne mein kitni mehnat karte hain। raat-din yeh chintan rehta hai ki bachchon ki seva kar bachchon ko laayak banaayen। vo hain had ki rachna ke gulaam। yeh hai phir behad ka baap। yeh bhi kehte hain - bachche, poora follow karo aur poora varsa lekar svarga ke maalik bano। bachchon par hamesha raham karna hota hai। jo sensible baap hoga woh kahega - bachchon ko bhi kyon na saath-saath yeh sachchi kamaai bhi karaayen। laukik bachchon ki sthool paalna to aadhaakalpa se karte hain। bachchon ki paalna kar bada banaaya, laayak banaaya। bachchon ke liye will kiya bas, shareer chhoda, jaakar doosra janma lenge। woh hua had ka baap, yeh hai phir behad ka baap। woh had ka brahma hai। rachna rach phir unka gulaam bante hain। bahut mehnat karni padti hai। kahaan bachche kusang mein kharaab na ho jaayen। naam badnaam na karen। parantu woh ho gaya alpakaal ka sukh। unhein yeh pata nahin - bachcha sapoot niklega ya kapoot? kai aise kapoot nikalte hain jo ekdam khaana kharaab kar dete hain। baap ki milkiyat ko ekdam udaakar chat kar dete hain, isliye badi sambhaal karni padti hai। behad ke baap ko kitna phurna rehta hai! kehte hain tum bhi varsa lo aur apni rachna ko bhi varsa do। parantu phir bhi kapoot bachche hote hain to baap ka kehna nahin maante hain। baap kehte hain padhaai karo, to padhte nahin। pavitra nahin bante। koi mushkil koton mein koi, koi mein bhi koi aagyaakaari nikalte hain। yahaan to shreemat milti hai।

tum maat-pita... yeh ek ki hi mahima hai। parantu manushya na jaanne kaaran shreekrishna ke aage, lakshmi-naaraayan ke aage kahenge tum maat-pita.... yeh bhi andhashraddha hai। ab lakshmi-naaraayan praalabdha bhogte hain। unko apne bachche hain। ham unko kaise kehte hain tum maat-pita... vaastav mein yeh mahima ek ki hi hai। geet mein suna ki oonche te ooncha hai shivbaaba। sabka sadgati daata... sabko shantidham, sukhdhaam mein le jaane vaala। to aise baap ki shreemat par zaroor chalna chaahiye। samajhte bhi hain maat-pita se hi 21 janmon ke liye sukh ghanere milte hain। parantu aisi shreemat par koi mushkil chalta hai। bahut ooncha varsa milta hai। baap kehte hain main tum bachchon ke liye hatheli par bahishta laaya hoon। jab shreemat par chalo tab laayak bano। kadam-kadam par mat leni hai। mat par nahin chalte to oonch pad pa na sake। svarga mein lakshmi-naaraayan ka raajya tha। yeh kisko pata hi nahin। aage ham bhi kehte the phalaana svargavaasi hua athva sannyaasi koi marenge to kahenge jyoti jyot samaaya। parantu jaata koi nahin hai। jeevanmukti va mukti daata ek hi baap hai, woh na aaye tab tak koi ja na sake। woh hai niraakaari duniya। niraakaari baap aur niraakaari aatmaayen vahaan rehti hain, jisko paramdham bhi kaha jaata hai। science ghamandi samajhte hain yahaan hi janmate aur marte hain। jaise machchhar। srishti ke chakra ka kisko bhi pata hi nahin। sarvavyaapi ke gyaan se koi kuchh bhi samajh na sake। ab tumko baap mila hai। kehte hain - bachche, ab vaapis chalo। main kalpa pahle muaaphik sabko le jaane aaya hoon। tumhaari aatma mein bahut khaad padi hai। sabki aatma tatha shareer iron aged ho gaye hain। unko phir se satopradhaan banna hai। tum bachchon ki aatma satopradhaan thi tab golden aged world thi। pavitra aatma ka pavitra sone jaisa shareer tha। usko sachcha jevar kaha jaata tha। ab to kya ho gaya hai। ek percent bhi sachcha sona nahin raha hai। khaad padi hui hai। ab baap kehte hain sirf mujh baap ko yaad karo to sachcha sona bante jaayenge। aatma udne lag jaayegi। abhi pankh toote hue hain। jaisa purushaartha karenge vaisa pad paayenge। kitni oonchi padhaai hai। bhagvaanuvaach - main tumko raajayog sikhlaata hoon, jisse tum raajaaon ka raaja banenge। vikaari pujaari raajaaon ke bhi poojya banenge। gaaya bhi hai aapehi poojya, aapehi pujaari। tum jaante ho ham so poojya devi-devta the phir ham so poojya chandravanshi bane। ham so poojya aur pujaari bante hain। baap aakar pujaari se poojya bana rahe hain। ab gyaan jindaabaad ho raha hai। brahma so brahmaakumaar kumaariyon ki raat ab poori hoti hai। raat kab se aarambha hoti hai - yeh shaastravaadi nahin jaante hain। brahma ka din satayug treta... dvaapar ke aadi se raat shuru hoti hai। yeh sab baaten tum bachchon ki buddhi mein hain। ab 84 janma poore kar ham phir se raajya-bhaagya bhogenge। satayug mein yeh gyaan nahin rahega। vahaan hai praalabdha। vahaan bhi tum apne baap se varsa lete ho। parantu woh is samay ki praalabdha hai jo 21 janma chalti hai। bhaarat par hi saara khel hai। satayug mein jo devi-devtaaon ka raajya tha woh abhi aasuri bana hai। praja ka praja par raajya hai। baap kehte hain - bachche, hear no evil, si no evil... bandar ka ek chitra dikhaate hain। is samay manushya bandar misal ban pade hain isliye bandar ki shakla dikhaate hain। baat is samay ki hai। isko kaha jaata hai - raurav narka। bichchhu tindan misal ek do ko kaatte rehte hain। bachche baap ka bhi khoon kar dete hain। maaya ne sabko dirty bana diya hai। bhaarat heaven tha, ab hell hai। 84 janma bhi bhaaratvaasiyon ke hain।

baap kehte hain main kitni samjhaani deta hoon। kehte hain - aai em most obedient father। father servant, teacher servant, guru servant। ab main aaya hoon। pande log bhi yaatri ke servant hote hain - raasta bataane vaale। ab main tum bachchon ko svarga le chalne liye guide bana hoon। liberate karta hoon। history repeat zaroor hogi। grantha mein bhi kehte hain ki hai bhi sat, hosi bhi sat... ekoankaar... yeh paramatma ki mahima hai। ek taraph kehte hain ajoni, doosre taraph kehte hain sarvavyaapi hai। jidhar dekhta hoon tu hi tu hai। yahaan ham aaye hain mauj karne। aise bahut hi kehte hain। ab baap kehte hain - bachche, yeh sab baaten tumhein dubone vaali hain। sarvavyaapi ka gyaan dubo deta hai। baap kitna samjhaate hain। koi to jhat nishchay karte hain ki baap se varsa lena hai। in jaisa sweet father mil nahin sakta। svarga ki sthaapna karne vaala baap hai। jab baap mile tab hi ham svarga ke maalik banen। aise baap ko jhat apna banaana chaahiye। mujhe to bachche chaahiye jo kalpa pahle bane the, vo hi aakar sapoot ya kapoot banenge kalpa pahle muaaphik। stri ki, bachchon ki javaabdaari creator baap ke oopar hai। unka farja hai bachchon ko bhi svarga ka maalik banaaye। pahle to apne par raham karo। aise nahin ki baba kripa karenge to sab lakshmi-naaraayan ban jaayenge। yeh bada imtahaan hai। 8 ko hi scholarship milti hai। phir 108 hain, lottery hoti hai na। baap kehte hain - deh sahit deh ke sambandh jo kuchh hain bhool jaao। apne ko ashareeri samjho aur aatma nishchay karo। aise nahin tum paramatma ho। woh phir aatma so paramatma kah dete hain। samajhte hain aatma jaakar paramatma mein leen hogi। jab tak leen na ho tab tak unko paramatma nahin kahenge। parantu paramatma mein leen hote nahin। yeh drama anaadi bana hua hai। harek actor ko apna-apna part mila hua hai, jo bajaana hai। harek aatma mein immortal part bhara hua hai। yeh baaten baap ke sivaae koi samjha na sake। baap aakar tum bachchon ko aadi-madhya-ant ka gyaan de trikaaldarshi banaate hain। chitron mein devtaaon ko teesra netra dikhaate hain। vaastav mein teesra netra na hai devtaaon ko, na shoodron ko। tum braahmanon ko hi gyaan ka teesra netra hai, jisse tum sabke occupation ko jaante ho। sach khanda aur jhooth khanda ki haalat ko bhi tum jaante ho। tumhaare mein bhi nambarvaar purushaartha anusaar hain। yeh hai paathshaala। ismen andhashraddha ki koi baat nahin hai। apna dhandhaadhori sab karte raho। sirf apne baap ko aur svarga ko yaad karo to tumhaare oopar raajaai ka tilak aa jaayega। aatma hi yaad karti hai। sanskaar aatma mein hai। aatma se hi baat karte hain। main tumhaara baap hoon। kalpa pahle bhi tumne varsa liya tha। sooryavanshi raajya kiya tha। phir chandravanshi mein gaye। kalaayen kamti hoti jaati hai। phir vaishya, shoodra bane। ab smriti aai hai ki naatak poora hua hai। maamekam yaad karo to vikarma vinaash honge। shreemat par na chale, deh abhimaan aaya to lagi chot। phir brahaspati ki dasha badalkar raahu ka grahan baith jaata hai। phaarakti di to raurav narkavaasi ban jaate hain।

baap kehte hain oonch pad paana hai to race karo। abhi oonch pad paayenge to kalpa-kalpa paate rahenge। sirf ek janma ke liye pavitrata ki pratigya karo to 21 janma svarga ke maalik banenge। ab narka se dil ko hata do। shivbaaba tumhaare liye shivaalay sthaapan kar rahe hain, jahaan tum chaitanya devtaayen raajya karenge। to kya shivaalay ka maalik banne chaahte ho? follow mother-father। jo kuchh hai sab tum bachchon ke liye hai। raaja bhi tum banenge। tum hi the। ab rank bane ho। aur dharma vaalon ki baat nahin। devi-devta dharma vaale hi aur dharmon mein convert ho gaye hain isliye hinduon ki sankhya kam ho gai hai। nahin to bhaarat ki sankhya sabse jaasti honi chaahiye। tumko bhagwan padha rahe hain! kitna dhyaan dena chaahiye! yeh badi wonderful padhaai hai। boodhe, bachche, javaan sab padhte hain। beemaar bhi padh sakte hain। agar baap aur varse ko yaad na kiya to maaya thappad maar degi। blood se likh dena chaahiye - main raat-din baba ko yaad karoonga। shiv-baba ka haath poora pakdoonga। jo baba kahega so karunga। shivbaaba kehte hain bachchon ki sambhaal karo। jo bache, unse do mutthi shivbaaba ki service mein laga do phir unka evza tumko itna milega jitna saahookaar ka laakh dene se banega। pratyakshaphal mil jaata hai। achha।

maat-pita baapdaada ka meethe-meethe sikeeldhe bachchon prati yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh tatha deh ke sarva sambandh bhool ashareeri aatma banne ka abhyaas karna hai। baap se shreemat lekar kadam-kadam us par chalna hai।

2) padhaai par poora-poora dhyaan dena hai। dridh sankalp karna hai ki “raat-din ek baba ki hi yaad mein rahoonga aur baba jo kahenge woh avashya karoonga''। hear no evil, si no evil...

vardaan:- ek shama ke peechhe parvaane ban phida hone vaale koton mein koi shreshtha aatma bhav

saare vishwa ke andar ham koton mein koi, koi mein bhi koi shreshtha aatmaayen hain, jinhonne svayan anubhav karke yeh mahsoos kiya hai, ki ham kalpa pahle vaali vahi shreshtha aatmaayen hain, jinhonne svayan ko baap shama ke peechhe phida kiya hai। ve chakra lagaane vaale nahin, parvaane ban phida hone vaale hain। phida hona arthaat mar jaana। to aise jal marne vaale parvaane ho na! jalna hi baap ka banna hai, jalna arthaat sampoorn parivartan hona।

slogan:- baba ke milan ki aur sarva praaptiyon ki mauj mein rehna hi sangamayug ki visheshta hai।