Murli du jour du jeudi 6 juillet 2023

06-07-2023 praatahmurli om shanti "baapdaada"' madhuban

“meethe bachche - is gyaan mein gambheerta ka gun dhaaran karna bahut zaroori hai, kabhi bhi apna abhimaan nahin aana chaahiye, maataaon ka regard rakho''

prashn:- sabhi bachchon ke prati baap ki aash kya hai? woh aash poori kab kar sakenge?

uttar:- baap ki aash hai - bachche aisa purushaartha karen jo nar se naaraayan bankar dikhaayen। ismen hi baap ka show hoga। aisa show nikaalo jo baap ka bhi gaayan ho to bachchon ka bhi gaayan ho। baba kahe - bachche, agar tum nar se naaraayan banenge to tumhaara bhi mandir banega aur hamaara bhi banega। aisa poojya banne liye follow father। apne aapse pran karo - ham poora hi follow karenge।

geet:- jis din se mile ham tum…

om shanti। bachche mahsoos karte hain - bachchon ko bhaasna aati hai। to zaroor ham nai duniya ke liye sab nai baaten sunte hain। yeh hamaari preet nai lagti hai। aur koi ki bhi preet sammukh parampita paramatma saath hoti hi nahin। to yeh nai baat hai na। tum jaante ho baba patit-paavan hai। puraani duniya ko patit, nai duniya ko paavan kahenge। to tumhaari preet nai duniya se lagegi। tum yeh jaante ho hamaari preet ab nai duniya svarga se hai। usko shivaalay kaha jaata hai, inko veshyaalay kaha jaata hai। barobar yahaan vikaari manushya hain। satayug mein nirvikaari hain to shivaalay kahenge na। shivbaaba hi aisi nirvikaari duniya sthaapan karte hain। aur jaante ho barobar is puraani duniya mein devtaaon ke chitra hain jo devtaayen nai duniya mein rahne vaale hain। bhaaratvaasi to sab bhool gaye woh to hindustaan kah dete hain। hindustaan hamaara pyaara, haan, zaroor pyaara tha। parantu vaastav mein hindustaan naam hai nahin। bhaarat-khanda kaha jaata hai। to bachche jaante hain barobar yeh nai baaten lagti hain। aisi baaten kab nahin suni। yeh gyaan saari duniya se niraala hai। bhaaratvaasiyon ke mandir bhi bahut hain। Christian ki ek hi church hogi। phir karke alag-alag church banaayenge। satayug mein to koi mandir nahin hota kyonki chaitanya devtaaon ka raajya chalta hai। devtaayen shivaalay nai duniya mein raajya karte the। tum jaante ho ab ham nai duniya mein ja rahe hain। yeh bhi khyaal kabhi nahin karna ki baba ne yeh naya makaan banaaya hai। vaastav mein puraani duniya mein yeh bhi puraana hi hai। hamaari preet ab nai duniya se lagi hai। aatmaon ki paramatma saath preet lagi hai, jo sammukh baithe hain। manushya samajhte hain - brahmaakumaar-kumaariyon ki brahma se preet lagi hai। tum jaante ho hamaari preet ek shivbaaba se hai। doosra na koi। bhal tumhaara naam bi.ke. hai parantu brahma se preet nahin hai। yeh brahma to dehdhaari hai na। janma-maran mein aate hain। tumko deh se sambandh nahin jodna hai। woh guru log to apna naam rakh dete hain - sachchidaanand। parantu sat-chit-aanand swaroop to ek paramatma ko hi kaha jaata hai। aatma sat-chit-aanand roop, shant roop, gyaan roop thi। ab tum phir se is sangam par bante ho। jaise baap ki mahima hai gyaan ka saagar, shanti ka saagar… tum bhi sat-chit-aanand roop ho। beej aur jhaad ko yaad karne se saara gyaan aa jaata hai। barobar 5 yug hain। abhi hai sangamayug। is sangamayug ko duniya nahin jaanti। karke maaloom bhi ho parantu detail mein nahin jaanti ki satayug mein kaun raajya karte the? kaise raajya liya? tum ab raajya le rahe ho। punarjanma lete chakra mein to zaroor aana pade। sadaiv svarga mein koi rah na sake। svarga aur narka ki pahchaan abhi mili hai। abhi kaliyug hai phir satayug zaroor hoga। to zaroor sangam par hi parampita paramatma aaya hoga। unki mahima hi alag hai। aise thode hi ki ek ki mahima doosre koi ki ho sakti। har ek ka kartavya apna, sanskaar apne, ek na mile doosre se। har ek aatma mein apna-apna part hai। tum bachchon ko samjhaaya gaya hai - aatma 84 janma leti hai। tum nai baaten sunte ho। bhagvaanuvaach - main raajayog sikhaae tumko raajaaon ka raaja arthaat nar se naaraayan, naari se lakshmi banaata hoon। baba poochhte bhi hain tum sooryavanshi naaraayan banenge ya chandravanshi raam banenge? kehte hain baba em object to sooryavanshi banne ki hain। nambarvaar to hote hain na। barrister koi bahut achha, koi halka hota hai। koi surgeon to laakhon roopaya kamaate, koi bahut thoda kamaate। padhaai par madaar rehta hai। tumhaare mein bhi koi to bahut kamaai vaale banenge, takhta par baithenge। yeh bada behad ka eeshvareey college hai। un college mein had hoti hai। itne paas honge, yeh hai behad ka college। to tum nai baaten sunte ho। abhi tum samajh rahe ho - tum ablaaon ko bal dene vaala woh parampita paramatma hi hai। jaante ho paramatma baap se hamko kitna bal milta hai। ham warriors (sena) hain। yuddha ke maidaan mein khade hain। nai baat hai na। geeta mein paandavon aur kaurvon ki ladaai dikhaai hai parantu ladaai ki to baat hai nahin। har ek baat nai hai। shreekrishna to nai duniya ka alf hai। alf se lekar sab nai baaten hain। nai duniya ka alf hai lakshmi-naaraayan phir unke peechhe unke bachche। to lakshmi-naaraayan hain satayugi manushya srishti ke alf। yahaan manushya srishti ka rachayita alf brahma hai। pahle-pahle hai parampita paramatma alf। peechhe brahma ko alf banaate hain। phir lakshmi-naaraayan ko alf banaate hain। yahaan tum brahman kul ke ho। brahman kul ka bada brahma hi gaaya jaata hai। brahman to bhal woh bhi hain parantu brahmaakumaar-kumaariyaan naam kabhi nahin suna hai। geeta mein bhi yeh naam nahin hai। to nai baat hai na। bhaarat ko hindustaan kahne kaaran hindu dharma kah dete hain। apne praacheen dharma ki pahchaan nahin hai। jaise ki devta dharma hai hi nahin। apne dharma ko na jaanne kaaran kehte hain sab dharma ek hi hain। bhal sab dharma yahaan rah sakte hain, jisko chaahe so rahe, free hai। sabhi dharmon ko maan dete hain। koi bhi dharma vaala aakar rah sakta hai। baahar mein dekho woh doosre dharma vaalon ko nikaalte rehte hain। Ceylon, barma aadi se Indian ko nikaalte rehte hain। bhaarat to vaastav mein praacheen devi-devta dharma vaala hai। parantu woh to kehte koi bhi aakar rahe। sab ikatthe to rah na saken। jahaan-tahaan dharmon ki bahut khitpit hai। kehte hain bhaarat sabhi dharmon ko asylum dega, isliye bhaarat ki mahima hai। ab tum sabhi nai baaten sunte ho। is samay bhaarat mein devi-devta dharma ka koi hai nahin। ham us nai duniya ke liye purushaartha kar rahe hain। shivbaaba svarga rachte hain। yoon to brahma ki santaan sab hain parantu brahman khaas gaaye hue hain। unko kab racha? zaroor sangam par racha। varna bhi achhi reeti dikhaane hain। ham brahman choti phir devta, kshatriy, vaishya, shoodra bante hain। to yeh gyaan bada guhya ramneek hai। mushkil kiski buddhi mein baithta hai।

tum bachche is gyaan ko achhi reeti dhaaran karo, kabhi bhi braahmani se roothna nahin। rooth karke padhaai ko nahin chhodna hai। nahin to rasaatal mein chale jaayenge। baap aaya hai sunaane to sunna chaahiye। bhakti maarga mein kitna niyam hota hai geeta sunne ka, woh poore nem se sunte hain। mandir mein bhi nem poorvak jaate hain। roz pakka nem rakhte hain। tumhaara nem to bada kada hai। ek ghadi aadhi ghadi........ phir badhaate rehna hai। baba ko yaad karne se buddhi ka taala khulega। vichaar saagar manthan koi shivbaaba nahin karte hain, unko darkaar hi nahin vichaar saagar manthan ki। tumko darkaar rehti hai - kisko kaise samjhaayen? to kabhi bhi roothna nahin chaahiye। ek do ka regard rakhna chaahiye। kai bachchon ko mahaarthiyon ka regard rakhna aata nahin। braahmaniyaan jo hain woh phir bhi mukhya hain। 10-12 ko aapasmaan to banaati hain na। to unka regard rakhna pade। tum jaise ki shivbaaba ke agent ho। sabhi agents ek jaise to nahin hote hain। nambarvaar hote hain phir bhi agents to hain na। koi to bahut achhi reeti dhaarna karte hain। raat-din service mein tatpar rehte hain। shivbaaba bhi yahaan service par aaye hain na। baba kehte hain main double kaam karta hoon। bhakton ki bhi service karta hoon। tum jaante ho saari duniya mein saakshaatkaar karaane ka kartavya kaun karte hain? bhal drama mein sab pahle se noondh hai। usi samay saakshaatkaar hota hai। samajhte hain god father ne divya drishti se saakshaatkaar karaaya, jahaan-tahaan saakshaatkaar hote hain। yeh saakshaatkaar bhi drama mein noondh hai, ismen badi vishaalbuddhi chaahiye। yeh hain nai baaten। srishti ka chakra buddhi mein phirna chaahiye। koi-koi ka yeh svadarshan chakra achha teekha phirta hai, koi ka kam। tum svadarshan chakradhaari ho। service ke liye buddhi chalti rahegi nambarvaar। koi ka to svadarshan chakra phirta hi nahin। hava to lagti hai parantu koi ka bahut teekha phirta hai, koi ka bahut kam phirta hai। koi ka to bilkul phirta hi nahin। svadarshan chakra nahin phirega to baaki kya pad paayenge? to yeh nai baat hui na। baap samjhaate rehte hain varsa lena hai to abhi lo। nahin to phir pachhtaayenge, royenge। teacher ka show karna hai na। yeh kitna bada college hai। achhi reeti padhte hain to pad bhi achha paate hain। pran karna chaahiye - ham poora follow karenge। follow mother-father। aise bhi nahin hai barrister ka bachcha barrister hi banega। nahin। koi doctor banega, koi engineer, koi to shaitaan daaku bhi nikal padte hain। baap kehte hain mera show nikaalne tum nar se naaraayan bankar dikhaao। mera bhi gaayan hoga, tumhaara bhi gaayan hoga। tum bhi devta banenge। hamaara mandir banega to tumhaara bhi banega। mukhya mandir hona chaahiye ek shivbaaba ka। phir unke saath brahma aur bachche। delvaada mandir mein variety hai na। yahi bade te bada yaadgaar hai। tum chaitanya mein baithe ho। shakti ki sher par savaari, mahaarthi ki haathi par savaari dikhaate hain। gaj ko graah ne hap kiya। baap ki yaad nahin rehti hai to maaya graah hap kar leta hai। achhe-achhe mahaarthiyon ko bhi maaya graah kha leti hai। ismen badi gambheerta chaahiye aur abhimaan nahin aana chaahiye - main yeh karta hoon। jitna ho sake har baat mein maataaon ko aage rakhna hai। maata ka regard rakhna hai। sab chaabi maata ke haath mein honi chaahiye। maata dvaara samaachaar aana chaahiye। haan, kahaan-kahaan kanya athva maata se kumaar hoshiyaar hote hain। unko phir raay likhni hai। hukm sarkaar ka raajya raani ka hai। pahle raani, phir raaja। pahle maata guru chaahiye। purush ko guru banne ka kaayda nahin। maata ko aage karna hai। law aise kehta hai। bhal kahaan purush bhi nimitta bante hain, jo maataaon ko gyaan mein le aate hain parantu majority maataaon ki hai। ahankaar nahin hona chaahiye - main sab jaanta hoon, main hoshiyaar hoon। hoshiyaar maataaon ko banaana hai। maata dvaara centre aadi chalaana hai। ant mein sannyaasi aadi ko bhi maataaon ke hi baan lagne hain। to kaaydesir chalna hai। parampita paramatma ki ninda karne vaale oonch pad pa nahin sakenge। baba saavdhaan sabko karte hain। bahut meetha banna hai। koi ki baat pasanda nahin aati hai to ek kaan se sun doosre se nikaal do। krodh bahut nuksaan karta hai। koi-koi likhte hain - kaam se krodh ko kyon nahin teekha rakhen। parantu nahin। kaam to aadi-madhya-ant duhkh ko praapta karaata hai। patit paavan ek hi baap gaaya hua hai। sannyaasi paavan nahin bana sakte। to tum nai baaten sunte ho oonch te oonch bhagwan baith tumko padhaate hain। unko hi shri shri kaha jaata hai। phir manushya srishti mein shri lakshmi, shri naaraayan, shri raam, shri seeta ko kehte hain। achha, unhon ko aisa shreshtha kisne banaaya? shri shri shivbaaba ne। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aapas mein ekmat hokar rehna hai। ek do ko regard dena hai। roothkar kabhi bhi padhaai nahin chhodni hai।

2) krodh bahut nuksaan-kaarak hai isliye jo baat pasanda nahin aati hai, use ek kaan se sun doosre se nikaal dena hai। krodh nahin karna hai। bahut-bahut meetha banna hai।

vardaan:- buddhi dvaara shuddh sankalpon ka bhojan sveekaar karne vaale sada svachchha holeehans bhav

holeehans kabhi bhi buddhi dvaara sivaae gyaan ke moti ke aur kuchh bhi sveekaar nahin kar sakte। brahman aatmaayen jo oonch choti hain woh kabhi bhi neeche ki baaten sveekaar nahin karti। holeehans arthaat sada svachchha, sada pavitra, pavitrata hi svachchhata hai। holeehans sankalp bhi ashuddha nahin kar sakte। sada shudva sankalpon ka bhojan khaane vaale holeehans sada tandaroosta rehte hain। un par kisi ka prabhaav pad nahin sakta।

slogan:- apni mansa dvaara shanti kunda ko pratyaksha karne vaali shaantapriy aatma bano।