Murli du jour du mardi 18 juillet 2023

18-07-2023 praatahmurli om shanti "baapdaada"' madhuban

“meethe bachche - tum is roohaani university mein aaye ho buddhu se buddhivaan banne, buddhivaan arthaat pavitra, pavitra banne ki padhaai tum abhi padhte ho''

prashn:- buddhivaan bachchon ki mukhya nishaani sunaao?

uttar:- buddhivaan bachche gyaan mein sada raman karte rahenge। unhein maulaai masti chadhi hui hogi। unki buddhi mein saare srishti chakra ki knowledge rehti। nasha rehta ki hamaara baba hamaare liye paramdham se aaya hua hai। ham unke saath paramdham mein rehte the। hamaara baba gyaan ka saagar hai, ham abhi master gyaan saagar bane hain। humein woh mukti-jeevanmukti ka varsa dene aaye hain।

geet:- kaun aaya mere man ke dvaare…

om shanti। jeev ki aatma jaanti hai ki hamaara parampita paramatma hamko sammukh padha rahe hain va raajayog sikhla rahe hain। to jaise ki yeh eeshvareey university thahri। university isko kyon kehte hai? aise nahin, aur jo bhi sab universities hain woh universe ke liye hain। nahin। jaise vilaayat mein university hai parantu vahaan hain gore to kaale logon ko aane ki allow nahin karte hain। to woh universe ke liye to thahri nahin। to unko university nahin kahenge। yahaan tum bachche jaante ho - yeh sachchi-sachchi eeshvareey university hai। parantu koi bhi samajh nahin sakte hain kyonki buddhu hain। buddhu ko buddhivaan baap hi banaate hain। manushya buddhivaan ke aage maatha jhukaate hain। devi-devtaaon ko, sannyaasiyon aadi ko maatha jhukaate hain। sannyaasi pavitra hain to zaroor buddhivaan thahre। pavitrata ko achha maante hain। yeh vikaar hi manushya ko hairaan karte hain isliye pavitra rahne vaale sannyaasiyon ko grihasthi log buddhivaan samajhte hain aur unke charnon mein jhukte hain। bas, sannyaasi libaas dekha aur jhat maatha jhukaayenge। abhi to unhon ka maan kam ho gaya hai isliye sambhaalkar kadam uthaate hain। aage to sannyaasiyon ko dekh jhat offer karte the - svaami ji, hamaare ghar par chalo। abhi to tu mach ho gaye hain aur tamopradhaan ban pade hain isliye jo bahut naameegraami hain unka hi maan hota hai। bade aadmi bhi unko maatha jhukaate hain - kyon? padhe-likhe to sannyaasiyon se bhi jaasti hain। parantu woh pavitra hain, sannyaas kiya hai isliye buddhivaan maane jaate hain। abhi tum buddhivaan bante ho। tum abhi rachayita aur rachna ke aadi-madhya-ant ko jaante ho। parantu tumhaare mein bhi sabhi ko itna nasha nahin hai। nasha chadhne mein bhi time bahut lagta hai। poora nasha to ant mein hi rehta hai। abhi jitna-jitna tum purushaartha karte ho utna nasha chadhta jaata hai। nirantar yeh yaad rehna chaahiye - ham aatmaon ka baap paramatma aaya hua hai। hamko padha rahe hain - vishwa ka maalik banaane। to purushaartha karne ki shubh chinta honi chaahiye। sabhi ko woh chinta nahin rehti। yahaan sunte samay nasha chadha, yahaan se baahar nikla aur khel khalaas। nambarvaar hain na। ham aatmaon ka baap aaya hai। ham unke paas paramdham mein rehte the। aise aur koi nahin samajhte hain। saadhu-sannyaasi aadi pavitra hain। tumhaare mein bhi nambarvaar hain। sabhi ko yeh nishchay nahin baitha hai ki hamaara parampita paramatma gyaan ka saagar hai, jeevanmukti daata hai jo hamko svarga ka maalik banaate hain। yahaan se paanv baahar nikaala aur woh khushi gum ho jaati hai। nahin to tum bachchon ko kitni khushi rahni chaahiye!

mainne bhi is tan ka aadhaar liya hai। nahin to raajayog kaise sikhlaaoon? mujhe apna shareer nahin hai। mandiron mein dekhenge to sabko apna shareer hai। main to ashareeri hoon। aur sabhi ko aakaari va saakaari shareer mila hua hai। mera shareer nahin hai। somnaath ka mandir hai athva shiv ke mandir mein jahaan bhi jaao vahaan niraakaari roop hai। sirf naam bhinna-bhinna rakh diye hain। yeh to jaante ho aatma paramdham se aati hai। bhinna-bhinna shareer dhaaran kar part bajaati hai। main is 84 ke chakra mein nahin aata hoon। main hoon paramdham mein rahne vaala। is shareer mein aaya hoon। tum kahenge niraakaar phir kaise aate hain? haan, aa sakte hain। tum log pitra khilaate ho to aatma aati hai na। shareer to nahin aata। aatma pravesh karti hai। samajhte hain aatma doosre shareer mein pravesh karti hai। koi to bhoot ki aatmaayen bahut chanchal hoti hain। patthar aadi maarti hain। aatma shareer mein aati hai tab kuchh kar sakti hai, use ghost kehte hain। ashuddha aatmaayen bhi pravesh karti hain। tum bachchon ko anubhav hai ki kaise ashuddha aatmaayen bhatakti hain। jab tak unko apna shareer mile। shuddh aatmaayen bhi aati hain। yeh bhi drama mein noondh hai। jo kuchh paas hua drama ka khel hai। baap samjhaate hai - main aakar saadhaaran boodhe tan mein pravesh karta hoon। zaroor anubhvi ka shareer chaahiye na। brahma ka naam mashhoor hai। brahma ki raay bhi mashhoor hai। brahma ko phir kahaan se raay mili? brahma hai shivbaaba ka bachcha। to unki hai shreemat। to zaroor mukhya shreemat brahma ki honi chaahiye jismen baap pravesh karte hain। bhaaratvaasi in baaton ko nahin jaante। woh to samajhte hain - sab ek hi ek hai। shreekrishna shiv aadi sab ek hi hain। shreekrishna ko mahaatma yogeshvar kehte hain। parantu kyon kehte hain? yeh to samajhte nahin। shreekrishna ki aatma abhi eeshvar dvaara yog seekh yogeshvar ban rahi hai। kitna gupta raaz hai! manushya to kah dete - paramatma naam-roop se nyaara hai, unka shareer hai nahin। parantu tum to kehte ho - somnaath ka mandir shiv ke avatran ka yaadgaar hai। zaroor kalpa pahle shiv-baba aaya hua tha aur ab aaya hua hai। phir dvaapar mein unki bhakti shuru hoti hai। shivraatri manaate hain।

baap baith samjhaate hain, tum aatmaayen paramdham se aai ho part bajaane। aatma avinaashi hai। ismen 84 janmon ka part bhara hua hai। jaise baap puraane shareer mein aaye hain vaise tum bhi puraane shareer mein ho। baba is puraane shareer se liberate kar naya dete hain। yukti batlaate hain ki kaudi tulya se heere tulya kaise bano? gaate bhi hain - maashook ek। baap kehte hain - main paramdham ka rahvaasi hoon, tum bhi paramdham mein rahne vaale ho। main puraane te puraane shareer mein aaya hoon। tumhaara bhi 84 janmon ke ant ka yeh patit tan hai। tum bhi apne ko aatma samjho। hamne 84 janma bhog poore kiye hain। abhi phir nai duniya mein hamko naya shareer milega। to kitni khushi mein rehna chaahiye! nambarvaar hain, koi to bilkul hi dullhead hain। maaya ne bilkul hi patthar-buddhi bana diya hai। jaise garam tave par paani daalo to bilkul hi sookh jaayega। aise tatte tave hain। are, tum apne ko sirf aatma, baap ki santaan samjho। woh bhi nahin samajhte! agar samajhte to aashcharyavat bhaaganti kyon ho jaate? maaya badi jabardasta hai। koi gaphlat ki aur maaya thappad maar degi। are, baba aaya hai varsa dene, phir bhi tum vikaari bante ho! bada jabardasta thappad lagaati hai। baap to thappad nahin maarenge। maaya thappad maar munh pher deti hai। aise bahut maaya ke thappad khaate rehte hain। maaya bhi kehti hain - tum baap ko yaad nahin karte ho to main maarti hoon। maaya ko hukm mila hua hai। buddhiheen ko buddhivaan banaana hai to kyon nahin service karte ho। kya ab tak maaya ke mochre khaate rehna hai! bahut mochra khaate rehte hain - koi ko krodh ka, koi ko moh ka mochra। baap kehte hain - tum sab kuchh surrender kar trustee ho raho। vikaar bhi daan mein diya phir kaam mein kyon laate ho! vikaaron ka to koi roop nahin hai। dhan ke liye kahenge trustee ho raho। bhal kaam mein lagaana parantu bahut sambhaal se, baap ki shreemat se। paise se koi aisa vikarma nahin karna। nahin to unka bojha saara tumhaare sir par chadhega।

maaya badi tamopradhaan hai। woh bhi jaanti hai - yeh baap ko theek reeti yaad nahin karte hain isliye maaro inko ghoonsa। maaya kehti hai - agar baap aur varse ko yaad nahin karenge to main thappad maar doongi। bahut bachche likhte bhi hain - baba, maaya ne thappad maar diya। baba bhi likhte hain - haan bachche, maaya ko hukm mila hua hai, khoob thappad maaro kyonki tum mera bante nahin ho। tumko sada sukhi banaane aaya hoon, to bhi tum bachche yaad nahin karte ho। hai bhi bada sahaj। parantu time lagta hai। nahin to baap aur varse ko yaad kar khushi ka paara chadh jaana chaahiye। aakhir mein yaad karte-karte jhujhki (hichki) aaye - bas, ham baba ke paas chala jaata hoon। phir aa jaaoogaan svarga mein। ekdam jaise maulaai ban chale jaayenge।

achha! yeh to koi nahin jaante hai - aatma aashik hai parampita paramatma ki। sachche-sachche aashik tum ho। aadha kalpa tum aashik ban maashook ko khoob yaad karte ho। parantu yeh jaante nahin ki aatma paramatma par aashik hoti hai। woh to kah dete - aatma so paramatma, paramatma so aatma। yahaan to bahut farka hai। tum jaante ho - paramatma hai maashook। woh pavitra soul hamko kitna khoobsoorat banaati hai! ham aatma gandi banne se jevar bhi gande ban pade hai। baba aaye hain phir gora banaane phir shareer bhi golden aged milega। khaad sone mein daalte hain na।

ab dekho - yeh mandir hai aadi dev ka। unka naam koi ne mahaaveer rakh diya। arth kuchh nahin jaante। hanoomaan ko bhi mahaaveer kah dete hain। ab kahaan hanoomaan, kahaan phir aadi dev ko bhi mahaaveer kah dete। jaini mahaaraaj muni ne jo kuchh kaha woh chal pada। aajkal to riddhi-siddhi bhi bahut ho padi hai। yeh baba sabko jaante hain। bahut mehnat karte hain। haath se kesar nikaalte hain। manushya samajhte hai - bas, kamaal hai! jhat followers ban jaate hain। riddhi-siddhi vaalon ke to dher followers hain। yahaan to woh baat nahin hai।

baba kehte hai - main 5 hajaar varsha pahle muaaphik aaya hoon। aise koi kah na sake। bachche kehte hain - baba, 5 hajaar varsha pahle ham aaye the। aap se svarga ka varsa paaya tha। ab phir parampita paramatma shiv ke bachche aakar bane hain is brahma dvaara। duniya hai kaliyug mein। kaliyug mein brahman kahaan se aaye? brahman to sangam par chaahiye। pair aur choti, sangam hua na। shoodra aur brahman ka sangam। shoodra se phir brahman bante hain। yeh 84 ka chakra to koi nahin jaante। tum jaante ho - ham brahman hain, brahma ki aulaad practical mein bane hain। un braahmanon ko tum kah sakte ho - tum brahman apne ko brahma ki aulaad kahlaate ho। achha, brahma ka baap kaun hai? bata nahin sakenge। dibbi mein thikri। bas, ham brahman hi bhagwan hain! tum sab bhakta the। ab kehte ho - ham lakshmi ko varne laayak ban rahe hain। ismen purushaartha chalta hai। samjho, ham paramdham se aaye hain। abhi baba phir vaapis le jaane liye aaye hain। ham bhi brahmaanda ke maalik hain। baba bhi puraane tan mein aaye hain। ham bhi puraane tan mein hain। baap kehte hain - hamko bhi puraana tan lena padta hai। ab mujh baap ko yaad karo to vikarma vinaash honge। time bhi dete hain। paandav government ki service kam se kam 8 ghanta honi chaahiye। raajayog sikhlaana hai। shankhadhvani karni hai। tum shreemat se bhaarat ko khaas aur duniya ko aam svarga banaate ho। svarga mein sirf tum aate ho aur dharma vaale nahin aate। brahman, devta, kshatriy, vaishya, shoodra - isko viraat swaroop kaha jaata hai। ek viraat roop ka bhi chitra banaana chaahiye jo manushyon ko sahaj samajh mein aaye। vishnu ko viraat swaroop mein le aaye hain। chitra to zaroor chaahiye na। school mein bhi chitra rakhte hain na। nahin to bachcha kya jaane - haathi kya hota hai? chitron par dikhaate hain। to yeh bhi chaar yug hain। ab kaliyug hai। zaroor chakra phirega। brahman to sangam par hote hain। baaki hain jismaani brahman, pande। woh brahma mukh vanshaavli nahin hain। brahma mukh vanshaavli ko to daade se varsa milta hai। un braahmanon ko varsa kahaan milta! in baaton ko to tumhaare mein bhi nambarvaar samajh sakte hain। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi se sab kuchh surrender kar trustee ho rehna hai। bahut sambhaal se shreemat pramaan har kaarya karna hai।

2) baba aur varse ko yaad kar apaar khushi ka anubhav karna hai। baba ki yaad mein maulaai ban jaana hai। sachcha aashik banna hai।

vardaan:- samaane aur sametne ki shakti dvaara ekaagrata ka anubhav karne vaale saar swaroop bhav

deh, deh ke sambandhon va padaartho ka bahut bada vistaar hai, sabhi prakaar ke vistaar ko saar roop mein laane ke liye samaane va sametne ki shakti chaahiye। sarva prakaar ke vistaar ko ek bindu mein sama do। main bhi bindu, baap bhi bindu, ek baap bindu mein saara sansaar samaaya hua hai। to bindu roop arthaat saar swaroop banna maana ekaagra hona। ekaagrata ke abhyaas dvaara second mein jahaan chaaho, jab chaaho buddhi usi sthiti mein sthit ho sakti hai।

slogan:- jo sada roohaaniyat ki sthiti mein rehte hain vahi roohaani gulaab hain।