Murli du jour du samedi 5 août 2023

05-08-2023 praatahmurli om shanti "baapdaada"' madhuban

“meethe bachche - tum abhi tivaate par khade ho, ek taraph hai duhkhadhaam, doosre taraph hai shantidham aur teesre taraph hai sukhdhaam, ab judge karo humein kidhar jaana hai?''

prashn:- kis nishchay ke aadhaar par tum bachche sada harshit rah sakte ho?

uttar:- sabse pahla nishchay chaahiye ki ham kiske bane hain! baap ka banne mein koi ved-shaastra aadi pustaken padhne ki darkaar nahin hai। doosra nishchay chaahiye ki hamaara kul sabse shreshtha devta kul hai - is smriti se saara chakra yaad aa jaayega। baap aur chakra ki smriti mein rahne vaale sada harshit rahenge।

geet:- kisi ne apna banaake mujhko…

om shanti। tum bachchon ko to pahle-pahle khushi hoti hai - ham kiske bane hain! aise nahin kahenge ham guru ke bane hain। banna hota hai baap ka। shareer chhodkar bhi phir baap ka banna hota hai। yahaan bhi baap ka banna hai। ved-shaastra aadi kiski darkaar nahin। bachcha paida hua to baap samajhte hain meri milkiyat ka yeh maalik hai। sambandh ki baat hai। tum bachche bhi jaante ho ham vaastav mein pahle bhi paarlaukik baap shivbaaba ke bachche hain। pahle ham aatma hain, peechhe hamko shareer milta hai। tumko shareer to hai। ab tumko behad ka baap mila hai। usne aakar apna parichay diya hai। tum kehte ho baba ham aapke hain aur koi sambandh nahin। baap ke bachche bane ho। yeh kehte hain main koi guru-gosaai nahin hoon। board par bhi brahmaakumaar-kumaariyon ka naam likha hua hai to zaroor baap bhi hoga। likhte ho ham brahmaakumaar-kumaariyaan hain। yeh sambandh hua na। maa baap ka sambandh chaahiye। gaate bhi hain tum maat-pita ham baalak tere...... aatma ko jaise woh avinaashi yaad hai। ham aapke jab baalak banenge tab ham varsa lenge। abhi tum jaante ho ham maat-pita ke bane hain। ham shivbaaba ke bachche hain to zaroor baap aur varsa yaad aata hai। tumko koi pustak aadi nahin padhaaya jaata, tumko sirf nishchay karaaya jaata hai। baap ke bane ho to ab unko yaad karo।

baap kehte hain mere ko yaad karne se tum aisa (lakshmi-naaraayan) banenge। kitni sahaj baat hai। vishaalbuddhi hona chaahiye na। aur to kuchh nahin samjhaate hain sirf apne kul ki baat hi batlaate hain ki kaise ham 84 ke chakra mein aate hain। baaki ved-shaastra aadi padhne se bhi tumko chhudaate hain। baap ko hi yaad karte rehna hai। yeh bhi buddhi mein hai ki srishti chakra kaise phirta hai? uske aadi-madhya-ant ko jaanne se hi tum oonch te oonch bante ho। svarga ke maalik bante ho। tumko sadaiv ke liye harshitmukh banaata hoon। kitni sahaj baat hai। parantu phir bhi bhool jaate ho। kya kaaran hai? maa-baap ko kabhi bachche bhoolte nahin hain। baap aur varse ko yaad karo to sadaiv harshit rahenge। jab koi duhkh hota hai to baap ko hi yaad karte hain। zaroor baap ne sukh diya hai। koi duhkh dete hain to kehte hain haay baba, haay bhagwan। har janma mein haay-haay karte aaye ho। ab to tum bachchon ko bilkul sahaj samjhaate hain। bhal tum tandarusta na bhi ho, kitne bhi beemaar ho to bhi tum service kar sakte ho। jaise beemaari mein manushya ko kehte hain raam-raam kaho। tum bhi beemaari mein phir auron ko bolo - shivbaaba ko yaad karo। yeh zaroor auron ko yaad karaana pade। marne ki haalat mein bhi tum yeh knowledge auron ko de sakte ho। paramatma ke tum bachche ho, unko yaad karo। shivbaaba behad ka baap hai, vahi varsa denge। service ka shauk hoga to marne samay bhi kisko gyaan denge। aise nahin, hospital mein pade rahen aur mukh banda ho jaae। mukh se kuchh na kuchh nikalta rahe। kitni achhi avastha honi chaahiye। beemaari mein bhi bahut service kar sakte hain। mitra-sambandhi aayenge unko bhi kahenge paramatma ko yaad karo। vahi sabka rakhvaala hai isliye shivbaaba ko yaad karo। woh ek hai। varsa bhi sabko ek se milta hai। laukik sambandh mein varsa mel ko milta hai। kanya hai hi 100 braahmanon se uttam। pavitra ko daan diya jaata hai। tum kanyaayen sabse pavitra ho isliye kehte hain ham kanya ko daan dete hain। woh bada daan samajhte hain। vaastav mein woh koi daan hota nahin। daan to abhi tum karte ho। kehte ho ham apni kanya shivbaaba ko dete hain, svarga ki mahaaraani banne ke liye। parantu kanya bhi aisi achhi padhi likhi ho, apne daivi kul ki ho jo samjhaane se jhat samajh jaaye। serviceable chaahiye। chhote bachchon ko to nahin sambhaalna hai। koi ko bhi samjhaana bada sahaj hai ki shivbaaba tumhaara behad ka baap hai। chitra saamne hain। dekho, yeh aisa satayug ka varsa pa rahe hain। in lakshmi-naaraayan ko varsa kahaan se mila? kitni sahaj baat hai isliye baba bade chitra bhi banva rahe hain। abhi yeh naatak poora hota hai। hamne 84 janmon ka part bajaaya, ab vaapis baba ke paas jaate hain phir nai duniya mein aayenge। hamaara baba nai duniya ka rachayita hai, uska hamko maalik banaate hain। aapko bhi tareeka batlaate hain ki behad baap se sada sukh ka varsa tumko kaise milega? ek to samjhaao main aatma hoon। main aatma khaati hoon, main aatma chalti hoon। yeh badi achhi practice chaahiye। deh-abhimaan toot jaaye, deh-abhimaani ko laukik sambandh yaad aayenge। dehi-abhimaani ko paarlaukik baap hi yaad padega। uthte-baithte-chalte yeh buddhi mein rakhna hai - main aatma hoon। baap ki mat par chalna hai। shivbaaba mat de rahe hain - apne ko aatma samjho। mehnat karni hai। svarga ke bhaati to banenge। parantu thode mein khush nahin ho jaao। bhal svarga mein to jaayenge। parantu pakke maatele bano। maatela unko kaha jaata hai jo baapdaada ko hi yaad karte। doosra koi yaad padta to woh sautele ho jaate hain। bahut hain jinko donon yaad padte rehte hain। yeh baap hai avinaashi svarga ka varsa dene vaala। yeh bhi kul hai, woh bhi kul hai। unse to duhkh hi milta hai। baaki alpakaal kshanbhangur sukh ka varsa milta hai। ab buddhi se judge karna hai - ham kis taraph ja rahe hain aur kis taraph jaayen? laukik taraph va paarlaukik taraph? buddhi kehti hai paarlaukik baap ke bankar ham kyon nahin svarga taraph jaayen? laukik sambandh se jeete ji marna hai। paarlaukik baap ka banne se svarga ka maalik banenge। yahaan to narka ke maalik bante hain। ab aatma kehti hai buddhi ko kahaan jode? apne shantidham, sukhdhaam mein jaayen ya yahaan jaayen? vaastav mein yahaan jaayen .....yeh uthna hi nahin chaahiye। yahaan to janma-janmaantar rahe hain। ab to ham paarlaukik baap ko kabhi chhodenge nahin।

yahaan tum bachche sammukh baithe ho। tumhaara laukik sambandh koi hai nahin। buddhi kehti hai ham to baba ke saath muktidhaam-shantidham jaayen। savere uth aise-aise baith vichaar saagar manthan karna chaahiye। baithne se bada maja aayega। ab kis taraph jaana chaahiye? narka taraph kyon jaayen? yeh maaya bada dhokha deti hai। abhi to tumhaare paas em object hai। abhi tum kinaare par ho, jaante ho is taraph to duhkh hi duhkh hai, us taraph 21 janmon ka sukh hai। baap kehte hain mere ko yaad karo kyonki mere paas aana hai। maaya kehti hai duniya taraph jaao। kahaan jaayen? raasta to mila hai। ek taraph hai svarga mein jaane ka raasta, doosri taraph hai narka mein jaane ka raasta। tivaata hota hai na। teen gali ke beech mein tivaata hota hai। ab ham kis taraph jaayen? ek gali hai mukti ki, ek gali hai jeevanmukti ki aur ek hai narka ki। jaise teen nadiyon ka sangam hai। teen vaatikaayen hain। ek vaatika mein ham hain। tivaate ka misaal achha hai। ab kahaan jaayen? narka ka to vinaash hona hai। yahaan duhkh bahut hai। abhi ham tivaate par khade hain। peechhe to nahin hatenge।

duhkh ki gali se nikaal baba ne tivaate par khada kiya hai। duhkhadhaam ki gali se to tum janma-janmaantar paas kar aaye ho। ab buddhi kehti hai mukti-jeevanmukti taraph jaayen। muktidhaam mein to sadaiv ke liye baithna nahin hai। aise nahin, ham part se chhoot jaayen, aayen hi nahin। part se chhootna nahin ho sakta। drama anusaar aayenge zaroor। to phir machchharon sadrishya marenge। itna duhkh dekha hai to phir itna sukh bhi dekhna chaahiye। drama mein baba ne vajan theek rakha hai, jinka part hi thoda hai, aaye ek do janma liye, yeh gaye। abhi tum tivaate par khade ho। woh shantidham, woh sukhdhaam। agar shantidham jaana chaahte ho to shantidham ko yaad karte raho। mukti ko to yaad karna pade na। pichhaadi vaalon ko muktidhaam mein jaasti rahne kaaran mukti-dhaam hi jaasti yaad padega। tumko jeevanmuktidhaam yaad padta hai। svarga mein ham jaldi jaayen। woh chaahte hain ham mukti mein rahen। achha, baap ko yaad karte raho ismen bhi kalyaan hai। nirvaandhaam mein rehna chaahte, sukhdhaam nahin aana chaahte to isse samajh jaayenge, inka part nahin dikhta hai। tum to sukhdhaam jaane vaale tivaate par khade ho। purushaartha karte ho।

manushyon ko tumhaara sachcha yog pasanda aayega। achha, baap ko yaad karte raho। chakra ko bhi yaad karne ki darkaar nahin। yeh gyaan sab dharma vaalon ke liye hai। samajhte hain drama anusaar jinhonne jitna liya hai vahi aakar apna pad le lenge। muktidhaam jaana chaahte hain to baap ko yaad karo। agar chaaho ham sadaiv sukhi rahen to vahaan (satayug mein) shanti bhi hai, sukh bhi hai। jo jis taraph ka hoga unko woh varsa lena hai। sarva ka mukti-jeevanmukti daata to baap hai na। ek-do janma lene honge to ismen hi sukh bhi dekhenge, duhkh bhi dekhenge। jaise machchhar aaya aur gaya। woh koi amoolya jeevan nahin kahenge। tum to sadaiv harshit rahne vaale ho। tum light house ho khade ho। donon raasta dikha sakte ho। chaahe muktidhaam chalo, chaahe mukti-jeevanmukti donon ko yaad karo। ismen shaastra aadi padhne ki koi darkaar nahin। kumaariyon ke liye to bahut sahaj hai kyonki seedhi nahin chadhi hai। chhotepan mein padhna achha hota hai kyonki buddhi achhi hoti hai। koi ki yaad nahin rehti hai। tum sab kumaariyaan ho, tumhein aur kuchh karna nahin hai, sirf padhaai mein lag jaao, bas, beda paar hai। yeh baaten behad ka baap hi samjhaate hain jo phir hamko svarga ka maalik banaate hain। chitra bhi hain hamko aisa banna hai। baap kehte hain is padhaai se tum so devta banenge। abhi yeh khel poora hona hai। manushya to ghor andhiyaare mein pade hain। tum ab sojhre mein ho। baap ne aakar neend se jagaaya hai। yeh buddhi ko, aatma ko jagaaya jaata hai। baap aakarke jagaate hain - jaago, sukhdhaam ke liye purushaartha karo। jo tumhaare kul ke honge woh aate rahenge, vriddhi ko paate jaayenge। tumhaari praja kitni banti hai, tum hisaab laga sakte ho? nahin। koi kitna sunte hain, koi thoda sunkar chale jaate hain। hisaab thode hi nikaal sakte hain। badi maala, chhoti maala, saahookaar, praja kaise banti hai, kaun bante hain, woh sab buddhi mein hai। mukhya sooryavanshi mahaaraaja-mahaaraani kaun banenge, phir chandravanshi kaun banenge, kitni praja banna hai - sab baaten tumko yahaan batlaai jaati hain। saare jhaad athva sabhi dharmon ke chakra ke beech se kaise taal-taaliyaan, patte aadi nikalte hain, abhi bhi patte nikalte rehte hain। vahaan niraakaari duniya ekdam khaali ho jaayegi। phir vinaash hona chaahiye। badi ladaai mein karodon mare honge, anginat। yahaan to kitne khalaas honge। baaki thode satayug mein aakar raajya karenge। abhi to kitne manushya hain। anna hi itna nahin।

tum bachche jaante ho - baba aate hi hain sangam par। baap samjhaate hain - bachche, shareer nirvaah arth karma to karna hi hai। har baat mein raay poochhte jaao। har ek ka hisaab-kitaab apna-apna hai। shreemat avinaashi surgeon se lete jaao। sabko apni-apni davaai bataayenge। samjhaaya jaata hai - yeh duniya khalaas hui padi hai। ab baap ko yaad karo to beda paar ho jaayega। baap aaye hi hain narka ka vinaash kar svarga ki sthaapna karne। ham aapko bhi raay dete hain, shri shri se mili hui shreemat ham aapko bhi dete hain। baap kehte hain mujhe yaad karo to tum svarga ke maalik banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) service ka shauk rakhna hai। beemaari mein bhi baap ki yaad mein rehna hai aur doosron ko bhi yaad dilaana hai। mukh se gyaan daan karte rehna hai।

2) pakka maatela banna hai arthaat ek baap ki hi yaad mein rehna hai। savere-savere uth vichaar saagar manthan karna hai। doosra koi bhi yaad na aaye।

vardaan:- apni shubh aur shaktishaali bhaavnaaon dvaara vishwa parivartan karne vaale vishwa kalyaankaari bhav

aap bachchon ke man mein sada yahi shubh bhaavna hai ki sarva ka kalyaan ho। har aatma anek janma sukhi ho jaae, praaptiyon se sampanna ho jaae। aapki is shubh aur shaktishaali bhaavna ka phal vishwa ki aatmaon ko parivartan kar raha hai, aage chal prakriti sahit parivartan ho jaayega kyonki aap sangamayugi shreshtha aatmaon ko draamaanusaar pratyakshaphal praapta hone ka vardaan hai isliye jo bhi aatmaayen aapke sambandh-samparka mein aati hain woh usi samay shanti va sneh ke phal ki anubhooti karti hain।

slogan:- trikaaldarshi sthiti mein sthit rahkar nirnay karo to har karma mein saphalta praapta hogi।