Murli du jour du mercredi 20 décembre 2023

20-12-2023 praatahmurli om shanti "baapdaada"' madhuban

“meethe bachche - apni royal chalan se seva karni hai, shreemat par buddhi ko refine banaana hai, maataaon ka regard rakhna hai''

prashn:- kaun-sa kartavya ek baap ka hai, kisi manushya ka nahin?

uttar:- saare vishwa mein pees sthaapan karna, yeh kartavya baap ka hai। manushya bhal kitni bhi conference aadi karte rahen pees ho nahin sakti। shanti ka saagar baap jab bachchon se pavitrata ki pratigya karaate hain tab pees sthaapan hoti hai। pavitra duniya mein hi shanti hai। tum bachche yeh baat sabko badi yukti se aur bhabhke se samjhaao tab baap ka naam baala ho।

geet:- main ek nanha sa bachcha hoon…

om shanti। yeh geet to bhakti maarga ka gaaya hua hai kyonki ek taraph bhakti ka prabhaav hai doosre taraph ab gyaan ka prabhaav hai। bhakti aur gyaan mein raat-din ka farka hai। kaun-sa farka hai? yeh to bahut sahaj hai। bhakti hai raat aur gyaan hai din। bhakti mein hai duhkh, jab bhakta duhkhi hote hain to bhagwan ko pukaarte hain। phir bhagwan ko aana padta hai duhkhiyon ka duhkh door karne। phir baap se poochha jaata hai - drama mein kya koi bhool hai? baap kehte hain - haan, badi bhool hai, jo tum mujhe bhool jaate ho। kaun bhulaate hain? maaya raavan। baap baith samjhaate hain - bachche, yeh khel bana hua hai। svarga aur narka hota to bhaarat mein hi hai। bhaarat mein hi koi marta hai to kehte hain baikunthavaasi hua। yeh to jaante nahin ki svarga athva baikuntha kab hota hai? jab svarga hota hai to manushya punarjanma zaroor svarga mein hi lenge। abhi to hai hi narka to punarjanma bhi zaroor narka mein hi lenge, jab tak svarga ki sthaapna ho। manushya yeh baaten nahin jaante hain। ek hai eeshvareey athva raam sampradaay, doosra hai raavan sampradaay। satayug-treta mein hai raam sampradaay, unko koi duhkh nahin hai। ashok vaatika mein rehte hain। phir aadhaakalpa baad raavan raajya shuru hota hai। ab baap phir se aadi sanaatan devi-devta dharma sthaapan karte hain। woh hai sabse sarvottam dharma। dharma to sab hain na। dharmon ki conference hoti hai। bhaarat mein anek dharma vaale aate hain, conference karte hain। ab jo bhaaratvaasi dharma ko maanne vaale hi nahin, woh conference kya karenge? vaastav mein bhaarat ka praacheen dharma to hai hi aadi sanaatan devi-devta dharma। hindu dharma to hai nahin। sabse oonch hai devi-devta dharma। ab kaayda kehta hai sabse oonch te oonch dharma vaale ko gaddi par bithaana chaahiye। sabse aage kisko bithaayen? is par bhi kabhi unhon ka jhagda lag padta hai। jaise ek baar kumbha ke mele mein jhagda ho gaya tha। woh kahe pahle hamaari savaari chale, woh kahe pahle hamaari। lad pade the। to ab is conference mein bachchon ko yeh samjhaana hai ki oonch te oonch kaun-sa dharma hai? woh to jaante nahin। baap kehte hain aadi sanaatan hai hi devi-devta dharma। jo ab praayah lop ho gaya hai aur apne ko hindu kahlaane lag pade hain। ab cheen mein rahne vaale apna dharma cheen to nahin kahenge, vo log to jisko naameegraami dekhte hain unko mukhya karke bitha dete hain। kaayde anusaar conference mein bahut to aa nahin sakte। sirf religion ke heads ko hi nimantran diya jaata hai। bahuton se phir bahut bolchaal ho jaata hai। ab unhon ko raay dene vaala to koi hai nahin। tum ho oonch te oonch devi-devta dharma vaale। ab devta dharma ki sthaapna kar rahe ho। tum hi bata sakte ho bhaarat ka jo mukhya dharma hai, jo sab dharmon ka maai-baap hai unke head ko is conference mein mukhya banaana chaahiye। gaddi nasheen unko karna chaahiye। baaki to sab hain unke neeche। to mukhya bachche jo hain unki buddhi chalni chaahiye।

bhagwan arjun ko baith samjhaate hain। sanjay yeh hai। arjun to hai rathi। unmein rathvaan hai baap, woh samajhte hain roop badalkar shreekrishna ke tan mein aakar gyaan diya hai। parantu aise to hai nahin। ab prajaapita bhi hai, trimoorti ke oopar bahut achhi reeti samjhaaya ja sakta hai। trimoorti ke oopar shivbaaba ka chitra zaroor chaahiye। woh hai sookshm vatan ki rachna। bachche samajhte hain yeh vishnu hai paalan-karta। prajaapita brahma hai sthaapan karta। to unka bhi chitra chaahiye। yeh badi samajh ki baat hai। buddhi mein rehta hai prajaapita brahma zaroor hai। vishnu bhi to chaahiye, jisse sthaapna karaayenge usse hi paalna bhi karaayenge। sthaapna karaate hain brahma se। brahma ke saath sarasvati aadi bahut bachche hain। vaastav mein yeh bhi patit se paavan ban rahe hain। to conference mein aadi sanaatan devi-devta dharma ki head jagdamba honi chaahiye kyonki maataaon ka bahut maan hai। jagat amba ka mela bada bhaari lagta hai। woh hai jagat pita ki beti। ab aadi sanaatan devi-devta dharma ki sthaapna ho rahi hai। geeta episode repeat ho raha hai। yeh vahi mahaabhaarat ki ladaai saamne khadi hai। baap bhi kehte hain main kalpa-kalpa, kalpa ke sangamayug par aata hoon, bhrashtaachaari duniya ko shreshthaachaari banaane। jagat amba goddess oph knowledge gaai hui hai। unke saath gyaan gangaayen bhi hain। unse poochh sakte hain ki unko yeh knowledge kahaan se mili hui hai! knowledgeful god father to ek hi hai, woh knowledge kaise de? zaroor unko shareer lena pade। to brahma mukh kamal se sunaate hain। ye maataayen baith samjhaayengi। conference mein unhon ko yeh maaloom hona chaahiye na ki bada dharma kaun-sa hai? yeh to koi samajhte hi nahin ki ham aadi sanaatan devi-devta dharma ke hain। baap kehte hain yeh dharma jab praayah lop ho jaata hai to main aakar phir sthaapan karta hoon। abhi devta dharma hai nahin। baaki 3 dharmon ki vriddhi hoti ja rahi hai। to zaroor devi-devta dharma phir se sthaapan karna pade। phir yeh sab dharma rahenge hi nahin। baap aate hi hain aadi sanaatan devi-devta dharma ki sthaapna karne। tum bachchiyaan hi bata sakti ho ki pees kaise sthaapan ho sakti hai? shanti ka saagar to hai hi parampita paramatma। to pees zaroor vahi sthaapan karenge। gyaan ka saagar, sukh ka saagar vahi hai। gaate bhi hain patit-paavan aao, aakar ke bhaarat ko paavan raamraajya banaao। peaceful to vahi banaayenge। yeh baap ka hi kartavya hai। tum unki mat par chalne se shreshtha pad paate ho। baap kehte hain jo mere banenge, raajayog seekhenge aur pavitrata ki pratigya karenge ki baba ham pavitra ban 21 janmon ka varsa lenge vahi maalik banenge, patit se paavan banenge। paavan hain lakshmi-naaraayan sabse oonch। phir abhi paavan duniya ki sthaapna ho rahi hai। tum pees ke liye conference kar rahe ho parantu manushya thode hi pees karenge। yeh to shanti ke saagar baap ka kaam hai। conference mein bade aadmi aate hain, bahut members bante hain to unhon ko raay bhi deni pade। father shows san। shivbaaba ke potre brahma ke bachche hain goddess oph knowledge। unko god ne knowledge di hai। manushya to shaastron ki knowledge padhte hain। aise bhabhke se samjhaao to bada maja ho। yukti zaroor rachni padti hai। ek taraph unhon ki conference ho aur doosre taraph phir tumhaari bhi bhabhke se conference ho। chitra bhi clear hain, jinse jhat samajh jaayenge। unka occupation alag hai, unka alag hai। aise thode hi sab ek hi ek hain। nahin। sabhi dharmon ka part alag-alag hai। shanti ke liye mil karke kaarya karte hain, kehte hain religion is might। parantu sabse taakat vaala kaun? vahi aakarke pahla number devi-devta dharma ki sthaapna karte hain। yeh tum bachche hi jaante ho। din-pratidin tum bachchon ko points milti rehti hain। samjhaane ki power bhi hai। yogi ki power achhi hogi। baba kehte gyaani tu aatma hi mujhe priy hain। aise nahin ki yogi priy nahin hain। jo gyaani honge woh yogi bhi zaroor honge। yog parampita paramatma ke saath rakhte hain। yog bigar dhaarna nahin hogi। jinka yog nahin hai to dhaarna bhi nahin hai kyonki deh-abhimaan bahut hai। baap to samjhaate hain - aasuri buddhi ko daivi buddhi banaana hai। patthar-buddhi ko paaras buddhi banaane vaala baap eeshvar hai। raavan aakarke pattharbuddhi banaate hain। unhon ka naam hi hai aasuri sampradaay। devtaaon ke aage kehte hain hamaare mein koi gun naahi, ham kaami kapti hain। tum maataayen achhi reeti samjha sakti ho। murli chalaane ka itna haunsala chaahiye। badi-badi sabhaaon mein aisi-aisi baaten karni pade। mama hai goddess oph knowledge। brahma ko kabhi god oph knowledge nahin kaha jaata hai। sarasvati ka naam gaaya hua hai। jiska jo naam hai vahi rakhte hain। maataaon ka naam baala karna hai। kai gopon ko bahut deh-abhimaan hai। samajhte hain ham brahmaakumaar god aaph knowledge nahin hain kya! are, khud brahma hi apne ko god aaph knowledge nahin kehte। maataaon ka bahut regard rakhna pade। yeh maataayen hi jeevan paltaane vaali hain। manushya se devta banaane vaali hain। maataayen bhi hain, kanyaayen bhi hain। adhar kumaari ka raaz to koi samajhte nahin hain। bhal shaadi ki hui hai to bhi brahmaakumaariyaan hain। yeh badi wonderful baaten hain। jinhon ko baap se varsa lena hai woh samajhte hain। baaki jinki takdeer mein nahin hai woh kya samjhenge, nambarvaar darje zaroor hain। vahaan bhi koi daas-daasiyaan honge, koi praja honge। praja bhi chaahiye। manushya srishti vriddhi ko paati rahegi to praja bhi vriddhi ko paati rahegi। to aisi-aisi conference jo hoti hain uske liye jo apne ko mukhya samajhte hain unko taiyaar rehna chaahiye। jinmen gyaan nahin hai woh jaise chhote thahre। itni buddhi nahin। dekhne mein bhal bade hain parantu buddhi nahin hai, woh chhote hain। koi-koi ki buddhi badi achhi hai। saara madaar buddhi par hai। chhote-chhote bhi teekhe chale jaate hain। koi ki samjhaani mein bada mithaas hota hai। baatcheet badi royal karte hain। samjhenge yeh refine bachche hain। chalan se bhi show hota hai na। bachchon ki chalan bahut royal honi chaahiye। koi unroyal kaam nahin karna chaahiye। naam badnaam karne vaale oonch pad pa nahin sakte। shivbaaba ka naam badnaam karte hain to baap ka bhi hak hai samjhaane ka। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class

ab tum bachche samajhte ho ki ham jeev aatmaayen parampita paramatma ke sammukh baithe hain। isko hi mangal milan kaha jaata hai। gaaya jaata hai na - ‘mangalam bhagwan vishnu'। abhi mangal hai na, milan ka। bhagwan varsa dete hain vishnu kul ka, isliye unko ‘mangalam bhagwan vishnu' kaha jaata hai। jab baap milte hain jeev aatmaon se, woh milan bada sundar hai। tum bhi samajhte ho abhi ham eeshvareey bachche bane hain, eeshvar se apna varsa lene liye। bachche jaante hain eeshvar ke varse baad daivi varsa milta hai arthaat svarga mein punarjanma milta hai। to tum bachchon ko khushi ka paara chadha rehna chaahiye। tum jaisa khushanseeb va saubhaagyashaali to koi nahin। duniya mein sivaae brahman kul ke aur koi bhi bhaagyashaali ho nahin sakta। vishnu kul second number mein ho gaya। woh daivi god ho jaati। abhi eeshvareey god hai। yeh to oonch thahre na। delvaada mandir eeshvareey god ka mandir hai। jaise amba ke bhi mandir hain, woh itna sangamayug ka saakshaatkaar nahin karaate hain, yeh delvaada mandir sangamayug ka saakshaatkaar karaata hai। bachchon ko jitni samajh hai utna aur koi manushya maatra ko ho na sake। jitna tum braahmanon ko samajh hai, utni devtaaon ko bhi nahin। tum sangamayugi brahman ho। woh sangamayugi braahmanon ki mahima karte hain। kehte hain brahman so devta bante hain। aise braahmanon ko namah। brahman hi narka ko svarga banaane ki service karte hain, aise bachchon (braahmanon) ko namaste karte hain। achha - good night।

dhaarna ke liye mukhya saar:-

1) baap ka priy banne ke liye gyaani aur yogi banna hai। deh-abhimaan mein nahin aana hai।

2) murli chalaane ka haunsala rakhna hai। apni chalan se baap ka show karna hai। baatcheet bade mithaas se karni hai।

vardaan:- karmabhog ko karmayog mein parivartan kar seva ke nimitta banne vaale bhaagyavaan bhav

tan ka hisaab-kitaab kabhi praapti va purushaartha ke maarga mein vighna anubhav na ho। tan kabhi bhi seva se vanchit hone nahin de। bhaagyavaan aatma karmabhog ke samay bhi kisi na kisi prakaar se seva ke nimitta ban jaati hai। karmabhog chaahe chhota ho ya bada, uski kahaani ka vistaar nahin karo, use varnan karna maana samay aur shakti vyartha ganvaana। yogi jeevan maana karmabhog ko karmayog mein parivartan kar dena-yahi hai bhaagyavaan ki nishaani।

slogan:- drishti mein raham aur shubh bhaavna ho to abhimaan va apmaan ki drishti samaapta ho jaayegi।