Murli du jour du mardi 9 janvier 2024

09-01-2024 praatahmurli om shanti "baapdaada"' madhuban

“meethe bachche - is purushottam sangamayug mein purushottam banne ka poora-poora purushaartha karo, jitna ho sake yaad aur padhaai par attention do''

prashn:- tum bachche bahut bade vyaapaari ho, tumhein hamesha kis baat par dhyaan de vichaar karna chaahiye?

uttar:- hamesha ghaate aur phaayde par vichaar karo। agar is par vichaar nahin kiya to praja mein daas daasi banna padega। baap 21 janmon ki raajaai ka jo varsa dete hain use ganva denge isliye baap se poora sauda karna hai। baap hai daata, tum bachche sudaame misal chaaval mutthi dete ho aur vishwa ki baadshaahi lete ho।

om shanti। bachche yahaan baithe hain। yeh school hai। yeh koi satsang nahin hai। mahanta, brahman va koi sanyaasi saamne nahin baitha hai। dar ki koi baat nahin ki svaami naaraaz na ho jaayen। bhakti maarga mein jab koi saadhu sanyaasi ko ghar mein bulaate hain to unke paanv dhokar peete hain, yeh to baap hai na। ghar mein bachche kabhi baap se darte hain kya। tum to saath mein khaate-peete, khelte ho। sanyaasi-guru aadi ke saath aise karte hain kya? vahaan to saara din guru ji, guru ji karte rehte hain। yahaan to aise nahin karna hai। yeh to baap hai। guru se apna varsa, teacher se apna varsa milta hai। baap se to property milti hai। bachcha paida hua aur vaaris bana। yahaan bhi baap ke bachche bane, baap ko pahchaana, bas ham svarga ke maalik hain। baap hai hi svarga ka rachayita। in lakshmi-naaraayan ne svarga ki raajaai kaise aur kahaan se li - yeh koi bhi nahin jaante। tum samajhte ho ham yeh the phir ban rahe hain। manushya to kuchh bhi khyaal nahin karte ki yeh kaun hain, ham kisko poojte hain। shiv ke mandir mein jaakar sirf loti chadhaakar aate hain, jaante kuchh bhi nahin। tumko ab feeling aati hai ki ham yeh mrityulok ka shareer chhod amarlok mein jaayenge। praapti kitni bhaari hai। bhakti maarga mein kuchh bhi praapti nahin। baba khud bhi kehte hain hamne 12 guru kiye। ab samajhte hain ki yeh to time vesta ho gaya aur hi neeche utarte gaye। parantu yeh bhi drama mein noondh hai। hamaari koi se dushmani nahin hai। hamaari ek baap ke saath hi preet hai। tum jab andar class mein aate ho to in chitron ko dekh khush hona chaahiye ki ham padh karke yeh ban rahe hain। tumko maaloom hai yeh raajdhaani kaise sthaapan hoti hai। baap kehte hain bachche moonjho mat। baap itna achhi reeti samjhaate hain phir bhi aashcharyavat sunanti, kathanti, bhaaganti ho jaate hain। maaya ke ban jaate hain, unko kaha jaata hai traitor, jo ek raajdhaani se nikal doosre ke jaakar bante hain। baap kitna achhi reeti purushaartha karaate hain। bhakti maarga mein kitna bhatakte hain। daan-punya, teertha, vrat-nem aadi bahut karte hain। achha saakshaatkaar hua to kya hua। chadhti kala to hui nahin aur hi utarti kala hui। tumhaari din-pratidin chadhti kala hai। baaki sabki hai utarti kala। guru log kehte bhi hain gyaan brahma ka din hai, bhakti brahma ki raat hai। gyaan aur bhakti mein raat din ka pharka hai। gyaan se sukh milta hai, baap kitna sahaj samjhaate hain ki tum hi vishwa ke maalik the phir tum hi neeche utarte aaye ho। ab baap kehte hain sirf apne ko aatma samjho। aatma avinaashi hai। aatma kehti hai he avinaashi baap hamko aakar paavan banaao, ismen mukti jeevanmukti sab aa jaata hai। tum abhi samajhte ho bhakti mein ham kuchh bhi nahin jaante the। dhoondhate rehte the। gaate rehte the he bhagwan raham karo। bhagwan kahne se itni taste nahin aati, varsa yaad nahin aata। tum kahenge oonche te ooncha shivbaaba, to phauran varsa yaad aayega। abhi tum samajhte ho ki yeh raavan raajya hai। raamraajya hota hai satayug mein। abhi to kaliyug hai। satayug mein bahut thode manushya the। ek hi aadi sanaatan dharma tha। sukh shanti thi। yahaan manushya shanti ke liye bhatakte rehte hain। kitna kharcha karte hain - conference aadi mein। tum unhon ko likh sakte ho shanti ka saagar, pavitrata ka saagar, sampatti ka bhi woh saagar hai। sab kuchh unse milta hai।

abhi tum jaante ho satayug mein ham bahut dhanvaan the। vishwa mein shanti to vahaan thi। baaki aatmaon ko shanti hoti hai paramdham ghar mein। vishwa mein ham akele hi the to sukh-shanti sab tha। to bachchon ko bahut khushi honi chaahiye। aise svarga ke liye shaastron mein kya-kya baaten likh di hai। ab baap kehte hain main tumko itna samjhaata hoon jo tumko koi bhi prashn aadi poochhne ki darkaar nahin। pahle to maamekam yaad karo। tum bulaate ho patiton ko aakar paavan banaao arthaat puraani duniya ko aakar naya banaao। parantu arth kuchh bhi nahin samajhte। soot moonjha hua hai। ab suljhaana padta hai। bhakti mein kitne chitra banaaye hain, krishna ko chakra de diya hai, jisse akaasur bakaasur ko maara। are woh koi hinsak tha kya? phir kehte phalaani-phalaani ko bhagaaya। double hinsak bana diya hai। wonder hai na, jinhonne shaastra banaaye hain unhon ke buddhi ki kamaal hai। phir unko kehte vyaas bhagwan। ab baap kehte hain mujhe yaad karo aur daiveegun dhaaran karo। aur koi baat nahin। tumko yog mein bithaaya jaata hai kyonki bahut hain jo baba ko yaad nahin karte। apne hi dhandhon mein rehte hain। unko phursat hi nahin। parantu ismen to kaam aadi karte bhi buddhi se yaad karna hai। tum aashik ho mujh maashook ke। ab main tumko kehta hoon aur sang tod mujh ek sang jodo। khaate peete sirf yeh aadat daalo ki main aatma hoon aur baap ko yaad karo। baap tumko kitna ooncha banaate hain, tum yeh paai-paise ki baat nahin maante, mujhe yaad nahin karte। apne baal bachchon ko karte ho, mujhe nahin kar sakte ho। vaastav mein nishtha akshar kehna wrong hai। baba direct aakar kehte hain maamekam yaad karo। kalpa pahle bhi sammukh baap ne samjhaaya tha। abhi samjhaate hain meethe-meethe bachche kalpa ke baad mile hue laadle bachche… ab tumhaare 84 janma poore hue। ab vaapis jaane ke liye tumko pavitra zaroor banna padega। vikaar mein jaane kaaran hi tum bahut patit bane ho। paavan nahin banenge to pad bhi kam milega। apne ko aatma samajh baap ko yaad karo aur 84 ke chakra ko bhi yaad karo, yahi svadarshan chakra hai। iska arth bhi koi nahin jaanta। mukh se gyaan shankh bajaana hai। yeh gyaan ki baaten hain। yeh tumhaara behad ka baap hai, svarga ka rachayita hai, baap ko yaad karo to tumhaari chadhti kala ho jaayegi। kitni sahaj baat hai।

tum bachche ab samajhte ho ki yeh bana banaaya drama hai। har 5 hazaar varsha ke baad baap aate hain। ab achhi tarah purushaartha karo। tum dhan ke peechhe kyon marte ho। achha maas mein laakh do laakh kamaayenge parantu yeh sab khatma ho jaayega। baal bachche khaane vaale hi nahin rahenge। lobh rehta hai ki putra potre, tar potre khaayenge। aise nahin punarjanma sab us kul mein hi lenge। punarjanma pata nahin kahaan-kahaan lete hain। tum to 21 janma ka varsa paate ho। agar kam purushaartha kiya to praja mein daas daasiyaan jaakar banenge to kitna ghaata ho jaayega। to ghaate aur phaayde ka bhi vichaar karo। vyaapaari log paap bhi bahut karte hain to kuchh na kuchh dharmaau nikaalte hain। yeh to hai avinaashi gyaan ratnon ka vyaapaar, jo koi virla karte hain। yeh sauda direct baap se karna hai। baap dete hain gyaan ratna। woh to daata hai। bachche chaaval mutthi dete hain baap to dete hain behad ki baadshaahi। unki bhent mein yeh chaaval mutthi hui na। tum sab sudaame ho। kya dete ho aur kya lete ho? vishwa ki baadshaahi lekar vishwa ke maalik bante ho। buddhi kehti hai ek hi bhaarat khanda hoga। prakriti bhi nai hogi। aatma bhi satopradhaan hogi। satayug mein tum devtaayen the to pure sona the। phir treta mein thodi chaandi aatma mein padti hai, unko silver ej kaha jaata hai। seedhi neeche utarte jaate hain। is samay tum bahut oonche ho। viraat roop ka chitra bhi hai। sirf arth nahin samajhte। kitne dher chitra hain। koi Christ ka chitra rakhte hain to koi saani baba ka rakhte। musalmaanon ko bhi guru karte hain। phir vahaan jaakar sharaab ki mahphil karte hain। baap kehte kitna agyaan andhiyaara hai। yeh sab hai bhakti ka andhiyaara। sang ki bahut sambhaal rakhni hai। kaha bhi jaata hai sang taare kusang bore, kusang hai maaya ke 5 vikaaron ka। abhi tumko sat baap ka sang mila hai, jisse tum paar ja rahe ho। baap hi sat bolte hain। kalpa-kalpa tumko sat ka sang milta hai phir aadhaakalpa ke baad kusang milta hai raavan ka। yeh bhi samajhte ho kalpa pahle misal raajdhaani zaroor sthaapan hogi। tum vishwa ke maalik zaroor banenge। yahaan to partition hone ke kaaran kitne jhagde hote hain। vahaan to hai hi ek dharma। vishwa mein shanti thi jabki advet devtaaon ka raajya tha। ek hi dharma tha। vahaan ashaanti kahaan se aai। woh hai hi eeshvareey raajya। spiritual knowledge se paramatma ne kingdom sthaapan ki hai to zaroor vahaan sukh hoga। baap ka bachchon par pyaar hota hai na। baap kehte hain main jaanta hoon tumko kitne dhakke khaane padte hain। samajhte hain bhagwan koi na koi roop mein aa jaayega। kab bail par savaari bhi dikhaate hain। ab bail par kabhi savaari hoti hai kya। kitna andhiyaara hai। to tum bachche ab sabko bataao ki baap sabko varsa dene aaye hain, brahma dvaara nai duniya ki sthaapna ho rahi hai। baba hamesha bad ke jhaad ka misaal dete hain। vaise inka jo foundation hai vahi phir se sthaapan kar rahe hain aur koi dharma rahega nahin। bhaarat hai avinaashi khanda aur avinaashi teertha। baap ka birth place hai na। baba meethe-meethe bachchon ko kitna pyaar se samjhaate hain। teacher ke roop mein padhaate hain। tum bachche padhkar mere se bhi oonch chale jaate ho। main to raajaai leta nahin hoon। tumne mujhe kabhi svarga mein bulaaya hai kya ki aao- main tumko svarga mein bhej deta hoon। kitna maje ka khel hai। baap kehte hain achha bachche jeete raho। ham vaanaprastha avastha mein jaakar rehta hoon।

baap kehte hain ab to aaphten sir par khadi hain, isliye purushottam banne ka is purushottam sangamayug par poora-poora purushaartha karna hai। baap ko yaad karne ka purushaartha karte raho to vikarma vinaash honge aur jitna jo padhenge woh oonch kul mein jaayenge। baap kehte hain apni ghot to nasha chadhe। sada bachchon ko baap se varsa milta hai। laukik mein to bachche ko milta hai। baaki kanya daan hota hai। yahaan to sab aatmaon ko varsa milta hai so bhi behad ka। to is par poora dhyaan dena chaahiye। bhagwan padhaate hain ek din bhi miss nahin karna chaahiye। baba ko kahe ki mujhe phursat nahin hai। are aatma ko phursat nahin hai mere se padhne liye, yeh kahne mein sharma nahin aata। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sang se apni bahut sambhaal karni hai। ek sat baap ka sang karna hai। maaya 5 vikaaron ke sang se bahut door rehna hai।

2) padhaai par poora dhyaan dena hai। apni masti mein raho। kaha jaata apni ghot to nasha chadhe। ek din bhi padhaai miss mat karo।

vardaan:- seva mein sneh aur satyata ki authority ke balance dvaara saphaltaamoorta bhav

jaise is jhooth khanda mein brahma baap ko satyata ki authority ka pratyaksha swaroop dekha। unke authority ke bol kabhi anhakaar ki bhaasna nahin denge। authority ke bol mein sneh samaaya hua hai। authority ke bol sirf pyaare nahin prabhaavshaali hote hain। to follow father karo - sneh aur authority, nimaarnata aur mahaanta donon saath-saath dikhaai den। vartamaan samay seva mein is balance ko underline karo to saphalta moorta ban jaayenge।

slogan:- mere ko tere mein parivartan karna arthaat bhaagya ka adhikaar lena।

avyakti silence dvaara double light pharishta sthiti ka anubhav karo

pahle apni deh ke lagaav ko khatma karo to sambandh aur padaartha se lagaav aapehi khatma ho jaayega। pharishta banne ke liye pahle yeh abhyaas karo ki yeh deh seva arth hai, amaanat hai, main trustee hoon। phir dekho pharishta banna kitna sahaj lagta hai।