Murli du jour du lundi 15 janvier 2024

15-01-2024 praatahmurli om shanti "baapdaada"' madhuban

“meethe bachche - paavan banne ke liye yaad ki yaatra bahut zaroori hai, yahi mukhya subject hai, is yogbal se tum serviceable gunvaan ban sakte ho।''

prashn:- tum bachche jo yog seekhte ho yahi sabse niraala yog hai kaise?

uttar:- aaj tak jo yog seekhte ya sikhaate aaye woh manushyon ka manushyon ke saath yog juta। lekin abhi ham niraakaar ke saath yog lagaate hain। niraakaar aatma niraakaar baap ko yaad kare - yeh hai sabse niraali baat। duniya mein koi bhagwan ko yaad bhi karte to bigar parichay। occupation ke bina kisi ko yaad karna yeh bhakti hai। gyaanvaan bachche parichay sahit yaad karte hain।

om shanti। roohaani baap baith bachchon ko samjhaate hain। bachchon ko pahle-pahle to baap ka parichay mila hai। chhota bachcha paida hota hai to unko pahle-pahle maa baap ka parichay milta hai। tumhaare mein bhi nambarvaar purushaartha anusaar hain, jinko rachta baap ka parichay mila hai। yeh bhi bachche jaante hain oonch te oonch baap hi hai, unki hi mahima bataani hai। mahima gaate bhi hain shivaae namah, brahma namah, vishnu namah shobhta nahin। shivaae namah shobhta hai। brahma devta namah, vishnu devtaae namah akshar shobhta hai। unhon ko devta kehna pade। oonch te oonch hai bhagwan। jab koi aate hain to pahle-pahle baap ki mahima zaroor bataani hai। woh supreme baap hai। bachche bhool jaate hain ki baap ki mahima kaise sunaayen। pahle to yeh samjhaana hai ki woh supreme baap hai, teacher bhi hai, satguru bhi hai। teenon ko yaad karna pade। yoon to yaad shivbaaba ko hi karna hai - teenon roop mein। yeh to pakka karna pade। tum baap ki mahima ko jaante ho, tab to karte ho। unhonne to oonche te oonch baap ko thikkar bhittar mein kah diya hai। manushya mein bhi kah dete hain lekin manushya tan mein bhi sadaiv to rah nahin sakte। woh to sirf loan lete hain। woh khud kehte hain main inke tan ka aadhaar leta hoon। to pahli baat pakki karni hai ki baap hai satya। vahi satya naaraayan ki katha sunaate hain। nar se naaraayan satya baap ne banaaya hai। satayug mein in lakshmi-naaraayan ka hi raajya tha। woh kaise bane? kisne banaaya? kab katha sunaai? kab raajayog sikhaaya? yeh sab tum abhi samajhte ho। aur sab yog hote hain manushyon ke manushyon ke saath। aisa hota nahin jo manushya ka yog niraakaar ke saath ho, woh bhi parichay se। aajkal bhal shiv se yog lagaate hain, pooja karte hain parantu jaante unko koi nahin। yeh bhi nahin samajhte ki prajaapita brahma zaroor saakaar duniya mein hoga। moonjhe hue hain। samajhte hain prajaapita brahma to pahle-pahle satayug mein hona chaahiye। agar satayug mein prajaapita brahma ho to phir sookshm vatan mein kyon dikhaaya hai? arth nahin samajhte। yeh saakaar hai karmabandhan mein, woh sookshm hai karmaateet। yeh gyaan koi mein bhi nahin hai। gyaan dene vaala ek baap hi hai। woh jab aakar gyaan de tab tum doosron ko sunaao। baap ka kisko parichay dena bahut sahaj hai। alpha par hi samjhaana hai। yeh sabhi aatmaon ka behad ka baap hai। kisko parichay dene mein koi takleeph nahin hai। bahut sahaj hai। parantu nishchay nahin, practice nahin to kisko samjha nahin sakte। kisko gyaan nahin dete to goya agyaani hai। gyaan nahin to bhakti hai na। deh-abhimaan hai। gyaan hoga hi dehi-abhimaani mein। ham aatma hain, hamaara baap parampita paramatma vahi baap, teacher, satguru bhi hai। prajaapita brahma bhi hai na। baap ne prajaapita brahma ka occupation bhi bataaya hai। to apna bhi occupation bataaya hai। manushyon ne to shiv aur shankar ko milaakar ek kar diya hai। kehte hain shankar ne okh kholi to vinaash ho gaya। ab vinaash to bombs se, natural calamities se hota hai। shiv shankar mahaadev kehte hain। yeh chitra koi yathaartha nahin hai। yeh sab bhakti maarga ke chitra hain। vahaan aisi koi baat nahin। prajaapita brahma bhi dehdhaari hai। kitne dher bachche hain। to yeh sab chitra pooja ke liye hi hain। baap ne samjhaaya hai yeh vyakta woh avyakt। jab avyakt bane hain to pharishta ho jaate hain। mool vatan, sookshm vatan donon hi hain zaroor। sookshm vatan mein bhi jaate hain। baap ne samjhaaya hai prajaapita brahma jo manushya hai vahi pharishta banta hai। phir raajaai ka bhi usmein dikhaaya hai। phir yeh raajya karenge। sookshm vatan ke chitra na ho to samjhaane mein mushkilaat ho। vaastav mein vishnu ka chaturbhuj roop bhi hai nahin। yeh hain bhakti maarga ke chitra। baap samjhaate hain aatma ko hi patit se paavan banna hai। pavitra bankar chali jaayegi apne dhaam। aatmaayen niraakaari duniya mein rehti hain, saakaari hain yahaan। baaki sookshm-vatan ki koi mukhya kahaani hai nahin। sookshm vatan ka raaz bhi baap abhi samjhaate hain। to mool vatan, sookshm vatan phir hai sthoolavtan। to pahle sabko baap ka parichay dena hai। bhakti maarga mein bhi baba ko he bhagwan, he prabhu kehte hain। sirf jaante nahin। hamesha kehte hain shiv parmaatmaae namah, shiv devta kabhi nahin kahenge। brahma devta kahenge। shiv ko parampita paramatma hi kehte hain। shiv devta kabhi nahin kahenge, shiv paramatma hi kahenge। unko phir sarvavyaapi thode hi kaha jaata hai। patiton ko paavan banaane ka kartavya karna hai to kya bhittar thikkar mein jaakar karenge? isko hi ghor andhiyaara kaha jaata hai। yeh bhi drama mein noondh hai।

baap aakar samjhaate hain yada yadaahi… kiski glaani? vo log to shlok sunaakar phir arth sunaate hain। yeh to tum bachchon ko vahaan jaakar dekhna chaahiye। bolna chaahiye ki ham inka arth samjhaate hain। phir phat se baith sunaana chaahiye। aise thode hi samjhenge ki yeh bi.ke. hain। bhal saphed dress hai parantu chhaapa thode hi laga hua hai। tum kahaan bhi jaakar sun sakte ho aur kah sakte ho iska arth to bataao। dekho woh kya sunaate hain। baaki yeh itne sab chitra to detail samajhne ke hain। athaah gyaan hai। saagar ko syaahi banaao… to bhi ant nahin। phir second ki bhi baat sunaai, sirf baap ka parichay dena hai। vahi behad ka baap svarga ka rachayita hai। ham sabhi unke bachche brothers hain। to hamko bhi zaroor svarga ka raajya hona chaahiye, parantu sabko mil na sake। baap aate hi hain bhaarat mein aur bhaaratvaasi hi svargavaasi bante hain। doosre to aate hi peechhe hain। yeh to bahut sahaj hai, parantu samajhte nahin hain। baba ko to wonder lagta hai। ek din ganikaayen aadi bhi aakar sunengi। pichhaadi mein aane vaale teekhe ho jaayenge। vahaan bhi koi jaakar service kar sakte hain। bahuton ko lajja aati hai, deh-abhimaan bahut hai। baba kehte hain veshyaaon ko bhi samjhaana hai। bhaarat ka naam bhi unhon ne hi giraaya hai। ismen mukhya chaahiye yogbal। bilkul hi patit hain, paavan hone ke liye yaad ki yaatra chaahiye। abhi woh yaad ka bal kuchh kam hai। kismen gyaan hai to phir yaad kam hai। difficult subject hai, inmen jab paas hon tab ganikaaon ka uddhaar kar saken। achhi-achhi anubhvi maataayen jaakar samjhaayen। kanyaaon ko to anubhav nahin। maataayen samjha sakti hain। baap kehte hain pavitra bano to vishwa ke maalik ban jaayenge। duniya hi shivaalay ban jaayegi। satayug ko shivaalay kaha jaata hai, vahaan athaah sukh hain। unhon ko bhi aise samjhaao ki baap kehte hain ab pratigya karo pavitra banne ki। aise patiton ko paavan banaane ki talvaar bahut teekhi chaahiye। ismen shaayad abhi deri hai। samjhaane mein bhi nambarvaar hain। centre par rehte hain। baba jaante hain sab ekras nahin hain। service par jo jaate hain unmein raat din ka pharka hai। to pahle jab kisko samjhaao to baap ka hi parichay do। baap ki hi mahima karo। itne gun sivaae baap ke aur kiske ho nahin sakte। vahi gunvaan banaate hain। baap hi satayug ki sthaapna karte hain। abhi yeh hai sangamayug jabki tum purushottam ban rahe ho। tum aatmaon ko baith samjhaayenge। yeh to samjhaate ho aatma ka hi shareer hai। kahaan tak koi samajhte hain yeh shakla se maaloom padta hai। koi moody hote hain to saari shakla hi badal jaati hai। aatma samajh baithenge to shakla bhi achhi rahegi। yeh bhi practice hoti hai। ghar grihastha mein rahne vaale itne uchhal nahin sakte kyonki gorakhdhandha laga pada hai। poora abhyaas karen tab chalte-phirte, uthte-baithte pakke hon। yaad se hi tum paavan bante ho। aatma jitna yog mein rehti utna paavan banti hai। satayug mein tum satopradhaan the to bahut khush the।

abhi sangam par tum hansate bahalte rehte ho, behad ka baap mila baaki kya chaahiye। baap par to kurbaan hona hai। saahookaar koi mushkil nikalte hain। gareebon ko hi milta hai, drama hi aisa bana hua hai। dheere-dheere vriddhi ko paate rahenge। koton mein koi vijay maala ka daana bante hain। baaki praja to banni hi hai nambarvaar। kitne dher ban jaayenge। saahookaar gareeb sab honge। yeh poori raajdhaani sthaapan ho rahi hai। baaki sab apne-apne section mein chale jaayenge। to baap samjhaate hain bachchon ko daiveegun bhi dhaaran karne hain। tumhaara khaan-paan bhi achha chaahiye। tumhein kabhi yeh aash nahin rakhni hai ki main phalaani cheez khaaoon। yeh aashaayen yahaan hoti hain। baba ke bade-bade vaanaprasthiyon ke aashram dekhe hue hain। badi shanti se rehte hain। yahaan to yeh behad ki baaten sab baap samjhaate hain। veshyaayen, ganikaayen bhi aisi-aisi aayengi jo tum se bhi teekhi ho jaayengi। bade first class geet gaayengi, jo sunte hi khushi ka paara chadh jaayega। jab aise gire hue ko tum samjhaakar shreshtha banaao tab tumhaara naam bhi bahut ooncha hoga। kahenge yeh to veshyaaon ko bhi itna oonch banaati hain। khud hi kahenge ham shoodra the, ab brahman bane hain, phir ham so devta, kshatriy banenge। baba har ek ko samajh sakte hain ki yeh kuchh unnati ko paayenge va nahin। pichhaadi mein aane vaale unse aage chadh jaayenge। aage chalkar tum sab dekhenge। ab bhi dekh rahe ho। naye bachche service mein kitne uchhalte hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) patiton ko paavan banaane ki seva karo, ganikaaon, veshyaaon ko gyaan do, gire hue ko uthaao, unka uddhaar karo tab naam baala ho।

2) svayan ki drishti ko pavitra banaane ke liye chalte phirte abhyaas karo ki ham aatma hain, aatma se baat karte hain। baap ki yaad mein raho to paavan ban jaayenge।

vardaan:- anaadi swaroop ki smriti dvaara santushtata ka anubhav karne aur karaane vaale santushtamni bhav

apne anaadi aur aadi swaroop ko smriti mein laao aur usi smriti swaroop mein sthit ho jaao to svayan bhi svayan se santushta rahenge aur auron ko bhi santushtata ki visheshta ka anubhav kara sakenge। asantushtata ka kaaran hota hai apraapti। aapka slogan hai - paana tha vo pa liya। baap ka banna arthaat varse ka adhikaari banna, aisi adhikaari aatmaayen sada bharpoor, santushtamni hongi।

slogan:- baap samaan banne ke liye - samajhna, chaahna aur karna in teenon ki samaanta ho।

avyakti silence dvaara double light pharishta sthiti ka anubhav karo

vardaani roop se seva karne ke liye pahle svayan mein shuddh sankalp dhaaran karo। saara din shuddh sankalpon ke saagar mein lahraate raho aur jis samay chaahe shuddh sankalpon ke saagar ke tale mein jaakar silence swaroop ho jaao। aapki yeh deep silence sthiti vaayumandal ka parivartan kar degi aur aap svayan ko double light pharishta anubhav karenge।