Murli du jour du samedi 3 février 2024

03-02-2024 praatahmurli om shanti "baapdaada"' madhuban

“meethe bachche - ‘svadarshan chakradhaari bhav' - tumhein light house banna hai, apne ko aatma samjho, ismen gaphlat nahin karo''

prashn:- tum sabse wonderful student ho - kaise?

uttar:- tum rehte grihastha vyavhaar mein ho, shareer nirvaah ke liye 8 ghanta karma bhi karte ho, saath-saath bhavishya 21 janmon ke liye bhi 8 ghanta baap samaan banaane ki seva karte ho, sab-kuchh karte baap aur ghar ko yaad karte ho - yahi tumhaari wonderful student life hai। knowledge bahut sahaj hai, sirf paavan banne ki mehnat karte ho।

om shanti। baap bachchon se poochhte hain nambarvaar purooshaartha anusaar। mool vatan bhi nambarvaar zaroor yaad aata hoga। bachchon ko yeh bhi zaroor yaad aata hoga ki ham pahle shantidham ke rahne vaale hain phir aate hain sukhdhaam mein, yeh to zaroor andar mein samajhte honge। mool vatan se lekar yeh jo srishti ka chakra hai woh kaise phirta hai - yeh bhi buddhi mein hai। is samay ham brahman hain phir devta, kshatriy, vaishya, shoodra banenge। yeh to buddhi mein chakra chalna chaahiye na। bachchon ki buddhi mein yeh saari knowledge hai। baap ne samjhaaya hai, aage nahin jaante the। abhi tum hi jaante ho। din-pratidin tumhaari vriddhi hoti rahegi। bahuton ko sikhlaate rehte ho। zaroor pahle tum hi svadarshan chakradhaari banenge। yahaan tum baithe ho, buddhi se jaante ho woh hamaara baap hai। vo hi supreme teacher hai sikhlaane vaala। usne hi samjhaaya hai ham 84 ka chakra kaise lagaate hain। buddhi mein zaroor yaad hoga na। yeh buddhi mein har vakta yaad karna hai, lesson koi bada nahin hai। second ka lesson hai। buddhi mein rehta hai ki ham kahaan ke rahvaasi hain, phir yahaan kaise part bajaane aate hain। 84 ka chakra hai। satayug mein itne janma, treta mein itne janma - yeh chakra to yaad karenge na। apna jo position mila hai, part bajaaya hai, woh bhi zaroor buddhi mein yaad rahega। kahenge ham yeh double sirtaaj the phir single taaj vaale banen। phir saari raajaai hi chali gai, tamopradhaan ban gaye। yeh chakra to phirna chaahiye na isliye naam hi rakha hai svadarshan chakradhaari। aatma ko gyaan mila hua hai। aatma ko darshan hua hai। aatma jaanti hai ham aise-aise chakra lagaate hain। ab phir jaana hai ghar। baap ne kaha hai mujhe yaad karo to ghar pahunch jaayenge। aise bhi nahin hai ki is samay tum us avastha mein baith jaayenge। nahin, baahar ki bahut baaten buddhi mein aa jaati hain। kisko kya yaad aata hoga, kisko kya yaad aata hoga। yahaan to baap kehte hain aur sab baaton ko samet ek ko hi yaad karo। shreemat milti hai us par chalna hai। svadarshan chakradhaari bankar tumko ant tak purooshaartha karna hai। pahle to kuchh pata nahin tha, ab to baap batlaate hain। unko yaad karne se sab-kuchh aa jaata hai। rachayita aur rachna ke aadi-madhya-ant ka saara raaz buddhi mein aa jaata hai। yeh to sabak (paath) milta hai, usko to ghar mein bhi yaad kar sakte ho। yeh hai buddhi se samajhne ki baat। tum wonderful student ho। baap ne samjhaaya hai - 8 ghanta aaraam bhi bhal karo, 8 ghanta shareer nirvaah ke liye kaam bhi bhal karo। woh dhandha aadi bhi karna hai। saath mein yeh jo baap ne dhandha diya hai, aap samaan banaane ka, yeh bhi shareer nirvaah hua na। woh hai alpakaal ke liye aur yeh hai 21 janma shareer nirvaah ke liye। tum jo part bajaate ho, usmein iska bhi bahut bhaari mahatva hai। jo jitni mehnat karte hain utni hi phir baad mein bhakti mein unki pooja hoti hai। yeh sab dhaarna tum bachchon ko hi karni hai।

tum bachche paartadhaari ho। baba to sirf gyaan dene ka part bajaate hain। baaki shareer nirvaah ke liye purooshaartha tum karenge। baba to nahin karenge na। baap to aate hi hain bachchon ko samjhaane ke liye ki yeh world ki history-geography kaise-kaise repeat hoti hai, chakra kaise phirta hai। yeh samjhaane ke liye hi aate hain। yukti se samjhaate rehte hain। baap samjhaate hain - bachche, gaphlat mat karo। svadarshan chakradhaari athva light house banna hai। apne ko aatma samajhna hai। yeh to jaante ho shareer bina aatma part baja nahin sakti। manushyon ko kuchh bhi pata nahin hai। bhal tumhaare paas aate hain, achha-achha karte hain parantu svadarshan chakradhaari nahin ban sakte hain, ismen bahut practice karni padti hai। to phir kahaan bhi jaayenge to jaise gyaan ka saagar ban jaayenge। jaise student padhkar teacher ban jaate hain phir college mein padhaate hain aur dhandhe mein lag jaate hain। tumhaara dhandha hi hai teacher banna। sabko svadarshan chakradhaari banaao। bachchon ne chitra banaaya - double sirtaaj raajaayen phir single taaj vaale raajaayen kaise bante hain, yeh to theek hai, parantu kab se kab tak double taaj vaale the? kab se kab tak single taaj vaale banen? phir kaise aur kab raajya chheena gaya? woh dates likhni chaahiye। yeh behad ka bada drama hai। yeh certain hai ham phir se devta bante hain। abhi brahman hain। brahman hi sangamayug ke hain। yeh kisko maaloom nahin jab tak tum na bataao। yeh tumhaara alaukik janma hai। laukik aur paarlaukik se varsa milta hai। alaukik se varsa nahin mil sakta। in dvaara baap tumko varsa dete hain। gaate bhi hain - he prabhu। aise kabhi nahin kahenge - he prajaapita brahma। laukik aur paarlaukik baap ko yaad karte hain। yeh baaten koi nahin jaante, tum jaante ho। paarlaukik baap ka hai avinaashi varsa, laukik ka hai vinaashi varsa। samjho koi raaja ka bachcha hai, 5 karod varsa milta hai aur behad ke baap ka varsa saamne dekhenge to kahenge unki bhent mein to yeh avinaashi varsa hai aur woh to sab khatma hone vaala hai। aaj ke jo karodapti hain unhon ko maaya chatki hui hai, woh aayenge nahin। baap hai gareeb nivaaz। bhaarat bahut gareeb hai, bhaarat mein bahut manushya bhi gareeb hain। ab tum bahuton ka kalyaan karne ka purooshaartha kar rahe ho। aksar karke beemaaron ko vairaagya aata hai। samajhte hain jeena kya kaam ka। aisa raasta mile jo muktidhaam chale jaayen। duhkh se chhootne liye mukti maangate hain। satayug mein maangate nahin kyonki vahaan duhkh nahin hai। yeh baaten abhi tum samajhte ho। baba ke bachche vriddhi ko paate rahenge। jo sooryavanshi-chandravanshi devta banne vaale hain vo hi aakar gyaan lenge, nambarvaar purooshaartha anusaar। yeh gyaan baap bigar koi de nahin sakte। ab tum behad ke baap ko chhod kahaan bhi nahin jaayenge, jinka baap ke saath lav hai woh samajh sakte hain knowledge to bahut sahaj hai, baaki paavan banne mein maaya vighna daalti hai। koi bhi baat mein gaphlat ki to gaphlat se hi haarte hain। inka misaal boxing se achha lagta hai। boxing mein ek-do se jeet pahante hain। bachche jaante hain maaya hamko hara deti hai।

baap kehte hain - meethe bachche, apne ko aatma samjho। baap khud samajhte hain ismen mehnat hai। baap yukti bahut sahaj bataate hain। ham aatma hain, ek shareer chhod doosra lete hain, part bajaate hain, behad baap ke bachche hain - yeh achhi reeti pakka karna hai। baba feel karte hain - maaya inka buddhiyog tod deti hai। nambarvaar to hain hi, is hi hisaab se raajdhaani banti hai। sab ekras ho jaaen to raajaai na banen। raaja, raani, praja, saahookaar sab banne hain। yeh baaten tumhaare sivaae koi nahin jaante hain। ham apni raajdhaani sthaapan kar rahe hain। yeh sab baaten tumhaare mein bhi ananya jo hain unko yaad rehti hain। yeh baaten kabhi bhoolni nahin chaahiye। bachche jaante hain ham bhool jaate hain। nahin to bahut khushi rahni chaahiye - ham vishwa ke maalik bante hain। purooshaartha se hi bana jaata hai, sirf kahne se nahin। baba to aane se hi poochhte hain - bachche saavdhaan, svadarshan chakradhaari hokar baithe ho? baap bhi svadarshan chakradhaari hai na jo ismen pravesh karte hain। manushya to samajhte hain vishnu hai svadarshan chakradhaari। unko yeh pata hi nahin hai ki yeh lakshmi-naaraayan hain! inhon ko gyaan kisne diya? jis gyaan dvaara inhonne yeh lakshmi-naaraayan ka pad paaya। dikhaate hain svadarshan chakra se maara। tumko yeh chitra banaane vaalon par hansi aati hai। vishnu hai nishaani combined grihastha aashram ki। chitra shobhta hai baaki yeh koi right chitra nahin hai। pahle tum nahin jaante the। 4 bhuja vaala yahaan kahaan se aaya। in sab baaton ko tumhaare mein bhi nambarvaar jaante hain। baap kehte hain saara madaar tumhaare purooshaartha par hai। baap ki yaad se hi paap katte hain। sabse jaasti number one yeh purooshaartha chalna hai। time to baap ne diya hai। grihastha vyavhaar mein bhi rehna hai। nahin to bachchon aadi ko kaun sambhaalega! woh sab-kuchh karte bhi practice karni hai। baaki aur koi baat nahin hai। shreekrishna ke liye dikhaaya hai akaasur, bakaasur aadi ko svadarshan chakra se maara hai। ab yeh tum samajhte ho, chakra aadi ki to baat hi nahin। kitna farka hai। yeh baap hi samjhaate hain। manushya, manushya ko samjha nahin sakte। manushya, manushya ki sadgati kar nahin sakte। rachta aur rachna ke aadi-madhya-ant ka raaz koi samjha nahin sakenge। svadarshan chakra ka arth kya hai, so bhi ab baap ne hi samjhaaya hai। shaastron mein to kahaaniyaan aisi banaai hain jo baat mat poochho, devtaaon ko bhi hinsak bana diya hai। ab in sab baaton par ekaanta mein baith vichaar saagar manthan karna hota hai। raatri ko jo bachche pahra dete hain unhein time bahut achha milta hai, woh bahut yaad kar sakte hain। baap ko yaad karte svadarshan chakra bhi phiraate raho। yaad karenge to khushi mein neend bhi fit jaayegi। jisko dhan milta hai woh bahut khushi mein rehta hai। kabhi jhutke nahin khaayega। tum jaante ho ham ever healthy, wealthy bante hain। to ismen achhi reeti lag jaana chaahiye। yeh bhi ab baap jaante hain drama anusaar jo kuchh chalta hai woh theek hai। phir bhi purooshaartha karaate rehte hain। ab baap shiksha dete hain, aise bahut hain jinmen na gyaan hai, na yog hai। koi buddhivaan, vidvaan aadi aa jaae to baat kar na saken। serviceable bachche jaante hain hamaare paas kaun-kaun samjhaane vaale achhe hain? phir baap bhi dekhte hain yeh buddhivaan padha-likha aadmi achha hai aur samjhaane vaala buddhu hai to khud pravesh kar unko utha sakte hain। to jo sachche bachche hain, woh kehte hain hamaare mein to itna gyaan nahin tha jitna baap ne baith inko samjhaaya। koi ko to apna ahankaar aa jaata hai। yeh bhi unka aana, madad karna drama mein part noondha hua hai। drama bada vichitra hai। yeh samajhne mein badi vishaal buddhi chaahiye।

ab tum bachche jaante ho ham woh raajdhaani sthaapan kar rahe hain jismen sab gore hi gore the। kaale vahaan hote nahin। yeh bhi tum gora aur kaala chitra banaakar likho। 63 janma kaam chita par baith aise kaale ban pade hain। aatma hi bani hai। lakshmi-naaraayan ka bhi kaala chitra banaaya hai। yeh nahin samajhte ki aatma kaali banti hai। yeh to satayug ke maalik, gore the, phir kaam chita par baithne se kaale bante hain। aatma punarjanma lete-lete tamopradhaan banti hai। to aatma bhi kaali aur shareer bhi kaala ho jaata hai। to hansi-hansi mein poochh sakte ho lakshmi-naaraayan ko kahaan kaala, kahaan gora kyon dikhaaya hai, kaaran? gyaan to hai nahin। shreekrishna hi gora phir shreekrishna hi saanvara kyon banaate hain? yeh to tum abhi jaante ho। tumko abhi gyaan ka teesra netra mila hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) khushi se bharpoor rahne ke liye ekaanta mein baith mile hue gyaan dhan ka simran karna hai। paavan va sada nirogi banne ke liye yaad mein rahne ki mehnat karni hai।

2) baap samaan master gyaan saagar ban sabko svadarshan chakradhaari banaana hai। light house banna hai। bhavishya 21janma ke shareer nirvaah ke liye roohaani teacher zaroor banna hai।

vardaan:- trikaaldarshi sthiti dvaara teenon kaalon ka spashta anubhav karne vaale ma. knowledgeful bhav

jo trikaaldarshi sthiti mein sthit rehte hain woh ek second mein teenon kaalon ko spashta dekh sakte hain। kal kya the, aaj kya hain aur kal kya honge - unke aage sab spashta ho jaata hai। jaise koi bhi desh mein jab top point par khade hokar saare shahar ko dekhte hain to maja aata hai, aise hi sangamayug top point hai, is par khade hokar teenon kaalon ko dekho aur falak se kaho ki ham hi devta the aur phir se ham hi banenge, isi ko kehte hain master knowledgeful।

slogan:- har samay antim ghadi hai, is smriti se ever ready bano।