Murli du jour du samedi 16 mars 2024

16-03-2024 praatahmurli om shanti "baapdaada"' madhuban

“meethe bachche - gyaan ki department alag hai, yog ki alag hai। yog se aatma satopradhaan banti hai, yog ke liye ekaanta ki jaroorat hai''

prashn:- sthaai yaad mein rahne ka aadhaar kya hai?

uttar:- tumhaare paas jo kuchh bhi hai, use bhool jaao। shareer bhi yaad na rahe। sab eeshvareey seva mein laga do। yahi hai mehnat। is kurbaani se yaad sthaai rah sakti hai। tum bachche pyaar se baap ko yaad karenge to yaad se yaad milegi। baba bhi current denge। current se hi aayu badhti hai। aatma ever healthy ban sakti hai।

om shanti। ab yog aur gyaan - do cheezen hain। baap ke paas yeh bahut bada khajaana hai jo bachchon ko dete hain। baap ko jo bahut yaad karte hain unko current jaasti milti hai kyonki yaad se yaad milti hai - yeh kaayda hai kyonki mukhya hai yaad। aise nahin ki gyaan bahut hai, iska matlab yaad karte hain, nahin। gyaan ki department alag hai। yog ki bahut badi subject hai, gyaan ki usse kam। yog se aatma satopradhaan ban jaati hai kyonki bahut yaad karte hain। yaad ke bigar satopradhaan banna asambhav hai। bachche hi saara din baap ko yaad nahin karte to baap bhi yaad nahin karenge। bachche achhi reeti yaad karte hain to baap ki bhi yaad se yaad milti hai। baap ko kheenchate hain। yeh bhi bana-banaaya khel hai jisko achhi reeti samajhna hai। yaad ke liye bahut ekaanta bhi chaahiye। pichhaadi mein aane vaale jo oonch pad paate hain uska aadhaar bhi yaad hai। unhein yaad bahut rehti hai। yaad se yaad milti hai। jab bachche bahut yaad karte hain to baap bhi bahut yaad karte hain। woh kashish karte hain। kehte hain na - baba, raham karo, kripa karo। ismen bhi chaahiye yaad। achhi tarah yaad karenge to automatically woh kashish hogi, current milegi। aatma ko andar aata hai ki main baba ko yaad karti hoon to woh yaad ekdam bharpoor kar deti hai। gyaan hai dhan। yaad se phir yaad milti hai, jisse healthy ban jaate hain, pavitra ban jaate hain। itni taakat hai jo saare vishwa ko pavitra bana dete hain isliye bulaate hain - baba aakar patiton ko paavan banaao।

manushya to kuchh nahin jaante, aise hi radiyaan maarte aur samay vesta karte rehte hain baap ko jaante nahin। naudha bhakti bhal karte hain। shiv ke mandar mein jaakar kaashi kalvat khaate hain, milta kuchh bhi nahin। phir bhi vikarma banne shuru ho jaate hain। maaya jhat phansa deti hai। praapti kuchh bhi nahin। ab tum jaante ho - patit-paavan baap hai। un par kurbaan jaana chaahiye। woh samajhte hain - shiv-shankar ek hai। yeh bhi agyaan hai। yahaan baba baar-baar kehte hain manmanaabhav। mujhe yaad karo to tum pavitra ban jaayenge। tum kaal par jeet paate ho, ismen tum jitni koshish karenge to maaya bhi vighna daalegi kyonki maaya samajhti hai - yeh baap ko yaad karenge to mujhe chhod denge; kyonki jab tum mere bante ho to sabkuchh chhodna pade। mitra, sambandhi, dhan aadi kuchh bhi yaad na aaye। ek katha hai laathi bhi chhodo। sab cheezen chhudaate hain, parantu yeh kabhi nahin kehte ki shareer ko bhi yaad nahin karo। baap kehte hain yeh shareer to puraana hai, ise bhi bhoolo। bhakti maarga ki baaten bhi chhod do। ekdam sab-kuchh bhool jaao athva jo kuchh hai kaam mein laga do, tab hi yaad tikegi। agar oonch pad paana hai to bahut mehnat chaahiye। shareer bhi yaad na rahe। ashareeri aaye the, ashareeri hokar jaana hai।

baap bachchon ko padhaate hain, inko koi tamanna nahin hai। yeh to service karte hain। baap mein hi to gyaan hai na। yeh baap aur bachche ka khel hai ikattha। bachche bhi yaad karte hain phir baap baith searchlight dete hain। koi bahut kheenchate hain to baap baith light dete hain। bahut nahin kheenchate hain to yeh baba baith baap ko yaad karte hain। koi samay kisko current deni hoti hai to neend fit jaati hai। yeh phurna lag jaata hai ki phalaane ko current deni hai। padhaai se aayu nahin badhegi, current se aayu badhti hai। ever healthy bante hain। duniya mein kiski aayu 125-150 varsha bhi hoti hai to zaroor healthy honge। bhakti bhi bahut karte honge। bhakti mein bhi kuchh phaayda hai, nuksaan nahin। jo bhakti bhi nahin karte unke manners bhi achhe nahin hote। bhakti mein bhagwan mein vishvaas rehta hai। dhandhe mein jhooth-paap nahin karenge, krodh nahin aayega। bhakton ki bhi mahima hai। manushyon ko yeh maaloom nahin hai ki bhakti kab shuru hui। gyaan ka to pata nahin padta। bhakti bhi powerful hoti jaati hai phir bhi jab gyaan ka prabhaav ho jaata hai to phir bhakti bilkul chhoot jaati hai। yeh duhkh-sukh, bhakti aur gyaan ka khel bana hua hai।

manushya kah dete hain - duhkh-sukh bhagwan hi dete hain phir unko sarvavyaapi kah dete hain। lekin sukh-duhkh alag cheez hai। drama ko na jaanne kaaran kuchh bhi samajhte nahin hain। itni sab aatmaayen ek shareer chhod doosra leti hain, yeh tum hi jaante ho। aise nahin kahenge ki satayug mein tum dehi-abhimaani rehte ho। yeh to ab baap sikhlaate hain - aise dehi-abhimaani bano।

apne ko aatma samajh baap ko yaad karna hai। pavitra banna hai। vahaan to hai hi pavitra sukhdhaam। sukh mein koi yaad nahin karte। bhagwan ko yaad karte hain duhkh mein। dekho, drama kitna wonderful hai! jisko tum hi nambarvaar jaante ho। yeh jo points likhte hain woh bhi bhaashan ke samay revise karne ke liye। doctor, vakeel bhi points note karte hain। ab tumko baap ki mat milti hai to phir revise bhi karna chaahiye bhaashan karne ke samay। ismen to hai baba ki praveshta। baap tumko samjhaate hain to yeh bhi sunenge। woh point nahin sunaate to mujhe kya pata jo tumko samjhaaoon। baap kehte hain - yeh bahut janmon ke ant ka janma hai। brahma aur vishnu ka chitra bhi hai। tum raajaai mein chalte ho sirf nambarvaar। jitna yaad karte hain, dhaarna karte hain utna pad paate hain। baap kehte hain - guhya te guhya baaten sunaata hoon। tum nai-nai points note karo। puraani kaam mein nahin aayengi। bhaashan ke baad phir yaad aayega ki yeh points agar samjhaate to buddhi mein theek baith jaati। tum sab gyaan ke speaker ho, parantu nambarvaar। sabse achhe mahaarthi hain। baba ki baat alag hai। yeh baapdaada donon ikatthe hain। mama sabse achha samjhaati thi। bachche sampoorn mama ka saakshaatkaar bhi karte the। kahaan zaroori hota tha to baba bhi pravesh karke apna kaam kar leta tha। yeh sab samajhne ki baaten hain। padhaai phursat ke samay hoti hai। saara din to dhandha aadi karte hain। vichaar saagar manthan karne ke liye phursat chaahiye, shanti chaahiye। samjho, koi ko current deni hai, koi achhi service karne vaala bachcha hai, to unko madad karni hai। unki aatma ko yaad karna padta hai। shareer ko yaad kar phir aatma ko yaad karna hai। yeh yukti rachni hai। serviceable bachche ko takleeph hai to unko madad karni hai। baap ko yaad karna hai phir khud ko bhi aatma samajh kuchh na kuchh unki aatma ko bhi yaad karna hai। yeh jaise search light dena hota hai। aise nahin, sirf ek jagah baith yaad karna hai। chalte-phirte bhojan khaate bhi baap ko yaad karo। doosre ko current dena hai to phir raatri ko bhi jaago। bachchon ko samjhaaya hai - savere uthkar jitna baap ko yaad karenge utna kashish hogi। baba bhi light denge। baba ka yahi dhandha hai - bachchon ko search-light dene ka। jab bahut search-light deni hoti hai to bhi baap ko bahut yaad karte hain। to baap bhi search-light dete hain। aatma ko yaad kar search-light deni hoti hai। yeh baba bhi search-light dete hain, phir isko kripa kaho, aasheervaad kaho, kuchh bhi kaho। serviceable beemaar hoga to taras padega। raat ko jaagkar bhi unki aatma ko yaad karenge kyonki unko power ki darkaar hai। yaad karte hain to unko return mein yaad milti hai। baap ka lav bachchon par jaasti hai। phir unko bhi yaad pahunchti hai। baaki gyaan to sahaj hai, usmein maaya ke vighna nahin padte hain। mukhya hai yaad, ismen vighna padte hain। yaad se buddhi sone ka bartan ban jaati hai, jismen dhaarna hoti hai। kahaavat hai sherni ka doodh sone ke bartan mein thaharta hai। is baap ke gyaan dhan ke liye bhi sone ka bartan chaahiye। woh tab hoga jab yaad ki yaatra mein rahenge। yaad nahin karenge to dhaarna nahin hogi। aise mat samjho ki baap antaryaami hai। kuchh bola aur hua - yeh to bhakti maarga mein hota hai। bachcha hua to kahenge guru ki kripa hai। agar nahin hua to kahenge eeshvar ki bhaavi। raat-din ka pharka hai। tum bachchon ko drama ka raaz to baap ne achhi reeti samjhaaya hai। tum bhi pahle nahin jaante the। yeh hai tumhaara marjeeva janma। abhi tum jaante ho ham devta ban rahe hain। tum is topic par samjha sakte ho ki yeh lakshmi-naaraayan ko raajya kaise mila? phir kaise ganvaaya? saari history-geography ham aapko samjhaayenge। yeh brahma bhi kehte hain ham lakshmi-naaraayan ki pooja karte the, geeta padhte the। baba ne jab pravesh kiya to sab kuchh chhod diya। saakshaatkaar hua। baba ne kaha - mujhe yaad karo to vikarma vinaash honge। ismen geeta aadi padhne ki baat nahin। baap inmen baitha hai, sab kuchh chhuda diya। kabhi shiv ka darshan karne mandir mein nahin gaye। bhakti ki baaten ekdam ud gai। yeh knowledge buddhi mein aa gai - rachta aur rachna ke aadi-madhya-ant ki। baap ko jaanne se tum sab kuchh jaan jaate ho। tum wonderful topics likho, jo manushya wonder khaayen, bhaagen sunne ke liye। mandir mein jaakar koi se bhi poochho jab yeh lakshmi-naaraayan vishwa ke maalik the to aur koi dharma nahin tha, bhaarat hi tha phir tum satayug ko laakhon varsha kaise kah dete ho? jabki kehte hain Christ se 3 hajaar varsha pahle paradise tha, phir laakhon varsha kaise hue? laakhon varsha mein to dheron ke dher machchharon sadrishya ho jaayen। thodi bhi baat sunaao to wonder khaayenge। parantu jo is kul ke honge unhon ki buddhi mein yeh gyaan baithega। nahin to kahenge brahmaakumaariyon ka wonderful gyaan hai, ismen samajhne ki buddhi chaahiye। mukhya baat hai yaad ki। stri-purush ek-do ko yaad karte hain। yeh aatma yaad karti hai paramatma ko। is samay sab rogi hain, ab nirogi banna hai। yeh topic bhi rakho। bolo - aap jo ghadi-ghadi beemaar padte ho to ham aapko aisi sanjeevni booti denge jo tum kabhi beemaar nahin padenge, agar hamaari davaai achhi tarah kaam mein laayenge to। kitni sasti davaai hai? 21 peedhi satayug-treta tak beemaar nahin honge। woh hai hi svarga। aisi-aisi point note kar likho। tum sab surgeon se bhi bada avinaashi surgeon tumhein aisi davaai denge jo tum bhavishya 21 janma ke liye kabhi beemaar nahin padenge। abhi hai sangam। aisi baaten sunkar manushya khush honge। bhagwan bhi kehte hain - main avinaashi surgeon hoon। yaad bhi karte hain - he patit-paavan, avinaashi surgeon aao। ab main aaya hoon। tum sabko samjhaate raho, ant mein aakhreen sab samjhenge zaroor। baba yuktiyaan bataate rehte hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se search-light lene ke liye savere-savere uth baap ki yaad mein baithna hai। raatri ko jaagkar ek-do ko current de madadgaar banna hai।

2) apna sab-kuchh eeshvareey seva mein saphal kar, is puraane shareer ko bhi bhool baap ki yaad mein rehna hai। poora kurbaan jaana hai। dehi-abhimaani rahne ki mehnat karni hai।

vardaan:- sva-darshan chakra dvaara maaya ke sab chakron ko samaapta karne vaale maayaajeet bhav

apne aapko jaanna arthaat sva ka darshan hona aur chakra ka gyaan jaanna arthaat svadarshan chakradhaari banna। jab svadarshan chakradhaari bante ho to anek maaya ke chakra svatah samaapta ho jaate hain। dehbhaan ka chakra, sambandh ka chakra, samasyaaon ka pa…maaya ke anek chakra hain। 63 janma inheen anek chakron mein phansate rahe ab svadarshan chakradhaari banne se maayaajeet ban gaye। svadarshan chakradhaari banna arthaat gyaan yog ke pankhon se udti kala mein jaana।

slogan:- videhi sthiti mein raho to paristhitiyaan sahaj paar ho jaayengi।