Murli du jour du lundi 8 avril 2024

08-04-2024 praatahmurli om shanti "baapdaada"' madhuban

“meethe bachche - in aankhon se jo kuchh dekhte ho - yeh sab khatma ho jaana hai, isliye isse behad ka vairaagya, baap tumhaare liye nai duniya bana rahe hain''

prashn:- tum bachchon ki silence mein kaun-sa rahasya samaaya hua hai?

uttar:- jab tum silence mein baithte ho to shantidham ko yaad karte ho। tum jaante ho silence maana jeete ji marna। yahaan baap tumhein sadguru ke roop mein silence rehna sikhlaate hain। tum silence mein rah apne vikarmon ko dagdha karte ho। tumhein gyaan hai ki ab ghar jaana hai। doosre satsangon mein shanti mein baithte hain lekin unhein shanti-dhaam ka gyaan nahin hai।

om shanti। meethe-meethe sikeeldhe roohaani bachchon prati shivbaaba bol rahe hain। geeta mein hai shreekrishna bole, lekin hai shiv-baba bole, shreekrishna ko baba nahin kah sakte। bhaaratvaasiyon ko maaloom hai ki pita do hote hain laukik aur paarlaukik। paarlaukik ko parampita kaha jaata hai। laukik ko parampita kah nahin sakte। tumko koi laukik pita nahin samjhaate hain। paarlaukik baap paarlaukik bachchon ko samjhaate hain। pahle-pahle tum jaate ho shantidham, jisko tum muktidhaam, nirvaandhaam va vaanaprastha bhi kehte ho। ab baap kehte hain - bachche, ab jaana hai shantidham। sirf unko hi kaha jaata hai tower oph silence। yahaan baithe hue pahle-pahle shanti mein baithna hai। koi bhi satsang mein pahle-pahle shanti mein baithte hain। parantu unhon ko shantidham ka gyaan nahin hai। bachche jaante hain ham aatmaon ko is puraane shareer ko chhod ghar jaana hai। koi bhi samay shareer chhoot jaae isliye ab baap jo padhaate hain, woh achhi reeti padhna hai। woh supreme teacher bhi hai। sadgati daata guru bhi hai, unse yog lagaana hai। yeh ek hi teenon service karte hain। aise aur koi ek teenon hi service nahin kar sakte। yeh ek baap silence bhi sikhlaate hain। jeete ji marne ko silence kaha jaata hai। tum jaante ho hamko ab shantidham ghar mein jaana hai। jab tak pavitra aatmaayen nahin bani hain, tab tak vaapis ghar koi ja na sake। jaana to sabko hai isliye paap karmon ki pichhaadi mein sajaayen milti hain, phir pad bhi bhrashta ho jaata hai। maani aur mochra bhi khaana padta hai kyonki maaya se haarte hain। baap aate hi hain maaya par jeet pahnaane। parantu gaphlat se baap ko yaad nahin karte। yahaan to ek baap ko hi yaad karna hai। bhakti maarga mein bhi bahut bhatakte hain, jisko maatha tekte unko jaante nahin। baap aakar bhatakne se chhuda dete hain। samjhaaya jaata hai gyaan hai din, bhakti hai raat। raat ko hi dhakka khaaya jaata hai। gyaan se din arthaat satayug-treta। bhakti maana raat, dvaapar-kaliyug। yeh hai saari drama ki duration। aadha samay din, aadha samay raat। prajaapita brahmaakumaar-kumaariyon ka din aur raat। yeh behad ki baat hai। behad ka baap behad ke sangam par aate hain, isliye kaha jaata hai shivraatri। manushya yeh nahin samajhte ki shivraatri kisko kaha jaata hai? tumhaare sivaae ek bhi shivraatri ke mahatva ko nahin jaanta kyonki yeh hai beech। jab raat poori ho, din shuru hota hai, isko kaha jaata hai purooshottam sangamayug। puraani duniya aur nai duniya ka beech। baap aate hi hain purooshottam sangamayuge-yuge। aise nahin yuge-yuge। satayug-treta ka sangam use bhi sangamayug kah dete hain। baap kehte hain yeh bhool hai।

shivbaaba kehte hain mujhe yaad karo to paap vinaash honge, isko yog agni kaha jaata hai। tum sab brahman ho। yog sikhaate ho pavitra hone liye। ve brahman log kaam chita par chadhaate hain। un braahmanon aur tum braahmanon mein raat-din ka farka hai। woh hain kukh vanshaavli, tum ho mukh vanshaavli। har ek baat achhi reeti samajhne ki hai। yoon to koi bhi aate hain usko samjhaaya jaata hai, behad ke baap ko yaad karo to vikarma vinaash honge aur behad ke baap ka varsa milega। phir jitna-jitna daiveegun dhaaran karenge aur karaayenge utna oonch pad paayenge। baap aate hi hain patiton ko paavan banaane। to tumko bhi yeh service karni hai। patit to sabhi hain। guru log kisko bhi paavan kar na saken। patit-paavan naam shivbaaba ka hai। woh aate bhi yahaan hain। jab sabhi poore patit ban jaate hain drama ke plan anusaar, tab baap aate hain। pahle-pahle to bachchon ko alpha samjhaate hain। mujhe yaad karo। tum kehte ho na woh patit-paavan hai। roohaani baap ko kaha jaata hai patit-paavan। kehte hain - he bhagwan athva he baba। parantu parichay kisko bhi nahin। abhi tum sangamvaasiyon ko parichay mila hai। woh hain narkavaasi। tum narkavaasi nahin ho। haan, agar koi haar khaata hai to ekdam gir padte hain। ki kamaai chat ho jaati hai। mool baat hai patit se paavan hone ki। yeh hai hi vicious duniya। woh hai viceless duniya, nai duniya, jahaan devtaayen raajya karte hain। abhi tum bachchon ko maaloom pada hai। pahle-pahle devta hi sabse jaasti janma lete hain। usmein bhi jo pahle-pahle soorya-vanshi hain woh pahle aate hain, 21 peedhi varsa paate hain। kitna behad ka varsa hai - pavitrata-sukh-shanti ka। satayug ko poora sukhdhaam kaha jaata hai। treta hai semi kyonki do kala kam ho jaati hain। kala kam hone se roshni kam hoti jaati hai। chandrama ki bhi kala kam hone se roshni kam ho jaati hai। aakhreen baaki lakeer jaakar bachti hai। nil nahin hota hai। tumhaara bhi aise hai - nil nahin hote। isko kaha jaata hai aate mein namak।

baap aatmaon ko baith samjhaate hain। yeh hai aatmaon aur paramatma ka mela। yeh buddhi se kaam liya jaata hai। paramatma kab aate hain? jab bahut aatmaayen athva bahut manushya ho jaate hain tab paramatma mele mein aate hain। aatmaon aur paramatma ka mela kislie lagta hai? woh mele to maile hone ke liye hain। is samay tum baagvaan dvaara kaante se phool ban rahe ho। kaise bante ho? yaad ke bal se। baap ko kaha jaata hai sarva shaktimaan। jaise baap sarvashaktimaan hai vaise raavan bhi kam shaktimaan nahin hai। baap khud hi kehte hain maaya badi balvaan hai, dustar hai। kehte hain baba ham aapko yaad karte hain, maaya hamaari yaad ko bhula deti hai। ek-do ke dushman hue na। baap aakar maaya par jeet pahnaate hain, maaya phir hara deti hai। devtaaon aur asuron ki yuddha dikhaai hai। parantu aise koi hai nahin। yuddha to yeh hai। tum baap ko yaad karne se devta bante ho। maaya yaad mein vighna daalti hai, padhaai mein vighna nahin daalti। yaad mein hi vighna padte hain। ghadi-ghadi maaya bhula deti hai। deh-abhimaani banne se maaya ka thappad lag jaata hai। kaami jo hote hain unke liye bahut kade akshar kahe jaate hain। yeh hai hi raavan raajya। yahaan bhi samjhaaya jaata hai paavan bano phir bhi bante nahin। baap kehte hain - bachche, vikaar mein mat jaao, kaala munh mat karo। phir bhi likhte hain baba maaya ne haar khila di arthaat kaala munh kar baithe। gora aur saanvara hai na। vikaari kaale aur nirvikaari gore hote hain। shyaam-sundar ka bhi arth sivaae tumhaare duniya mein koi nahin jaante। shreekrishna ko bhi shyaam-sundar kehte hain। baap unke hi naam ka arth samjhaate hain। svarga ka first number prince tha। sundarta mein number-one yeh paas hota hai। phir punarjanma lete-lete neeche utarte-utarte kaale ban jaate hain। to naam rakha hai shyaam-sundar। yeh arth bhi baap samjhaate hain। shivbaaba to hai hi ever sundar। woh aakar tum bachchon ko sundar banaate hain। patit kaale, paavan sundar hote hain। natural beauty rehti hai। tum bachche aaye ho ki ham svarga ka maalik banen। gaayan bhi hai shiv bhagvaanuvaach, maataayen svarga ka dvaar kholti hain isliye vande maatram gaaya jaata hai। vande maatram to understood pita bhi hai। baap maataaon ki mahima ko badhaate hain। pahle lakshmi, peechhe naaraayan। yahaan phir pahle mister, peechhe mrs.। drama ka raaz aisa bana hua hai। baap rachayita pahle apna parichay dete hain। ek hai had ka laukik baap, doosra hai behad ka paarlaukik baap। behad ke baap ko yaad karte hain kyonki unse behad ka varsa milta hai। had ka varsa milte hue bhi behad ke baap ko yaad karte hain। baba aap aayenge to ham aur sang tod ek aapse hi jodenge। yeh kisne kaha? aatma ne। aatma hi in organs dvaara part bajaati hai। har ek aatma jaise-jaise karma karti hai aise-aise janma leti hai। saahookaar gareeb bante hain। karma hain na। yeh lakshmi-naaraayan vishwa ke maalik hain। inhonne kya kiya, yeh to tum jaante ho aur tum hi samjha sakte ho।

baap kehte hain in aankhon se tum jo kuchh bhi dekhte ho, usse vairaagya। yeh to sab khatma ho jaana hai। naya makaan banaate hain to phir puraane se vairaagya ho jaata hai। bachche kahenge baba ne naya makaan banaaya hai, ham usmein jaayenge। yeh puraana makaan to toot-phoot jaayega। yeh hai behad ki baat। bachche jaante hain baap aaya hua hai svarga ki sthaapna karne। yeh puraani chhi-chhi duniya hai।

tum bachche abhi trimoorti shiv ke aage baithe ho। tum vijay pahante ho। vaastav mein tumhaara yeh trimoorti kot oph arms hai। tum braahmanon ka yeh kul sabse ooncha hai। choti hai। yeh raajaai sthaapan ho rahi hai। is kot oph arms ko tum brahman hi jaante ho। shivbaaba hamko brahma dvaara padhaate hain, devi-devta banaane ke liye। vinaash to hona hi hai। duniya tamopradhaan banti hai to natural calamities bhi madad karti hai। buddhi se kitni science nikaalte rehte hain। pet se koi moosal nahin nikle hain। yeh science nikli hai, jisse saare kul ko khatma kar dete hain। bachchon ko samjhaaya hai oonch te oonch hai shiv-baba। pooja bhi karni chaahiye ek shivbaaba ki aur devtaaon ki। braahmanon ki pooja ho nahin sakti kyonki tumhaari aatma bhal pavitra hai lekin shareer to pavitra nahin hai, isliye poojan laayak nahin ho sakte। mahima laayak ho। jab phir tum devta bante ho to aatma bhi pavitra, shareer bhi naya pavitra milta hai। is samay tum mahima laayak ho। vande maatram gaaya jaata hai। maataaon ki sena ne kya kiya? maataaon ne hi shreemat par gyaan diya hai। maataayen sabko shreemat par gyaan deti hain। maataayen sabko gyaan amrit pilaati hain। yathaartha reeti tum hi samajhte ho। shaastron mein to bahut kahaaniyaan likhi hui hain, woh baithkar sunaate hain। tum sat-sat karte rehte ho। tum yeh baithkar sunaao to sat-sat kahenge। abhi to tum sat-sat nahin kahenge। manushya to aise pattharbuddhi hain jo sat-sat kehte rehte hain। gaayan bhi hai pattharbuddhi aur paarasbuddhi। paaras buddhi maana paarasnaath। nepaal mein kehte hain paarasnaath ka chitra hai। paaraspuri ka naath yeh lakshmi-naaraayan hain। unhon ki dynasty hai। ab mool baat hai rachayita aur rachna ke raaz ko jaanna, jinke liye rishi-muni bhi neti-neti karte gaye hain। abhi tum baap dvaara sab kuchh jaante ho arthaat aastik bante ho। maaya raavan naastik banaati hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada smriti rahe ki ham brahma mukh vanshaavli brahman hain, hamaara sabse oonch kul hai। humein pavitra banna aur banaana hai। patit-paavan baap ka madadgaar banna hai।

2) yaad mein kabhi gaphlat nahin karna hai। deh-abhimaan ke kaaran hi maaya yaad mein vighna daalti hai isliye pahle deh-abhimaan ko chhodna hai। yog agni dvaara paap naash karne hain।

vardaan:- saadhnon ki pravritti mein rehte kamal phool samaan nyaare aur pyaare rahne vaale behad ke vairaagi bhav

saadhan mile hain to unhein bade dil se use karo, yeh saadhan hain hi aapke liye, lekin saadhna ko merge nahin karo। poora balance ho। saadhan bure nahin hain, saadhan to aapke karma ka, yog ka phal hain। lekin saadhan ki pravritti mein rehte kamal pushpa samaan nyaare aur baap ke pyaare bano। use karte hue unhon ke prabhaav mein nahin aao। saadhnon mein behad ki vairaagya vritti merge na ho। pahle svayan mein ise emerge karo phir vishwa mein vaayumandal phailaao।

slogan:- pareshaan ko apni shaan mein sthit kar dena hi sabse achhi seva hai।