Murli du jour du mardi 16 avril 2024

16-04-2024 praatahmurli om shanti "baapdaada"' madhuban

“meethe bachche - tumhein satopradhaan banna hai to baap ko pyaar se yaad karo, paarasnaath shivbaaba tumhein paaraspuri ka maalik banaane aaye hain''

prashn:- tum bachche kis ek baat ki dhaarna se hi mahima yogya ban jaayenge?

uttar:- bahut-bahut nirmaan-chit bano। kisi bhi baat ka ahankaar nahin hona chaahiye। bahut meetha banna hai। ahankaar aaya to dushman ban jaate hain। oonch athva neench, pavitrata ki baat par bante hain। jab pavitra hain to maan hai, apvitra hain to sabko maatha tekte hain।

om shanti। roohaani baap baith bachchon ko samjhaate hain। baap bhi samajhte hain ki ham in bachchon ko samjhaate hain। yeh bhi bachchon ko samjhaaya gaya hai ki bhakti maarga mein bhinna-bhinna naam se anekaanek chitra bana dete hain। jaise ki nepaal mein paarasnaath ko maante hain। unka bahut bada mandir hai। parantu hai kuchh bhi nahin। 4 darvaaje hain, 4 moortiyaan hain। chauthe mein shreekrishna ko rakha hai। ab shaayad kuchh badli kar diya ho। ab paarasnaath to zaroor shivbaaba ko hi kahenge। manushyon ko paarasbuddhi bhi vahi banaate hain। to pahle-pahle unko yeh samjhaana hai - oonch te oonch hai bhagwan, peechhe hai saari duniya। sookshm vatan ki srishti to hai nahin। peechhe hote hain lakshmi-naaraayan va vishnu। vaastav mein vishnu ka mandir bhi wrong hai। vishnu chaturbhuj, chaar bhujaaon vaala koi manushya to hota nahin। baap samjhaate hain yeh lakshmi-naaraayan hain, jinko ikattha vishnu ke roop mein dikhaaya hai। lakshmi-naaraayan to donon alag-alag hain। sookshm vatan mein vishnu ko 4 bhujaayen de di hain arthaat donon ko milaakar chaturbhuj kar diya hai, baaki aisa koi hota nahin hai। mandir mein jo chaturbhuj dikhaate hain - woh hai sookshm vatan ka। chaturbhuj ko shankh, chakra, gada, padma aadi dete hain। aisa kuchh hai nahin। chakra bhi tum bachchon ko hai। nepaal mein vishnu ka bada chitra ksheer saagar mein dikhaate hain। pooja ke dinon mein thoda doodh daal dete hain। baap ek-ek baat achhi tarah samjhaate hain। aise koi bhi vishnu ka arth samjha na sake। jaante hi nahin। yeh to bhagwan khud samjhaate hain। bhagwan kaha jaata hai shivbaaba ko। hai to ek hi parantu bhakti maarga vaalon ne naam anek rakh diye hain। tum abhi anek naam nahin lenge। bhakti maarga mein bahut dhakke khaate hain। tumne bhi khaaye। abhi agar tum mandir aadi dekhenge to us par samjhaayenge ki oonche te oonch hai bhagwan, supreme soul, niraakaar parampita paramatma। aatma shareer dvaara kehti hai - O parampita। unki phir mahima bhi hai gyaan ka saagar, sukh ka saagar। bhakti maarga mein ek ke anek chitra hain। gyaan maarga mein to gyaan saagar ek hi hai। vahi patit-paavan, sarva ke sadgati daata hain। tumhaari buddhi mein saara chakra hai। oonch te oonch paramatma hai, unke liye hi gaayan hai simar-simar sukh paao arthaat ek baap ko hi yaad karo athva simran karte raho, to kalah klesh mite sab tan ke, phir jeevanmukti pad paao। yeh jeevan-mukti hai na। baap se yeh sukh ka varsa milta hai। akele yeh to nahin paayenge। zaroor raajdhaani hogi na। goya baap raajdhaani sthaapan kar rahe hain। satayug mein raaja, raani, praja sab hote hain। tum gyaan praapta kar rahe ho, to jaakar bade kul mein janma lenge। bahut sukh milta hai। jab woh sthaapna ho jaati hai to chhi-chhi aatmaayen sajaayen khaakar vaapis chali jaati hain। apne-apne section mein jaakar thahrengi। itni sab aatmaayen aayengi phir vriddhi ko paati rahengi। yeh buddhi mein rehna chaahiye ki oopar se kaise aate hain। aise to nahin do patte ke badle 10 patte ikatthe aana chaahiye। nahin, kaaydesir patte nikalte hain। yeh bahut bada jhaad hai। dikhaate hain ek din mein laakhon ki vriddhi ho jaati hai। pahle samjhaana hai - oonch te oonch hai bhagwan, patit-paavan, duhkh harta sukh karta bhi vahi hai। jo bhi paartadhaari duhkhi hote hain, un sabko aakar sukh dete hain। duhkh dene vaala hai raavan। manushyon ko yeh maaloom hi nahin ki baap aaye hain jo aakar samjhen। bahut to samajhte-samajhte phir thirak jaate hain। (baahar nikal jaate hain) jaise snaan karte-karte paanv phisal jaata hai to paani andar ghus jaata hai। baba to anubhvi hai na। yeh to vishay saagar hai। baba tumko ksheer saagar taraph le jaate hain। parantu maaya roopi graah achhe-achhe mahaarthiyon ko bhi hap kar leti hai। jeete ji baap ki god se markar raavan ki god mein chale jaate hain arthaat mar padte hain। tum bachchon ki buddhi mein hai oonche te oonch baap phir rachna rachte hain। history-geography sookshm vatan ki to hai nahin। bhal tum sookshm vatan mein jaate ho, saakshaatkaar karte ho। vahaan chaturbhuj dekhte ho। chitron mein hai na। to woh buddhi mein baitha hua hai to zaroor saakshaatkaar hoga। parantu aisi koi cheez hai nahin। yeh bhakti maarga ke chitra hain। abhi tak bhakti maarga chal raha hai। bhakti maarga poora hoga to phir yeh chitra rahenge nahin। svarga mein yeh sab baaten bhool jaayengi। ab buddhi mein hai ki yeh lakshmi-naaraayan do roop hain chaturbhuj ke। lakshmi-naaraayan ki pooja so chaturbhuj ki pooja। lakshmi-naaraayan ka mandir ya chaturbhuj ka mandir, baat ek hi hai। in donon ka gyaan aur kisko bhi nahin hai। tum jaante ho in lakshmi-naaraayan ka raajya hai। vishnu ka raajya to nahin kahenge। yeh paalna bhi karte hain। saare vishwa ke maalik hain to vishwa ki paalna karte hain।

shiv bhagvaanuvaach - main tumko raajayog sikhlaata hoon। apne ko aatma samajh baap ko yaad karo to is yog agni se vikarma vinaash honge। detail mein samjhaana pade। bolo, yeh bhi hai geeta। sirf geeta mein shreekrishna ka naam daal diya hai। yeh to wrong hai, sabki glaani kar di hai isliye bhaarat tamopradhaan ban pada hai। ab hai kaliyugi duniya ka ant, inko kaha jaata hai tamopradhaan iron ej। jo satopradhaan the, unhonne hi 84 janma liye hain। janma-maran mein to zaroor aana hai। jab poore 84 janma lete hain tab phir baap ko aana padta hai - pahle number mein। ek ki baat nahin hai। inki to saari raajdhaani thi na, phir zaroor honi chaahiye। baap sabke liye kehte hain apne ko aatma samjho, baap ko yaad karo to yog agni se paap kat jaayenge। kaam chita par baith sab saanvare ho gaye hain। ab saanvare se gora kaise banen? so to baap hi sikhlaate hain। shreekrishna ki aatma zaroor bhinna-bhinna naam roop lekar aati hogi। jo lakshmi-naaraayan the, unko hi 84 janmon ke baad phir woh banna hai। to unke bahut janmon ke ant mein baap aakar pravesh karte hain। phir woh satopradhaan vishwa ke maalik bante hain। tumhaare mein paarasnaath ko poojte hain, shiv ko bhi poojte hain। zaroor unhon ko shiv ne hi aisa paarasnaath banaaya hoga। teacher to chaahiye na। woh hai gyaan saagar। ab satopradhaan paarasnaath banna hai to baap ko bahut pyaar se yaad karo। vahi sabke duhkh harne vaala hai। baap to sukh dene vaala hai। yeh hai kaanton ka jangal। baap aaye hain phoolon ka bageecha banaane। baap apna parichay dete hain। main is saadhaaran budhe tan mein pravesh karta hoon, jo apne janmon ko nahin jaante hain। bhagvaanuvaach - main tumko raajayog sikhlaata hoon। to yeh eeshvareey university thahri। em object hai hi raaja-raani banne ki to zaroor praja bhi banegi। manushya yog-yog bahut karte hain। nivritti maarga vaale to anek hathayog karte hain। woh raajayog sikhla na saken। baap ka hai hi ek prakaar ka yog। sirf kehte hain apne ko aatma samajhkar mujh baap ko yaad karo। 84 janma poore hue, ab vaapis ghar jaana hai। ab paavan banna hai। ek baap ko yaad karo, baaki sabko chhodo। bhakti maarga mein tum gaate the ki aap aayenge to ham ek sang jodenge। to zaroor unse varsa mila tha na। aadhaakalpa hai svarga, phir hai narka। raavan raajya shuru hota hai। aise-aise samjhaana hai। apne ko deh na samjho। aatma avinaashi hai। aatma mein hi saara part noondha hua hai, jo tum bajaate ho। ab shivbaaba ko yaad karo to beda paar ho jaayega। sannyaasi pavitra bante hain to unka kitna maan hota hai। sab maatha jhukaate hain। pavitrata ki baat par hi oonch-neench bante hain। devtaayen hain bilkul oonch। sannyaasi phir ek janma pavitra bante hain, phir doosra janma to vikaar se hi lete hain। devtaayen hote hi hain satayug mein। ab tum padhte ho phir padhaate bhi ho। koi padhte hain lekin doosron ko samjha nahin sakte hain kyonki dhaarna nahin hoti hai। baba kahenge tumhaari takdeer mein nahin hai to baap kya kare। baap yadi sabko aasheervaad baith karen to sab scholarship le leven। woh to bhakti maarga mein aasheervaad karte hain। sannyaasi bhi aise karte hain। unko jaakar kahenge mujhe bachcha ho, aasheervaad karo। achha, tumko bachcha hoga। bachchi hui to kahenge bhaavi। bachcha hua to vaah-vaah kar charnon par girte rahenge। achha, agar phir mara to rone-peetne, guru ko gaali dene lag padenge। guru kahega yeh bhaavi thi। kahenge, pahle kyon nahin bataaya। koi mare hue se jinda ho jaata hai to yeh bhi bhaavi hi kahenge। woh bhi drama mein noondh hai। aatma kahaan chhip jaati hai। doctor log bhi samajhte hain yeh mara pada hai, phir jinda ho jaata hai। chita par chadhe hue bhi uth padte hain। koi ek ne kisko maana to unke peechh dher pad jaate hain।

tum bachchon ko to bahut nirmaanchit hokar chalna hai। ahankaar jara bhi na rahe। aajkal kisko jara bhi ahankaar dikhaaya to dushmani badhi। bahut meetha hokar chalna hai। nepaal mein bhi aavaaz niklega। abhi tum bachchon ki mahima ka samay hai nahin। nahin to unke akhaade ud jaayen। bade-bade jag jaayen aur sabha mein baith sunaayen, to unke pichhaadi dher aa jaayen। koi bhi em.pi. baith tumhaari mahima kare ki bhaarat ka raajayog in brahmaakumaar-kumaariyon ke sivaae koi sikhla nahin sakte, aisa abhi tak koi nikla nahin hai। bachchon ko bahut hoshiyaar, chamatkaari banna hai। phalaane-phalaane bhaashan kaise karte hain, seekhna chaahiye। service karne ki yukti baap sikhlaate hain। baba ne murli jo chalaai, accurate kalpa-kalpa aise chalaai hogi। drama mein noondh hai। prashn nahin uth sakta hai - aise kyon? drama anusaar jo samjhaana tha woh samjhaaya। samjhaata rehta hoon। baaki log to athaah prashn karenge। bolo, pahle manamnaabhav ho jaao। baap ko jaanne se tum sab kuchh jaan jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1. service ki yukti seekhkar bahut-bahut hoshiyaar aur chamatkaari banna hai। dhaarna kar phir doosron ko karaani hai। padhaai se apni takdeer aapehi banaani hai।

2. kisi bhi baat mein jara bhi ahankaar nahin dikhaana hai, bahut-bahut meetha aur nirmaanchit banna hai। maaya roopi graah se apni sambhaal karni hai।

vardaan:- beeti ko shreshtha vidhi se beeti kar yaadgaar swaroop banaane vaale paas with honour bhav

“past is past'' to hona hi hai। samay aur drishya sab paas ho jaayenge lekin paas with honour bankar har sankalp va samay ko paas karo arthaat beeti ko aisi shreshtha vidhi se beeti karo, jo beeti ko smriti mein laate hi vaah, vaah ke bol dil se niklen। anya aatmaayen aapki beeti hui stori se paath padhen। aapki beeti, yaadgaar-swaroop ban jaae to keertan arthaat keerti gaate rahenge।

slogan:- sva kalyaan ka shreshtha plan banaao tab vishwa seva mein sakaash milegi।