Murli du jour du mardi 18 juin 2024

18-06-2024 praatahmurli om shanti "baapdaada"' madhuban

“meethe bachche - avgunon ko nikaalne ka poora purooshaartha karo, jis gun ki kami hai uska potaamel rakho, gunon ka daan karo to gunvaan ban jaayenge''

prashn:- gunvaan banne ke liye kaun-si pahli-pahli shreemat mili hui hai?

uttar:- meethe bachche - gunvaan banna hai to - 1. kisi ki bhi deh ko mat dekho। apne ko aatma samjho। ek baap se suno, ek baap ko dekho। manushya mat ko nahin dekho। 2. deh-abhimaan ke vash aisi koi activity na ho jisse baap ka va brahman kul ka naam badnaam ho। ulti chalan vaale gunvaan nahin ban sakte। unhein kul kanlakit kaha jaata hai।

om shanti। (baapdaada ke haath mein motiye ke phool the) baba saakshaatkaar karaate hain, aisa khushboodaar phool banne ka hai। bachche jaante hain ham phool bane the zaroor। gulaab ke phool, motiye ke phool bhi bane the athva heere bhi bane the, ab phir ban rahe hain। yeh hain sachche, aage to the jhoothe। jhooth hi jhooth, sach ki ratti bhi nahin। abhi tum sachche bante ho to phir sachche mein sab gun bhi chaahiye। jitne jismen gun hain, utna auron ko bhi daan de aapasmaan bana sakte hain isliye baap bachchon ko kehte rehte hain - bachche, potaamel rakho, apne gunon ka। hamaare mein koi avgun to nahin hain? daivi gunon mein kya kami hai? raat ko roz apna potaamel nikaalo। duniya ke manushyon ki to baat hi alag hai। tum abhi manushya to nahin ho na। tum ho brahman। bhal manushya to sab manushya hi hain। parantu har ek ke gunon mein, chalan mein farka padta hai। maaya ke raajya mein bhi koi-koi manushya bahut achhe gunvaan hote hain parantu baap ko nahin jaante। bade religious minded, narma dil hote hain। duniya mein to manushyon ke gunon ki variety hai। aur jab devta bante hain to daivi gun to sabmen hain। baaki padhaai ke kaaran martabe kam ho padte hain। ek to padhna hai, doosra avgunon ko nikaalna hai। yeh to bachche jaante hain ham saari duniya se nyaare hain। yahaan yeh jaise ek hi brahman kul baitha hua hai। shoodra kul mein hai manushya mat। brahman kul mein hai eeshvareey mat। pahle-pahle tumko baap ka parichay dena hai, tum bataate ho phalaana argue karte hain। baba ne samjhaaya tha, likh do ham brahman athva bi.ke. hain eeshvareey mat par to samajh jaayenge inse ooncha to koi hai nahin। oonch te oonch hai bhagwan, to ham unke bachche bhi unki mat par hain। manushya mat par ham chalte nahin, eeshvareey mat par chal ham devta bante hain। manushya mat bilkul chhod di hai। phir tumse koi argue kar na sake। koi kahe yeh kahaan se suna, kisne sikhaaya hai? tum kahenge ham hain eeshvareey mat par। prerna ki baat nahin। behad ke baap eeshvar se ham samjhe hue hain। bolo, bhakti maarga ke shaastra mat par to ham bahut samay chale। ab hamko mili hai eeshvareey mat। tum bachchon ko baap ki hi mahima karni hai। pahle-pahle buddhi mein bithaana hai, ham eeshvareey mat par hain। manushya mat par ham chalte nahin, sunte nahin। eeshvar ne kaha hai hear no evil, si no evil… manushya mat। aatma ko dekho, shareer ko nahin dekho। yeh to patit shareer hai। inko kya dekhne ka hai, in aankhon se yeh nahin dekho। yeh shareer to patit ka patit hi hai। yahaan ke yeh shareer to sudharne nahin hain aur hi puraane hone hain। din-pratidin sudharti hai aatma। aatma hi avinaashi hai, isliye baap kehte hain si no evil। shareer ko bhi nahin dekhna hai। deh sahit deh ke jo bhi sambandh hain, unko bhool jaana hai। aatma ko dekho, ek paramatma baap se suno, ismen hi mehnat hai। tum feel karte ho yeh badi subject hai। jo hoshiyaar honge, unko pad bhi itna oonch milega। second mein jeevanmukti mil sakti hai। parantu agar poora purooshaartha nahin kiya to phir sajaayen bhi bahut khaani padengi।

tum bachche andhon ki laathi bante ho baap ka parichay dene ke liye। aatma ko dekha nahin jaata, jaana jaata hai। aatma kitni chhoti hai। is aakaash tatva mein dekho manushya kitni jagah lete hain। manushya to aate jaate rehte hain na। aatma kahaan aati jaati hai kya? aatma ki kitni chhoti-si jagah hogi! vichaar ki baat hai। aatmaon ka jhunda hoga। shareer ke bhent mein aatma kitni chhoti hai, woh kitni thodi jagah legi। tumko to rahne ke liye bahut jagah chaahiye। abhi tum bachche vishaal buddhi bane ho। baap nai baaten samjhaate hain nai duniya ke liye aur phir bataane vaala bhi naya hai। manushya to sabse raham maangate rehte hain। apne mein taakat nahin hai, jo apne par raham karen। tumko taakat milti hai। tumne baap se varsa liya hai aur koi ko raham-dil nahin kaha jaata hai। manushya ko kabhi devta nahin kah sakte hain। merciful ek hi baap hai, jo manushya ko devta banaate hain isliye kehte hain parampita paramatma ki mahima aparmaapaar hai, uska paaraavaar nahin। abhi tum jaante ho, unke raham ka paaraavaar nahin hai। baba jo nai duniya banaate hain, usmein sab kuchh naya hota hai। manushya, pashu, pakshi sab satopradhaan hote hain। baap ne samjhaaya hai tum oonch bante ho to tumhaara furniture bhi aisa oonch te oonch gaaya hua hai। baap ko bhi kehte hain oonche te ooncha, jisse vishwa ki baadshaahi milti hai। baap saaph kehte hain ham hatheli par bahishta le aata hoon। vo log hatheli se kesar aadi nikaalte hain, yahaan to padhaai ki baat hai। yeh hai sachchi padhaai। tum samajhte ho ham padh rahe hain। paathshaala mein aaye hain, paathshaalaayen tum bahut kholo to tumhaari activity ko dekhen। koi phir ulti chalan chalte hain to naam badnaam karte hain। deh-abhimaan vaale ki activity hi alag hogi। dekhenge aisi activity hai to phir jaise sab par kalank lag jaata hai। samajhte hain inki activity mein to koi farka nahin hai to goya baap ki ninda karaai na। time lagta hai। saara dosh us par aa jaata hai। manners bahut achhe chaahiye। tumhaare characters badalne mein kitna time lagta hai। tum samajhte ho koi-koi ke characters bahut achhe first class hote hain। woh dikhaai bhi padenge। baba ek-ek bachche ko baith dekhte hain, inmen kya khaami hai jo nikalni chaahiye। ek-ek ki jaanch karte hain। khaamiyaan to sabmen hain। to baap sabko dekhte rehte hain। result dekhte rehte hain। baap ka to bachchon par lav rehta hai na। jaante hain inmen yeh khaami hai, is kaaran yeh itna oonch pad pa nahin sakenge। agar khaamiyaan nahin nikli to bada mushkil hai। dekhne se hi maaloom pad jaata hai। yeh to jaante hain abhi time pada hai। ek-ek ki jaanch karte, baap ki nazar ek-ek ke gunon par padegi। poochhenge tumhaare mein koi avgun to nahin hai? baba ke aage to sach bata dete hain। koi-koi ko deh-abhimaan rehta hai to nahin bataate hain। baap to kehte rehte hain - aapehi jo kare so devta। kahne se kare woh manushya, jo kahne se bhi na kare.....। baba kehte rehte hain jo bhi khaamiyaan hain is janma ki woh baap ke aage aapehi bataao। baba to sabko kah dete hain khaamiyaan surgeon ko bataani chaahiye। shareer ki beemaari nahin, andar ki beemaari bataani hai। tumhaare paas andar mein kya-kya aasuri khyaalaat rehte hain? to is par baba samjhaayenge। is haalat mein tum itna oonch pad nahin pa sakenge, jab tak avgun niklen, avgun bahut ninda karaate hain। manushyon ko vaham padta hai - bhagwan inko padhaate hain! bhagwan to naam-roop se nyaara hai, sarvavyaapi hai, woh kaise inko padhaayenge, inki chalan kaisi hai। yeh to baap jaante hain - tumhaare gun kaise first class hone chaahiye। avgun chhipa denge to koi ko itna teer nahin lagega isliye jitna ho sake apne mein avgun jo hain unko nikaalte jaao। note karo, hamaare mein yeh-yeh khaami hai to dil andar mein khaayegi। ghaata padta hai to dil khaati hai। vyaapaari log apna khaata roz nikaalte hain - aaj kitna phaayda hua, roz ka khaata dekhte hain। yeh baap bhi kehte hain roz apni chaal dekho। nahin to apna nuksaan kar denge। baap ki pat (ijzat) ganva denge।

guru ki ninda karaane vaale thaur na paayen। deh-abhimaani thaur nahin pa sakenge। dehi-abhimaani achhi thaur paayenge। dehi-abhimaani banne ke liye hi sab purooshaartha karte hain। din-pratidin sudharte jaate hain। deh-abhimaan se jo karttavya hote hain, unko kaatte rehna hai। deh-abhimaan se paap zaroor hota hai isliye dehi-abhimaani bante raho। yeh to samajh sakte ho janmate hi raaja koi hota nahin। dehi-abhimaani banne mein time to lagta hai na। yeh bhi tum samajhte ho, abhi hamko vaapis jaana hai। baba ke paas bachche aate hain। koi 6 maas baad aate, koi 8 maas baad bhi aate hain to baba dekhte hain itne samay mein kya unnati hui hai? din-pratidin kuchh sudharte rehte hain ya kuchh daal mein kaala hai? koi chalte-chalte padhaai chhod dete hain। baba kehte hain yeh kya, bhagwan tumko padhaate hain bhagwan bhagavti banaane, aisi padhaai tum chhod dete ho! are! world god father padhaate hain, ismen absent! maaya kitni prabal hai। first class padhaai se tumhaara mukh mod deti hai। bahut hain jo chalte rehte hain, phir padhaai ko laat maar dete hain। yeh to tum samajhte ho ab hamaara munh hai svarga taraph, laat hai narka taraph। tum ho sangamayugi brahman। yeh puraani raavan ki duniya hai। ham via shantidham, sukhdhaam taraph jaayenge। bachchon ko yahi yaad rakhna pade। time bahut kam hai, kal bhi shareer chhoot sakta hai। baap ki yaad nahin hogi to phir antakaal.... baap samjhaate to bahut hain। yeh sab gupta baaten hain। knowledge bhi gupta hai। yeh bhi jaante hain kalpa pahle jisne jitna purooshaartha kiya hai, vahi kar rahe hain। drama anusaar baap bhi kalpa pahle muaaphik samjhaate rehte hain, ismen farka nahin pad sakta hai। baap ko yaad karte raho to tumhaare vikarma vinaash hote jaayen। saja nahin khaani chaahiye। baap ke saamne sajaayen baith khaayenge to baap kya kahenge! tumne saakshaatkaar bhi kiye hain, us samay maaph nahin kar sakte। in dvaara baap padhaate hain to inka hi saakshaatkaar hoga। in dvaara vahaan bhi samjhaate rahenge - tumne yeh-yeh kiya phir us samay bahut royenge, chillaayenge, aphsos bhi karenge। bigar saakshaatkaar saza de na saken। kahenge tumko itna padhaate the phir aise-aise kaam kiye। tum bhi samajhte ho raavan ki mat par hamne kitne paap kiye hain। poojya se pujaari ban pade hain। baap ko sarvavyaapi kehte aaye। yeh to pahle number ki insult hai। iska hisaab-kitaab bhi bahut hai। baap ulhana dete hain, tumne apne ko kaise chamaat maari hai। bhaaratvaasi hi kitna gire hain। baap aakar samjhaate hain। abhi tumko kitni samajh mili hai। so bhi nambarvaar samajhte hain, drama anusaar। aage bhi aise hi is samay tak ke class ki yeh result thi। baap bataayenge to sahi na। to bachche apni unnati karte rahen। maaya aisi hai jo dehi-abhimaani rahne nahin deti hai। yahi badi subject hai। apne ko aatma samajh baap ko yaad karo to paap bhasma ho jaayen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-abhimaan mein aane se paap zaroor hote hain, deh-abhimaani ko thaur nahin mil sakti, isliye dehi-abhimaani banne ka poora purooshaartha karna hai। koi bhi karma baap ki ninda karaane vaala na ho।

2) andar ki beemaariyaan baap ko sach-sach bataani hain, avgun chhipaane nahin hain। apni jaanch karni hai ki mere mein kya-kya avgun hain? padhaai se svayan ko gunvaan banaana hai।

vardaan:- had ki royal ichchhaaon se mukta rah seva karne vaale nihsvaartha sevaadhaari bhav

jaise brahma baap ne karma ke bandhan se mukta, nyaare banne ka saboot diya। sivaae seva ke sneh ke aur koi bandhan nahin। seva mein jo had ki royal ichchhaayen hoti hain woh bhi hisaab-kitaab ke bandhan mein baandhati hain, sachche sevaadhaari is hisaab-kitaab se bhi mukta rehte hain। jaise deh ka bandhan, deh ke sambandh ka bandhan hai, aise seva mein svaartha - yeh bhi bandhan hai। is bandhan se va royal hisaab-kitaab se bhi mukta nihsvaartha sevaadhaari bano।

slogan:- vaaydon ko file mein nahin rakho, final bankar dikhaao।