Murli du jour du jeudi 27 juin 2024

27-06-2024 praatahmurli om shanti "baapdaada"' madhuban

“meethe bachche - tumhein shareer se alag hokar baap ke paas jaana hai, tum shareer ko saath nahin le jaayenge, isliye shareer ko bhool aatma ko dekho''

prashn:- tum bachche apni aayu ko yogbal se badhaane ka purooshaartha kyon karte ho?

uttar:- kyonki tumhaari dil hoti hai ki ham baap dvaara sab kuchh is janma mein jaan jaayen। baap dvaara sab kuchh sun len, isliye tum yogbal se apni aayu ko badhaane ka purooshaartha karte ho। abhi hi tumhein baap se pyaar milta hai। aisa pyaar phir saare kalpa mein nahin mil sakta। baaki jo shareer chhodkar chale gaye, unke liye kahenge drama। unka itna hi part tha।

om shanti। bachche janma-janmaantar aur satsangon mein gaye hain aur yahaan bhi aaye hain। vaastav mein isko bhi satsang kaha jaata hai। sat ka sang taare। bachchon ke dil mein aata hai - ham pahle bhakti maarga ke satsangon mein jaate the aur abhi yahaan baithe hain। raat-din ka farka bhaasta hai। yahaan pahle-pahle to baap ka pyaar milta hai। phir baap ko bachchon ka pyaar milta hai। abhi is janma mein tumhaari change ho rahi hai। tum bachche samajh gaye ho ham aatma hain, na ki shareer। shareer nahin kahega ki hamaari aatma। aatma kah sakti hai, hamaara shareer। ab bachche samajhte hain - janma-janmaantar to woh saadhu, santa, mahaatma aadi karte aaye। aajkal phir fashion pada hai - saani baba, mehar baba… woh bhi sab jismaani ho gaye। jismaani pyaar mein sukh to hota hi nahin hai। abhi tum bachchon ka hai roohaani pyaar। raat-din ka farka hai। yahaan tumko samajh milti hai, vahaan to bilkul besmajh hain। tum abhi samajhte ho baba aakarke hamko padhaate hain। woh sabka baap hai। mel tatha female sab apne ko aatma samajhte hain। baba bulaate bhi hain - he bachchon। bachche bhi response karenge। yeh hai baap aur bachchon ka mela। bachche jaante hain yeh baap aur bachchon ka, aatma aur paramatma ka mela ek hi baar hota hai। bachche baba-baba kehte rahenge। ‘baba' akshar bahut meetha hai। baba kahne se hi varsa yaad aayega। tum chhote to nahin ho। baap ki samajh bachche ko jaldi padti hai। baba se kya varsa milta hai। woh chhota bachcha to samajh na sake। yahaan tum jaante ho ki ham baba ke paas aaye hain। baap kehte hain he bachchon, to ismen sab bachche aa gaye। sab aatmaayen ghar se yahaan aati hain part bajaane। kaun kab part bajaane aate hain, yeh bhi buddhi mein hai। sabke section alag-alag hain, jahaan se aate hain। phir pichhaadi mein sab apne-apne section mein jaate hain। yeh bhi sab drama mein noondh hai। baap kisko bhejte nahin hain। automatically yeh drama bana hua hai। har ek apne-apne dharma mein aate rehte hain। buddha ka dharma sthaapan hua nahin hai to koi us dharma ka aayega nahin। pahle-pahle sooryavanshi-chandravanshi hi aate hain। jo baap se achhi reeti padhte hain, vahi nambarvaar sooryavanshi, chandravanshi mein shareer lete hain। vahaan vikaar ki to baat nahin। yogbal se aatma aakar garbha mein pravesh karti hai। usse samjhenge ki meri aatma is shareer mein jaakar pravesh karegi। budhe samajhte hain - hamaari aatma yogbal se jaakar yeh shareer legi। meri aatma ab punarjanma leti hai। woh baap bhi samajhte hain - hamaare paas bachcha aaya hai। bachche ki aatma aa rahi hai, jiska saakshaatkaar hota hai। woh apne liye samajhte hain ham jaakar doosre shareer mein pravesh karte hain। yeh bhi vichaar uthte hain na। zaroor vahaan ka kaayda hoga। bachcha kis aayu mein aayega, vahaan to sab regular chalta hai na। woh to aage chal mahsoos hoga। sab maaloom padega, aise to nahin 15-20 varsha mein koi bachcha hoga, jaise yahaan hota hai। nahin, vahaan aayu 150 varsha ki hoti hai, to bachcha tab aayega jab aadha life se thoda aage honge, us samay bachcha aata hai kyonki vahaan aayu badi hoti hai, ek hi to bachcha aana hota hai। phir bachchi bhi aani hai, kaayda hoga। pahle bachche ki phir bachchi ki aatma aati hai। vivek kehta hai pahle bachcha aana chaahiye। pahle mel, peechhe female। 8-10 varsha deri se aayenge। aage chal tum bachchon ko sab saakshaatkaar hona hai। kaise vahaan ki rasma-rivaaj hai, yeh sab baaten nai duniya ki baap baith samjhaate hain। baap hi nai duniya sthaapan karne vaala hai। rasma-rivaaj bhi zaroor sunaate jaayenge। aage chal bahut sunaayenge aur tab saakshaatkaar hote rahenge। bachche kaise paida honge, koi nai baat nahin।

tum to aisi jagah jaate ho jahaan kalpa-kalpa jaana hi padta hai। vaikuntha to ab nazdeek aa gaya hai। ab to bilkul nazdeek hi aakar pahunche ho। har ek baat tumko nazdeek dekhne aayegi, jitna tum gyaan yog mein mazboot hote jaayenge। anek baar tumne part bajaaya hai। abhi tumko samajh milti hai, jo hi tum saath le jaayenge। vahaan ki kya rasma-rivaaz hogi, sab jaan jaayenge। shuru mein tumko sab saakshaatkaar hue the। us samay to ajun tum alpha-be padhte the। phir last mein bhi zaroor tumko saakshaatkaar hone chaahiye। so baap baith sunaate hain, woh sab dekhne ki chaahna tumko yahaan hogi। samjhenge, kahaan shareer na chhoot jaaye, sab kuchh dekhkar jaayen। ismen aayu badhaane ke liye chaahiye yogbal। jo baap se sab kuchh sunen, sab kuchh dekhen। jo pahle se gaye unka chintan nahin karna chaahiye। woh to drama ka part hai। takdeer mein nahin tha - jyaada baap se lav lena kyonki jitna-jitna tum serviceable bante ho, to baap ko bahut-bahut pyaare lagte ho। jitna service karte ho, jitna baap ko yaad karte ho woh yaad jamti rahegi। tumko bahut maza aayega। abhi tum bante ho eeshvareey santaan। baap kehte hain tum aatmaayen hamaare paas thi na। bhakti maarga mein mukti ke liye bahut parishram karte hain। jeevanmukti ko to jaante nahin। yeh bahut lovely gyaan hai। bahut lav rehta hai। baap, baap bhi hai, teacher bhi hai, satguru bhi hai। sachcha-sachcha supreme baba hai jo hamko 21 janmon ke liye sukhdhaam mein le jaate hain। aatma hi duhkhi hoti hai। duhkh-sukh aatma hi mahsoos karti hai। kaha bhi jaata hai paap aatma, punya aatma। abhi baap aaye hain hamko sabhi duhkhon se chhudaane। abhi tum bachchon ko behad mein jaana hai। sab sukhi ho jaayenge। saari duniya hi sukhi ho jaayegi। drama mein part hai, unko bhi tum samajh gaye ho। tum kitna khushi mein rehte ho। baba aaya hai hamko svarga mein le chalne liye। ham sab aatmaon ko svarga mein le jaayenge। baap dhairya dete hain - meethe-meethe bachchon, main tumko sab duhkhon se door karne aaya hoon। to aise baap se kitna pyaar hona chaahiye। sabhi sambandhon ne tumko duhkh diya hai। yeh hai hi duhkhadaai santaan। tum duhkhi hote, duhkh ki hi baaten sunte aaye ho। ab baap sab baaten samjha rahe hain। anek baar samjhaaya hai aur chakravarti raaja banaaya hai। to jo baap hamko aisa svarga ka maalik banaate hain, un par kitna pyaar hona chaahiye। ek baap ko hi tum yaad karte ho। sivaae baap ke aur koi se sambandh nahin। aatma ko hi samjhaaya jaata hai। ham supreme baap ke bachche hain। ab jaise hamko raasta mila hai, phir auron ko bhi sukh ka raasta bataana hai। tumko sirf aadhaakalpa ke liye hi nahin, pauna kalpa ke liye sukh milta hai। tum par bhi kai kurbaan jaate hain kyonki tum baap ka sandesh bataakar sab duhkh door kar dete ho।

tum samajhte ho inhen bhi (brahma ko bhi) yeh knowledge supreme baap se milti hai। yeh phir hamko paigaam dete hain। ham phir auron ko paigaam denge। baap ka parichay dete sab bachchon ko jagaate rehte hain, agyaan neend se। bhakti ko agyaan kaha jaata hai। gyaan aur bhakti alag-alag hai। gyaan saagar baap ab tum bachchon ko gyaan sikhla rahe hain। tumhaare dil mein aata hai, baba har 5 hazaar varsha baad aakar humein jagaate hain। hamaara jo deeva hai, usmein ghrit baaki thoda jaakar raha hai isliye ab phir gyaan ghrit daal deep jagaate hain। jab baap ko yaad karte hain to aatma roopi deep prajjavlit hota hai। aatma mein jo kat chadhi hui hai woh utregi baap ki yaad se, ismen hi maaya ki ladaai chalti hai। maaya ghadi-ghadi bhula deti hai aur kat utaarne ke bajaay chadhti jaati hai। balki jitna utri thi, usse bhi jaasti chadh jaati hai। baap kehte hain - bachche, mujhe yaad karo to kat utar jaayegi। ismen mehnat hai। shareer ki kashish na ho। dehi-abhimaani bano। ham aatma hain, baba ke paas shareer sahit to ja nahin sakenge। shareer se alag hokar hi jaana hai। aatma ko dekhne se kat utregi, shareer ko dekhne se kat chadhti hai। kabhi chadhti, kabhi utarti - yeh chalta rehta hai। kabhi neeche, kabhi oopar - bada naazuk raasta hai। yeh hote-hote pichhaadi mein karmaateet avastha ko paate hain। mukhya har baat mein aankhen hi dhokha deti hain, isliye shareer ko na dekho। hamaari buddhi shantidham-sukhdhaam mein latki hui hai aur daivi gun bhi dhaaran karne hain। bhojan bhi shuddh khaana hai। devtaaon ka pavitra bhojan hai। vaishnav akshar vishnu se nikla hai। devta kabhi gandi cheez thode hi khaate honge। vishnu ka mandir hai, jisko nar-naaraayan bhi kehte hain। ab lakshmi-naaraayan to saakaari thahre। unko 4 bhuja honi nahin chaahiye। parantu bhakti maarga mein unko bhi 4 bhuja di hain। isko kaha jaata hai behad ka agyaan। samajhte nahin ki 4 bhuja vaala koi manushya to ho nahin sakta। satayug mein 2 bhuja vaale hote hain। brahma ko bhi 2 bhujaayen hain। brahma ki beti sarasvati, unko phir milaakar 4 bhuja di hain। ab sarasvati koi brahma ki stri nahin hai, yeh to prajaapita brahma ki beti hai। jitne bachche adopt hote jaate hain, utni inki bhujaayen badhti jaati hain। brahma ki hi 108 bhujaayen kehte hain। vishnu va shankar ki nahin kahenge। brahma ki bhujaayen bahut hain। bhakti maarga mein to kuchh samajh nahin। baap aakar bachchon ko samjhaate hain, tum kehte ho baba ne aakar hamko samajhdaar banaaya hai। manushya kehte hain ham shiv ke bhakta hain। achha, tum shiv ko kya samajhte ho? abhi tum samajhte ho shivbaaba sab aatmaon ka baap hai, isliye unki pooja karte hain। mukhya baat baap kehte hain - maamekam yaad karo। tumne bulaaya bhi hai - he patit-paavan aakar hamko paavan banaao। sabhi pukaarte hi rehte hain - patit-paavan seetaaraam। yeh bhi gaate rehte the। baba ko thode hi maaloom tha ki baap svayan aakar mere mein pravesh karenge। kitna wonder hai, kabhi khyaal mein bhi nahin tha। pahle to aashcharya khaate the yeh kya hota hai! main kisko dekhta hoon to baithe-baithe unko kashish hoti hai। yeh kya hota hai? shivbaaba kashish karte the। saamne baitho to dhyaan mein chale jaate the। aashcharya mein pad gaye, yeh kya hai! in baaton ko samajhne ke liye phir ekaanta chaahiye। tab vairaagya aane laga - kahaan jaaoon? achha, banaaras jaata hoon। yeh unki kashish thi। jo isko bhi karaate the, itni badi kaarobaar sab chhodkar gaya। un bichaaron ko kya pata ki banaaras mein kyon jaate hain? phir vahaan bageeche mein jaakar thahra। vahaan pencil haath mein uthaakar deevaaron par chakra baith nikaalta tha। baba kya karaate the, kuchh pata nahin padta tha। raat ko neend aa jaati thi। samajhta tha kahaan ud gaya hoon। phir jaise neeche aa jaata tha। kuchh pata nahin kya ho raha hai। shuru mein kitne saakshaatkaar hote the। bachchiyaan baithe-baithe dhyaan mein chali jaati thi। tumne bahut kuchh dekha hai। tum kahenge jo hamne dekha so tumne nahin dekha। phir pichhaadi mein bhi baba bahut saakshaatkaar karaayenge kyonki najdeek hote jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ka sandesh sunaakar sabke duhkh door karne hain। sabko sukh ka raasta bataana hai। hadon se nikal behad mein jaana hai।

2) ant ke sab saakshaatkaar karne ke liye tatha baap ke pyaar ki paalna lene ke liye gyaan-yog mein majboot banna hai। doosron ka chintan na kar yogbal se apni aayu badhaani hai।

vardaan:- albelepan va attention ke abhimaan ko chhod baap ki madad ke paatra banne vaale sahaj purushaarthi bhav

kai bachche himmat rakhne ke bajaae albelepan ke kaaran abhimaan mein aa jaate hain ki ham to sada paatra hain hi। baap humein madad nahin karenge to kisko karenge! is abhimaan ke kaaran himmat ki vidhi ko bhool jaate hain। kaeeyon mein phir svayan par attention dene ka bhi abhimaan rehta jo madad se vanchit kar deta hai। samajhte hain hamne to bahut yog laga liya, gyaani-yogi tu aatma ban gaye, seva ki raajdhaani ban gai..is prakaar ke abhimaan ko chhod himmat ke aadhaar par madad ke paatra bano to sahaj purushaarthi ban jaayenge।

slogan:- jo vesta aur negative sankalp chalte hain unhein parivartan kar vishwa kalyaan ke kaarya mein lagaao।