Murli du jour du mardi 30 juillet 2024

30-07-2024 praatahmurli om shanti "baapdaada"' madhuban

“meethe bachche - duhkh harta sukh karta ek baap hai, vahi tumhaare sab duhkh door karte hain, manushya kisi ke duhkh door kar nahin sakte''

prashn:- vishwa mein ashaanti ka kaaran kya hai? shanti sthaapan kaise hogi?

uttar:- vishwa mein ashaanti ka kaaran hai anekaanek dharma। kaliyug ke ant mein jab anekta hai, tab ashaanti hai। baap aakar ek sat dharma ki sthaapna karte hain। vahaan shanti ho jaati hai। tum samajh sakte ho ki in lakshmi-naara-yan ke raajya mein shanti thi। pavitra dharma, pavitra karma tha। kalyaankaari baap phir se woh nai duniya bana rahe hain। usmein ashaanti ka naam nahin।

om shanti। roohaani baap baith roohaani bachchon ko samjhaate hain, roohaani baap ko hi gyaan ka saagar kaha jaata hai। yeh to bachchon ko samjhaaya hai। baambe mein bhi bahut social workers hain, unki meeting hoti rehti hai। baambe mein khaas jahaan meeting karte hain uska naam hai bhaarteey vidya bhavan। ab vidya hoti hai do prakaar ki। ek hai jismaani vidya, jo school-college mein di jaati hai। ab usko vidya bhavan kehte hain। zaroor vahaan koi doosri cheez hai। ab vidya kisko kaha jaata hai, yeh to manushya jaante hi nahin। yeh to roohaani vidya bhavan hona chaahiye। vidya gyaan ko kaha jaata hai। parampita paramatma hi gyaan saagar hai। shreekrishna ko gyaan ka saagar nahin kahenge। shivbaaba ki mahima alag, shreekrishna ki mahima alag hai। bhaaratvaasi moonjh pade hain। geeta ka bhagwan shreekrishna ko samajh baithe hain to vidya bhavan aadi kholte rehte hain। samajhte kuchh bhi nahin। vidya hai geeta ka gyaan। woh gyaan to hai hi ek baap mein। jisko gyaan ka saagar kaha jaata hai, jise manushyamaatra jaante nahin hain। bhaaratvaasiyon ka dharma shaastra to vaastav mein hai hi ek - sarva shaastramai shiromni bhagvat geeta। ab bhagwan kisko kaha jaae? woh bhi is samay bhaarat-vaasi samajhte nahin ya to shreekrishna ko kah dete hain ya raam ko ya apne ko hi paramatma kah dete। ab to samay bhi tamopradhaan hai, raavan raajya hai na।

tum bachche jab kisko samjhaate ho to bolo shiv bhagvaanuvaach। pahle to yeh samjhen ki gyaan saagar ek hi parampita par-maatma hai, jiska naam hai shiv। shivraatri bhi manaate hain, parantu kisko bhi samajh mein nahin aata hai। zaroor shiv aaya hua hai tab to raatri manaate hain। shiv kaun hai - yeh bhi nahin jaante। baap kehte hain bhagwan to sabka ek hi hai। sab aatmaayen bhaai-bhaai hain। aatmaon ka baap ek hi parampita paramatma hai, unko hi gyaan saagar kahenge। devtaaon mein yeh gyaan hai nahin। kaun-sa gyaan? rachayita aur rachna ke aadi-madhya-ant ka gyaan koi manushya maatra mein nahin hai। kehte bhi hain praacheen rishi-muni nahin jaante the। praacheen ka bhi arth nahin jaante। satayug-treta hua praacheen। satayug hai nai duniya। vahaan to rishi-muni the hi nahin। yeh rishi-muni aadi sab baad mein aaye hain। woh bhi is gyaan ko nahin jaante। neti-neti kah dete hain। vahi jaante nahin to bhaarat-vaasi jo abhi tamoguni ho gaye hain, woh kaise jaan sakte?

is samay science ka ghamanda bhi kitna hai। is science dvaara samajhte hain bhaarat svarga ban gaya hai। isko maaya ka pomp kaha jaata hai। fall oph pomp ka ek naatak bhi hai। kehte bhi hain ki is samay bhaarat ka patan hai। satayug mein utthaan hai, ab patan hai। yeh koi svarga thode hi hai। yeh to maaya ka pomp hai, inko khatma hona hi hai। manushya samajhte hain - vimaan hain, bade-bade mahal, bijliyaan hain - yahi svarga hai। koi marta hai to bhi kehte svargavaasi hua। isse bhi samajhte nahin ki svarga gaya to zaroor svarga koi aur hai na। yeh to raavan ka pomp hai, behad ka baap svarga ki sthaapna kar rahe hain। is samay hai chataabeti maaya aur eeshvar ki, aasuri duniya aur eeshvareey duniya ki। yeh bhi bhaaratvaasiyon ko samjhaana pade। duhkh to ajun bahut aane vaale hain। athaah duhkh aana hai। svarga to hota hi satayug mein hai। kaliyug mein ho na sake। yeh bhi kisko pata nahin purooshottam sangamayug kisko kaha jaata hai। yeh bhi baap samjhaate hain gyaan hai din, bhakti hai raat। andhiyaare mein dhakke khaate rehte hain। bhag-vaan se milne ke liye kitne ved-shaastra aadi padhte hain। brahma ka din aur raat so braahmanon ka din aur raat। sachche mukh vanshaavli brahman tum ho। woh to hain kaliyugi kukh vanshaavli braahman। tum ho purooshottam sangamayugi brahman। yeh baaten aur koi nahin jaante। yeh baaten jab samjhen tab buddhi mein aaye ki ham yeh kya kar rahe hain। bhaarat satopradhaan tha, jisko hi svarga kaha jaata hai। to zaroor yeh narka hai, tab to narka se svarga mein jaate hain। vahaan shanti bhi hai, sukh bhi hai। lakshmi-naaraayan ka raajya hai na। tum samjha sakte ho - manushyon ki vriddhi kaise kam ho sakti hai? ashaanti kaise kam ho sakti hai? ashaanti hai hi puraani duniya kaliyug mein। nai duniya mein hi shanti hoti hai। svarga mein shanti hai na। unko hi aadi sanaatan devi-devta dharma kaha jaata hai। hindu dharma to abhi ka hai, inko aadi sanaatan dharma nahin kah sakte। yeh to hindustaan ke naam par hindu kah dete hain। aadi sanaatan devi-devta dharma tha। vahaan complete pavitrata, sukh, shanti, health, wealth aadi sab tha। abhi pukaarte hain ham patit hain, he patit-paavan aao। ab prashn hai patit-paavan kaun? shreekrishna ko to nahin kahenge। patit-paavan parampita paramatma hi gyaan ka saagar hai। vahi aakar padhaate hain। gyaan ko padhaai kaha jaata hai। saara madaar hai geeta par। abhi tum prad-rshani, museum aadi banaate ho lekin abhi tak bi.ke. ka arth nahin samajhte। samajhte hain yeh koi naya dharma hai। sunte hain, samajhte kuchh nahin। baap ne kaha hai bilkul hi tamopradhaan pattharbuddhi hain। is samay science ghamandi bhi bahut ban gaye hain, science se hi apna vinaash kar lete hain to pattharbuddhi kahenge na। paarasbuddhi thode hi kahenge। bombs aadi banaate hain apne vinaash ke liye। aise nahin, shankar koi vinaash karta hai। nahin, inhonne apne vinaash ke liye sab banaaya hai। parantu tamopradhaan pattharbuddhi samajhte nahin hain। jo kuchh banaate hain is puraani srishti ke vinaash ke liye। vinaash ho tab phir nai duniya ki jayjaykaar ho। woh to samajhte hain striyon ka duhkh kaise door karen? parantu manushya thode hi kiska duhkh door kar sakte hain। duhkh harta, sukh karta to ek hi baap hai। devtaaon ko bhi nahin kahenge। shreekrishna bhi devta ho gaya। bhagwan nahin kah sakte। yeh bhi samajhte nahin। jo samajhte hain woh brahman ban auron ko bhi samjhaate rehte hain। jo raajya pad ke athva aadi sanaatan devta dharma ke hain woh nikal aate hain। lakshmi-naaraayan svarga ke maalik kaise banen, kya karma kiya jo vishwa ke maalik banen? is samay kaliyug ant mein to anekaanek dharma hain to ashaanti hai। nai duniya mein aise thode hi hota hai। abhi yeh hai sangamayug, jabki baap aakar raajayog sikhlaate hain। baap hi karma-akarma-vikarma ki knowledge sunaate hain। aatma shareer lekar karma karne aati hai। satayug mein jo karma karte woh akarma ho jaate hain, vahaan vikarma hota nahin। duhkh hota hi nahin। karma, akarma, vikarma ki gati baap hi aakar ant mein sunaate hain। main inke bahut janmon ke ant ke bhi ant mein aata hoon। is rath mein pravesh karta hoon। akaal moorta aatma ka yeh rath hai। sirf ek amritsar mein nahin, sabhi manushyon ka akaaltakhta hai। aatma akaal moorta hai। yeh shareer bolta chalta hai। akaal aatma ka yeh chaitanya takhta hai। akaal moorta to sabhi hain baaki shareer ko kaal kha jaata hai। aatma to akaal hai। takhta to khalaas kar dete hain। satayug mein takhta koi bahut thode hi hote hain। is samay karodon aatmaon ke takhta hain। akaal aatma ko kaha jaata hai। aatma hi tamopradhaan se satopradhaan banti hai। main to ever satopradhaan pavitra hoon। bhal kehte hain praacheen bhaarat ka yog, parantu woh bhi samajhte hain shreekrishna ne sikhaaya tha। geeta ko hi khandan kar diya hai। jeevan kahaani mein naam badal diya hai। baap ke badle bachche ka naam daal diya hai। shivraatri manaate hain parantu woh kaise aate hain, yeh jaante nahin hain। shiv hai hi param aatma। unki mahima bilkul alag hai, aatmaon ki mahima alag hai। bachchon ko yeh pata hai raadhe-krishna hi lakshmi-naaraayan hain। lakshmi-naaraayan ke do roop ko hi vishnu kaha jaata hai। farka to hai nahin। baaki 4 bhuja vaala, 8 bhuja vaala koi manushya hota nahin hai। deviyon aadi ko kitni bhujaayen de di hai। samjhaane mein samay lagta hai।

baap kehte hain main hoon hi gareeb nivaaz। main aata bhi tab hoon jab bhaarat gareeb ban jaata hai। raahu ka grahan baith jaata hai। brihaspati ki dasha thi, ab raahu ka grahan bhaarat mein to kya saare world par hai isliye baap phir bhaarat mein aate hain, aakar nai duniya sthaapan karte hain, jisko svarga kaha jaata hai। bhagvaanuvaach - main tumko raajaaon ka raaja, double sirtaaj svarga ka maalik banaata hoon। paanch hazaar varsha hua jabki aadi sanaatan devi-devta dharma tha। abhi woh hai nahin। tamopradhaan ho gaye hain। baap khud hi apna arthaat rachayita aur rachna ka parichay dete hain। tumhaare paas pradarshani, museum mein itne aate hain, samajhte thode hi hain। koi birle samajhkar course karte hain। rachayita aur rachna ko jaante hain। rachta hai behad ka baap। unse behad ka varsa milta hai। yeh knowledge baap hi dete hain। phir raajaai mil jaati hai to vahaan knowledge ki darkaar nahin। sadgati kaha jaata hai nai duniya svarga ko, durgati kaha jaata hai puraani duniya narka ko। baap samjhaate to bahut achhi tarah se hain। bachchon ko bhi aise samjhaana hai। lakshmi-naaraayan ka chitra dikhaana hai। yeh vishwa mein shanti sthaapan ho rahi hai। aadi sanaatan devi-devta dharma ka foundation hai nahin jo baap sthaapan kar rahe hain। devtaaon ka pavitra dharma, pavitra karma tha। abhi yeh hai hi vicious world। nai duniya ko kaha jaata hai viceless world, shivaalay। ab samjhaana pade to bichaaron ka kuchh kalyaan ho। baap ko hi kalyaankaari kaha jaata hai। woh aate hi hain purooshottam sangamayug par। kalyaankaari yug mein kalyaankaari baap aakar sabka kalyaan karte hain। puraani duniya ko badal nai duniya sthaapan kar dete hain। gyaan se sadgati hoti hai। is par roz time lekar samjha sakte ho। bolo, rachta aur rachna ke aadi-madhya-ant ko ham hi jaante hain। yeh geeta ka episode chal raha hai jismen bhagwan ne aakar raajayog sikhaaya hai। double sirtaaj banaaya hai। yeh lakshmi-naaraayan bhi raajayog se yeh bane hain। is purooshottam sangam-yug par baap se raajayog seekhte hain। baba har baat kitna sahaj samjhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) raajayog ki padhaai source oph income hai kyonki isse hi ham raajaaon ka raaja bante hain। yeh roohaani padhaai roz padhni aur padhaani hai।

2) sada nasha rahe ki ham brahman sachche mukh vanshaavli hain, ham kaliyugi raat se nikal din mein aaye hain, yeh hai kalyaankaari purooshottam yug, ismen apna aur sarva ka kalyaan karna hai।

vardaan:- har shreshtha sankalp ko karma mein laane vaale master sarvashaktimaan bhav

master sarvashaktimaan maana sankalp aur karma samaan ho। agar sankalp bahut shreshtha ho aur karma sankalp pramaan na ho to master sarvashaktimaan nahin kahenge। to check karo jo shreshtha sankalp karte hain vo karma tak aate hain ya nahin। master sarvashaktimaan ki nishaani hai ki jo shakti jis samay aavashyak ho vo shakti kaarya mein aaye। sthool aur sookshm sab shaktiyaan itna control mein ho jo jis samay jis shakti ki aavashyakta ho use kaam mein laga saken।

slogan:- gyaani tu aatma bachchon mein krodh hai to isse baap ke naam ki glaani hoti hai।