Murli du jour du lundi 12 août 2024

12-08-2024 praatahmurli om shanti "baapdaada"' madhuban

“meethe bachche - ab vaapis ghar jaana hai isliye baap ko yaad karne aur apne charitra ko sudhaarne ki mehnat karo''

prashn:- agyaan neend mein sulaane vaali baat kaun-si hai? usse nuksaan kya hua hai?

uttar:- kalpa ki aayu laakhon varsha kehna, yahi agyaan ki neend mein sulaane vaali baat hai। isse gyaan netraheen ho gaye hain। ghar ko bahut door samajhte hain। buddhi mein hai abhi to laakhon varsha yahaan hi sukh-duhkh ka part bajaana hai isliye paavan banne ki mehnat nahin karte hain। tum bachche jaante ho abhi ghar bahut nazdeek hai। ab humein mehnat karke karmaateet banna hai।

om shanti। meethe-meethe bachchon ko ab baap ne ghar yaad dilaaya hai। bhal bhakti maarga mein bhi ghar ko yaad karte hain parantu vahaan jaana kab hai, kaise jaana hai, woh kuchh bhi nahin jaante। kalpa ki aayu laakhon varsha kah dene kaaran ghar bhi bhool gaya hai। samajhte hain laakhon varsha yahaan hi part bajaate hain to ghar bhool jaata hai। abhi baap yaad dilaate hain - bachche, ghar to bahut nazdeek hai, ab chalenge apne ghar! main to tum bachchon ke bulaave par aaya hoon। chalenge? kitni sahaj baat hai। bhakti maarga mein to pata bhi nahin padta ki kab muktidhaam mein jaayenge। mukti ko hi ghar kaha jaata hai। laakhon varsha kah dene ke kaaran sab bhool jaate hain। baap ko bhi to ghar ko bhi bhool jaate hain। laakhon varsha kahne se bahut pharka pad jaata hai। agyaan neend mein jaise so jaate hain। kisko bhi samajh mein nahin aata। bhakti maarga mein ghar kitna door bataate hain। baap kehte hain vaah muktidhaam mein to abhi jaana hai। aise thode hi hai tum koi laakhon varsha bhakti karte ho। tumko pata bhi nahin ki bhakti kab se shuru hui hai। laakhon varsha ka hisaab to karne ki darkaar hi nahin। baap ko aur ghar ko bhool jaate hain। yeh bhi drama mein noondh hai, parantu naahek itna door kar dete hain। ab baap kehte hain - bachche, ghar to bilkul nazdeek hai, ab main aaya hoon tumko le chalne। ghar chalna hai parantu pavitra to zaroor banna hai। ganga snaan aadi to tum karte aaye ho, parantu pavitra bane nahin ho। agar pavitra bante to ghar chale jaate, parantu ghar ka bhi pata nahin to pavitrata ka bhi pata nahin। aadhaakalpa se bhakti ki hai to bhakti ko chhodte hi nahin। ab baap kehte hain bhakti poori hoti hai। bhakti mein to aprampaar duhkh rehta hai। aise nahin ki tum bachchon ne laakhon varsha duhkh dekha hai, laakhon varsha ki to baat hi nahin। sachcha-sachcha duhkh to tumne kaliyug mein hi bhoga jabki jaasti vikaaron mein gande bane ho। pahle jab rajo mein the to kuchh samajh thi, abhi to bilkul besmajh ho gaye hain। ab bachchon ko kehte hain sukhdhaam chalna hai to paavan bano। janma-janmaantar ke jo paap sir par hain, unhein yaad se utaaro। yaad se badi khushi rahegi। jo baap tumko aadhaakalpa sukhdhaam mein le jaate hain, unko yaad karna hai। baap kehte hain tumko aisa (lakshmi-naaraayan jaisa) banna hai to ek to pavitra bano aur charitra sudhaaro। vikaaron ko kaha jaata hai bhoot, lobh ka bhi bhoot kam nahin hai। yeh bhoot bahut ashuddha hai। manushya ko ekdam ganda bana deta hai। lobh bhi bahut paap karaata hai। 5 vikaar bahut kade bhoot hain। in sabko chhodna hai। lobh ko chhodna bhi aisa mushkil hai jaise kaam ko chhodna mushkil hai। moh ko chhodna bhi itna mushkil ho jaata jitna kaam ko chhodna। chhodte hi nahin। saari aayu baap samjhaate aaye hain to bhi moh ki rag juti hui rehti hai। krodh bhi mushkil chhootta hai। kehte hain bachchon par krodh aata hai। naam to krodh ka lete hain na। koi bhi bhoot na aaye, un par vijay paani hai।

baap kehte hain jab tak main hoon tab tak tum purooshaartha karte raho। baap kitna varsha rahenge? baap itne varshon se baith samjhaate hain, achha hi time dete hain। srishti chakra ko jaanna to bahut sahaj hai। 7 din mein saara gyaan buddhi mein aa jaata hai। baaki janma-janmaantar ke paap katne mein deri lagti hai। yahi mushkilaat hai। uske liye baba time dete hain। maaya ka opposition bahut hota hai, ekdam bhula deti hai। yahaan baithte hain to saara samay yaad mein thode hi baithte hain, bahut taraph buddhi chali jaati hai, isliye time dena hai, mehnat kar karmaateet avastha ko paana hai। padhaai to bahut sahaj hai। sensible bachcha ho to 7 roz mein saara gyaan samajh le ki yeh 84 ka chakra kaise phirta hai। baaki pavitra banne mein hai mehnat। is par kitne hangaame hote hain। samajhte hain baat to right hai ham glaani karte the ki ye brahmaakumaariyaan bhaai-behen banaati hain, parantu baat to barobar right hai। jab tak ham prajaapita brahma ke bachche nahin bane hain tab tak pavitra kaise rah sakenge, criminal aai se civil aai kaise ban sakti hai। yeh yukti badi achhi hai - ham brahmaakumaar-kumaariyaan hain to bhaai-behen ho gaye। ismen badi madad milti hai, civil aai banaane mein। brahma ka kartavya bhi hai na। brahma dvaara devi-devta dharma ki sthaapna athva manushya ko devta banaana।

baap aate hi hain purooshottam sangamayug par। to samjhaane ki kitni mehnat karni padti hai। baap ka parichay dene liye hi centres khole jaate hain। behad ke baap se behad ka varsa lena hai। bhagwan to hai niraakaar। shreekrishna to dehdhaari hai, unko bhagwan kah nahin sakte। kehte bhi hain bhagwan aakar bhakti ka phal denge parantu bhagwan ka parichay nahin hai। kitna tum samjhaate ho phir bhi samajhte nahin। dehdhaari to punarjanma mein aate hain zaroor। ab unse varsa mil na sake। aatmaon ko ek parampita paramatma se varsa milta hai। manushya, manushya ko jeevanmukti de na saken। yeh varsa paane ke liye tum bachche purooshaartha kar rahe ho। us baap ko paane liye tum kitna bhatakte the। pahle to sirf ek shiv ki pooja karte the, aur koi taraph jaate nahin the। woh thi avyabhichaari bhakti, auron ke mandir aadi itne nahin the। abhi to dher chitra hain, mandir aadi banaate hain। bhakti maarga mein tumko kitni mehnat karni padti hai। tum jaante ho shaastron mein koi gati-sadgati ka raasta nahin hai, woh to ek baap hi bataate hain। bhakti maarga mein kitne mandir banaate rehte hain। vaastav mein mandir sirf hote hain devi-devtaaon ke aur koi manushya ka mandir banta nahin kyonki manushya to hain patit। patit manushya paavan devtaaon ki pooja karte hain। bhal hain woh bhi manushya, parantu unmein daiveegun hain, jinmen daiveegun nahin hain woh unki pooja karte hain। tum khud hi poojya the, phir pujaari bane ho। manushya ki bhakti karna yeh 5 tatvon ki bhakti karna hai। shareer to 5 tatvon ka bana hua hai। ab bachchon ko muktidhaam mein chalna hai, jiske liye itni bhakti ki hai। ab apne saath le chalta hoon। tum satayug mein chale jaayenge। baap aaye hi hain patit duniya se paavan duniya mein le chalne। paavan duniya hain hi do - mukti aur jeevanmukti। baap kehte hain - meethe-meethe bachchon, main kalpa-kalpa sangamayug par aata hoon। tum bhakti maarga mein kitne duhkh uthaate ho। geet bhi hai na - chaaron taraph lagaaye phere… door rahe kisse? baap se। baap ko dhoondhane ke liye janma by janma phere lagaaye parantu phir bhi baap se door rahe isliye bulaate hain he patit-paavan aao, aakar paavan banaao। baap ke sivaae aur koi bana na sake। to yeh khel hi 5 hazaar varsha ka hai। drama anusaar har ek purooshaartha karte hain, jis prakaar kalpa pahle kiya hai, us anusaar hi raajdhaani ki sthaapna ho rahi hai। sab ek jaisa to nahin padhenge। yeh paathshaala hai na। raajayog ki padhaai hai jo devi-devta dharma ke honge woh nikal aayenge। mool vatan mein bhi jo sankhya hai, woh accurate hogi। kam jaasti nahin। naatak mein actors ka andaaj bilkul poora hai। parantu samajh nahin sakte। jitne bhi hain, utne accurate hain phir bhi woh aakar part bajaayenge। phir tum aate ho nai duniya mein। baaki sab vahaan chale jaayenge। abhi koi ginti kare to kar sakte hain। abhi baap tumko bahut guhya-guhya points bataate hain। shuru ki aur abhi ki samjhaani mein kitna farka hai। padhaai mein time lagta hai। phat se koi aai.si.S. nahin ban jaayenge। nambarvaar padhaai hoti hai। baap kitna sahaj kar samjhaate hain jo manushyon ki buddhi mein sahaj baith sake। din-pratidin nai-nai points samjhaate rehte hain। ab baap kehte hain mujh patit-paavan baap ko bulaaya hai, main aaya hoon to tum paavan bano na। apne ko aatma samajh maamekam yaad karo to tum satopradhaan ban jaayenge। phir yahaan aana padega part bajaane। baap kehte hain aatma patit bani hai, isliye patit-paavan baap ko yaad karte hain paavan banne ke liye। kitna wonder hai itni chhoti-si aatma kitna part bajaati hai, isko kudrat kaha jaata hai। unko dekha nahin jaata hai। koi kehte hain, ham paramatma ka saakshaatkaar karen। baap kehte hain itni chhoti bindi ka tum saakshaatkaar kya karenge। main jaanne laayak hoon, baaki dekhna to mushkil hai। aatma ko yeh sab karmendriyaan mili hui hai part bajaane ke liye। kitna part bajaati hain, yeh wonder hai। kabhi bhi aatma ghisti nahin। yeh hai avinaashi drama। yeh avinaashi bana banaaya hai। kab bana - yeh poochh nahin sakte। inko anaadi kaha jaata hai। manushyon se poochho raavan ko kab se jalaate aaye hain? shaastra kab se padhte aaye ho? to kah dete hain anaadi hain, pata nahin hai। moonjhe hue hain na। baap baith samjhaate hain, hoobhu jaise bachchon ko padhaate hain।

tum jaante ho ham bilkul besmajh the phir behad ki samajh aa gai hai। woh hoti hai had ki padhaai, yeh hai behad ki। aadhaakalpa hai din, aadhaakalpa hai raat। 21 janma tum rinchak bhi duhkh nahin pa sakte। kehte hain na - shal tumhaara baal bhi baanka na ho। koi duhkh de na sake। naam hi hai sukhdhaam। yahaan to sukh hai nahin। mool baat hai pavitrata ki। characters achhe chaahiye na।

bachchon ko har baat clear samjhaai jaati hai। nuksaan aur phaayda hota hai na। abhi to baap kehte hain phaayde ki baat hi chhooti। abhi to nuksaan hi nuksaan hone ka hai। vinaash ka samay aa raha hai us samay dekhna kya-kya hota hai। barsaat nahin hoti hai to anaaj ki kitni manhagaai ho jaati hai। bhal kitna bhi kehte hain 3 varsha ke baad bahut anaaj hoga phir bhi anaaj baahar se mangaate rehte hain। aisa samay aayega jo ek daana bhi mil nahin sakega। itni aapdaayen aani hain, inko eeshvareey aapdaayen kehte hain। barsaat nahin padi to akaal zaroor padega। sabhi tatva aadi bigadne vaale hain। bahut jagah to barsaat nuksaan kar deti hai।

tum bachche jaante ho baap aadi sanaatan devi-devta dharma ki sthaapna kar rahe hain। tumhaari em object hai yeh, phir se tumko nar se naaraayan banaate hain। yeh behad ka paath behad ka baap hi padhaate hain। jo jaisa padhega, aisa pad paayega। baap to purooshaartha karaate hain। purooshaartha kam karenge to pad bhi kam paayenge। teacher bhi student ko samjhaayenge na। doosre ko jab aapasmaan banaate hain, tab maaloom padta hai yeh achhi reeti padhte aur padhaate hain। mool hai hi yaad ki yaatra, sir par paapon ka bojha bahut hai, mujhe yaad karo to paap bhasma hon। yeh hai roohaani yaatra। chhote bachche ko bhi sikhlaao ki shivbaaba ko yaad karo। unka bhi hak hai। yeh nahin samjhenge ki apne ko aatma samajh baap ko yaad karna hai। nahin, sirf shivbaaba ko yaad karenge। mehnat karne se unka bhi kalyaan ho sakta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nar se naaraayan pad praapta karne ke liye behad ke baap se behad ka paath padhkar doosron ko padhaana hai। aap samaan banaane ki seva karni hai।

2) lobh, moh ki jo ragen hain unko nikaalne ki mehnat karni hai। apne charitra ko aisa sudhaarna hai jo koi bhoot andar pravesh hone na paaye।

vardaan:- bhagwan aur bhaagya ki smriti se auron ka bhi bhaagya banaane vaale khushnumah khushanseeb bhav

amritvele se lekar raat tak apne bhinna-bhinna bhaagya ko smriti mein laao aur yahi geet gaate raho vaah mera shreshtha bhaagya। jo bhagwan aur bhaagya ki smriti mein rehte hain vahi auron ko bhaagyavaan bana sakte hain। brahman maana hi sada bhaagyavaan, sada khushanseeb। kisi ki himmat nahin jo brahman aatma ki khushi kam kar sake। har ek khushnumah, khushanseeb ho। brahman jeevan mein khushi ka jaana asambhav hai, bhal shareer chala jaae lekin khushi ja nahin sakti।

slogan:- maaya ke jhoole ko chhod ateendriy sukh ke jhoole mein sada jhoolte raho।