Murli du jour du vendredi 27 septembre 2024

27-09-2024 praatahmurli om shanti "baapdaada"' madhuban

“meethe bachche - yaad ki mehnat tum sabko karni hai, tum apne ko aatma samajh mujh baap ko yaad karo to main tumhein sab paapon se mukta kar doonga''

prashn:- sarva ki sadgati ka sthaan kaun-sa hai, jiske mahatva ka saari duniya ko pata chalega?

uttar:- aabu bhoomi hai sabki sadgati ka sthaan। tum brahmaakumaareez ke saamne bracket mein likh sakte ho yeh sarvottam teertha sthaan hai। saare duniya ki sadgati yahaan se honi hai। sarva ka sadgati daata baap aur Adam (brahma) yahaan par baithkar sabki sadgati karte hain। Adam arthaat aadmi, woh devta nahin hai। use bhagwan bhi nahin kah sakte।

om shanti। double om shanti kyonki ek hai baap ki, doosri hai daada ki। donon ki aatma hai na। woh hai param aatma, yeh hai aatma। woh bhi lakshya batlaate hain ki ham paramdham ke rahvaasi hain, donon aise kehte hain। baap bhi kehte hain om shanti, yeh bhi kehte hain om shanti। bachche bhi kehte hain om shanti arthaat ham aatma shantidham ki nivaasi hain। yahaan alag-alag hokar baithna hai। ang se ang nahin milna chaahiye kyonki har ek ki avastha mein, yog mein raat-din ka farka hai। koi bahut achha yaad karte hain, koi bilkul yaad nahin karte। to jo bilkul yaad nahin karte - woh hain paap aatma, tamopradhaan aur jo yaad karte hain woh ho gaye punya aatma, satopradhaan। bahut pharka ho gaya na। ghar mein bhal ikatthe rehte hain parantu pharka to padta hai na isliye hi to bhaagvat mein aasuri naam gaaye hue hain। is samay ki hi baat hai। baap baith bachchon ko samjhaate hain - yeh hain eeshvareey charitra, jo bhakti maarga mein gaate hain। satayug mein to kuchh bhi yaad nahin rahega, sab bhool jaayenge। baap abhi hi shiksha dete hain। satayug mein to yeh bilkul bhool jaate hain, phir dvaapar mein shaastra aadi banaate hain aur koshish karte hain raajayog sikhlaane ki। parantu raajayog to sikha na saken। woh to baap jab sammukh aate hain tab hi aakar sikhlaate hain। tum jaante ho kaise baap raajayog sikhlaate hain। phir 5 hazaar varsha baad aakar aise hi kahenge - meethe-meethe roohaani bachchon, aise kabhi bhi koi manushya, manushya ko kah na saken। na devtaayen, devtaaon ko kah sakte hain। ek roohaani baap hi roohaani bachchon ko kehte hain - ek baar part bajaaya phir 5 hazaar varsha ke baad part bajaayenge kyonki phir tum seedhi utarte ho na। tumhaari buddhi mein ab aadi-madhya-ant ka raaz hai। jaante ho woh hai shantidham athva paramdham। ham aatmaayen bhinna-bhinna dharma ki sab nambarvaar vahaan rehti hain, niraakaari duniya mein। jaise stars dekhte ho na - kaise khade hain, kuchh dekhne mein nahin aata। oopar mein koi cheez nahin hai। brahm tatva hai। yahaan tum dharti par khade ho, yeh hai karma kshetra। yahaan aakar shareer lekar karma karte hain। baap ne samjhaaya hai tum jab mere se varsa paate ho to 21 janma tumhaare karma akarma ho jaate hain kyonki vahaan raavan raajya hi nahin hota hai। woh hai eeshvareey raajya jo ab eeshvar sthaapan kar rahe hain। bachchon ko samjhaate rehte hain - shivbaaba ko yaad karo to svarga ke maalik bano। svarga shiv-baba ne sthaapan kiya na। to shivbaaba ko aur sukhdhaam ko yaad karo। pahle-pahle shantidham ko yaad karo to chakra bhi yaad aayega। bachche bhool jaate hain, isliye ghadi-ghadi yaad karaana padta hai। he meethe-meethe bachchon, apne ko aatma samjho aur baap ko yaad karo to tumhaare paap bhasma hon। pratigya karte hain tum yaad karenge to paapon se mukta karoonga। baap hi patit-paavan sarvashaktimaan authority hain, unko world almighty authority kaha jaata hai। woh saare srishti ke aadi-madhya-ant ko jaante hain। vedon-shaastron aadi sabko jaante hain tab to kehte hain inmen koi saar nahin hai। geeta mein bhi koi saar nahin hai। bhal woh sarva shaastramai shiromni hai maai baap, baaki sab hain bachche। jaise pahle-pahle prajaapita brahma hai, baaki sab bachche hain। prajaapita brahma ko Adam kehte hain। Adam maana aadmi। manushya hai na, to inko devta nahin kahenge। Adam ko Adam kehte hain। bhakta log brahma Adam ko devta kah dete। baap baith samjhaate hain Adam arthaat aadmi। na devta hai, na bhagwan hai। lakshmi-naaraayan hain devta। Deityism hai paradise mein। nai duniya hai na। woh hai wonder oph di world। baaki to woh sab hain maaya ke wonder। dvaapar ke baad maaya ke wonders hote hain। eeshvareey wonder hai - heaven, svarga, jo baap hi sthaapan karte hain। abhi sthaapan ho raha hai। yeh jo delvaada mandir hai, iski values ka kisko bhi pata nahin hai। manushya yaatra karne jaate hain, to sabse achha teertha sthaan yeh hai। tum likhte ho na brahmaakumaari eeshvareey vishwa-vidyaalay, aabu parvat। to bracket mein yeh bhi likhna chaahiye - (sarvottam teertha sthaan) kyonki tum jaante ho sarva ki sadgati yahaan se hoti hai। yeh koi jaante nahin। jaise sarva shaastramai shiromni geeta hai vaise sarva teerthon mein shreshtha teertha aabu hai। to manushya padhenge, attention jaayega। saare world ke teerthon mein yeh hai sabse bada teertha, jahaan baap baith sabki sadgati karte hain। teertha to bahut ho gaye hain। gaandhi ki samaadhi ko bhi teertha samajhte hain। sab jaakar vahaan phool aadi chadhaate hain, unko kuchh pata nahin hai। tum bachche jaante ho na - to tumko yahaan baithe dil andar badi khushi honi chaahiye। ham heaven ki sthaapna kar rahe hain। ab baap kehte hain - apne ko aatma samajh mujhe yaad karo। padhaai bhi bahut sahaj hai। kuchh bhi kharcha nahin lagta hai। tumhaari mama ko ek paai kharcha laga? bigar kaudi kharcha padhkar kitni hoshiyaar number one ban gai। raajayogin ban gai na। mama jaisi koi bhi nahin nikli hai।

dekho, aatmaon ko hi baap baith padhaate hain। aatmaon ko hi raajya milta hai, aatma ne hi raajya ganvaaya hai। itni chhoti-si aatma kitna kaam karti hai। bure te bura kaam hai vikaar mein jaana। aatma 84 janmon ka part bajaati hai। chhoti-si aatma mein kitni taakat hai! saare vishwa par raajya karti hai। in devtaaon ki aatma mein kitni taakat hai। har ek dharma mein apni-apni taakat hoti hai na। Christian dharma mein kitni taakat hai। aatma mein taakat hai jo shareer dvaara karma karti hai। aatma hi yahaan aakar is karmakshetra par karma karti hai। vahaan bura kartavya hota nahin। aatma vikaari maarga mein jaati hi tab hai jab raavanraajya hota hai। manushya to kah dete vikaar sadaiv hain hi। tum samjha sakte ho vahaan raavanraajya hi nahin to vikaar ho kaise sakte। vahaan hai hi yogbal। bhaarat ka raajayog mashhoor hai। bahut seekhna chaahte hain parantu jab tum sikhlaao। aur to koi sikhla na sake। jaise maharshi tha, kitni mehnat karta tha yog sikhlaane ke liye। parantu duniya thode hi jaanti ki yeh hathayogi raajayog kaise sikhlaayenge। chinmiyaanand ke paas kitne jaate hain, ek baar woh kah den ki sachmuch bhaarat ka praacheen raajayog sivaae bi.ke. ke koi samjha nahin sakte hain to bas। parantu aisa kaayda nahin hai, jo abhi yeh aavaaz ho। sab thode hi samjhenge। badi mehnat hai, mahima bhi hogi pichhaadi mein, kehte hain na - aho prabhu, aho shivbaaba aapki leela। abhi tum samajhte ho tumhaare sivaae baap ko supreme baap, supreme teacher, supreme satguru aur koi samajhte nahin। yahaan bhi bahut hain, jinko chalte-chalte maaya hairaan kar deti hai to bilkul besmajh ban padte hain। badi manzil hai। yuddha ka maidaan hai, ismen maaya vighna bahut daalti hai। vo log vinaash ke liye taiyaari kar rahe hain। tum yahaan 5 vikaaron ko jeetne ke liye purooshaartha kar rahe ho। tum vijay ke liye, woh vinaash ke liye purooshaartha kar rahe hain। donon kaam ikattha hoga na। abhi time pada hai। hamaara raajya thode hi sthaapan hua hai। raajaayen, praja abhi sab banne hain। tum aadhaakalpa ke liye baap se varsa lete ho। baaki moksha to koi ko milta nahin। woh log bhal kehte hain phalaane ne moksha ko paaya, marne ke baad unko thode hi maaloom hai ki kahaan gaya। aise hi gapode maarte rehte hain।

tum jaante ho jo shareer chhodte hain woh phir doosra shareer zaroor lenge। moksha pa nahin sakte। aise nahin ki budbuda paani mein leen ho jaata hai। baap kehte hain - yeh shaastra aadi sab bhakti maarga ki saamagri hai। tum bachche sammukh sunte ho। garam-garam halua khaate ho। sabse jaasti garam halua kaun khaate hain? (brahma) yeh to bilkul unke baaju mein baithe hain। jhat sunte hain aur dhaaran karte hain phir yahi oonch pad paate hain। sookshm vatan mein, vaikuntha mein inka hi saakshaatkaar karte hain। yahaan bhi unko hi dekhte hain in aankhon se। baap padhaate to sabko hain। baaki hai yaad ki mehnat। yaad mein rehna jaise tumko difficult lagta hai, vaise inko bhi। ismen koi kripa ki baat nahin। baap kehte hain hamne loan liya hai, unka hisaab-kitaab de denge। baaki yaad ka purooshaartha to inko bhi karna hai। samajhta bhi hoon - baaju mein baitha hai। baap ko ham yaad karte phir bhi bhool jaata hoon। sabse jaasti mehnat inko karni padti hai। yuddha ke maidaan mein jo mahaarthi pahalvaan hote hain, jaise hanoomaan ka misaal hai, to unki hi maaya ne pareeksha li kyonki woh mahaaveer tha। jitna jaasti pahalvaan utna jaasti maaya pareeksha leti hai। toofaan jaasti aate hain। bachche likhte hain - baba hamko yeh-yeh hota hai। baba kehte hain yeh to sab kuchh hoga। baba roz samjhaate hain - khabardaar rehna। likhte hain - baba, maaya bahut toofaan laati hai। koi-koi deh-abhimaani hote hain to baba ko batlaate nahin hai। tum abhi bahut aklamand bante ho। aatma pavitra hone se phir shareer bhi pavitra milta hai। aatma kitna chamatkaari ho jaati hai। pahle to gareeb hi uthaate hain। baap bhi gareeb nivaaz gaaya hua hai। baaki to vo log deri se aayenge। tum samajhte ho jab tak bhaai-behen nahin bane hain to bhaai-bhaai kaise banenge। prajaapita brahma ki santaan to bhaai-behen thahre na। phir baap samjhaate hain bhaai-bhaai samjho। yeh hai pichhaadi ka sambandh phir oopar bhi bhaaiyon se jaakar milenge। phir satayug mein naya sambandh shuru hoga। vahaan par saala, chaacha, maama aadi bahut sambandh nahin hote। sambandh bahut halka hota hai। phir badhta jaata hai। ab to baap kehte hain bhaai-behen bhi nahin, bhaai-bhaai samajhna hai। naam-roop se bhi nikal jaana hai। baap bhaaiyon (aatmaon) ko hi padhaate hain। prajaapita brahma hai, tab bhaai-behen hain na। shreekrishna to khud hi bachcha hai। woh kaise bhaai-bhaai banaayenge। geeta mein bhi yeh baaten nahin hain। yeh hai bilkul nyaara gyaan। drama mein sab noondh hai। ek second ka part na mile doosre second se। kitne maas, kitne ghante, kitne din paas hone hain, phir 5 hazaar varsha ke baad aise hi paas honge। kam buddhi vaale to itni dhaarna kar na saken isliye baap kehte hain yeh to bahut sahaj hai - apne ko aatma samjho, behad ke baap ko yaad karo। puraani duniya ka vinaash bhi hona hai। baap kehte hain main aata hi tab hoon jabki sangam hai। tum hi devi-devta the। yeh jaante ho jab inka raajya tha tab aur koi dharma nahin tha। abhi to inhon ka raajya hai nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ab pichhaadi ka samay hai, vaapas ghar chalna hai isliye apni buddhi naam-roop se nikaal deni hai। ham aatma bhaai-bhaai hain - yeh abhyaas karna hai। deh-abhimaan mein nahin aana hai।

2) har ek ki avastha aur yog mein raat-din ka pharka hai isliye alag-alag hokar baithna hai। ang, ang se na lage। punya aatma banne ke liye yaad ki mehnat karni hai।

vardaan:- baap ke pyaar mein apni mool kamjori kurbaan karne vaale gyaani tu aatma bhav

baapdaada dekhte hain abhi tak paanch hi vikaaron ke vyartha sankalp majority ke chalte hain। gyaani aatmaon mein bhi kabhi-kabhi apne gun va visheshta ka abhimaan aa jaata hai, har ek apni mool kamjori va mool sanskaar ko jaanta bhi hai, us kamjori ko baap ke pyaar mein kurbaan kar dena - yahi pyaar ka saboot hai। snehi va gyaani tu aatmaayen baap ke pyaar mein vyartha sankalpon ko bhi nyochhaavar kar deti hain।

slogan:- svamaan ki seat par sthit rah sarva ko sammaan dene vaale maanneey aatma bano।