Murli du jour du vendredi 4 octobre 2024

04-10-2024 praatahmurli om shanti "baapdaada"' madhuban

“meethe bachche - tum jitna-jitna baap ko pyaar se yaad karenge utna aasheervaad milegi, paap katte jaayenge''

prashn:- baap bachchon ko kis dharma mein tikne ki mat dete hain?

uttar:- baba kehte bachche - tum apne vichitrata ke dharma mein tiko, chitra ke dharma mein nahin। jaise baap videhi, vichitra hai aise bachche bhi vichitra hain phir yahaan chitra (shareer) mein aate hain। abhi baap bachchon ko kehte hain bachche vichitra bano, apne svadharma mein tiko। deh-abhimaan mein nahin aao।

prashn:- bhagwan bhi drama anusaar kis baat ke liye bandhaaymaan hai?

uttar:- draamaanusaar bachchon ko patit se paavan banaane ke liye bhagwan bhi bandhaaymaan hai। unko aana hi hai purushottam sangamayug par।

om shanti। baap baith roohaani bachchon ko samjhaate hain jab om shanti kaha jaata hai to goya apni aatma ko svadharma ka parichay diya jaata hai। to zaroor baap bhi automatically yaad aata hai kyonki yaad to harek manushya bhagwan ko hi karte hain। sirf bhagwan ka poora parichay nahin hai। bhagwan apna aur aatma ka parichay dene hi aate hain। patit-paavan kaha hi jaata hai bhagwan ko। patit se paavan banaane ke liye bhagwan bhi drama anusaar bandhaaymaan hain। unko bhi aana hai purooshottam sangamayug par। sangamayug ki samjhaani bhi dete hain। puraani duniya aur nai duniya ke beech mein hi baap aate hain। puraani duniya ko mrityulok, nai duniya ko amarlok kaha jaata hai। yeh bhi tum samajhte ho, mrityulok mein aayu kam hoti hai। akaale mrityu hoti rehti hai। woh phir hai amarlok, jahaan akaale mrityu nahin hoti kyonki pavitra hain। apvitrata se vyabhichaari bante hain aur aayu bhi kam hoti hai। bal bhi kam ho jaata hai। satayug mein pavitra hone kaaran avyabhichaari hain। bal bhi jaasti rehta hai। bal bigar raajaai kaise praapta ki? zaroor baap se unhonne aasheervaad li hogi। baap hai sarvashaktimaan। aasheervaad kaise li hogi? baap kehte hain mujhe yaad karo। to jinhonne jaasti yaad kiya hoga unhonne hi aasheervaad li hogi। aasheervaad koi maangane ki cheez nahin hai। yeh to mehnat karne ki cheez hai। jitna jaasti yaad karenge utna jaasti aasheervaad milegi arthaat oonch pad milega। yaad hi nahin karenge to aasheervaad bhi nahin milegi। laukik baap bachchon ko kabhi yeh nahin kehte hain ki mujhe yaad karo। woh chhotepan se aapehi mama-baba karte rehte hain। organs chhote hain, bade bachche kab aise baba-baba, mama-mama nahin kahenge। unhon ki buddhi mein rehta hai - yeh hamaare maa-baap hain, jinse yeh varsa milna hai। kahne ki va yaad karne ki baat nahin rehti hai। yahaan to baap kehte hain mujhe aur varse ko yaad karo। had ke sambandh ko chhod ab behad ke sambandh ko yaad karna hai। sab manushya chaahte hain hamaari gati ho। gati kaha jaata hai mukti-dhaam ko। sadgati kaha jaata hai phir se sukhdhaam mein aane ko। koi bhi pahle aayega to zaroor sukh hi paayega। baap sukh ke liye hi aate hain। zaroor koi baat difficult hai isliye inko oonch padhaai kaha jaata hai। jitni oonch padhaai utni difficult bhi hogi। sabhi to paas kar na saken। bade te bada imtahaan bahut thode student paas karte hain kyonki bada imtahaan paas hone se phir sarkaar ko paghaar (naukri) bhi bahut dena pade na। kai student bada imtahaan paas karke bhi aise hi baithe rehte hain। sarkaar ke paas itna paisa nahin hai jo bada paghaar de। yahaan to baap kehte hain jitna oonch padhenge utna oonch pad paayenge। aise bhi nahin sab koi raajaayen va saahookaar banenge। saara madaar padhaai par hai। bhakti ko padhaai nahin kaha jaata। yeh to hai roohaani gyaan jo roohaani baap padhaate hain। kitni oonch padhaai hai। bachchon ko difficult lagta hai kyonki baap ko yaad nahin karte to characters bhi sudharte nahin hain। jo achha yaad karte hain unke characters bhi achhe hote jaate hain। bahut-bahut meethe serviceable bante jaate hain। characters achhe nahin hain to koi ko pasanda bhi nahin aate hain। jo naapaas hote hain to zaroor characters mein rola hai। shri lakshmi-naaraayan ke characters bahut achhe hain। raam ko do kala kam kahenge। bhaarat raavan raajya mein jhooth khanda ho padta hai। sachkhanda mein to zara bhi jhooth ho na sake। raavan raajya mein hai jhooth hi jhooth। jhoothe manushyon ko daivi gunon vaala kah nahin sakte। yeh behad ki baat hai। abhi baap kehte hain aisi jhoothi baaten kisi ki na suno, na sunaao। ek eeshvar ki mat ko hi legal mat kaha jaata hai। manushya mat ko illegal mat kaha jaata। legal mat se tum oonch bante ho। parantu sab nahin chal sakte hain to illegal ban padte hain। kai baap ke saath pratigya bhi karte hain - baba itni aayu hamne illegal kaam kiye hain, abhi nahin karenge। sabse illegal hai kaam vikaar ka bhoot। deh-abhimaan ka bhoot to sabmen hai hi। maayaavi puroosh mein deh-abhimaan hi hota hai। baap to hai hi videhi, vichitra। to bachche bhi vichitra hain। yeh samajh ki baat hai। ham aatma vichitra hain phir yahaan chitra (shareer) mein aate hain। abhi baap phir kehte hain vichitra bano। apne svadharma mein tiko। chitra ke dharma mein nahin tiko। vichitrata ke dharma mein tiko। deh-abhimaan mein na aao। baap kitna samjhaate hain - ismen yaad ki bahut jaroorat hai। baap kehte hain apne ko aatma samajh mujhe yaad karo to tum satopradhaan, pure banenge। impurity mein jaane se bahut danda mil jaata hai। baap ka banne ke baad agar koi bhool hoti hai to phir gaayan hai satguru ke nindak thaur na paayen। agar tum meri mat par chal pavitra nahin banenge to sau guna danda bhogna padega। vivek chalaana hai। agar ham yaad nahin kar sakte to itna oonch pad bhi nahin pa sakenge। purooshaartha ke liye time bhi dete hain। tumko kehte hain kya saboot hai? bolo, jis tan mein aate hain woh prajaapita brahma to manushya hai na। manushya ka naam shareer par padta hai। shivbaaba to na manushya hai, na devta hai। unko supreme aatma kaha jaata hai। woh to patit va paavan nahin hota, woh samjhaate hain mujhe yaad karne se tumhaare paap kat jaayenge। baap hi baith samjhaate hain tum satopradhaan the, abhi tamopradhaan bane ho। phir satopradhaan banne ke liye mujhe yaad karo। in devtaaon ki qualification dekho kaisi hai aur unhon se raham maangane vaalon ko bhi dekho wonder lagta hai - ham kya the! phir 84 janmon mein kitna girkar ekdam chat ho pade hain।

baap kehte hain - meethe-meethe bachche, tum daivi gharaane ke the। abhi apni chaal ko dekho yeh (devi-devta) ban sakte ho? aise nahin, sab lakshmi-naaraayan banenge। phir to saara phoolon ka bageecha ho jaae। shivbaaba ko sirf gulaab ke phool hi chadhaayen, parantu nahin, ak ke phool bhi chadhaate hain। baap ke bachche koi phool bhi bante hain, koi ak bhi bante hain। paas naapaas to hote hi hain। khud bhi samajhte hain ki ham raaja to ban nahin sakenge। aap samaan hi nahin banaate hain, saahookaar kaise, kaun banenge woh to baap jaane। aage chal tum bachche bhi samajh jaayenge ki yeh phalaana baap ka kaisa madadgaar hai। kalpa-kalpa jinhonne jo kuchh kiya hai vahi karenge। ismen farka nahin pad sakta। baap points to dete rehte hain। aise-aise baap ko yaad karna hai aur transfer bhi karna hai। bhakti maarga mein tum eeshvar arth karte ho। parantu eeshvar ko jaante nahin ho। itna samajhte ho oonch te oonch bhagwan hai। aise nahin ki oonch te oonch naam roop vaala hai। woh hai hi niraakaar। phir oonch te oonch saakaar yahaan hote hain। brahma, vishnu, shankar ko devta kaha jaata hai। brahma devtaae namah, vishnu devtaae namah phir kehte hain shiv parmaatmaae namah। to paramatma bada thahra na। brahma, vishnu, shankar ko paramatma nahin kahenge। mukh se kehte bhi hain shiv parmaatmaae namah to zaroor paramatma ek hua na। devtaaon ko naman karte hain। manushya lok mein manushya ko manushya kahenge। unko phir parmaatmaae namah kehna - yeh to poora agyaan hai। sabki buddhi mein yeh hai ki eeshvar sarvavyaapi hai। abhi tum bachche samajhte ho bhagwan to ek hai, unko hi patit-paavan kaha jaata hai। sabko paavan banaana yeh bhagwan ka hi kaam hai। jagat ka guru koi manushya ho na sake। guru paavan hote hain na। yahaan to sab hain vikaar se paida hone vaale। gyaan ko amrit kaha jaata hai। bhakti ko amrit nahin kaha jaata। bhakti maarga mein bhakti hi chalti hai। sab manushya bhakti mein hain। gyaan saagar, jagat ka guru ek ko kaha jaata hai। abhi tum jaante ho baap kya aakar karte hain। tatvon ko bhi pavitra banaate hain। drama mein unka part hai। baap nimitta bante hain sarva ka sadgati daata hai। ab yeh samjhaaven kaise। aate to bahut hain। udghaatan karne aate hain to taar di jaati hai ki hovanhaar vinaash ke pahle behad ke baap ko jaankar unse hi varsa lo। yeh hai roohaani baap। jo bhi manushya maatra hain sab father kehte hain। creator hai to zaroor creation ko varsa milega। behad ke baap ko koi bhi jaante nahin। baap ko bhoolna - yeh bhi drama mein noondh hai। behad ka baap oonch te oonch hai, woh koi had ka varsa to nahin dega na। laukik baap hote bhi behad ke baap ko sab yaad karte hain। satayug mein unko koi yaad nahin karte kyonki behad sukh ka varsa mila hua hai। abhi tum baap ko yaad karte ho। aatma hi yaad karti hai phir aatmaayen apne ko aur apne baap ko, drama ko bhool jaati hain। maaya ka parchhaaya pad jaata hai। satopradhaan buddhi ko phir tamopradhaan zaroor hona hai। smriti mein aata hai, nai duniya mein devi-devtaayen satopradhaan the, yeh koi bhi nahin jaante hain। duniya hi satopradhaan golden aged banti hai। usko kaha jaata hai new world। yeh hai iron aged world। yeh sab baaten baap hi aakar bachchon ko samjhaate hain। kalpa-kalpa jo varsa tum lete ho, purooshaartha anusaar vahi milne ka hai। tumko bhi abhi maaloom pada hai ham yeh the phir aise neeche aa gaye hain। baap hi bataate hain ki aise-aise hoga। koi kehte hain koshish bahut karte hain parantu yaad thaharti nahin hai। ismen baap athva teacher kya kare, koi padhenge nahin to teacher kya kare। teacher aasheervaad kare phir sab paas ho jaaen। padhaai ka pharka to bahut rehta hai। yeh hai bilkul nai padhaai। yahaan tumhaare paas aksar karke gareeb duhkhi hi aayenge, saahookaar nahin aayenge। duhkhi hain tab aate hain। saahookaar samajhte hain ham to svarga mein baithe hain। takdeer mein nahin hai, jinki takdeer mein hai, unko jhat nishchay baith jaata hai। nishchay aur sanshay mein deri nahin lagti hai। maaya jhat bhula deti hai। time to lagta hai na। ismen moonjhane ki darkaar nahin hai। apne oopar raham karna hai। shreemat to milti rehti hai। kitna sahaj baap kehte hain sirf apne ko aatma samajh mujhe yaad karo।

tum jaante ho yeh hai hi mrityulok। woh hai amarlok। vahaan akaale mrityu nahin hota। class mein student nambarvaar baithte hain na। yeh bhi school hai na। braahmani se poochha jaata hai tumhaare paas nambarvaar hoshiyaar bachche kaun se hain? jo achha padhte hain, ve right side mein hone chaahiye। right hand ka mahatva hota hai na। pooja aadi bhi right hand se ki jaati hai। bachche khyaal karte rahen - satayug mein kya hoga। satayug yaad padega to sat baba bhi yaad padega। baba hamko satayug ka maalik banaate hain। vahaan yeh pata nahin hai ki hamko yeh baadshaahi kaise mili hai isliye baba kehte hain in lakshmi-naaraayan mein bhi yeh gyaan nahin hai। baap harek baat achhi reeti samjhaate rehte hain jo kalpa pahle vaale samjhe hain vahi zaroor samjhenge। phir bhi purooshaartha karna padta hai na। baap aate hi hain padhaane। yeh padhaai hai, ismen badi samajh chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh roohaani padhaai bahut oonchi aur difficult hai, ismen paas hone ke liye baap ki yaad se aasheervaad leni hai। apne characters sudhaarne hain।

2) abhi koi bhi illegal kaam nahin karna hai। vichitra ban apne svadharma mein tikna hai aur vichitra baap ki legal mat par chalna hai।

vardaan:- baap ke saath dvaara pavitrata roopi svadharma ko sahaj paalan karne vaale ma. sarvashaktivaan bhav

aatma ka svadharma pavitrata hai, apvitrata pardharma hai। jab svadharma ka nishchay ho gaya to pardharma hila nahin sakta। baap jo hai jaisa hai, agar use yathaartha pahchaan kar saath rakhte ho to pavitrata roopi svadharma ko dhaaran karna bahut sahaj hai, kyonki saathi sarvashaktimaan hai। sarvashaktimaan ke bachche master sarvashaktimaan ke aage apvitrata aa nahin sakti। agar sankalp mein bhi maaya aati hai to zaroor koi get khula hai athva nishchay mein kami hai।

slogan:- trikaaldarshi kisi bhi baat ko ek kaal ki drishti se nahin dekhte, har baat mein kalyaan samajhte hain।