Murli du jour du mardi 8 octobre 2024

08-10-2024 praatahmurli om shanti "baapdaada"' madhuban

“meethe bachche - buddhi ko refine banaana hai to ek baap ki yaad mein raho, yaad se hi aatma svachchha banti jaayegi''

prashn:- vartamaan samay manushya apna time va mani vesta kaise kar rahe hain?

uttar:- jab koi shareer chhodta hai to unke peechhe kitna paisa aadi kharcha karte rehte hain। jab shareer chhodkar chala gaya to uski koi value to rahi nahin, isliye uske pichhaadi jo kuchh karte hain usmein apna time aur mani vesta karte hain।

om shanti। roohaani baap baith roohaani bachchon ko samjhaate hain, yeh bhi aise kehte hain na, phir baap hai ya daada hai। daada bhi kahenge roohaani baap tum bachchon ko yeh knowledge sunaate hain - past, present, future ka। vaastav mein satayug se lekar treta ant tak kya hua hai, yeh hai mukhya baat। baaki dvaapar-kaliyug mein kaun-kaun aaye, kya hua, unki history-geography to bahut hai। satayug-treta ki koi history-geography hai nahin aur to sabki history-geography hai, baaki devi-devtaaon ko laakhon varsha pahle le gaye hain। yeh hai behad ki besamjhi। tum bhi behad ki besamjhi mein the। abhi thoda-thoda samajh rahe ho। koi to abhi bhi kuchh samajhte nahin hain। bahut kuchh samajhne ka hai। baap ne aabu ki mahima par samjhaaya hai, is par khyaal karna chaahiye। tumhaari buddhi mein aana chaahiye tum yahaan baithe ho। tumhaara yaadgaar delvaada mandir kab bana hai, kitne varsha baad bana hai। kehte hain 1250 varsha hue hain to baaki kitne varsha rahe? 3750 varsha rahe। to unhonne bhi abhi ka yaadgaar aur baikuntha ka yaadgaar banaaya hai। mandiron ki bhi competition hoti hai na। ek-do se achha banaayenge। abhi to paisa hi kahaan hai jo banaaven। paisa to bahut tha, to somnaath ka mandir kitna bada banaaya hai। abhi to bana na saken। bhal aagre aadi mein banaate rehte hain parantu woh sab hai phaaltu। manushya to andhiyaare mein hain na। jab tak banaaven tab tak vinaash bhi aa jaayega। yeh baaten koi bhi nahin jaante hain। todte aur banaate rehte hain। paise muphta mein aate rehte hain। sab vesta hota rehta hai। vesta oph time, vesta oph mani, vesta oph energy। koi marta hai to kitna time ganvaate hain। ham kuchh bhi nahin karte। aatma to chali gai, baaki khaal kya kaam ki। sarpa khaal chhod deta hai, unki koi value hai kya। kuchh bhi nahin। bhakti maarga mein khaal ki value hai। jad chitra ki kitni pooja karte hain। parantu yeh kab aaye, kaise aaye। kuchh bhi pata nahin hai। inko kaha jaata hai bhoot pooja। paanch tatvon ki pooja karte hain। samjho yeh lakshmi-naaraayan svarga mein raajya karte the, achha 150 varsha aayu poori hui, shareer chhod diya, bas। shareer to koi kaam ka na raha। unki vahaan kya value hogi। aatma chali gai, shareer chandaal ke haath de diya, woh rasam-rivaaj anusaar jala denge। aise nahin unki mitti lekar udaayenge naam karne ke liye। kuchh bhi nahin। yahaan to kitna karte hain। brahman khilaate hain, yeh karte hain। vahaan yeh kuchh hota nahin। khaal to koi kaam ki nahin rahi। khaal ko jala dete hain। baaki chitra rehte hain। so bhi accurate chitra mil na saken। yeh aadi dev ki patthar ki moorti accurate thode hi hai। pooja jab shuru ki hai tab ke patthar ki hai। asul jo tha woh to jalkar khatma ho gaya na phir bhakti maarga mein yeh nikla hai। in baaton par bhi soch to chalta hai na। aabu ki mahima ko achhi reeti siddha karna hai। tum bhi yahaan baithe ho। yahaan hi baap saare vishwa ko narka se svarga bana rahe hain to yahi sabse oonch te oonch teertha thahra। abhi itni bhaavna nahin hai sirf ek shiv mein bhaavna hai, kahaan bhi jaao shiv ka mandir zaroor hoga। amarnaath mein bhi shiv ka hi hai। kehte hain shankar ne paarvati ko katha sunaai। vahaan to katha ki baat hi nahin। manushyon ko kuchh bhi samajh nahin hai। abhi tumko samajh aai hai, aage pata tha kya।

abhi baba aabu ki kitni mahima karte hain। sarva teerthon mein yeh mahaan teertha hai। baba samjhaate to bahut hain, parantu jabki ananya bachchon ki buddhi mein baithe, abhi to deh-abhimaan bahut hai। gyaan to bahut dher chaahiye। refineness bahut aani hai। abhi to yog bada mushkil koi ka lagta hai। yog ke saath phir knowledge bhi chaahiye। aise nahin sirf yog mein rehna hai। yog mein knowledge zaroor chaahiye। dehli mein gyaan-vigyaan bhavan naam rakha hai parantu inka arth kya hai, yeh samajhte thode hi hain। gyaan-vigyaan to second ka hai। shantidham, sukhdhaam। parantu manushyon mein jara bhi buddhi nahin hai। arth thode hi samajhte hain। chinmiyaanand aadi kitne bade-bade sannyaasi aadi hain, geeta sunaate hain, kitne unhon ke dher followers hain। sabse bada jagat ka guru to ek hi baap hai। baap aur teacher se bada guru hota hai। stri kabhi doosra pati nahin karegi to guru bhi doosra nahin karna chaahiye। ek guru kiya, unko hi sadgati karni hai phir aur guru kyon? satguru to ek hi behad ka baap hai। sabki sadgati karne vaala hai। parantu in baaton ko bahut hain jo bilkul samajhte nahin। baap ne samjhaaya hai yeh raajdhaani sthaapan ho rahi hai, to nambarvaar honge na। koi to rinchak bhi samajh nahin sakte। drama mein part aisa hai। teacher to samajh sakte hain। jis shareer dvaara samjhaate hain unko bhi to maaloom padta hoga। yeh to gud jaane, gud ki gothri jaane। gud shivbaaba ko kaha jaata hai, woh sabki avastha ko jaante hain। harek ki padhaai se samajh sakte hain - kaun kaise padhte hain, kitni service karte hain। kitna baba ki service mein jeevan saphal karte hain। aise nahin, is brahma ne gharbaar chhoda hai isliye lakshmi-naaraayan bante hain। mehnat karte hain na। yeh knowledge bahut oonchi hai। koi agar baap ki avagya karte hain to ekdam patthar ban padte hain। baba ne samjhaaya tha - yeh indrasbha hai। shivbaaba gyaan varsha karte hain। unki avagya ki to shaastron mein likha hua hai pattharbuddhi ho gaye isliye baba sabko likhte rehte hain। saath mein sambhaal se koi ko le aao। aise nahin, vikaari apvitra yahaan aakar baithe। nahin to phir le aane vaali braahmani par dosh pad jaata hai। aise koi ko le nahin aana hai। badi responsibility hai। bahut oonch te oonch baap hai। tumko vishwa ki baadshaahi dete hain to unka kitna regard rakhna chaahiye। bahuton ko mitra-sambandhi aadi yaad padte hain, baap ki yaad hai nahin। andar hi ghutka khaate rehte hain। baap samjhaate hain - yeh hai aasuri duniya। abhi daivi duniya banti hai, hamaari em object yeh hai। yeh lakshmi-naaraayan banna hai। jo bhi chitra hain, sabki biography ko tum jaante ho। manushyon ko samjhaane ke liye kitni mehnat ki jaati hai। tum bhi samajhte honge, yeh kuchh achha buddhivaan hai। yeh to kuchh nahin samajhte hain। tum bachchon mein jisne jitna gyaan uthaaya hai, us anusaar hi service kar rahe hain। mukhya baat hai hi geeta ke bhagwan ki। sooryavanshi devi-devtaaon ka yeh ek hi shaastra hai। alag-alag nahin hai। braahmanon ka bhi alag nahin hai। yeh badi samajhne ki baaten hain। is gyaan maarga mein bhi chalte-chalte agar vikaar mein gir pade, to gyaan bah jaayega। bahut achhe-achhe jaakar vikaari bane to pattharbuddhi ho gaye। ismen badi samajh chaahiye। baap jo samjhaate hain unko ugaarna chaahiye। yahaan to tumko bahut sahaj hai, koi laukik kaarya vyavhaar, hangaama aadi nahin। baahar mein rahne se dhandhe aadi ki kitni chinta rehti hai। maaya khoob toophaan mein laati hai। yahaan to ekaanta lagi padi hai। baap to phir bhi bachchon ko purooshaartha karaate rehte hain। yeh baba bhi purooshaarthi hai। purooshaartha karaane vaala to baap hai। ismen vichaar saagar manthan karna padta hai। yahaan to baap bachchon ke saath baithe hain। jo poori anguli dete hain unko hi serviceable kahenge। baaki ghutka khaane vaale to nuksaan karte hain aur hi disservice karte hain, vighna daalte hain। yeh to jaante ho - mahaaraaja-mahaaraani banenge to unhon ke daas-daasiyaan bhi chaahiye। woh bhi yahaan ke hi aayenge। saara madaar padhaai par hai। is shareer ko bhi khushi se chhodna hai, duhkh ki baat nahin। purooshaartha ke liye time to mila hua hai। gyaan second ka hai, buddhi mein hai shivbaaba se varsa milta hai। thoda bhi gyaan suna, shivbaaba ko yaad kiya to bhi aa sakte hain। praja to bahut banne ki hai, hamaari raajdhaani sooryavanshi-chandravanshi yahaan sthaapan ho rahi hai। baap ka bankar agar glaani karte hain to bahut bojha chadhta hai। ekdam jaise rasaatal mein chale jaate hain। baba ne samjhaaya hai jo apni pooja baith karaate hain woh poojya kaise kahla sakte। sarva ka sadgati daata, kalyaan karne vaala to ek hi baap hai। manushya to shanti ka bhi arth nahin samajhte hain। hathayog se praanaayaam aadi chadhaana, usko hi shanti samajhte hain। usmein bhi bahut mehnat lagti hai, koi ki brain kharaab ho jaati hai। praapti kuchh bhi nahin। woh hai alpakaal ki shanti। jaise sukh ko alpakaal kaag vishta samaan kehte hain vaise woh shanti bhi kaag vishta ke samaan hai। woh hai hi alpakaal ke liye। baap to 21 janmon ke liye tumko sukh-shanti donon dete hain। koi to shantidham mein pichhaadi tak rehte honge। jinka part hai, woh itna sukh thode hi dekh sakenge। vahaan bhi nambarvaar martabe to honge na। bhal daas-daasiyaan honge parantu andar thode hi ghus sakenge। shreekrishna ko bhi dekh na saken। sabke alag-alag mahal honge na। koi time hoga dekhne ka। jaise dekho pope aata hai to unka darshan karne ke liye kitne log jaate hain। aise bahut niklenge, jinka bahut prabhaav hoga। laakhon manushya jaayenge darshan karne ke liye। yahaan shivbaaba ka darshan kaise hoga? yeh to samajhne ki baat hai।

ab duniya ko kaise pata pade ki yeh sabse oonch teertha hai। delvaada jaisa mandir shaayad aaspaas aur bhi ho, woh bhi jaakar dekhna chaahiye। kaise bana hua hai। unko gyaan dene ki bhi darkaar nahin। woh phir tumko gyaan dene lag jaayenge। raay dete hain na - yeh karna chaahiye, yeh karna chaahiye। yeh to jaante nahin ki inko padhaane vaala kaun hai। ek-ek ko samjhaane mein mehnat lagti hai। un par kahaaniyaan bhi hain। kehte the sher aaya, sher aaya…। tum bhi kehte ho maut aaya ki aaya to woh vishvaas nahin karte hain। samajhte hain abhi to 40 hazaar varsha pade hain, maut kahaan se aayega। parantu maut aana to zaroor hai, sabko le jaayenge। vahaan koi bhi kichda hota nahin। yahaan ki gau aur vahaan ki gau mein bhi kitna farka hai। shreekrishna thode hi gaooyen charaata tha। unhon ke paas to doodh helicopter mein aata hoga। yeh kichadpatti door rehti hogi। saamne ghar mein thode hi kichda rahega। vahaan to aparmaapaar sukh hain, jiske liye poora purooshaartha karna hai। kitne achhe-achhe bachche centre se aate hain। baba dekhkar kitna khush hote hain। nambarvaar purooshaartha anusaar phool nikalte hain। phool jo hain woh apne ko bhi phool samajhte hain। dehli mein bhi bachche kitni service karte hain raat-din। gyaan bhi kitna oonch hai। aage to kuchh nahin jaante the। ab kitni mehnat karni padti hai। baba ke paas to sab samaachaar aate hain। koi ka sunaate hain, koi ka nahin sunaate hain kyonki traitor bhi bahut hote hain। bahut first-class bhi traitors ban padte hain। third class bhi traitor hain। thoda gyaan mila to samajhte hain ham shivbaaba ke bhi baba ban gaye। pahchaan to hai nahin ki kaun knowledge dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vishwa ki baadshaahi dene vaale baap ka bahut-bahut regard rakhna hai। baap ki service mein apni jeevan saphal karni hai, padhaai par poora-poora dhyaan dena hai।

2) baap se jo gyaan milta hai us par vichaar saagar manthan karna hai। kabhi bhi vighna roop nahin banna hai। disservice nahin karni hai। ahankaar mein nahin aana hai।

vardaan:- chaaron hi subject mein baap ke dilapsanda marks lene vaale diltakhtansheen bhav

jo bachche chaaron hi subject mein achhe marks lete hain, aadi se ant tak achhe number se paas hote hain unhein hi paas with honour kaha jaata hai। beech-beech mein marks kam hui phir make up kiya aise nahin, lekin sabhi subject mein baap ke dil pasanda hi diltakhtansheen bante hain। saath-saath brahman sansaar mein sarva ke pyaare, sarva ke sahayogi, sarva ka sammaan praapta karne vaale dil-takhtansheen so raajya takhtansheen bante hain।

slogan:- dilrooba woh hai jiske dil mein sada yahi anhad geet bajta rahe ki main baap ki, baap mera।