Murli du jour du samedi 2 novembre 2024

02-11-2024 praatahmurli om shanti "baapdaada"' madhuban

“meethe bachche - sangamayug takdeervaan banne ka yug hai, ismen tum jitna chaaho utna apne bhaagya ka sitaara chamka sakte ho''

prashn:- apne purooshaartha ko teevra karne ka sahaj saadhan kya hai?

uttar:- follow father karte chalo to purooshaartha teevra ho jaayega। baap ko hi dekho, mother to gupta hai। follow father karne se baap samaan oonch banenge isliye accurate follow karte raho।

prashn:- baap kin bachchon ko buddhu samajhte hain?

uttar:- jinhen baap ke milne ki bhi khushi nahin - woh buddhu hue na। aisa baap jo vishwa ka maalik banaata, uska bachcha banne ke baad bhi khushi na rahe to buddhu hi kahenge na।

om shanti। meethe-meethe tum bachche ho lucky sitaare। tum jaante ho ham shantidham ko bhi yaad karte hain, baap ko bhi yaad karte hain। baap ko yaad karne se ham pavitra ban karke ghar jaayenge। yahaan baithe yeh khyaal karte ho na। baap aur koi takleeph nahin dete hain। jeevanmukti ko to koi jaante hi nahin। ve sab purooshaartha karte hain mukti ke liye, parantu mukti ka arth nahin samajhte। koi kehte hain ham brahm mein leen ho jaaen phir aayen hi nahin। unko yeh pata hi nahin hai ki hamko is chakra mein zaroor aana hi hai। ab tum bachche in baaton ko samajhte ho। tum bachchon ko maaloom hai ham svadarshan chakradhaari lucky sitaare hain। lucky kaha jaata hai takdeervaan ko। ab tum bachchon ko takdeervaan baap hi banaate hain। jaisa baap vaise bachche hote hain। koi baap saahookaar hote, koi baap gareeb bhi hote hain। tum bachche jaante ho hamko to behad ka baap mila hai, jo jitna lucky banne chaahe woh ban sakte hain, jitna saahookaar jo banna chaahe ban sakte hain। baap kehte hain jo chaahe so purooshaartha se lo। saara madaar purooshaartha par hai। purooshaartha kar jitna oonch pad lena ho le sakte ho। oonch te oonch pad hai yeh lakshmi-naaraayan। yaad ka chart bhi zaroor rakhna hai kyonki tamopradhaan se satopradhaan zaroor banna hi hai। buddhu bankar aise hi nahin baithna hai। baap ne samjhaaya hai puraani duniya ab nai honi hai। baap aate hi hain nai satopradhaan duniya mein le jaane। woh hai behad ka baap, behad sukh dene vaala। samjhaate hain satopradhaan banne se hi tum behad ka sukh pa sakenge। sato banenge to kam sukh। rajo banenge to usse kam sukh। hisaab saara baap batla dete hain। athaah dhan tumko milta hai, athaah sukh milte hain। behad ke baap se varsa paane ka aur koi upaay nahin, sivaae yaad ke। jitna baap ko yaad karenge, yaad se automatically daiveegun bhi aayenge। satopradhaan banna hai to daiveegun bhi zaroor chaahiye। apni jaanch aapehi karni hai। jitna oonch martaba lena chaaho le sakte ho, apne purooshaartha se। padhaane vaala teacher to baitha hua hai। baap kehte hain kalpa-kalpa tumko aise hi samjhaata hoon। akshar hi do hain manamnaabhav, madhyaaji bhav। behad baap ko pahchaan jaate ho। woh behad ka baap hi behad ki knowledge dene vaala hai। patit se paavan banne ka raasta bhi woh behad ka baap hi samjhaate hain। to baap jo samjhaate hain woh koi nai baat nahin। geeta mein bhi likha hua hai aate mein namak misal hai। apne ko aatma samjho। deh ke sab dharma bhool jaao। tum shuru mein ashareeri the, abhi anek mitra-sambandhiyon ke bandhan mein aaye ho। sab hain tamopradhaan ab phir satopradhaan banna hai। tum jaante ho tamopradhaan se phir ham satopradhaan bante hain phir mitra-sambandhi aadi sab pavitra banenge। jitna jo kalpa pahle satopradhaan bana hai, utna hi phir banenge। unka purooshaartha hi aisa hoga। ab follow kisko karna chaahiye। gaayan hai follow father। jaise yeh baap ko yaad karte hain, purooshaartha karte hain, inko follow karo। purooshaartha karaane vaala to baap hai। woh to purooshaartha karte nahin, woh purooshaartha karaate hain। phir kehte hain meethe-meethe bachchon follow father। gupta mother father hai na। mother gupta hai, father to dekhne mein aate hain। yeh achhi reeti samajhne ka hai। aisa oonch pad paana hai to baap ko achhi reeti yaad karo, jaise yeh father yaad karte hain। yeh father hi sabse oonch pad paate hain। yeh bahut oonch tha phir inke hi bahut janmon ke ant ke bhi ant mein mainne pravesh kiya hai। yeh achhi reeti yaad karo, bhoolo nahin। maaya bhulaati bahuton ko hai। tum kehte ho ham nar se naaraayan bante hain, woh bhi baap yukti bataate hain। kaise tum ban sakte ho। yeh bhi jaante ho sab to accurate follow nahin karenge। em-object baap batlaate hain - follow father। abhi ka hi gaayan hai। baap bhi abhi tum bachchon ko gyaan dete hain। sannyaasiyon ke followers kahlaate hain parantu woh to wrong hai na, follow karte hi nahin। woh sab hain brahm gyaani, tatva gyaani। unko eeshvar gyaan nahin dete। tatva athva brahm gyaani kahlaate hain। parantu tatva athva brahm unhon ko gyaan nahin dete, woh sab hai shaastron ka gyaan। yahaan tumko baap gyaan dete hain, jisko gyaan ka saagar kaha jaata hai। yeh achhi reeti note karo। tum bhool jaate ho yeh dil andar achhi reeti dhaaran karne ki baat hai। baap roz-roz kehte hain - meethe-meethe bachche, apne ko aatma samajh mujh baap ko yaad karo, abhi vaapas jaana hai। patit to ja nahin sakenge। pavitra ya to yogbal se hona hai ya phir sajaayen khaakar jaayenge। sabka hisaab-kitaab chuktu zaroor hona hai। baap ne samjhaaya hai tum aatmaayen asul paramdham mein rahne vaali ho phir yahaan sukh aur duhkh ka part bajaaya hai। sukh ka part hai raam raajya aur duhkh ka part hai raavan raajya mein। raam raajya svarga ko kaha jaata hai, vahaan complete sukh hai। gaate bhi hain svargavaasi aur narkavaasi। to yeh achhi reeti dhaaran karna hai। jitna-jitna tamopradhaan se satopradhaan bante jaayenge, utna andar mein tumko khushi bhi hogi। jab rajo mein dvaapar mein the to bhi tumko khushi thi। tum itna duhkhi vikaari nahin the। yahaan to abhi kitne vikaari duhkhi hain। tum apne badon ko dekho, kitne vikaari sharaabi hain। sharaab bahut kharaab cheez hai। satayug mein to hain hi shuddh aatmaayen phir neeche utarte-utarte bilkul chhi-chhi ho jaate hain isliye inko raurav narka kaha jaata hai। sharaab aisi cheez hai jo jhagda, maaraamaari, nuksaan karne deri nahin karte। is samay manushya ki buddhi jaise bhrashta ho gai hai। maaya badi dushtar hai। baap sarva-shaktimaan hai, sukh dene vaala। vaise phir maaya bahut duhkh dene vaali hai। kaliyug mein manushya ki haalat kya ho jaati hai, ekdam jadajdeebhoot। kuchh bhi samajhte nahin hain, jaise pattharbuddhi। yeh bhi drama hai na। kiski takdeer mein nahin hai to phir aisi buddhi ban jaati hai। baap gyaan to bada sahaj dete hain। bachche-bachche kah samjhaate rehte hain। maataayen bhi kehti hain hamko 5 laukik bachche hain aur ek hai paarlaukik bachcha। jo hamko sukhdhaam mein le jaane aaye hain। baap bhi samajhte hain to bachcha bhi samajhte hain। jaadoogar thahre na। baap jaadoogar to bachche bhi jaadoogar ban jaate hain। kehte hain baba hamaara bachcha bhi hai। to baap ko follow kar aisa banna chaahiye। svarga mein inka raajya tha na। shaastron mein yeh baaten hain nahin। yeh bhakti maarga ke shaastron ki bhi drama mein noondh hai। phir bhi honge। yeh bhi baap samjhaate hain padhaane vaala teacher to chaahiye na। kitaab thode hi teacher ban sakti। to phir teacher ki darkaar na rahe। yeh kitaab aadi satayug mein hoti nahin।

baap samjhaate hain tum aatma ko to samajhte ho na। aatmaon ka baap bhi zaroor hai। jab koi aate hain to sab kehte hain hindu-muslim bhaai-bhaai, arth kuchh nahin samajhte। bhaai-bhaai ka arth samajhna chaahiye na। zaroor unka baap bhi hoga। itni paai-paise ki samajh bhi nahin rahi hai। bhagvaanuvaach yeh bahut janmon ke ant ka janma hai। arth kitna saaph hai। koi glaani nahin karte। baap to raasta bataate hain। number one so last। gora so saanvara bante hain। tum bhi samajhte ho - ham gore the phir aise banenge। baap ko yaad karne se hi yeh banenge। yeh hai raavan raajya। raam raajya ko kaha jaata hai shivaalay। seeta ka raam, usne to treta mein raajya kiya hai, ismen bhi samajh ki baat hai। do kala kam kahi jaati hai। satayug hai oonch, unko yaad karte hain treta aur dvaapar ko itna yaad nahin karte hain। satayug hai nai duniya aur kaliyug hai puraani duniya। 100 percent sukh aur 100 percent duhkh। woh treta aur dvaapar hai semi isliye mukhya satayug aur kaliyug gaaya jaata hai। baap satayug sthaapan kar rahe hain। ab tumhaara kaam hai purooshaartha karna। satayug nivaasi banenge ya treta nivaasi banenge? dvaapar mein phir neeche utarte ho। phir bhi ho to devi-devta dharma ke। parantu patit hone kaaran apne ko devi-devta kahla nahin sakte। to baap meethe-meethe bachchon ko roz-roz samjhaate hain। mukhya baat hai hi manamnaabhav ki। tum hi number one bante ho। 84 ka chakra lagaakar last mein aate ho phir number one mein jaate ho to ab behad ke baap ko yaad karna hai। woh hai behad ka baap। purooshottam sangamayug par hi behad ka baap aakar 21 peedhi svarga ka sukh tumko dete hain। peedhi jab poori hoti hai tab tum aapehi shareer chhodte ho। yogbal hai na। kaayda hi aisa racha hua hai, isko kaha jaata hai yogbal। vahaan gyaan ki baat nahin rehti। automatically tum boodhe hote ho। vahaan koi beemaari aadi hoti nahin। langade va tedhe baanke nahin hote। ever healthy rehte hain। vahaan duhkh ka naam-nishaan nahin rehta। phir thodi-thodi kala kam hoti hai। ab bachchon ko purooshaartha karna hai, behad ke baap se oonch varsa paane ka। paas with honour hona chaahiye na। sab to oonch pad nahin pa sakte hain। jo service hi nahin karte woh kya pad paayenge। museum mein bachche kitni service karte hain, bigar bulaaye log aa jaate hain। isko vihang maarga ki service kaha jaata hai। pata nahin, isse bhi aur koi vihang maarga ki service nikle। do-chaar mukhya chitra zaroor saath mein ho। bade-bade trimoorti, jhaad, gola, seedhi - yeh to har jagah bahut bade-bade hon। jab bachche hoshiyaar honge tab to service hogi na। service to honi hi hai। gaanv mein bhi service karni hai। maataayen bhal padhi-likhi nahin hain parantu baap ka parichay dena to bahut sahaj hai। aage female padhti nahin thi। musalmaanon ke raajya mein ek aankh kholkar baahar nikalti thi। yeh baba bahut anubhvi hai। baap kehte hain main yeh sab nahin jaanta। main to oopar mein rehta hoon। yeh sab baaten yeh brahma tumko sunaate hain। yeh anubhvi hai, main to manamnaabhav ki baaten hi sunaata hoon aur srishti chakra ka raaz samjhaata hoon, jo yeh nahin jaante। yeh apna anubhav alag samjhaate hain, main in baaton mein nahin jaata। mera part hai sirf tumko raasta bataana। main baap, teacher, guru hoon। teacher ban tumko padhaata hoon, baaki ismen kripa aadi ki koi baat nahin। padhaata hoon phir saath mein le jaane vaala hoon। is padhaai se hi sadgati hoti hai। main aaya hi hoon tumko le jaane। shiv ki baraat gaai hui hai। shankar ki baraat nahin hoti। shiv ki baraat hai, sab aatmaayen dulha ke pichhaadi jaati hain na। yeh sab hain bhaktiyaan, main hoon bhagwan। tumne hamko bulaaya hi hai paavan banaakar saath le jaane। to ham tum bachchon ko saath le hi jaaoonga। hisaab-kitaab chuktu karaakar le hi jaana hai।

baap ghadi-ghadi kehte hain manamnaabhav। baap ko yaad karo to varsa bhi zaroor yaad padega। vishwa ki baadshaahi milti hai na। uske liye purooshaartha bhi aisa karna hai। tum bachchon ko koi takleeph nahin deta hoon। jaanta hoon tumne bahut duhkh dekhe hain। ab tumko koi takleeph nahin deta hoon। bhakti maarga mein aayu bhi chhoti hoti hai। akaale mrityu ho jaati hai, kitna yaahusain machaate hain। kitna duhkh uthaate hain। dimaag hi kharaab ho jaata hai। ab baap kehte hain sirf mujhe yaad karte raho। svarga ka maalik banna hai to daiveegun bhi dhaaran karne hain। purooshaartha hamesha oonch banne ka kiya jaata hai - ham lakshmi-naaraayan banen। baap kehte hain main sooryavanshi-chandravanshi, donon dharma sthaapan karta hoon। woh naapaas hote hain isliye kshatriy kaha jaata hai। yuddha ka maidaan hai na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sukhdhaam ke varse ka poora adhikaar lene ke liye sangam par roohaani jaadoogar ban baap ko bhi apna bachcha bana lena hai। poora-poora balihaar jaana hai।

2) svadarshan chakradhaari ban svayan ko lucky sitaara banaana hai। vihang maarga ki service ke nimitta ban oonch pad lena hai। gaanv-gaanv mein service karni hai। saath-saath yaad ka chart bhi zaroor rakhna hai।

vardaan:- dridh sankalp ki teeli se aatmik bomb ki aatishbaaji jalaane vaale sada vijayi bhav

aajkal aatishbaaji mein bomb banaate hain lekin aap dridh sankalp ki teeli se aatmik bomb ki aatishbaaji jalaao jisse puraana sab samaapta ho jaae। woh log to aatishbaaji mein paisa ganvaayenge aur aap kamaayenge। woh aatishbaaji hai aur aapki udti kala ki baaji hai। ismen aap vijayi ban jaate ho। to double phaayda lo, jalaao bhi, kamaao bhi - yeh vidhi apnaao।

slogan:- kisi vishesh kaarya mein madadgaar banna hi duaaon ki lift lena hai।