Murli du jour du samedi 1 mars 2025

01-03-2025 praatahmurli om shanti "baapdaada"' madhuban

“meethe bachche - preet aur vipreet yeh pravritti maarga ke akshar hain, abhi tumhaari preet ek baap se hui hai, tum bachche nirantar baap ki yaad mein rehte ho''

prashn:- yaad ki yaatra ko doosra kaun-sa naam denge?

uttar:- yaad ki yaatra preet ki yaatra hai। vipreet buddhi vaale se naam-roop mein phansane ki badbu aati hai। unki buddhi tamopradhaan ho jaati hai। jinki preet ek baap se hai woh gyaan ka daan karte rahenge। kisi bhi dehdhaari se unki preet nahin ho sakti।

geet:- yeh vakta ja raha hai…

om shanti। baap bachchon ko samjha rahe hain। ab isko yaad ki yaatra bhi kahen to preet ki yaatra bhi kahen। manushya to un yaatraaon par jaate hain। yeh jo rachna hai unki yaatra par jaate hain, bhinna-bhinna rachna hai na। rachayita ko to koi bhi jaante hi nahin। abhi tum rachayita baap ko jaante ho, us baap ki yaad mein tumko kabhi rookna nahin hai। tumko yaatra mili hai yaad ki। isko yaad ki yaatra athva preet ki yaatra kaha jaata hai। jiski jaasti preet hogi woh yaatra bhi achhi karenge। jitna pyaar se yaatra par rahenge, pavitra bhi bante jaayenge। shiv bhagvaanuvaach hai na। vinaash kaale vipreet buddhi aur vinaash kaale preet buddhi। tum bachche jaante ho abhi vinaashkaal hai। yeh vahi geeta episode chal raha hai। baba ne shreekrishna ki geeta aur trimoorti shiv ki geeta ka contrast bhi bataaya hai! ab geeta ka bhagwan kaun? parampita shiv bhagvaanuvaach। sirf shiv akshar nahin likhna hai kyonki shiv naam bhi bahuton ke hain isliye parampita paramatma likhne se woh supreme ho gaya। parampita to koi apne ko kah na sake। sannyaasi log shivoham kah dete hain, woh to baap ko yaad bhi kar na saken। baap ko jaante hi nahin। baap se preet hai hi nahin। preet aur vipreet yeh pravritti maarga ke liye hai। koi bachchon ki baap se preet buddhi hoti hai, koi ki vipreet buddhi bhi hoti hai। tumhaare mein bhi aise hain। baap ke saath preet unki hai, jo baap ki service mein tatpar hain। baap ke sivaae aur koi se preet ho na sake। shivbaaba ko hi kehte hain baba ham to aapke hi madadgaar hain। brahma ki ismen baat hi nahin। shivbaaba ke saath jin aatmaon ki preet hogi woh zaroor madadgaar honge। shivbaaba ke saath woh service karte rahenge। preet nahin hai to goya vipreet ho jaate hain, vipreet buddhi vinshanti। jinki baap se preet hogi to madadgaar bhi banenge। jitni preet utna service mein madadgaar banenge। yaad hi nahin karte to preet nahin hai। phir dehdhaariyon se preet ho jaati hai। manushya, manushya ko apni yaadgaar ki cheez bhi dete hain na। woh yaad zaroor padte hain।

abhi tum bachchon ko baap avinaashi gyaan ratnon ki saugaat dete hain, jisse tum raajaai praapta karte ho। avinaashi gyaan ratnon ka daan karte hain to preet buddhi hain। jaante hain baba sabka kalyaan karne aaye hain, hamko bhi madadgaar banna hai। aise preet buddhi vijayanti hote hain। jo yaad hi nahin karte woh preet buddhi nahin। baap se preet hogi, yaad karenge to vikarma vinaash honge aur doosron ko bhi kalyaan ka raasta bataayenge। tum brahman bachchon mein bhi preet aur vipreet ka madaar hai। baap ko jaasti yaad karte hain goya preet hai। baap kehte hain mujhe nirantar yaad karo, mere madadgaar bano। rachna ko ek rachta baap hi yaad rehna chaahiye। kisi rachna ko yaad nahin karna hai। duniya mein to rachayita ko koi jaante nahin, na yaad karte hain। sannyaasi log bhi brahm ko yaad karte hain, woh bhi rachna ho gai। rachayita to sabka ek hi hai na। aur jo bhi cheejen in aankhon se dekhte ho woh sab to hain rachna। jo nahin dekhne aata hai woh hai rachayita baap। brahma, vishnu, shankar ka bhi chitra hai। woh bhi rachna hai। baba ne jo chitra banaane liye kaha hai oopar mein likhna hai parampita paramatma trimoorti shiv bhagvaanuvaach। bhal koi apne ko bhagwan kahe parantu parampita kah na sake। tumhaara buddhiyog hai shivbaaba ke saath, na ki shareer ke saath। baap ne samjhaaya hai apne ko ashareeri aatma samajh mujh baap ko yaad karo। preet aur vipreet ka saara madaar hai service par। achhi preet hogi to baap ki service bhi achhi karenge, tab vijayanti kahenge। preet nahin to service bhi nahin hogi। phir pad bhi kam। kam pad ko kaha jaata hai oonch pad se vinshanti। yoon vinaash to sabka hota hi hai, parantu yeh khaas preet aur vipreet ki baat hai। rachayita baap to ek hi hai, unko hi shiv parmaatmaae namah kehte hain। shivjayanti bhi manaate hain। shankar jayanti kabhi suna nahin hai। prajaapita brahma ka bhi naam baala hai, vishnu ki jayanti nahin manaate, shreekrishna ki manaate hain। yeh bhi kisko pata nahin - shreekrishna aur vishnu mein kya farka hai? manushyon ki hai vinaash kaale vipreet buddhi। to tumhaare mein bhi preet aur vipreet buddhi hain na। baap kehte hain tumhaara yeh roohaani dhandha to bahut achha hai। savere aur shaam ko is service mein lag jaao। shaam ka samay 6 se 7 tak achha kehte hain। satsang aadi bhi shaam ko aur savere karte hain। raat mein to vaayumandal kharaab ho jaata hai। raat ko aatma svayan shanti mein chali jaati hai, jisko neend kehte hain। phir savere jaagti hai। kehte bhi hain raam simar prabhaat more man। ab baap bachchon ko samjhaate hain mujh baap ko yaad karo। shivbaaba jab shareer mein pravesh kare tab to kahe ki mujhe yaad karo to vikarma vinaash ho jaayenge। tum bachche jaante ho ham kitna baap ko yaad karte hain aur roohaani seva karte hain। sabhi ko yahi parichay dena hai - apne ko aatma samajh baap ko yaad karo to tum tamopradhaan se satopradhaan ban jaayenge। khaad nikal jaayegi। preet buddhi mein bhi percentage hai। baap se preet nahin hai to zaroor apni deh mein preet hai ya mitra sambandhiyon aadi se preet hai। baap se preet hogi to service mein lag jaayenge। baap se preet nahin to service mein bhi nahin lagenge। koi ko sirf alaph aur be ka raaz samjhaana to bahut hi sahaj hai। he bhagwan, he paramatma kah yaad karte hain parantu unko jaante bilkul nahin। baba ne samjhaaya hai har ek chitra mein oopar parampita trimoorti shiv bhagvaanuvaach zaroor likhna hai to koi kuchh kah na sake। abhi tum bachche to apna sapling laga rahe ho। sabhi ko raasta bataao to baap se aakar varsa leve। baap ko jaante hi nahin isliye preet buddhi hain nahin। paap badhte-badhte ekdam tamopradhaan ban pade hain। baap ke saath preet unki hogi jo bahut yaad karenge। unki hi golden ej buddhi hogi। agar aur taraph buddhi bhatakti hogi to tamopradhaan hi rahenge। bhal saamne baithe hain to bhi preet buddhi nahin kahenge kyonki yaad hi nahin karte hain। preet buddhi ki nishaani hai yaad। woh dhaarna karenge, auron par bhi raham karte rahenge ki baap ko yaad karo to tum paavan banenge। yeh kisko bhi samjhaana to bahut sahaj hai। baap svarga ki baadshaahi ka varsa bachchon ko hi dete hain। zaroor shivbaaba aaya tha tab to shivjayanti bhi manaate hain na। krishna, raam aadi sab hokar gaye hain tab to manaate aate hain na। shivbaaba ko bhi yaad karte hain kyonki woh aakar bachchon ko vishwa ki baadshaahi dete hain, naya koi in baaton ko samajh na sake। bhagwan kaise aakar varsa dete hain, bilkul hi pattharbuddhi hain। yaad karne ki buddhi nahin। baap khud kehte hain tum aadhaakalpa ke aashik ho। main ab aaya hua hoon। bhakti maarga mein tum kitne dhakke khaate ho। parantu bhagwan to koi ko mila hi nahin। abhi tum bachche samajhte ho baap bhaarat mein hi aaya tha aur mukti-jeevanmukti ka raasta bataaya tha। shreekrishna to yeh raasta bataate nahin। bhagwan se preet kaise jute so bhaaratvaasiyon ko hi baap aakar sikhlaate hain। aate bhi bhaarat mein hain। shiv jayanti manaate hain। tum bachche jaante ho oonch te oonch hai hi bhagwan, unka naam hai shiv isliye tum likhte ho shiv jayanti hi heere tulya hai, baaki sabki jayanti hai kaudi tulya। aise likhne se bigadte hain isliye har ek chitra mein agar shiv bhagvaanuvaach hoga to tum safety mein rahenge। koi-koi bachche poora nahin samajhte hain to naaraaz ho jaate hain। maaya ki grahchaari pahla vaar buddhi par hi karti hai। baap se hi buddhiyog tod deti hai, jisse ekdam oopar se neeche gir jaate hain। dehdhaariyon se buddhiyog atak padta hai to baap se vipreet hue na। tumko preet rakhni hai ek vichitra videhi baap se। dehdhaari se preet rakhna nuksaankaarak hai। buddhi oopar se tootti hai to ekdam neeche gir padte hain। bhal yeh anaadi bana banaaya drama hai phir bhi samjhaayenge to sahi na। vipreet buddhi se to jaise baans aati hai, naam-roop mein phansane ki। nahin to service mein khada ho jaana chaahiye। baba ne kal bhi achhi reeti samjhaaya - mukhya baat hi hai geeta ka bhagwan kaun? ismen hi tumhaari vijay honi hai। tum poochhte ho ki geeta ka bhagwan shiv ya shreekrishna? sukh dene vaala kaun hai? sukh dene vaala to shiv hai to unko vote dena chaahiye। unki hi mahima hai। ab vote do geeta ka bhagwan kaun? shiv ko vote dene vaale ko kahenge preet buddhi। yeh to bahut bhaari election hai। yeh sab yuktiyaan unki buddhi mein aayengi jo saara din vichaar saagar manthan karte rehte honge।

kai bachche chalte-chalte rooth padte hain। abhi dekho to preet hai, abhi dekho to preet toot padti, rooth jaate hain। koi baat se bigde to kabhi yaad bhi nahin karenge। chitthi bhi nahin likhenge। goya preet nahin hai। to baba bhi 6-8 maas chitthi nahin likhenge। baba kaalon ka kaal bhi hai na! saath mein dharmaraaj bhi hai। baap ko yaad karne ki phursat nahin to tum kya pad paayenge। pad bhrashta ho jaayega। shuru mein baba ne badi yukti se pad batlaaye the। abhi to woh hain thode hi। ab to phir se maala banni hai। serviceable ki to baba bhi mahima karte rahenge। jo khud baadshaah bante hain to kahenge hamaare hamjinsa bhi banen। yeh bhi hamaare misal raajya karen। raaja ko anna daata, maat pita kehte hain। ab maata to hai jagat amba, un dvaara tumko sukh ghanere milte hain। tumhein purooshaartha se oonch pad paana hai। din-pratidin tum bachchon ko maaloom hota jaayega - kaun-kaun kya banega? service karenge to baap bhi unko yaad karenge। service hi nahin karte to baap yaad kyon kare! baap yaad un bachchon ko karenge jo preet buddhi honge।

yeh bhi baba ne samjhaaya hai - kiski di hui cheez pahnenge to unki yaad zaroor aayegi। baba ke bhandaare se lenge to shivbaaba hi yaad aayega। baba khud anubhav batlaate hain। yaad zaroor padti hai isliye koi ki bhi di hui cheez rakhni nahin chaahiye। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek videhi vichitra baap se dil ki sachchi preet rakhni hai। sada dhyaan rahe - maaya ki grahchaari kabhi buddhi par vaar na kar de।

2) kabhi bhi baap se roothna nahin hai। serviceable ban apna bhavishya oonch banaana hai। kisi ki di hui cheez apne paas nahin rakhni hai।

vardaan:- shuddhi ki vidhi dvaara kile ko majboot karne vaale sada vijayi aur nirvighna bhav

is kile mein har aatma sada vijayi aur nirvighna ban jaae iske liye vishesh time par chaaron or ek saath yog ke programme rakho। phir koi bhi is taar ko kaat nahin sakega kyonki jitna seva badhaate jaayenge utna maaya apna banaane ki koshish bhi karegi isliye jaise koi bhi kaarya shuru karte samay shuddhi ki vidhiyaan apnaate ho, aise sangathit roop mein aap sarva shreshtha aatmaon ka ek hi shuddh sankalp ho - vijayi, yeh hai shuddhi ki vidhi - jisse kila majboot ho jaayega।

slogan:- yuktiyukta va yathaartha seva ka pratyakshaphal hai khushi।

avyakt ishaare - satyata aur sabhyata roopi culture ko apnaao

brahman jeevan mein first number ki culture hai “satyata aur sabhyata''। to har ek ke chehre aur chalan mein yeh brahman culture pratyaksha ho। har brahman muskaraata hua har ek se samparka mein aaye। koi kaisa bhi ho aap apna yeh culture kabhi nahin chhodo to sahaj parmaatma pratyakshata ke nimitta ban jaayenge।