Murli du jour du mardi 22 avril 2025

22-04-2025 praatahmurli om shanti "baapdaada"' madhuban

“meethe bachche - tumhaara yeh most valuable samay hai, ismen tum baap ke poore-poore madadgaar bano, madadgaar bachche hi oonch pad paate hain''

prashn:- serviceable bachche kaun si bahaane baaji nahin kar sakte hain?

uttar:- serviceable bachche yeh bahaana nahin karenge ki baba yahaan garmi hai, yahaan thandi hai isliye ham service nahin kar sakte hain। thodi garmi hui ya thandi padi to naazuk nahin banna hai। aise nahin, ham to sahan hi nahin kar sakte hain। is duhkhadhaam mein duhkh-sukh, garmi-sardi, ninda-stuti sab sahan karna hai। bahaane baaji nahin karni hai।

geet:- dheeraj dhar manuva…

om shanti। bachche hi jaante hain ki sukh aur duhkh kisko kaha jaata hai। is jeevan mein sukh kab milta hai aur duhkh kab milta hai so sirf tum brahman hi nambarvaar purooshaartha anusaar jaante ho। yeh hai hi duhkh ki duniya। inmen thode time ke liye duhkh-sukh, stuti-ninda sab kuchh sahan karna padta hai। in sabse paar hona hai। koi ko thodi garmi lagti to kehte ham thandi mein rahen। ab bachchon ko to garmi mein athva thandi mein service karni hai na। is samay yeh thoda bahut duhkh bhi ho to nai baat nahin। yeh hai hi duhkhadhaam। ab tum bachchon ko sukhdhaam mein jaane liye poora purooshaartha karna hai। yeh to tumhaara most valuable samay hai। ismen bahaana chal na sake। baba serviceable bachchon ke liye kehte hain, jo service jaante hi nahin, woh to koi kaam ke nahin। yahaan baap aaye hain bhaarat ko to kya vishwa ko sukhdhaam banaane। to brahman bachchon ko hi baap ka madadgaar banna hai। baap aaya hua hai to unki mat par chalna chaahiye। bhaarat jo svarga tha so ab narka hai, unko phir svarga banaana hai। yeh bhi ab maaloom pada hai। satayug mein in pavitra raajaaon ka raajya tha, bahut sukhi the phir apvitra raajaayen bhi bante hain, eeshvar arth daan-punya karne se, to unko bhi taakat milti hai। abhi to hai hi praja ka raajya। lekin yeh koi bhaarat ki seva nahin kar sakte। bhaarat ki athva duniya ki seva to ek behad ka baap hi karte hain। ab baap bachchon ko kehte hain - meethe bachche, ab hamaare saath madadgaar bano। kitna pyaar se samjhaate hain, dehi-abhimaani bachche samajhte hain। deh-abhimaani kya madad kar sakenge kyonki maaya ki janjeeron mein phase hue hain। ab baap ne direction diya hai ki sabko maaya ki janjeeron se, guruon ki janjeeron se chhudaao। tumhaara dhandha hi yeh hai। baap kehte hain mere jo achhe madadgaar banenge, pad bhi woh paayenge। baap khud sammukh kehte hain - main jo hoon, jaisa hoon, saadhaaran hone ke kaaran mujhe poora nahin jaante hain। baap hamko vishwa ka maalik banaate hain - yeh nahin jaante। yeh lakshmi-naaraayan vishwa ke maalik the, yeh bhi kisko pata nahin hai। abhi tum samajhte ho ki kaise inhonne raajya paaya phir kaise ganvaaya। manushyon ki to bilkul hi tuchchha buddhi hai। ab baap aaye hain sabki buddhi ka taala kholne, pattharbuddhi se paarasbuddhi banaane। baba kehte hain ab madadgaar bano। log khudaai khidmatgaar kehte hain parantu madadgaar to bante hi nahin। khuda aakar jinko paavan banaate hain unko hi kehte ki ab auron ko aap samaan banaao। shreemat par chalo। baap aaye hi hain paavan svargavaasi banaane।

tum brahman bachche jaante ho yeh hai mrityulok। baithe-baithe achaanak mrityu hoti rehti hai to kyon na ham pahle se hi mehnat kar baap se poora varsa le apna bhavishya jeevan bana leven। manushyon ki jab vaanaprastha avastha hoti hai to samajhte hain ab bhakti mein lag jaayen। jab tak vaanaprastha avastha nahin hai tab tak khoob dhan aadi kamaate hain। abhi tum sabki to hai hi vaanaprastha avastha। to kyon na baap ka madadgaar ban jaana chaahiye। dil se poochhna chaahiye ham baap ke madadgaar bante hain। serviceable bachche to naameegraami hain। achhi mehnat karte hain। yog mein rahne se service kar sakenge। yaad ki taakat se hi saari duniya ko pavitra banaana hai। saare vishwa ko tum paavan banaane ke nimitta bane hue ho। tumhaare liye phir pavitra duniya bhi zaroor chaahiye, isliye patit duniya ka vinaash hona hai। abhi sabko yahi bataate raho ki deh-abhimaan chhodo। ek baap ko hi yaad karo। vahi patit-paavan hai। sabhi yaad bhi unko karte hain। saadhu-santa aadi sab anguli se aise ishaara karte hain ki paramatma ek hai, vahi sabko sukh dene vaala hai। eeshvar athva paramatma kah dete hain parantu unko jaante koi bhi nahin। koi ganesh ko, koi hanoomaan ko, koi apne guru ko yaad karte rehte hain। ab tum jaante ho woh sab hain bhakti maarga ke। bhakti maarga bhi aadhaakalpa chalna hai। bade-bade rishi-muni sab neti-neti karte aaye hain। rachta aur rachna ko ham nahin jaante। baap kehte hain woh trikaaldarshi to hain nahin। beejroop, gyaan ka saagar to ek hi hai। woh aate bhi hain bhaarat mein। shivjayanti bhi manaate hain aur geeta jayanti bhi manaate hain। to krishna ko yaad karte hain। shiv ko to jaante nahin। shivbaaba kehte hain patit-paavan gyaan ka saagar to main hoon। krishna ke liye to kah na saken। geeta ka bhagwan kaun? yeh bahut achha chitra hai। baap yeh chitra aadi sab banvaate hain, bachchon ke hi kalyaan liye। shivbaaba ki mahima to complete likhni hai। saara madaar in par hai। oopar se jo bhi aate hain woh pavitra hi hain। pavitra banne bigar koi ja na saken। mukhya baat hai pavitra banne ki। woh hai hi pavitra dhaam, jahaan sabhi aatmaayen rehti hain। yahaan tum part bajaate-bajaate patit bane ho। jo sabse jaasti paavan vahi phir patit bane hain। devi-devta dharma ka naam-nishaan hi gum ho gaya hai। devta dharma badal hindu dharma naam rakh diya hai। tum hi svarga ka raajya lete ho aur phir ganvaate ho। haar aur jeet ka khel hai। maaya te haare haar hai, maaya te jeete jeet hai। manushya to raavan ka itna bada chitra kitna kharcha kar banaate hain phir ek hi din mein khalaas kar dete hain। dushman hai na। lekin yeh to gudiyon ka khel ho gaya। shivbaaba ka bhi chitra banaae pooja kar phir tod daalte hain। deviyon ke chitra bhi aise banaae phir jaakar dubote hain। kuchh bhi samajhte nahin। ab tum bachche behad ki history-geography ko jaante ho ki yeh duniya ka chakra kaise phirta hai। satayug-treta ka kisko bhi pata nahin। devtaaon ke chitra bhi glaani ke bana diye hain।

baap samjhaate hain - meethe bachche, vishwa ka maalik banne ke liye baap ne tumhein jo parhej bataai hai woh parhej karo, yaad mein rahkar bhojan banaao, yog mein rahkar khaao। baap khud kehte hain mujhe yaad karo to tum vishwa ke maalik phir se ban jaayenge। baap bhi phir se aaya hua hai। ab vishwa ka maalik poora banna hai। follow father-mother। sirf father to ho nahin sakta। sannyaasi log kehte hain ham sab father hain। aatma so paramatma hai, woh to wrong ho jaata hai। yahaan mother father donon purooshaartha karte hain। follow mother father, yeh akshar bhi yahaan ke hain। abhi tum jaante ho jo vishwa ke maalik the, pavitra the, ab woh apvitra hain। phir se pavitra ban rahe hain। ham bhi unki shreemat par chal yeh pad praapta karte hain। woh in dvaara direction dete hain us par chalna hai, follow nahin karte to sirf baba-baba kah mukh meetha karte hain। follow karne vaale ko hi sapoot bachche kahenge na। jaante ho mama-baba ko follow karne se ham raajaai mein jaayenge। yeh samajh ki baat hai। baap sirf kehte hain mujhe yaad karo to vikarma vinaash hon। bas aur koi ko bhi yeh samjhaao - tum kaise 84 janma lete-lete apvitra bane ho। ab phir pavitra banna hai। jitna yaad karenge to pavitra hote jaayenge। bahut yaad karne vaale hi nai duniya mein pahle-pahle aayenge। phir auron ko bhi aapasmaan banaana hai। pradarshani mein baba-mama samjhaane liye ja nahin sakte। baahar se koi bada aadmi aata hai to kitne dher manushya jaate hain, unko dekhne ke liye ki yeh kaun aaya hai। yeh to kitna gupta hai। baap kehte hain main is brahma tan se bolta hoon, main hi is bachche ka responsible hoon। tum hamesha samjho shivbaaba bolte hain, woh padhaate hain। tumko shivbaaba ko hi dekhna hai, inko nahin dekhna hai। apne ko aatma samjho aur paramatma baap ko yaad karo। ham aatma hain। aatma mein saara part bhara hua hai। yeh knowledge buddhi mein chakra lagaani chaahiye। sirf duniyaavi baaten hi buddhi mein hongi to goya kuchh nahin jaante। bilkul hi badtar hain। parantu aise-aise ka bhi kalyaan to karna hi hai। svarga mein to jaayenge parantu oonch pad nahin। sajaayen khaakar jaayenge। oonch pad kaise paayenge, woh to baap ne samjhaaya hai। ek to svadarshan chakradhaari bano aur banaao। yogi bhi pakke bano aur banaao। baap kehte hain mujhe yaad karo। tum phir kehte baba ham bhool jaate hain। lajja nahin aati! bahut hain jo sach bataate nahin hain, bhoolte bahut hain। baap ne samjhaaya hai koi bhi aaye to unko baap ka parichay do। ab 84 ka chakra poora hota hai, vaapis jaana hai। raam gayo raavan gayo........ iska bhi arth kitna sahaj hai। zaroor sangamayug hoga jabki raam ka aur raavan ka parivaar hai। yeh bhi jaante ho sab vinaash ho jaayenge, baaki thode rahenge। kaise tumko raajya milta hai, woh bhi thoda aage chal sab maaloom pad jaayega। pahle se hi to sab nahin bataayenge na। phir woh to khel ho na sake। tumko saakshi ho dekhna hai। saakshaatkaar hote jaayenge। is 84 ke chakra ko duniya mein koi nahin jaante।

abhi tum bachchon ki buddhi mein hai ham vaapis jaate hain। raavan raajya se abhi chhutti milti hai। phir apni raajdhaani mein aayenge। baaki thode roz hain। yeh chakra phirta rehta hai na। anek baar yeh chakra lagaaya hai, ab baap kehte hain jis karmabandhan mein phanse ho unko bhoolo। grihastha vyavhaar mein rehte hue bhoolte jaao। ab naatak poora hota hai, apne ghar jaana hai, is mahaabhaarat ladaai baad hi svarga ke gates khulte hain isliye baba ne kaha hai yeh naam bahut achha hai, get ve tu heaven। koi kehte hain ladaaeeyaan to chalti aai hain। bolo, mooslon ki ladaai kab lagi hai, yeh mooslon ki antim ladaai hai। 5000 varsha pahle bhi jab ladaai lagi thi to yeh yagya bhi racha tha। is puraani duniya ka ab vinaash hona hai। nai raajdhaani ki sthaapna ho rahi hai।

tum yeh roohaani padhaai padhte ho raajaai lene ke liye। tumhaara dhandha hai roohaani। jismaani vidya to kaam aani nahin hai, shaastra bhi kaam nahin aayenge to kyon na is dhandhe mein lag jaana chaahiye। baap to vishwa ka maalik banaate hain। vichaar karna chaahiye - kaun-si padhaai mein lagen। woh to thode degree ke liye padhte hain। tum to padhte ho raajaai ke liye। kitna raat-din ka farka hai। woh padhaai padhne se bhoogre (chane) bhi milenge ya nahin, pata thode hi hai। kiska shareer chhoot jaae to bhoogre bhi gaye। yeh kamaai to saath chalne ki hai। maut to sir par khada hai। pahle ham apni poori kamaai kar leven। yeh kamaai karte-karte duniya hi vinaash ho jaani hai। tumhaari padhaai poori hogi tab hi vinaash hoga। tum jaante ho jo bhi manushya-maatra hain, unki mutthi mein hain bhoogre। usko hi bandar misal pakad baithe hain। ab tum ratna le rahe ho। in bhoogron (chanon) se mamatva chhodo। jab achhi reeti samajhte hain tab bhoogron ki mutthi ko chhodte hain। yeh to sab khaak ho jaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani padhaai padhni aur padhaani hai। avinaashi gyaan ratnon se apni mutthi bharni hai। chanon ke peechhe samay nahin ganvaana hai।

2) ab naatak poora hota hai, isliye svayan ko karmabandhanon se mukta karna hai। svadarshan chakradhaari banna aur banaana hai। mother father ko follow kar raajaai pad ka adhikaari banna hai।

vardaan:- sankalp ko bhi check kar vyartha ke khaate ko samaapta karne vaale shreshtha sevaadhaari bhav

shreshtha sevaadhaari woh hai jiska har sankalp powerful ho। ek bhi sankalp kahaan bhi vyartha na jaae। kyonki sevaadhaari arthaat vishwa ki stage par act karne vaale। saari vishwa aapko copy karti hai, yadi aapne ek sankalp vyartha kiya to sirf apne prati nahin kiya lekin anekon ke nimitta ban gaye isliye ab vyartha ke khaate ko samaapta kar shreshtha sevaadhaari bano।

slogan:- seva ke vaayumandal ke saath behad ke vairaagya vritti ka vaayumandal banaao।

avyakt ishaare - “combined roop ki smriti se sada vijayi bano''

sangamayug hai hi combined rahne ka yug। baap se akele ho nahin sakte। sada ke saathi ho। sada baap ke saath rehna arthaat sada santushta rehna। baap aur aap sada combined ho to combined ki shakti bahut badi hai, ek kaarya ke bajaae hajaar kaarya kar sakte ho kyonki hajaar bhujaaon vaala baap aapke saath hai।