Murli du jour du jeudi 15 mai 2025

15-05-2025 praatahmurli om shanti "baapdaada"' madhuban

“meethe bachche - apna svabhaav baap samaan easy banaao, tumhaare mein koi ghamanda nahin hona chaahiye, gyaanayukta buddhi ho, abhimaan na ho''

prashn:- service karte hue bhi kai bachche baby se bhi baby hain - kaise?

uttar:- kai bachche service karte rehte hain, doosron ko gyaan sunaate rehte hain lekin baap ko yaad nahin karte। kehte hain baba yaad bhool jaati hai। to baba unhein baby se bhi baby kehta kyonki bachche kabhi baap ko bhoolte nahin, tumhein jo baap prince-princess banaata, use tum bhool kyon jaate? agar bhoolenge to varsa kaise milega। tumhein haathon se kaam karte bhi baap ko yaad karna hai।

om shanti। padhaai ki em object to bachchon ke saamne hai। bachche yeh bhi jaante hain ki baap saadhaaran tan mein hain, so bhi boodha tan hai। vahaan to bhal boodhe hote hain to bhi khushi rehti hai ki ham bachcha banenge। to yeh bhi jaante hain, inko yeh khushi hai ki ham yeh banne vaale hain। bachche jaisi chalan ho jaati hai। bachchon misal easy rehte hain। ghamanda aadi kuchh nahin। gyaan ki buddhi hai। jaise inki hai vahi tum bachchon ki honi chaahiye। baba hamko padhaane aaye hain, ham yeh banenge। to tum bachchon ko yeh khushi andar mein honi chaahiye na - ham yeh shareer chhod jaakar yeh banenge। raajayog seekh rahe hain। chhote bachche athva bade, sab shareer chhodege। sabke liye padhaai ek hi hai। yeh bhi kehte hain ham raajayog seekhte hain। phir ham jaakar prince banenge। tum bhi kehte ho ham prince-princess banenge। tum padh rahe ho prince-princess banne ke liye। ant mati so gati ho jaayegi। buddhi mein yeh nishchay hai ham beggar se prince banne vaale hain। yeh beggar duniya hi khatma honi hai। bachchon ko bahut khushi rahni chaahiye। baba bachchon ko bhi aapasmaan banaate hain। shivbaaba kehte hain hamko to prince-princess banna nahin hai। yeh baba kehte hain hamko to banna hai na। ham padh rahe hain, yeh banne ke liye। raajayog hai na। bachche bhi kehte hain ham prince-princess banenge। baap kehte hain bilkul theek hai। tumhaare mukh mein gulaab। yeh imtahaan hai bhi prince-princess banne ka। knowledge to badi sahaj hai। baap ko yaad karna hai aur bhavishya varse ko yaad karna hai। is yaad karne mein hi mehnat hai। is yaad mein rahenge to phir ant mati so gati ho jaayegi। sanyaasi log misaal dete hain, koi kehte bhains hoon… to sachmuch samajhne laga। woh hain sab phaaltu baaten। yahaan to religion ki baat hai। to baap bachchon ko samjhaate hain gyaan to bada sahaj hai, parantu yaad mein mehnat hai। baba aksar kehte hain - tum to baby ho। to bachchon ke ulhanen aate hain, ham baby hain? baba kehte - haan, baby ho। bhal gyaan to bahut achha hai, pradarshani mein service bahut achhi karte ho, raat-din service mein lag jaate ho phir bhi baby kah deta hoon। baap kehte hain yeh (brahma) bhi baby hai। yeh baba kehte hain tum hamaare se bhi bade ho, inke oopar to bahut maamle hain। jinke maathe maamla...... sab khyaalaat rehti hain। kitne samaachaar baba ke paas aate hain isliye phir subah ko baith yaad karne ki koshish karte hain। varsa to unse hi paana hai। to baap ko yaad karna hai। sab bachchon ko roz samjhaata hoon। meethe bachchon, tum yaad ki yaatra mein bahut kamjor ho। gyaan mein to bhal achhe ho parantu har ek apne dil se poochhe - main baba ki yaad mein kitna rehta hoon? achha, din mein bahut kaam aadi mein busy rehte ho, yoon to kaam karte bhi yaad mein rah sakte ho। kahaavat bhi hai hath kaar de dil yaar de..... (haathon se kaam karte, buddhi vahaan lagi rahe) jaise bhakti maarga mein bhal pooja karte rehte hain, buddhi aur-aur taraph dhandhe aadi mein chali jaati hai athva koi stri ka pati vilaayat mein hoga to unki buddhi vahaan chali jaayegi, jisse jaasti connection hai। to bhal service achhi karte hain phir bhi baba baby buddhi kehte hain। bahut bachche likhte hain - ham baba ki yaad bhool jaate hain। are, baap ko to baby bhi nahin bhoolte tum to baby se bhi baby ho। jis baap se tum prince-princess bante ho, woh tumhaara baap-teacher-guru hai, tum unko bhool jaate ho!

jo bachche apna poora-poora potaamel baap ko bhej dete hain baba unhein hi apni raay dete hain। bachchon ko bataana chaahiye ham baap ko kaise yaad karte hain? kab yaad karte hain? phir baap raay denge। baba samajh jaayenge inki yeh service hai, is anusaar unko kitni phursat rah sakti hai? government ki naukri vaalon ko phursat bahut rehti hai। kaam thoda halka hua, baap ko yaad karte raho। ghoomte-phirte bhi baap ki yaad rahe। baba time bhi dete hain। achha, raat ko 9 baje so jaao phir 2-3 baje uthkar yaad karo। yahaan aakar baith jaao। parantu yeh bhi baithne ki aadat baba nahin daalte hain, yaad to chalte-phirte bhi kar sakte ho। yahaan to bachchon ko bahut phursat hai। aage tum ekaanta mein pahaadon par jaakar baithte the। baap ko yaad to zaroor karna hai। nahin to vikarma vinaash kaise honge। baap ko yaad nahin kar sakte ho to jaise baby se bhi baby thahre na। saara madaar yaad par hai। patit-paavan baap ko yaad karne ki mehnat hai। knowledge to bahut sahaj hai। yeh bhi jaante hain - yahaan aakar samjhenge bhi vahi jo kalpa pahle aaye honge। bachchon ko direction milte rehte hain। koshish yahi karni hai ham tamopradhaan se satopradhaan kaise bane। sivaae baap ki yaad ke aur koi upaay nahin। baba ko bata sakte ho, baba hamaara yeh dhandha hone ke kaaran athva yeh kaarya hone kaaran ham yaad nahin kar sakta hoon। baba phat se raay denge - aise nahin, aise karo। tumhaara saara madaar yaad par hai। achhe-achhe bachche gyaan to bahut achha dete hain, kisko khush kar dete hain parantu yog hai nahin। baap ko yaad karna hai। yeh samajhte hue bhi phir bhool jaate hain, ismen hi mehnat hai। aadat pad jaayegi to phir aeroplane ya train mein baithe rahenge to bhi apni dhun lagi rahegi। andar mein khushi hogi ham baba se bhavishya prince-princess ban rahe hain। subah ko uthkar aise baap ki yaad mein baith jaao। phir thak jaate ho। achha, yaad mein let jaao। baap yuktiyaan batlaate hain। chalte-phirte yaad nahin kar sakte ho to baba kahenge achha raat ko neshtha mein baitho to kuchh tumhaara jama ho jaae। parantu yeh jabardasti ek jagah baithna hathayog ho jaata hai। tumhaara to hai sahaj maarga। roti khaate ho baba ko yaad karo। ham baba dvaara vishwa ka maalik ban rahe hain। apne saath baaten karte raho, main is padhaai se yeh banta hoon। padhaai par poora attention dena hai। tumhaari subject hi thodi hai। baba kitna thoda samjhaate hain, koi bhi baat na samjho to baba se poochho। apne ko aatma samajhna hai, yeh shareer to 5 bhooton ka hai। main shareer hoon, aisa kehna goya apne ko bhoot samajhna hai। yeh hai hi aasuri duniya, woh hai daivi duniya। yahaan sab deh-abhimaani hain। apni aatma ko koi bhi jaante nahin। wrong aur right to hota hai na। ham aatma avinaashi hain - yeh samajhna hai right। apne ko vinaashi shareer samajhna wrong ho jaata hai। deh ka bada ahankaar hai। ab baap kehte hain - deh ko bhoolo, aatma-abhimaani bano। ismen hai mehnat। 84 janma lete ho, ab ghar chalna hai। tumko hi easy lagta hai, tumhaare hi 84 janma hain। sooryavanshi devta dharma vaalon ke 84 janma hain, correct kar likhna hota hai। bachche padhte rehte hain, correction hoti rehti hai। us padhaai mein bhi nambarvaar hote hain na। kam padhenge to pagaar (paisa) bhi kam milega। ab tum bachche baba paas aaye ho sachchi-sachchi nar se naaraayan banne ki amraktha sunne। yeh mrityulok ab khatma hona hai। hamko amarlok jaana hai। abhi tum bachchon ko yeh chinta lag jaani chaahiye ki humein tamopradhaan se satopradhaan, patit se paavan banna hai। patit-paavan baap sabhi bachchon ko ek hi yukti bataate hain - sirf kehte hain baap ko yaad karo, chart rakho to tumko bahut khushi hogi। ab tumko gyaan hai, duniya to ghor andhiyaare mein hai। tumko ab roshni milti hai। tum trinetri, trikaaldarshi ban rahe ho। bahut aise bhi manushya hain jo kehte hain gyaan to jahaan-tahaan milta rehta hai, yeh koi nai baat nahin hai। are, yeh gyaan koi ko milta hi nahin। agar vahaan gyaan milta bhi hai phir bhi karte to kuchh nahin ho। nar se naaraayan banne ka koi purushaartha karte hain? kuchh bhi nahin। to baap bachchon ko kehte hain - savere ka time bahut achha hai। bada maza aata hai, shant ho jaate hain, vaayumandal achha rehta hai। sabse kharaab vaayumandal rehta hai - 10 se 12 tak isliye savere ka time bahut achha hai। raat ko jaldi so jaao phir 2-3 baje utho। aaraam se baitho। baba se baaten karo। world ki history-geography yaad karo। shivbaaba kehte hain - mere mein gyaan hai na, rachta aur rachna ka। main tumko teacher bankar padhaata hoon। tum aatma baap ko yaad karte rehte ho। bhaarat ka praacheen yog mashhoor hai। yog kiske saath? yeh bhi likhna hai। aatma ka paramatma ke saath yog arthaat yaad hai। tum bachche abhi jaante ho ham al-raaundar hain, poore 84 janma lete hain। yahaan brahman kul ke hi aayenge। ham brahman hain। abhi ham devta banne vaale hain। sarasvati bhi beti hai na। boodha bhi hoon, bahut khushi hoti hai, abhi ham shareer chhod phir jaakar raaja ke ghar mein janma loonga। main padh raha hoon। phir golden spoon in mouth hoga। tum sabki yeh em object hai। khushi kyon nahin honi chaahiye। manushya bhal kya bhi bolte rahen। tumhaari khushi kyon gum ho jaani chaahiye। baap ko yaad hi nahin karenge to nar se naaraayan kaise banenge। oonch banna chaahiye na। aisa purushaartha karke dikhaao, moonjhate kyon ho? dilhol kyon hote ho ki sabhi thode hi raajaayen banenge! yeh khyaal aaya, fail hua। school mein bairistari, injeeniyri aadi padhte hain। aise kahenge kya ki sab barrister thode hi banenge। nahin padhenge to fail ho jaayenge। 16108 ki saari maala hai। pahle-pahle kaun aayenge? jitna jo purushaartha karenge। ek-do se teekha purushaartha karte to hain na। tum bachchon ki buddhi mein hai - abhi humein yeh puraana shareer chhod ghar jaana hai। yeh bhi yaad rahe to purushaartha teevra ho jaayega। tum bachchon ki buddhi mein rehna chaahiye ki sarva ka mukti-jeevanmukti daata hai hi ek baap। aaj duniya mein itne karodon manushya hain। tum 9 laakh honge। so bhi about kaha jaata hai। satayug mein aur kitne honge। raajaai mein kuchh to aadmi chaahiye na। yeh raajaai sthaapan ho rahi hai। buddhi kehti hai satayug mein bahut chhota jhaad hota hai, beautiful। naam hi hai svarga paradise। tum bachchon ki buddhi mein saara chakra phirta rehta hai। yeh bhi sadaiv phirta rahe to bhi achha।

yeh khaansi aadi hoti hai yeh karmabhog hai, yeh puraani jutti hai। nai to yahaan milni nahin hai। main punarjanma to leta nahin hoon। na koi garbha mein jaata hoon। main to saadhaaran tan mein pravesh karta hoon। vaanaprastha avastha hai, abhi vaani se pare shantidham jaana hai। jaise raat se din, din se raat zaroor honi hai, vaise puraani duniya zaroor vinaash honi hai। yeh sangamayug zaroor poora ho phir satayug aayega। bachchon ko yaad ki yaatra par bahut dhyaan dena hai, jo abhi bahut kam hai, isliye baba baby kehte hain। bebeepna dikhaate hain। kehte hain baba ko yaad nahin kar sakta hoon, to baby kahenge na। tum chhote baby ho, baap ko bhool jaate ho? meethe te meetha baap, teacher, guru aadha kalpa ka beloved most, unko bhool jaate ho! aadhaakalpa duhkh mein tum unko yaad karte aaye ho, he bhagwan! aatma shareer dvaara kehti hai na। ab main aaya hoon, achhi reeti yaad karo। bahuton ko raasta bataao। aage chalkar bahut vriddhi ko paate rahenge। dharma ki vriddhi to hoti hai na। arvinda ghosh ka misaal। aaj unke kitne centres hain। abhi tum jaante ho woh sab hai bhakti maarga। ab tumko gyaan milta hai। purushottam banne ki yeh knowledge hai। tum manushya se devta bante ho। baap aakar sab mootapleeti kapdon ko saaph karte hain। unki hi mahima hai। mukhya hai yaad। knowledge to bahut sahaj hai। murli padhkar sunaao। yaad karte raho। yaad karte-karte aatma pavitra ho jaayegi। petrol bharta jaayega। phir yeh bhaage। yeh shivbaaba ki baraat kaho, bachche kaho। baap kehte hain main aaya hoon, kaam chita se utaar tumko ab yog chita par bithaata hoon। yog se health, gyaan se wealth milti hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) em object ko saamne rakh khushi mein rehna hai। kabhi dilhol (dilshikasta) nahin banna hai - yeh khyaal kabhi na aaye ki sab thode hi raaja banenge। purushaartha kar oonch pad paana hai।

2) most beloved baap ko bade pyaar se yaad karna hai, ismen baby nahin banna hai। yaad ke liye savere ka time achha hai। aaraam se shanti mein baith yaad karo।

vardaan:- yagya seva dvaara sarva praaptiyon ka prasaad praapta karne vaale all-round sevaadhaari bhav

sangamayug par all-round seva ka chance milna - yeh bhi drama mein ek lift hai, jo pyaar se yagya ki all-round seva karte hain unhein sarva praaptiyon ka prasaad svatahpraapta ho jaata hai। ve nirvighna rehte hain। ek baari seva ki aur hajaar baar seva ka phal praapta ho gaya। sada sthool sookshm langar laga rahe। kisi ko bhi santushta karna - yeh sabse badi seva hai। mehmaan nivaaji karna, yeh sabse bada bhaagya hai।

slogan:- svamaan mein sthit raho to anek prakaar ke abhimaan svatahsamaapta ho jaayenge।

avyakt ishaare - roohaani royalty aur purity ki personality dhaaran karo

jaise duniya ki royal aatmaayen kabhi chhoti-chhoti baaton mein, chhoti cheezon mein apni buddhi va samay nahin deti, dekhte bhi nahin dekhti, sunte bhi nahin sunti, aise aap roohaani royal aatmaayen kisi bhi aatma ki chhoti-chhoti baaton mein, jo royal nahin hain unmein apni buddhi va samay nahin de sakte। roohaani royal aatmaon ke mukh se kabhi vyartha va saadhaaran bol bhi nahin nikal sakte।