Murli du jour du dimanche 6 juillet 2025

06-07-25 praatahmurli om shanti ''avyakt-baapdaada'' revise 18-01-06 madhuban

“sankalp, samay aur bol ke bachat ki scheme dvaara saphalta ki ceremony manaao, niraash aatmaon mein aasha ke deep jagaao''

aaj sneh ka din hai। chaaron or ke sabhi bachche sneh ke saagar mein samaaye hue hain। yeh sneh sahajyogi banaane vaala hai। sneh sarva anya aakarshan se pare karne vaala hai। sneh ka vardaan aap sabhi bachchon ko janma ka vardaan hai। sneh mein parivartan karaane ki shakti hai। to aaj ke din do prakaar ke bachche chaaron or dekhe। lovely bachche to sabhi hain lekin ek hain lovely bachche, doosre hain lavleen bachche। lavleen bachche har sankalp, har shvaans mein, har bol, har karma mein svatah hi baap samaan sahaj rehte hain, kyon? bachchon ko baap ne samartha bhav ka vardaan diya hai। aaj ke din ko smriti so samartha divas kehte ho, kyon? baap ne aaj ke din svayan ko backbone banaaya aur lavleen bachchon ko vishwa ki stage par pratyaksha kiya। vyakta mein pratyaksha bachchon ko kiya aur svayan avyakt roop mein saathi bane।

aaj ke is smriti so samartha divas par baapdaada ne bachchon ko baalak so maalik banaae sarva shaktivaan baap ko master sarvashaktivaan ban pratyaksha karne ka kaarya diya aur baap dekhke khush hai ki yathaayog tatha shakti sabhi bachche baap ko pratyaksha karne arthaat vishwa kalyaan kar vishwa parivartan karne ke kaarya mein lage hue hain। baap dvaara sarva shaktiyon ka varsa jo mila hua hai woh sva prati aur vishwa ki aatmaon ke prati kaarya mein laga rahe hain। baapdaada bhi aise master sarvashaktivaan baap samaan umang-utsaah mein rahne vaale all-round sevaadhaari, nihsvaartha sevaadhaari, behad ke sevaadhaari bachchon ko padam-padamguna dil se mubaarak de rahe hain। mubaarak ho, mubaarak ho। desh ke bachche bhi kam nahin aur videsh ke bachche bhi kam nahin hain। baapdaada aise bachchon ki dil hi dil mein mahima bhi karte aur geet bhi gaate vaah! bachche vaah! aap sabhi vaah! vaah! bachche ho na! haath hila rahe hain, bahut achha। baap-daada ko bachchon ke oopar fakhur hai - saare kalpa mein aisa koi baap nahin hai jiska har bachcha svaraajya adhikaari raaja ho। aap sabhi to svaraajya adhikaari raaja ho na! praja to nahin na! kai bachche jab roohrihaan karte hain to kehte hain ham bhavishya mein kya banenge, uska chitra hamko dikhaao। baapdaada kya kehte hain? puraane bachche to kehte hain ki jagat amba maa har ek ko chitra deti thi, to humein bhi chitra do। baapdaada kehte hain har ek bachche ko baap ne vichitra darpan diya hai, us darpan mein apne bhavishya ka chitra dekh sakte ho ki main kaun! jaante ho, woh darpan aapke paas hai? jaante ho kaun sa darpan? pahli line vaale to jaante honge na! jaante hain? woh darpan hai vartamaan samay ki svaraajya sthiti ka darpan। vartamaan samay jitna svaraajya adhikaari hain us anusaar vishwa ke raajya adhikaari banenge। ab apne aapko darpan mein dekho svaraajya adhikaari sada hain? va kabhi adheen, kabhi adhikaari? agar kabhi adheen, kabhi adhikaari bante hain, kabhi aankh dhokha deti, kabhi man dhokha deta, kabhi mukh dhokha deta, kabhi kaan bhi dhokha de deta hai। vyartha baaten sunne ka shauk ho jaata hai। agar koi bhi karmendriy dhokha deti hai, parvash bana deti hai, to isse siddha hai ki baap dvaara jo sarva shaktiyaan vardaan mein mili hain, va varse mein mili hain woh controlling power, ruling power nahin hai। to socho jo sva ke oopar rule nahin kar paate woh vishwa par rule kaise karenge! apne vartamaan sthiti ke svaraajya adhikaari ke darpan mein check karo। darpan to sabhi ko mila hai na? darpan mila hai to haath uthaao। darpan mein koi daag to nahin ho gaya hai? spashta hai darpan?

baapdaada ne har ek bachche ko svaraajya adhikaari ka svamaan diya hai। master sarvashaktivaan ka title sabhi bachchon ko baap dvaara mila hua hai। master shaktivaan nahin, sarvashaktivaan। kai bachche roohrihaan mein yeh bhi kehte - baba aapne to sarvashaktiyaan di lekin yeh shaktiyaan kabhi-kabhi samay par kaam nahin karti। report karte hain - samay par emerge nahin hoti, samay beet jaata hai peechhe emerge hoti hain। kaaran kya hota? jis samay jis shakti ko aahvaan karte ho us samay check karo ki main maalikpan ki seat par set hoon? agar koi seat par set nahin hota to bigar seat vaale ka koi order nahin maanta hai। svaraajya adhikaari hoon, master sarvashaktivaan hoon, baap dvaara varsa aur vardaan ka adhikaari hoon, is seat par set hokar phir order karo। kya karoon, kaise karoon, hota nahin, seat se neeche baith, seat se utarkar order karte ho to maanega kaise! aajkal ke jamaane mein bhi agar koi prime minister hai, seat par hai to sab maanenge aur seat se utar gaya to koi maanega? to check karo seat par set hoon? adhikaari hokar order karta hoon? baap ne har ek bachche ko authority di hai, parmaatma authority hai, koi aatma ki authority nahin mili hai, mahaatma ki authority nahin mili hai, parmaatma authority hai, to authority aur adhikaar is sthiti mein sthit hokar koi bhi shakti ko order karo, woh ji hazoor, ji hazoor karegi। sarvashaktiyon ke aage yeh maaya, prakriti, sanskaar, svabhaav sab daasi ban jaayenge। aap maalik ka intajaar karenge, maalik koi order karo।

aaj samartha divas hai na, to kya-kya samarthiyaan hain bachchon mein woh baapdaada revise kara raha hai। underline kara raha hai। shaktiheen samay par kyon ho jaate? baapdaada ne dekha hai, majority bachchon ki leakage hai, shaktiyaan leakage hone ke kaaran kam ho jaati hain aur leakage vishesh do baaton ki hai - woh do baaten hain - sankalp aur samay vesta jaata hai। kharaab nahin hota lekin vyartha, samay par bura kaarya nahin karte hain lekin jama bhi nahin karte hain। sirf dekhte hain aaj bura kuchh nahin hua lekin achha kya jama kiya? ganvaaya nahin lekin kamaaya? duhkh nahin diya lekin sukh kitnon ko diya? ashaanta kisko nahin kiya, shanti ka vibration kitna phailaaya? shaantidoot banke shanti kitnon ko di - vaayumandal dvaara ya mukh dvaara, vibration dvaara? kyonki jaante ho ki yahi thoda sa samay hai purushottam kalyaankaari, jama karne ka samay hai। ab nahin to kab nahin, yeh har ghadi yaad rahe। ho jaayega, kar lenge… ab nahin to kab nahin। brahma baap ka yahi teevragti ka purushaartha raha tab number one manzil par pahuncha। to jo baap ne samarthiyaan di hain, aaj samartha divas par yaad aai na! bachat ki scheme banaao। sankalp ki bachat, samay ki bachat, vaani ki bachat, jo yathaartha bol nahin hain, aythaartha vyartha bol ki bachat।

baapdaada sabhi bachchon ka sada authority ki seat par set hua svaraajya adhikaari raaja roop dekhne chaahta hai। pasanda hai? yeh roop pasanda hai na! kabhi bhi baapdaada kisi bhi bachche ko T.vi. mein dekhe, to isi roop mein dekhe। baapdaada ki natural T.vi. hai, switch nahin dabaana padta। ek hi samay par chaaron or ka dekh sakte hain। har ek bachche ko, kone-kone vaale ko dekh sakte hain। to ho sakta hai? kal se T.vi. kholen to kya dikhaai denge? pharishte ki dress mein, pharishte ki dress hai chamkeeli light ki dress, yeh shareerbhaan ke mitti ki dress nahin pahanna। chamkeeli dress ho, saphalta ka sitaara ho, aisi moorti har ek ki baapdaada dekhne chaahte hain। pasanda hai na! mitti ki dress pahnenge to mitti ke ho jaayenge na! jaise baap ashareeri hai, brahma baap chamkeeli dress mein hai, pharishta hai। to follow father। sthool mein dekho koi aapke kapde mein mitti lag jaae, daag ho jaae to kya karte ho? badal lete ho na! aise hi check karo ki sada chamkeeli pharishte ki dress hai? jo baap ko fakhur hai ki har ek bachcha raaja bachcha hai, usi swaroop mein raho। raaja banke raho। phir yeh maaya aapki daasi ban jaayegi aur vidaai lene aayegi, aadhaakalpa ke liye vidaai lene aayegi, vaar nahin karegi। baapdaada sada kehte hain - baap ke oopar balihaar jaane vaale kabhi haar nahin kha sakte। agar haar hai to balihaar nahin hain।

abhi aap sabhi ki meeting hone vaali hai na, meeting ki date fix hoti hai na। to is baari sirf service ke plan ki meeting baapdaada nahin dekhne chaahte, service ke plan banaao lekin meeting mein saphalta ki ceremony ka plan banaao। bahut ceremony kar li ab saphalta ki ceremony ki date fix karo। chalo sochte hain ki sabhi kaise honge! baapdaada kehte hain kam se kam 108 ratna to saphaltaamoorta ki ceremony manaayen। example banen। yeh ho sakta hai? bolo, pahli line vaale bolo, ho sakta hai? javaab dene ki himmat nahin rakhte। sochte hain pata nahin karenge, nahin karenge? himmat se sab kuchh ho sakta hai। daadi bataave - 108 saphaltaamoorta ban sakte hain? (haan zaroor ban sakte hain, saphalta ki ceremony ho sakti hai) dekho, daadi mein himmat hai। aap sabki taraph se himmat rakh rahi hai। to sahayogi banna। to yeh jo meeting hogi na, usmein baapdaada report lenge। paandav bataao na, kyon chup hain? chup kyon hain? yeh himmat kyon nahin rakhte? karke dikhaayenge? aise? achha hai, himmat to rakh sakte hain? jo samajhte hain ham to himmat rakh karke dikhaayenge, woh haath uthaao। karenge? koi sanskaar nahin rahega? koi kamjori nahin rahegi? achha, madhuban vaale bhi haath utha rahe hain। vaah! mubaarak ho, mubaarak ho। achha 108 to phir sahaj ho jaayega। itnon ne haath uthaaya to 108 kya badi baat hai। double foreigners kya karenge? haan, daadi jaanki sun rahi hai, usko umang aa raha hai main boloon। foreign ki maala bhi dekhenge, theek hai? haath uthaao, theek hai? achha, aaj yeh (double foreigner) kitne baithe hain? (200) ismen se 108 to taiyaar ho jaayenge! theek hai na! ismen karna pahle main। ismen doosre ko nahin dekhna, pahle main। aur main-main nahin karna, yeh main zaroor karna। aur bhi kaam baapdaada deta hai।

aaj samartha divas hai na to samarthi hai। baapdaada ek vichitra deevaali manaane chaahte hain। aapne to deevaali kai baar manaai hai lekin baapdaada vichitra deevaali manaane chaahta hai, sunaayen? achha। vartamaan samay ko to dekh hi rahe ho, din pratidin chaaron or manushya aatmaon mein niraasha bahut badh rahi hai। to chaahe mansa seva karo, chaahe vaacha karo, chaahe sambandh-samparka ki karo, lekin baap-daada niraash manushyon ke andar aasha ka deep jagaane chaahte hain। chaaron or manushya aatmaon ke man mein aasha ke deepak jag jaayen। yeh aasha ke deepkon ki deevaali baapdaada dekhne chaahte hain। ho sakta hai? vaayumandal mein kam se kam yeh aasha ka deepak jag jaae to ab vishwa parivartan hua ki hua, golden savera aaya ki aaya। yeh niraasha khatma ho jaae - kuchh hona nahin hai, kuchh hona nahin hai। aasha ke deep jag jaaen। kar sakte hain na, yeh to sahaj hai na ya mushkil hai? sahaj hai? jo karega woh haath uthaao। karenge? itne sabhi deepak jagaayenge to deepmaala to ho jaayegi na! vibration itna powerful karo, chalo saamne pahunch nahin sakte hain lekin light house, might house ban door tak vibration phailaao। jab science light house dvaara door tak light de sakti hai to kya aap vibration nahin phaila sakte! sirf dridh sankalp karo - karna hi hai। busy ho jaao। man ko busy rakhenge to svayan ko bhi phaayda aur aatmaon ko bhi phaayda। chalte-phirte yahi vritti mein rakho ki vishwa ka kalyaan karna hi hai। yeh vritti vaayumandal phailaayegi kyonki samay achaanak hone vaala hai। aisa na ho ki aapke bhaai bahinen ulhana deven ki aapne humein bataaya kyon nahin! kai bachche sochte hain ant tak kar lenge lekin ant tak karenge to bhi aapko ulhana denge। yahi ulhana denge hamko kuchh samay pahle bataate, kuchh to bana lete isliye har sankalp mein baapdaada ki yaad se light lete jaao, light house hoke light dete jaao। time vesta nahin karo, baapdaada jab dekhte hain bahut yuddha karte hain, to baapdaada ko achha nahin lagta। master sarvashaktivaan aur yuddha kar raha hai! to raaja bano, saphaltaamoorta bano, niraasha ko khatma kar aasha ke deep jagaao। achha।

sabhi taraph ke bachchon ki sneh ke yaad ki maalaayen to bahut pahunch gai hain। baapdaada yaad bhejne vaalon ko sammukh dekhte hue yaad ka respond dil ki duaayen, dil ka pyaar de rahe hain। achha।

jo pahli baar aaye hain woh utho। achha hai, har tarna mein dekha hai majority naye hote hain। to service badhaai hai na, itnon ko sandesh diya hai। jaise aap logon ko sandesh mila aise aap bhi aur dugna, dugna sandesh do। yogya banaao। achha hai। har subject mein aur umang-utsaah se aage badho। achha hai।

achha - abhi lakshya rakho, chalte-phirte chaahe mansa, chaahe vaacha, chaahe karmana seva ke bina bhi nahin rehna hai aur yaad ke bina bhi nahin rehna hai। yaad aur seva sada hi saath hai hi। itna apne ko busy rakho, yaad mein bhi seva mein bhi। khaali rehte hain to maaya ko aane ka chance milta hai। itna busy raho jo door se hi maaya aane ki himmat nahin rakhe। phir jo baap samaan banne ka lakshya rakha hai, woh sahaj ho jaayega। mehnat nahin karni padegi, snehi swaroop rahenge। achha।

baapdaada ke naynon mein samaaye hue noore ratna bachche, baap ki sarva property ke adhikaari shreshtha aatmaayen bachche, sada umang-utsaah ke pankhon se udne vaale aur udaane vaale mahaaveer mahaaveerniyaan bachche, ek baap hi sansaar hai is lagan se magan rahne vaale lavleen bachchon ko, lavleen banna arthaat baap samaan sahaj banna। to lovely aur lavleen donon bachchon ko bahut-bahut padam-padamguna yaadapyaar aur namaste।

vardaan:- apne har karma va visheshta dvaara daata ki taraph ishaara karne vaale sachche sevaadhaari bhav

sachche sevaadhaari kisi bhi aatma ko sahayog dekar svayan mein atkaayenge nahin। ve sabka connection baap se karaayenge। unka har bol baap ki smriti dilaane vaala hoga। unke har karma se baap dikhaai dega। unhein yeh sankalp bhi nahin aayega ki meri visheshta ke kaaran yeh mere sahayogi hain। yadi aapko dekha, baap ko nahin to yeh seva nahin ki, baap ko bhulaaya। sachche sevaadhaari satya ki taraph sabka sambandh jodenge, svayan se nahin।

slogan:- kisi bhi prakaar ki arji daalne ke bajaae sada raazi raho।

avyakt ishaare - sankalpon ki shakti jama kar shreshtha seva ke nimitta bano

shreshtha bhaagya ki lakeer kheenchane ka aadhaar hai - “shreshtha sankalp aur shreshtha karma।'' chaahe trustee aatma ho, chaahe sevaadhaari aatma ho, donon isi aadhaar dvaara number le sakte hain। donon ko bhaagya banaane ka poora chance hai, jo jitna bhaagya banaana chaahe bana sakte hain।