Murli du jour du samedi 5 juillet 2025

05-07-2025 praatahmurli om shanti "baapdaada"' madhuban

“meethe bachche - baap tumhein padha rahe hain khoobsoorat devi-devta banaane, khoobsoorti ka aadhaar hai pavitrata''

prashn:- roohaani shama par jo parvaane phida hone vaale hain, unki nishaani kya hogi?

uttar:- phida hone vaale parvaane:- 1. shama jo hai jaisi hai use yathaartha roop se jaante aur yaad karte hain, 2. phida hona maana baap samaan banna, 3. phida hona maana baap se bhi oonch raajaai ka adhikaari ban jaana।

geet:- mahphil mein jal uthi shama…

om shanti। meethe-meethe roohaani bachchon ne yeh geet ki line suni। yeh kaun samjhaate hain? roohaani baap। woh shama bhi hai। naam dher ke dher rakhe hain। baap ki stuti bhi bahut karte hain। yeh bhi parampita paramatma ki stuti hai na। baap shama bankar aaye hain parvaanon ke liye। parvaane jab shama ko dekhte hain to un par phida ho shareer chhod dete hain। anek parvaane hote hain jo shama par praan dete hain। usmein bhi khaas jab deepmaala hoti hai, battiyaan bahut jalti hain to chhote-chhote jeev dher raat ko mar jaate hain। ab tum bachche jaante ho hamaara baba hai supreme rooh। unko husain bhi kaha jaata hai, bahut khoobsoorat hai kyonki woh ever pure hai। aatma pure ban jaati hai to unko shareer bhi pure, natural sundar milta hai। shantidham mein aatmaayen pavitra rehti hain phir jab yahaan aati hain part bajaane to satopradhaan se sato, rajo, tamo mein aati hain। phir sundar se shyaam arthaat kaali impure ban jaati hain। aatma jab pavitra hai to golden aged kahi jaati hai। unko phir shareer bhi golden aged milta hai। duniya bhi puraani aur nai hoti hai। vahi haseen parampita paramatma, jisko bhaktimaarga mein bulaate rehte hain - he shivbaaba, woh niraakaar parampita paramatma aaya hua hai। aatmaon ko impure se pure haseen banaane। aise nahin, aajkal jo bahut khoobsoorat hain, unki aatma pavitra hai। nahin। bhal shareer khoobsoorat hai phir bhi aatma to patit hai na। vilaayat mein kitne khoobsoorat bante hain। jaante ho yeh lakshmi-naaraayan hain satayugi khoobsoorat aur yahaan hain hell ke khoobsoorat। manushya in baaton ko nahin jaante। bachchon ko hi samjhaaya jaata hai yeh hai narka ki khoobsoorti। ham abhi svarga ke liye natural sundar ban rahe hain। 21 janma ke liye aise sundar banenge। yahaan ki khoobsoorti to ek janma ke liye hai। yahaan baba aaya hua hai, saari duniya ke manushya maatra to kya duniya ko bhi khoobsoorat banaate hain। satayug nai duniya mein the hi khoobsoorat devi-devtaayen। woh banne ke liye abhi tum padhte ho। baap ko shama bhi kehte hain parantu hai param aatma। jaise tumko aatma kehte hain vaise unko param aatma kehte hain। tum bachche baap ki mahima gaate ho, baap phir bachchon ki mahima karte hain, tumko aisa banaata hoon, jo mere se bhi tumhaara martaba oonch hai। main jo hoon, jaisa hoon, jaise main part bajaata hoon yeh aur koi nahin jaante। abhi tum bachche jaante ho kaise ham aatmaayen part bajaane ke liye paramdham se aati hain। ham shoodra kul mein thi phir ab brahman kul mein aai hain। yeh bhi tumhaara varna hai aur koi dharma vaalon ke liye yeh varna nahin hain। unhon ke varna nahin hote। unka to ek hi varna hai, Christian hi chale aate hain। haan, unmein bhi sato-rajo-tamo mein aate hain। baaki yeh varna tumhaare liye hain। srishti bhi sato-rajo-tamo mein aati hai। yeh srishti chakra behad ka baap baith samjhaate hain। jo baap gyaan ka saagar, pavitrata ka saagar hai, khud kehte hai main punarjanma nahin leta hoon। bhal shiv jayanti bhi manaate hain parantu manushyon ko yeh pata nahin hai ki kab aate hain। unki jeevan kahaani ko bhi nahin jaante। baap kehte hain main jo hoon, jaisa hoon, mere mein kya part hai, srishti chakra kaise phirta hai - yeh tum bachchon ko main kalpa-kalpa samjhaata hoon। tum jaante ho, ham seedhi utarte-utarte tamopradhaan bane hain। 84 janma bhi tum lete ho। pichhaadi mein jo aate hain unko bhi sato-rajo-tamo mein aana hi hai। tum tamopradhaan bante ho to saari duniya tamopradhaan ban jaati hai। phir tumko tamopradhaan se satopradhaan zaroor banna hai। yeh srishti chakra phirta rehta hai। abhi hai kaliyug uske baad phir satayug aayega। kaliyug ki aayu poori hui। baap kehte hain mainne saadhaaran tan mein hoobhu kalpa pahle muaaphik pravesh kiya hai phir se tum bachchon ko raajayog sikhaane। yog to aajkal bahut hain। bairistari yog, injeeniyri yog....। bairistari padhne ke liye barrister ke saath buddhi ka yog lagaana hota hai। ham barrister ban rahe hain to padhaane vaale ko yaad karte hain। unko to apna baap alag hai, guru bhi hoga to unko bhi yaad karenge। to bhi barrister ke saath buddhi ka yog rehta hai। aatma hi padhti hai। aatma hi shareer dvaara judge barrister aadi banti hai।

abhi tum bachche aatma-abhimaani banne ke sanskaar apne mein daalte ho। aadhaakalpa deh-abhimaani rahe। ab baap kehte hain dehi-abhimaani bano। aatma mein hi padhaai ke sanskaar hain। manushya aatma hi judge banti hai, abhi ham vishwa ka maalik devta ban rahe hain, padhaane vaala hai shivbaaba, param aatma। vahi gyaan ka saagar, shanti, sampatti ka saagar hai। yeh bhi dikhaate hain saagar se ratnon ki thaaliyaan nikalti hain। yeh hai bhakti maarga ki baaten। baap ko refer karna padta hai। baap samjhaate hain yeh hain avinaashi gyaan ratna। in gyaan ratnon se tum bahut saahookaar bante ho aur phir heere javaahar bhi tumko bahut milte hain। yeh ek-ek ratna laakhon roopaye ka hai jo tumko itna saahookaar banaate hain। tum jaante ho bhaarat hi viceless world tha। usmein pavitra devtaayen rehte the। abhi saanvare apvitra ban gaye hain। aatmaon aur paramatma ka mela hota hai। aatma shareer mein hai tab hi sun sakti hai। paramatma bhi shareer mein aata hai। aatmaon aur paramatma ka ghar shantidham hai। vahaan churpur kuchh bhi nahin hoti hai। yahaan paramatma baap aakar bachchon se milte hain। shareer sahit milte hain। vahaan to ghar hai, vahaan vishraam paate hain। abhi tum bachche purushottam sangam yug par ho। baaki duniya kaliyug mein hai। baap baith samjhaate hain bhakti maarga mein kharcha bahut karte hain, chitra bhi bahut banaate hain। bade-bade mandir banaate hain। nahin to shreekrishna ka chitra ghar mein bhi to rakh sakte hain। bahut saste chitra hote hain phir itna door-door mandiron mein kyon jaate। yeh hai bhaktimaarga। satayug mein yeh mandir aadi hote nahin। vahaan hain hi poojya। kaliyug mein hain pujaari। tum abhi sangamayug par poojya devta ban rahe ho। abhi tum brahman bane ho। is samay tumhaara yeh antim purushaarthi shareer most valuable hai। inmen tum bahut kamaai karte ho। behad ke baap ke saath tum khaate peete ho। pukaarte bhi unko hain। aise nahin kehte - shreekrishna se khaaoon। baap ko yaad karte hain - tum maat-pita. . . baalak to baap ke saath khelte rehte hain। shreekrishna ke ham sab baalak hain, aise nahin kahenge। sabhi aatmaayen parampita paramatma ke bachche hain। aatma shareer dvaara kehti hai - aap aayenge to ham aapke saath khelenge, khaayenge sab kuchh karenge। tum kehte hi ho baapdaada। to jaise ghar ho gaya। baapdaada aur bachche। yeh brahma hai behad ka rachayita। baap inmen pravesh kar inko adopt karte hain। inko kehte hain tum mere ho। yeh hai mukh vanshaavli। jaise stri ko bhi adopt karte hain na। woh bhi mukhvanshaavli thahri। kahenge tum meri ho। phir unse kukh vanshaavli bachche paida hote hain। yeh rasam kahaan se chali? baap kehte hain mainne inko adopt kiya hai na। in dvaara tumko adopt karta hoon। tum mere bachche ho। parantu yeh hai mel। tum sabhi ko sambhaalne ke liye phir sarasvati ko bhi adopt kiya। unko maata ka title mila। sarasvati nadi। yeh nadi maata hui na। baap saagar hai। yeh bhi saagar se nikli hui hai। brahmaputra nadi aur saagar ka bahut bada mela lagta hai। aisa mela aur kahaan lagta nahin। woh hai nadiyon ka mela। yeh hai aatmaon aur paramatma ka mela। woh bhi jab shareer mein aate hain tab mela lagta hai। baap kehte hain main husain hoon। main inmen kalpa-kalpa pravesh karta hoon। yeh drama mein noondh hai। tumhaari buddhi mein saare srishti ka chakra hai, inki aayu 5 hazaar varsha hai। is behad ki film se phir had ki film banaate hain। jo past ho gaya so present hota hai। present phir future banta hai, jisko phir past kaha jaayega। past hone mein kitna samay lag gaya। nai duniya mein aaye kitna samay past hua? 5 hazaar varsha। tum abhi har ek svadarshan chakradhaari ho। tum samjhaate ho ham pahle brahman the phir devta banen। tum bachchon ko abhi baap dvaara shantidham sukhdhaam ka varsa milta hai। baap aakar ke teen dharma ikattha sthaapan karte hain। baaki sabka vinaash kara dete hain। vaapis le jaane vaala tumko satguru baap mila hai। bulaate bhi hain hamko sadgati mein le jaao। shareer ko khalaas karaao। aisi yukti bataao jo ham shareer chhod shantidham chale jaayen। guru ke paas bhi manushya iseelie jaate hain। parantu woh guru to shareer se chhudaakar saath mein le nahin ja sakte। patit paavan hai hi ek baap। to woh jab aate hain to paavan zaroor banna pade। baap ko hi kaha jaata hai kaalon ka kaal, mahaakaal। sabhi ko shareer se chhudaakar saath le jaate hain। yeh hai supreme guide। sabhi aatmaon ko vaapis le jaate hain। yeh chhi-chhi shareer hai, inke bandhan se chhootna chaahte hain। kahaan shareer chhoote to bandhan chhoote। abhi tumko in sab aasuri bandhanon se chhudaakar sukh ke daivi sambandh mein le jaate hain। tum jaante ho ham sukhdhaam mein aayenge via shantidham। phir duhkhadhaam mein kaise aate ho yeh bhi tum jaante ho। baba aate hi hain shyaam se sundar banaane। baap kehte hain main tumhaara obedient sachcha father bhi hoon। father hamesha obedient hota hai। seva bahut karte hain। kharcha kar padhaakar phir sab dhan daulat bachchon ko dekar khud jaae saadhuon ka sang karte hain। apne se bhi bachchon ko oonch banaate hain। yeh baap bhi kehte hain main tumko double maalik banaata hoon। tum vishwa ka bhi maalik ho to brahmaanda ka bhi maalik bante ho। tumhaari pooja bhi double hoti hai। aatmaon ki bhi pooja hoti hai। devta varna mein bhi pooja hoti hai। meri to single sirf shivling ke roop ki pooja hoti hai। main raaja to banta nahin hoon। tumhaari kitni seva karta hoon। aise baap ko phir tum bhoolte kyon ho! he aatma apne ko aatma samajh mujhe yaad karo to tumhaare vikarma vinaash honge। tum kiske paas aaye ho? pahle baap phir daada। abhi father phir great-great grand father aadi dev Adam kyonki bahut biraadriyaan banti hain na। shivbaaba ko koi great-great grand father kahenge kya? har baat mein tumko bahut oonch banaate hain। aisa baba milta hai phir unko tum bhoolte kyon ho? bhoolenge to paavan kaise banenge! baap paavan banne ki yukti batlaate hain। is yaad se hi khaad niklegi। baap kehte hain - meethe-meethe laadle bachche, deh-abhimaan chhod aatma-abhimaani banna hai, pavitra bhi banna hai। kaam mahaashatru hai। yeh ek janma mere khaatir pavitra bano। laukik baap bhi kehte hain na - koi ganda kaam nahin karo। mere daadhi ki laaz rakho। paarlaukik baap bhi kehte hain main paavan banaane aaya hoon, ab kaala munh mat karo। nahin to ijzat ganvaayenge। sabhi braahmanon ki aur baap ki bhi ijzat ganva denge। likhte hain baba ham gir gaya। kaala munh kar diya। baba kehte hain main tumko haseen (sundar) banaane aaya hoon, tum phir kaala munh karte ho। tumhein to sada haseen banne ka purushaartha karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh antim purushaarthi shareer bahut valuable hai, ismen bahut kamaai karni hai। behad ke baap ke saath khaate, peete....... sarva sambandhon ki anubhooti karni hai।

2) koi bhi aisa karma nahin karna hai jisse brahman parivaar ki va baap ki ijzat jaaye। aatma abhimaani ban poora pavitra banna hai। yaad se puraani khaad nikaalni hai।

vardaan:- sunne ke saath-saath swaroop ban man ke manoranjan dvaara sada shaktishaali aatma bhav

roz man mein sva ke prati ya auron ke prati umang-utsaah ka sankalp laao। svayan bhi usi sankalp ka swaroop bano aur doosron ki seva mein bhi lagaao to apni jeevan bhi sada ke liye utsaah vaali ho jaayegi aur doosron ko bhi utsaah dilaane vaale ban sakenge। jaise manoranjan programme hota hai aise roz man ke manoranjan ka programme banaao, jo sunte ho uska swaroop bano to shaktishaali ban jaayenge।

slogan:- doosron ko badalne ke pahle svayan ko badal lo, yahi samajhdaari hai।

avyakt ishaare - sankalpon ki shakti jama kar shreshtha seva ke nimitta bano

sabse teevragti ki seva ka saadhan hai - shubh aur shreshtha sankalpon ki shakti। jaise brahma baap shreshtha sankalp ki vidhi dvaara seva ki vriddhi mein sada sahayogi hain। vidhi teevra hai to vriddhi bhi teevra hai। aise aap bachche bhi shreshtha shubh sankalpon mein sampanna bano।