Murli du jour du mercredi 30 juillet 2025

30-07-2025 praatahmurli om shanti "baapdaada"' madhuban

“meethe bachche - maaya dushman tumhaare saamne hai isliye apni bahut-bahut sambhaal karni hai, agar chalte-chalte maaya mein phans gaye to apni takdeer ko lakeer laga denge''

prashn:- tum raajayogi bachchon ka mukhya kartavya kya hai?

uttar:- padhna aur padhaana, yahi tumhaara mukhya kartavya hai। tum ho eeshvareey mat par। tumhein koi jangal mein nahin jaana hai। ghar grihastha mein rehte shanti mein baith baap ko yaad karna hai। alpha aur be, inheen do shabdon mein tumhaari saari padhaai aa jaati hai।

om shanti। baap bhi brahma dvaara kah sakte hain ki bachchon good morning। parantu phir bachchon ko bhi respond dena pade। yahaan hai hi baap aur bachchon ka connection। naye jo hain jab tak pakke ho jaaen, kuchh na kuchh poochhte rahenge। yeh to padhaai hai, bhagvaanuvaach bhi likha hai। bhagwan hai niraakaar। yeh baba achhi reeti pakka karaate hain, kisko bhi samjhaane ke liye kyonki us taraph hai maaya ka jor। yahaan to woh baat nahin hai। baap to samajhte hain jinhonne kalpa pahle varsa liya hai woh aapehi aa jaayenge। aise nahin ki phalaana chala na jaae, inko pakden। chala jaae to chala jaae। yahaan to jeete ji marne ki baat hai। baap adopt karte hain। adopt kiya hi jaata hai kuchh varsa dene ke liye। bachche maa-baap ke paas aate hi hain varse ki laalach par। saahookaar ka bachcha kabhi gareeb ke paas adopt hoga kya! itna dhan daulat aadi sab chhod kaise jaayenge। adopt karte hain saahookaar। abhi tum jaante ho baba hamko svarga ki baadshaahi dete hain। kyon na unka banenge। har ek baat mein laalach to rehti hai। jitna bahut padhenge utni badi laalach hogi। tum bhi jaante ho baap ne hamko adopt kiya hai behad ka varsa dene। baap bhi kehte hain tum sabko ham phir se 5 hazaar varsha pahle muaaphik adopt karte hain। tum bhi kehte ho baba ham aapke hain। 5 hazaar varsha pahle bhi aapke bane the। tum practical mein kitne brahmaakumaar-kumaariyaan ho। prajaapita bhi to naameegraami hai। jab tak shoodra se brahman na banen to devta ban na saken। tum bachchon ki buddhi mein ab yeh chakra phirta rehta hai - ham shoodra the, abhi brahman bane hain phir devta banna hai। satayug mein ham raajya karenge। to is puraani duniya ka vinaash zaroor hona hai। poora nishchay nahin baithta hai to phir chale jaate hain। kai kachche hain jo gir jaate hain, yeh bhi drama mein noondh hai। maaya dushman saamne khadi hai, to woh apni taraph kheench leti hai। baap ghadi-ghadi pakka karaate hain, maaya mein phans nahin padna, nahin to apni takdeer ko lakeer laga denge। baap hi poochh sakte hain ki aage kab mile ho? aur koi ko poochhne ka akla aayega hi nahin। baap kehte hain mujhe bhi phir se geeta sunaane aana pade। aakar raavan ki jel se chhudaana pade। behad ka baap behad ki baat samjhaate hain। abhi raavan ka raajya hai, patit raajya hai jo aadhaakalpa se shuru hua hai। raavan ko 10 sheesh dikhaate hain, vishnu ko 4 bhuja dikhaate hain। aise koi manushya hota nahin। yeh to pravritti maarga dikhaaya jaata hai। yeh hai em object, vishnu dvaara paalna। vishnupuri ko krishnapuri bhi kehte hain। shreekrishna ko to 2 baahen hi dikhaayenge na। manushya to kuchh bhi samajhte nahin hain। baap har ek baat samjhaate hain। woh sab hai bhakti maarga। abhi tumko gyaan hai, tumhaari em object hi hai nar se naaraayan banne ki। yeh geeta paathshaala hai hi jeevanmukti praapta karne ke liye। brahman to zaroor chaahiye। yeh hai roodra gyaan yagya। shiv ko roodra bhi kehte hain। ab baap poochhte hain gyaan yagya krishna ka hai ya shiv ka hai? shiv ko paramatma hi kehte hain, shankar ko devta kehte hain। unhonne phir shiv aur shankar ko ikattha kar diya hai। ab baap kehte hain hamne inmen pravesh kiya hai। tum bachche kehte ho baapdaada। woh kehte hain shivshankar। gyaan saagar to hai hi ek।

abhi tum jaante ho brahma so vishnu bante hain gyaan se। chitra bhi barobar banaate hain। vishnu ki naabhi se brahma nikla। iska arth bhi koi samajh nahin sakte। brahma ko shaastra haath mein diye hain। abhi shaastron ka saar baap baith sunaate hain ya brahma? yeh bhi master gyaan saagar bante hain। baaki chitra itne dher banaaye hain, woh koi yathaartha hain nahin। woh hain sab bhakti maarga ke। manushya koi 8-10 bhuja vaale hote nahin। yeh to sirf pravritti maarga dikhaaya hai। raavan ka bhi arth bataaya hai - aadhaakalpa hai raavan raajya, raat। aadhaakalpa hai raamraajya, din। baap har ek baat samjhaate hain। tum sab ek baap ke bachche ho। baap brahma dvaara vishnupuri ki sthaapna karte hain aur tumko raajayog sikhaate hain। zaroor sangam par hi raajayog sikhaayenge। dvaapar mein geeta sunaai, yeh to wrong ho jaata hai। baap sach batlaate hain। bahuton ko brahma ka, shreekrishna ka saakshaatkaar hota hai। brahma ka saphed posh hi dekhte hain। shivbaaba to hai bindi। bindi ka saakshaatkaar ho to kuchh samajh na saken। tum kehte ho ham aatma hain, ab aatma ko kisne dekha hai, koi ne nahin। woh to bindi hai। samajh sakte hain na। jo jis bhaavna se jiski pooja karte hain, unko vahi saakshaatkaar hoga। doosra agar roop dekhen to moonjh paden। hanoomaan ki pooja karega to unko vahi dikhaai padega। ganesh ke pujaari ko vahi dikhaai padega। baap kehte hain hamne tumko itna dhanvaan banaaya, heere javaahron ke mahal the, tumko anginat dhan tha, tumne abhi woh sab kahaan ganvaaya? abhi tum kangaal ban gaye ho, bheekh maang rahe ho। baap to kah sakte hain na। abhi tum bachche samajhte ho baap aaye hain, ham phir se vishwa ke maalik bante hain। yeh drama anaadi bana hua hai। harek drama mein apna part baja rahe hain। koi ek shareer chhod jaakar doosra lete hain, ismen rone ki kya baat hai। satayug mein kabhi rote nahin। abhi tum mohjeet ban rahe ho। mohjeet raajaayen yeh lakshmi-naaraayan aadi hain। vahaan moh hota nahin। baap anek prakaar ki baaten samjhaate rehte hain। baap hai niraakaar। manushya to use naam-roop se nyaara kah dete hain। lekin naam-roop se nyaari koi cheez thode hi hoti hai। he bhagwan, O god father kehte hain na। to naam-roop hai na। ling ko shiv paramatma, shivbaaba bhi kehte hain। baba to hai na barobar। baba ke zaroor bachche bhi honge। niraakaar ko niraakaar aatma hi baba kehti hai। mandir mein jaayenge to unko kahenge shivbaaba phir ghar mein aakar baap ko bhi kehte hain baba। arth to samajhte nahin, ham unko shivbaaba kyon kehte hain! baap bade te badi padhaai do akshar mein padhaate hain - alpha aur be। alpha ko yaad karo to be-baadshaahi tumhaari hai। yeh bada bhaari imtahaan hai। manushya bada imtahaan paas karte hain to pahle vaali padhaai koi yaad thode hi rehti hai। padhte-padhte aakhreen tanta (saar) buddhi mein aa jaata hai। yeh bhi aise hai। tum padhte aaye ho। ant mein phir baap kehte hain manmanaabhav, to deh ka abhimaan toot jaayega। yeh manmanaabhav ki aadat padi hogi to pichhaadi mein bhi baap aur varsa yaad rahega। mukhya hai hi yeh, kitna sahaj hai। us padhaai mein bhi abhi to pata nahin kya-kya padhte hain। jaise raaja vaisa woh apni rasam chalaate hain। aage man, ser, paav ka hisaab chalta tha। abhi to kilo aadi kya-kya nikal pada hai। kitne alag-alag praanta ho gaye hain। dehli mein jo cheez ek roopaya ser, baambe mein milegi do roopaya ser, kyonki praanta alag-alag hain। harek samajhte hain ham apne praanta ko bhookh thode hi maarenge। kitne jhagde aadi hote hain, kitna rola hai।

bhaarat kitna solvent tha phir 84 ka chakra lagaate insolvent ban pade hain। kaha jaata hai heere jaisa janma amolak kaudi badle khoya re…baap kehte hain tum kaudiyon ke pichhaadi kyon marte ho। ab to baap se varsa lo, paavan bano। bulaate bhi ho - he patit-paavan aao, paavan banaao। to isse siddha hai paavan the, ab nahin hain। abhi hai hi kaliyug। baap kehte hain main paavan duniya banaaoonga to patit duniya ka zaroor vinaash hoga isliye hi yeh mahaabhaarat ladaai hai jo is roodra gyaan yagya se prajvalit hui hai। drama mein to yeh vinaash hone ki bhi noondh hai। pahle-pahle to baba ko saakshaatkaar hua। dekha itni badi raajaai milti hai to bahut khushi hone lagi, phir vinaash ka saakshaatkaar bhi karaaya। manmanaabhav, madhyaajeebhav। yeh geeta ke akshar hain। koi-koi akshar geeta ke theek hain। baap bhi kehte hain tumko yeh gyaan sunaata hoon, yeh phir praayah lop ho jaata hai। koi ko bhi pata nahin hai ki lakshmi-naaraayan ka raajya tha to aur koi dharma nahin tha। us samay jansankhya kitni thodi hogi, ab kitni hai। to yeh change honi chaahiye। zaroor vinaash bhi chaahiye। mahaabhaarat ladaai bhi hai। zaroor bhagwan bhi hoga। shiv jayanti manaate hain to shiv-baba ne kya aakar kiya? woh bhi nahin jaante hain। ab baap samjhaate hain, geeta se shreekrishna ki aatma ko raajaai mili। maat-pita kahenge geeta ko, jisse tum phir devta bante ho। geeta ke gyaan se raajayog seekh shreekrishna yeh bana। unhonne phir shivbaaba ke badle shreekrishna ka naam daal diya hai। to baap samjhaate hain, yeh to apne andar pakka nishchay kar lo, koi ulti-sulti baat sunaakar tumhein gira na de। bahut baaten poochhte hain - vikaar bigar srishti kaise chalegi? yeh kaise hoga? are, tum khud kehte ho - woh viceless duniya thi। sampoorn nirvikaari kehte ho na phir vikaar ki baat kaise ho sakti hai? ab tum jaante ho behad ke baap se behad ki baadshaahi milti hai, to aise baap ko kyon nahin yaad karenge? yeh hai hi patit duniya। kumbha ke mele par kitne laakhon jaate hain। ab kehte hain vahaan ek nadi gupta hai। ab nadi gupta ho sakti hai kya? yahaan bhi gaoomukh banaaya hai। kehte hain ganga yahaan aati hai। are, ganga apna raasta lekar samudra mein jaayegi ki yahaan tumhaare paas pahaad par aayegi। bhakti maarga mein kitne dhakke hain। gyaan, bhakti phir hai vairaagya। ek hai had ka vairaagya, doosra hai behad ka। sanyaasi gharbaar chhod jangal mein rehte hain, yahaan to woh baat nahin। tum buddhi se saari puraani duniya ka sanyaas karte ho। tum raajayogi bachchon ka mukhya kartavya hai padhna aur padhaana। ab raajayog koi jangal mein thode hi sikhaaya jaata hai। yeh school hai। branches nikalti jaati hain। tum bachche raajayog seekh rahe ho। shivbaaba se padhe hue brahman-braahmaniyaan sikhaate hain। ek shivbaaba thode hi sabko baith sikhaayega। to yeh hui paandav government। tum ho eeshvareey mat par। yahaan tum kitna shanti mein baithe ho, baahar to anek hangaamen hain। baap kehte hain 5 vikaaron ka daan do to grahan chhoot jaayega। mere bano to main tumhaari sab kaamnaayen poori kar doonga। tum bachche jaante ho abhi ham sukhdhaam mein jaate hain, duhkhadhaam ko aag lagni hai। bachchon ne vinaash ka saakshaatkaar bhi kiya hai। ab time bahut thoda hai isliye yaad ki yaatra mein lag jaayenge to vikarma vinaash honge aur oonch pad paayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke varse ka poora adhikaar lene ke liye jeete ji marna hai। adopt ho jaana hai। kabhi bhi apni oonchi takdeer ko lakeer nahin lagaani hai।

2) koi bhi ulti-sulti baat sunkar sanshay mein nahin aana hai। zara bhi nishchay na hile। is duhkhadhaam ko aag lagne vaali hai isliye isse apna buddhiyog nikaal lena hai।

vardaan:- visheshta roopi sanjeevni booti dvaara moorchhit ko surjeet karne vaale vishesh aatma bhav

har aatma ko shreshtha smriti ki, visheshtaaon ki smriti roopi sanjeevni booti khilaao to woh moorchhit se surjeet ho jaayegi। visheshtaaon ke swaroop ka darpan uske saamne rakho। doosron ko smriti dilaane se aap vishesh aatma ban hi jaayenge। agar aap kisi ko kamjori sunaayenge to woh chhipaayenge, taal denge aap visheshta sunaao to svayan hi apni kamjori spashta anubhav karenge। isi sanjeevni booti se moorchhit ko surjeet kar udte chalo aur udaate chalo।

slogan:- naam-maan-shaan va saadhnon ka sankalp mein bhi tyaag hi mahaan tyaag hai।

avyakt ishaare - sankalpon ki shakti jama kar shreshtha seva ke nimitta bano

nimitta bane hue bachchon ko vishesh apne har sankalp ke oopar attention dena chaahiye, jab aap nirvikalp, niravyartha sankalp rahenge tab buddhi theek nirnay karegi, nirnay theek hai to nivaaran bhi sahaj kar lenge। nivaaran karne ke bajaae agar aap hi kaaran, kaaran kahenge to aapke peechhe vaale bhi har baat mein kaaran bataate rahenge।