Murli du jour du mardi 14 octobre 2025

14-10-2025 praatahmurli om shanti "baapdaada"' madhuban

“meethebachche - yeh purushottam sangamayug kalyaankaari yug hai, ismen hi parivartan hota hai, tum kanishta se uttam purush bante ho''

prashn:- is gyaan maarga mein kaun si baat sochne va bolne se kabhi bhi unnati nahin ho sakti?

uttar:- drama mein hoga to purushaartha kar lenge। drama karaayega to kar lenge। yeh sochne va bolne vaalon ki unnati kabhi nahin ho sakti। yeh kehna hi wrong hai। tum jaante ho abhi jo ham purushaartha kar rahe hain, yeh bhi drama mein noondh hai। purushaartha karna hi hai।

geet:- yeh kahaani hai deeve aur toofaan ki…

om shanti। yeh hai kaliyugi manushyon ke geet। parantu inka arth woh nahin jaante। yeh tum jaante ho। tum ho abhi purushottam sangam-yugi। sangamayug ke saath purushottam bhi likhna chaahiye। bachchon ko gyaan ki points yaad na hone ke kaaran phir aise-aise akshar likhne bhool jaate hain। yeh mukhya hai, inka arth bhi tum hi samajh sakte ho। purushottam maas bhi hota hai। yeh phir hai purushottam sangamayug। yeh sangam ka bhi ek tyohaar hai। yeh tyohaar sabse oonch hai। tum jaante ho abhi ham purushottam ban rahe hain। uttam te uttam purush। oonch te oonch saahookaar se saahookaar number one kahenge lakshmi-naaraayan ko। shaastron mein dikhaate hain - badi pralay hui। phir number one shreekrishna peepal ke patte par saagar mein aaya। abhi tum kya kahenge? number one hai yeh shreekrishna, jisko hi shyaam-sundar kehte hain। dikhaate hain - agoontha choosta hua aaya। bachcha to garbha mein hi rehta hai। to pahle-pahle gyaan saagar se nikla hua uttam te uttam purush shreekrishna hai। gyaan saagar se svarga ki sthaapna hoti hai। unmein number one purushottam yeh shreekrishna hai aur yeh hai gyaan ka saagar, paani ka nahin। pralay bhi hoti nahin। kai bachche naye-naye aate hain to baap ko phir puraani point repeat karni padti hain। satayug-treta-dvaapar-kaliyug...... yeh 4 yug to hain। paanchava phir hai purushottam sangamayug। is yug mein manushya change hote hain। kanishta se sarvottam bante hain। jaise shivbaaba ko bhi purushottam va sarvottam kehte hain na। woh hai hi param aatma, paramatma। phir purushon mein uttam hain yeh lakshmi-naaraayan। inhon ko aisa kisne banaaya? yeh tum bachche hi jaante ho। bachchon ko bhi samajh mein aaya hai। is samay ham purushaartha karte hain aisa banne ke liye। purushaartha koi bada nahin hai। most simple hai। seekhne vaali bhi hain ablaayen kubjaayen, jo kuchh bhi padhi-likhi nahin hain। unhon ke liye kitna sahaj samjhaaya jaata hai। dekho ahamdaabaad mein ek saadhu tha kehta tha ham kuchh khaate-peete nahin hain। achha koi saari aayu khaata-peeta nahin phir kya? praapti to kuchh nahin hai na। jhaad ko bhi khaana to milta hai na। khaad paani aadi natural unko milta hai, jisse jhaad vriddhi ko paata hai। usne bhi koi riddhi-siddhi paai hogi। aise bahut hain jo aag se, paani se chale jaate hain। inse bhala phaayda kya। tumhaara to is sahaj raajayog se janma-janmaantar ka phaayda hai। tumko janma-janmaantar ke liye duhkhi se sukhi banaate hain। baap kehte hain - bachche, drama anusaar ham tumko guhya baaten sunaata hoon।

jaise baba ne samjhaaya hai shiv aur shankar ko milaaya kyon hai? shankar ka to is srishti mein part hi nahin hai। shiv ka, brahma ka, vishnu ka part hai। brahma aur vishnu ka all-round part hai। shivbaaba ka bhi is samay part hai, jo aakar gyaan dete hain। phir nirvaandhaam mein chale jaate hain। bachchon ko jaaydaad dekar khud vaanaprastha mein chale jaate hain। vaanaprasthi banna arthaat guru dvaara vaani se pare jaane ka purushaartha karna। parantu vaapis to koi ja nahin sakte kyonki vikaari bhrashtaachaari hain। vikaar se janma to sabka hota hai। yeh lakshmi-naaraayan nirvikaari hain, unhon ka vikaar se janma nahin hota hai isliye shreshthaachaari kahlaaye jaate hain। kumaariyaan bhi nirvikaari hain - isliye unke aage maatha tekte hain। to baba ne samjhaaya ki yahaan shankar ka koi part nahin hai, baaki prajaapita brahma to zaroor praja ka pita hua na। shivbaaba ko to aatmaon ka pita kahenge। woh hai avinaashi pita, yeh guhya baaten achhi reeti dhaaran karni hain। jo bade-bade philosopher hote hain, unko bahut title milte hain। shri shri 108 ka title bhi vidvaanon ko milte hain। banaaras ke college se paas kar title le aate hain। baba ne gupta ji ko isliye banaaras bheja tha ki unhon ko jaakar samjhaao ki baap ka bhi title apne oopar rakh baitheho। baap ko shri shri 108 jagatguru kaha jaata hai। maala hi 108 ki hoti hai। 8 ratna gaaye jaate hain। woh paas with honour hote hain isliye unko japte hain। phir unse kam 108 ki pooja karte hain। yagya jab rachte hain to koi 1000 saaligraam banaate hain, koi 10 hazaar, koi 50 hazaar, koi laakh bhi banaate hain। mitti ke banaakar phir yagya rachte hain। jaisa-jaisa seth achhe te achha, bada seth hoga to laakh banvaayenge। baap ne samjhaaya hai maala to badi hai na - 16108 ki maala banaate hain। yeh tum bachchon ko baap baith samjhaate hain। tum sabhi bhaarat ki seva kar rahe ho baap ke saath। baap ki pooja hoti hai to bachchon ki bhi pooja honi chaahiye, yeh nahin jaante ki roodra pooja kyon hoti hai। bachche to sab shivbaaba ke hain। is samay srishti ki kitni aadamshumaari hai ismen sab aatmaayen shivbaaba ke bachche thahre na। parantu madadgaar sab nahin hote। is samay tum jitna yaad karte ho utna oonch bante ho। poojan laayak bante ho। aise aur koi ki taakat nahin jo yeh baat samjhaaye isliye kah dete eeshvar ka ant koi nahin jaante। baap hi aakar samjhaate hain, baap ko gyaan ka saagar kaha jaata hai to zaroor gyaan denge na। prerna ki to baat hoti nahin। bhagwan koi prerna se samjhaate hain kya। tum jaante ho unke paas srishti ke aadi-madhya-ant ka gyaan hai। woh phir tum bachchon ko sunaate hain। yeh to nishchay hai - nishchay hote hue bhi phir bhi baap ko bhool jaate hain। baap ki yaad, yeh hai padhaai ka tanta। yaad ki yaatra se karmaateet avastha ko paane mein mehnat lagti hai, ismen hi maaya ke vighna aate hain। padhaai mein itne vighna nahin aate। ab shankar ke liye kehte hain, shankar aankh kholte hain to vinaash hota hai, yeh kehna bhi theek nahin hai। baap kehte hain - na main vinaash karaata hoon, na woh karte hain, yeh wrong hai। devtaayen thode hi paap karenge। ab shivbaaba baith yeh baaten samjhaate hain। aatma ka yeh shareer hai rath। har ek aatma ki apne rath par savaari hai। baap kehte hain main inka loan leta hoon, isliye mera divya alaukik janma kaha jaata hai। abhi tumhaari buddhi mein 84 kaachakra hai। jaante ho abhi ham ghar jaate hain, phir svarga mein aayenge। baba bahut sahaj karke samjhaate hain, ismen heart-fail nahin hona hai। kehte hain baba ham padhe-likhe nahin hain। mukh se kuchh nikalta nahin। parantu aisa to hota nahin। mukh to zaroor chalta hi hai। khaana khaate ho mukh chalta hai na। vaani na nikle yeh to ho nahin sakta। baba ne bahut simple samjhaaya hai। koi maun mein rehte hain to bhi oopar mein ishaara dete hain ki unko yaad karo। duhkh harta sukh karta woh ek hi daata hai। bhaktimaarga mein bhi daata hai to is samay mein bhi daata hai phir vaanaprastha mein to hai hi shanti। bachche bhi shantidham mein rehte hain। part noondha hua hai, jo act mein aata hai। abhi hamaara part hai - vishwa ko naya banaana। unka naam bada achha hai - heavenly god father। baap rachayita hai svarga ka। baap narka thode hi rachenge। puraani duniya koi rachte hain kya। makaan hamesha naya banaaya jaata hai। shivbaaba nai duniya rachte hain brahma dvaara। inko part mila hua hai - yahaan puraani duniya mein jo bhi manushya hain, sab ek-do ko duhkh dete rehte hain।

tum jaante ho ham hain shivbaaba ki santaan। phir shareerdhaari prajaapita brahma ke bachche ho gaye adopted। hamko gyaan sunaane vaala hai shivbaaba rachayita। jo apni rachna ke aadi-madhya-ant ka gyaan sunaate hain। tumhaari em object hi hai yeh banna। manushya dekho kitna kharcha kar marble aadi ki moortiyaan banaate hain। yeh hai eeshvareey vishwa vidyaalay, world university। saari universe ko change kiya jaata hai। unhon ke jo bhi characters hain sab aasuri। aadi-madhya-ant duhkh dene vaale hain। yeh hai eeshvareey university। eeshvareey vishwa vidyaalay ek hi hota hai, jo eeshvar aakar kholte hain, jisse saari vishwa ka kalyaan ho jaata hai। tum bachchon ko ab right aur wrong ki samajh milti hai aur koi manushya nahin jo samajhta ho। right wrong ko samjhaane vaala ek hi righteous hota hai, jisko truth kehte hain। baap hi aakar har ek ko righteous banaate hain। righteous banenge to phir mukti mein jaakar jeevanmukti mein aayenge। drama ko bhi tum bachche jaante ho। aadi se lekar ant tak part bajaane nambarvaar aate ho। yeh khel chalta hi rehta hai। drama shoot hota jaata hai। yeh ever new hai। yeh drama kabhi puraana nahin hota hai, aur sab naatak aadi vinaash ho jaate hain। yeh behad ka avinaashi drama hai। inmen sab avinaashi paartadhaari hain। avinaashi khel va maandava dekho kitna bada hai। baap aakar puraani srishti ko phir naya banaate hain। woh sab tumko saakshaatkaar hoga। jitna nazdeek aayenge phir tumko khushi hogi। saakshaatkaar karenge। kahenge ab part poora hua। drama ko phir repeat karna hai। phir nayesir part bajaayenge, jo kalpa pahle bajaaya hai। ismen zara bhi farka nahin ho sakta hai, isliye jitna ho sake tum bachchon ko oonch pad paana chaahiye। purushaartha karna hai, moonjhana nahin hai। drama ko jo karaana hoga vo karaayega - yeh kehna bhi wrong hai। hamko to purushaartha karna hi hai। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai ka tanta (saar) buddhi mein rakh yaad ki yaatra se karmaateet avastha ko paana hai। oonch, poojyaneey banne ke liye baap ka poora-poora madadgaar banna hai।

2) satya baap dvaara right-wrong ki jo samajh mili hai, usse righteous ban jeevan bandh se chhootna hai। mukti aur jeevanmukti ka varsa lena hai।

vardaan:- aapas mein sneh ki len-den dvaara sarva ko sahayogi banaane vaale saphaltaamoorta bhav

abhi gyaan dene aur lene ki stage paas ki, ab sneh ki len-den karo। jo bhi saamne aaye, sambandh mein aaye to sneh dena aur lena hai - isko kaha jaata hai sarva ke snehi va lovely। gyaan daan agyaaniyon ko karna hai lekin brahman parivaar mein is daan ke mahaadaani bano। sankalp mein bhi kiske prati sneh ke sivaae aur koi utpatti na ho। jab sabhi ke prati sneh ho jaata hai to sneh ka risponsa sahayog hota hai aur sahayog ki result saphalta praapta hoti hai।

slogan:- ek second mein vyartha sankalpon par full stop laga do - yahi teevra purushaartha hai।

maateshvari ji ke anmol mahaavaakya

aajkal manushya mukti ko hi moksha kehte hain, vo aise samajhte hain jo mukti paate hain vo janma maran se chhoot jaate hain। vo log to janma-maran mein na aana isko hi oonch pad samajhte hain, vahi praalabdha maante hain। jeevanmukti phir usko samajhte hain jo jeevan mein rahkar achha karma karte hain, jaise dharmaatma log hain, unhon ko jeevanmukta samajhte hain। baaki karmabandhan se mukta ho jaana vo to koton mein se koi virla hi samajhte hain, ab yeh hai unhon ki apni mat। lekin ham to paramatma dvaara jaan chuke hain ki jab tak manushya pahle vikaari karmabandhan se mukta nahin hua hai tab tak aadi-madhya-ant duhkh se chhoot nahin sakenge, to isse chhootna yeh bhi ek stage hai। to bhi pahle jab eeshvareey knowledge ko dhaaran kare tab hi us stage par pahunch sake aur us stage par pahunchaane vaala svayan paramatma chaahiye kyonki mukti jeevanmukti dete woh hain, vo bhi ek hi samay aae sabko mukti-jeevanmukti de dete hain। baaki paramatma koi anek baar nahin aate aur na ki aisa samjho ki paramatma hi sab avtaar dhaaran karte hain। om shanti।

avyakt ishaare - svayan aur sarva ke prati mansa dvaara yog ki shaktiyon ka prayog karo

mansa-seva behad ki seva hai। jitna aap mansa se, vaani se svayan sample banenge, to sample ko dekhkar svatah hi aakarshit honge। sirf dridh sankalp rakho to sahaj seva hoti rahegi। agar vaani ke liye samay nahin hai to vritti se, mansa seva se parivartan karne ka samay to hai na। ab seva ke sivaae samay ganvaana nahin hai। nirantar yogi, nirantar sevaadhaari bano। yadi mansa-seva karna nahin aata to apne samparka se, apni chalan se bhi seva kar sakte ho।