Murli du jour du lundi 27 octobre 2025

27-10-2025 praatahmurli om shanti "baapdaada"' madhuban

meethebachche - “naazukapna bhi deh-abhimaan hai, roosna, rona yeh sab aasuri sanskaar tum bachchon mein nahin hone chaahiye, duhkh-sukh, maan-apmaan sab sahan karna hai''

prashn:- service mein dheelaapan aane ka mukhya kaaran kya hai?

uttar:- jab deh-abhimaan ke kaaran ek do ki khaamiyaan dekhne lagte hain tab service mein dheelaapan aata hai। aapas mein anabni hona bhi deh-abhimaan hai। main phalaane ke saath nahin chal sakta, main yahaan nahin rah sakta… yeh sab naazukapna hai। yeh bol mukh se nikaalna maana kaante banna, naapharmaanbardaar banna। baba kehte bachche, tum roohaani military ho isliye order hua to phauran haazir hona chaahiye। koi bhi baat mein aanaakaani mat karo।

om shanti। roohaani baap baith roohaani bachchon ko samjhaate hain। bachchon ko pahle-pahle yeh shiksha milti hai ki apne ko aatma nishchay karo। deh-abhimaan chhod dehi-abhimaani banna hai। ham aatma hain, dehi-abhimaani banen tab hi baap ko yaad kar saken। woh hai agyaankaal। yeh hai gyaan kaal। gyaan to ek hi baap dete hain jo sarva ki sadgati karte hain। aur woh hai niraakaar arthaat unka koi manushya aakaar nahin hai। jisko manushya ka aakaar hai unko bhagwan nahin kah sakte। ab aatmaayen to sab niraakaari hi hain। parantu deh-abhimaan mein aane se apne ko aatma bhool gaye hain। ab baap kehte hain tumko vaapis jaana hai। apne ko aatma samjho, aatma samajh baap ko yaad karo tab janma-janmaantar ke paap bhasma hon, aur koi upaay nahin। aatma hi patit, aatma hi paavan banti hai। baap ne samjhaaya hai paavan aatmaayen hain satayug-treta mein। patit aatma phir raavan raajya mein banti hain। seedhi mein bhi samjhaaya hai jo paavan the woh patit bane hain। 5 hazaar varsha pahle tum sab aatmaayen shantidham mein paavan thi। usko kaha hi jaata hai nirvaandhaam। phir kaliyug mein patit bante hain tab chillaate hain - he patit-paavan aao। baba samjhaate hain - bachche, main jo tumko gyaan de raha hoon patit se paavan hone ka, woh sirf main hi deta hoon jo phir praayah lop ho jaata hai। baap ko hi aakar sunaana padta hai। yahaan manushyon ne athaah shaastra banaaye hain। satayug mein koi shaastra hota hi nahin। vahaan bhakti maarga rinchak bhi nahin।

abhi baap kehte hain tum mere dvaara hi patit se paavan ban sakte ho। paavan duniya zaroor banni hi hai। main to bachchon ko hi aakar raajayog sikhaata hoon। daiveegun bhi dhaaran karne hain। roosna, rona yeh sab aasuri svabhaav hai। baap kehte hain duhkh-sukh, maan-apmaan sab bachchon ko sahan karna hai। naazukapna nahin। main phalaane sthaan par nahin rah sakti hoon, yeh bhi naazukapna hai। inka svabhaav aisa hai, yeh aisa hai, vaisa hai, yeh kuchh bhi rehna nahin chaahiye। mukh se sadaiv phool hi niklen। kaanta nahin nikalna chaahiye। kitne bachchon ke mukh se kaante bahut nikalte hain। kisko gussa karna bhi kaanta hai। ek-do mein bachchon ki anabni bahut hoti hai। deh-abhimaan hone kaaran ek do ki khaamiyaan dekhte khud mein anek prakaar ki khaamiyaan rah jaati hain, isliye phir service dheeli pad jaati hai। baba samajhte hain - yeh bhi drama anusaar hota hai। sudharna bhi to hai। military ke log jab ladaai mein jaate hain to unhon ka kaam hi hai dushman se ladna। floods hoti hain va kuchh hangaama hua to bhi bahut military ko bulaate hain। phir military ke log mazdooron aadi ka kaam bhi karne lag padte hain। government military ko order karti hai - yeh mitti saari bharo। agar koi na aaya to goli ke munh mein। government ka order maanna hi pade। baap kehte hain tum bhi service ke liye baandhe hue ho। baap jahaan bhi service par jaane ke liye bole, jhat haazir hona chaahiye। nahin maana to military nahin kahenge। woh phir dil par nahin chadhte। tum baap ke madadgaar ho sabko paigaam dene mein। ab samjho kahaan bada museum kholte hain, kehte hain 10 mile door hai, service par to jaana pade na। kharche ka khyaal thode hi karna hai। bade se badi government behad ke baap ka order milta hai, jiska right hand phir dharmaraaj hai। unki shreemat par na chalne se phir gir padte hain। shreemat kehti hai apni aankhon ko civil banaao। kaam par jeet paane ki himmat rakhni chaahiye। baba ka hukm hai, agar ham nahin maanenge to ekdam chaknaachoor ho jaayenge। 21 janmon ki raajaai mein rola pad jaayega। baap kehte hain mujhe bachchon ke bigar to kabhi koi jaan na sake। kalpa pahle vaale hi aahiste-aahiste nikalte rahenge। yeh hain bilkul nai-nai baaten। yeh hai geeta ka yug। parantu shaastron mein is sangamayug ka varnan nahin hai। geeta ko hi dvaapar mein le gaye hain। lekin jab raajayog sikhaaya to zaroor sangam hoga na। parantu kiski bhi buddhi mein yeh baaten nahin hain। abhi tumhein gyaan ka nasha chadha hua hai। manushyon ko hai bhakti maarga ka nasha। kehte hain bhagwan bhi aa jaae to bhi ham bhakti nahin chhodenge। yeh utthaan aur patan ki seedhi bahut achhi hai, to bhi manushyon ki aankhen nahin khulti hain। maaya ke nashe mein ekdam chaknaachoor hain। gyaan ka nasha bahut deri se chadhta hai। pahle to daiveegun bhi chaahiye। baap ka koi bhi order hua to usmein aanaakaani nahin karni hai। yeh main nahin kar sakta hoon, isko kaha jaata hai naapharmaanbardaar। shreemat milti hai aisa-aisa karna hai to samajhna chaahiye ki shivbaaba ki shreshtha mat hai। woh hai hi sadgati daata। daata kabhi ulti mat nahin denge। baap kehte hain main inke bahut janmon ke ant mein pravesh karta hoon। inse bhi dekho lakshmi oonch chali jaati hai। gaayan bhi hai - female ko aage rakha jaata hai। pahle lakshmi phir naaraayan, yatha raaja raani tatha praja ho jaati hai। tumko bhi aisa shreshtha banna hai। is samay to saari duniya mein raavan raajya hai। sabhi kehte hain raamraajya chaahiye। ab hai sangam। jab in lakshmi-naaraayan ka raajya tha to raavan raajya nahin tha, phir change kaise hoti hai, yeh koi nahin jaante। sabhi ghor andhiyaare mein hain। samajhte hain - kaliyug to abhi chhota bachcha, regdi pahan raha hai। to manushya aur hi neend mein soye hue hain। yeh roohaani knowledge, roohaani baap hi roohon ko dete hain, raajayog bhi sikhlaate hain। shreekrishna ko roohaani baap nahin kahenge। woh aise nahin kahenge ki he roohaani bachchon। yeh bhi likhna chaahiye - roohaani knowledgeful baap spiritual knowledge roohaani bachchon ko dete hain।

baap samjhaate hain duniya mein sabhi manushya hain deh-abhimaani। main aatma hoon, yeh koi nahin jaante hain। baap kehte hain kiski bhi aatma leen nahin hoti hai। abhi tum bachchon ko samjhaaya jaata hai, dashahra, deepaavli kya hai। manushya to jo bhi pooja aadi karte hain, sab blind faith ki, jisko guddi pooja kaha jaata hai, patthar pooja kaha jaata hai। abhi tum paarasbuddhi bante ho to patthar ki pooja nahin kar sakte ho। chitron ke aage jaakar maatha tekte hain। kuchh bhi samajhte nahin। kehte bhi hain gyaan, bhakti aur vairaagya। gyaan aadhaakalpa chala phir bhakti shuru hui। ab tumko gyaan milta hai to bhakti se vairaagya aa jaata hai। yeh duniya hi badalti hai। kaliyug mein bhakti hai। satayug mein bhakti hoti nahin। vahaan hai hi poojya। baap kehte hain - bachche, tum maatha kyon tekte ho। aadhaakalpa tumne maatha bhi ghisaaya, paise bhi ganvaaye, mila kuchh nahin। maaya ne ekdam maatha mood liya hai। kangaal bana diya hai। phir baap aakar sabka maatha theek kar dete hain। abhi aahiste-aahiste kuchh european log bhi samajhte hain। baba ne samjhaaya hai - yeh bhaaratvaasi to bilkul tamoguni ban gaye hain। woh aur dharma vaale phir bhi peechhe aate hain to sukh bhi thoda, duhkh bhi thoda milta hai। bhaaratvaasiyon ko sukh bahut to duhkh bhi bahut hai। shuru mein hi kitne dhanvaan ekdam vishwa ke maalik hote hain। aur dharma vaale koi pahle thode hi dhanvaan hote hain। peechhe vriddhi ko paate-paate abhi aakar dhanvaan hue hain। ab phir sabse bhikhaari bhi bhaarat bana hai। andhashradvaalu bhi bhaarat hai। yeh bhi drama bana hua hai। baap kehte hain mainne jisko heaven banaaya, woh hell ban gaya hai। manushya bandarbuddhi ban gaye hain, unko main aakar mandir laayak banaata hoon। vikaar bade kade hote hain। krodh kitna hai। tumhaare mein koi krodh nahin hona chaahiye। bilkul meethe, shant, ati meethebno। yeh bhi jaante ho koto mein koi hi nikalte hain - raajaai pad paane vaale। baap kehte hain main aaya hoon tumko nar se naaraayan banaane। usmein bhi 8 ratna mukhya gaaye jaate hain। 8 ratna aur beech mein hai baap। 8 hain paas with honours, so bhi nambarvaar purushaartha anusaar। deh-abhimaan ko todne mein badi mehnat lagti hai। deh ka bhaan bilkul nikal jaae। koi-koi pakke brahm gyaani jo hote hain, unhon ka bhi aise hota hai। baithe-baithedeh ka tyaag kar dete hain। baithe-baitheaise shareer chhodte hain, vaayumandal ekdam shant ho jaata hai aur aksar karke prabhaat ke shuddh samay par shareer chhodte hain। raat ko manushya bahut gand karte hain, subah ko snaan aadi karke bhagwan-bhagwan kahne lagte hain। pooja karte hain। baap sab baaten samjhaate rehte hain। pradarshani aadi mein bhi pahle-pahle tum alpha ka parichay do। pahle alpha aur be। baap to ek hi niraakaar hai। baap rachayita hi baith rachna ke aadi-madhya-ant ka gyaan samjhaate hain। vahi baap kehte hain maamekam yaad karo। deh ke sambandh chhod apne ko aatma samajh maamekam yaad karo। baap ka parichay tum denge phir kisko himmat nahin rahegi prashn-uttar karne ki। pahle baap ka nishchay pakka ho jaae tab bolo 84 janma aise liye jaate hain। chakra ko samajh liya, baap ko samajh liya phir koi prashnauthega nahin। baap ka parichay dene bigar baaki tum tik-tik karte ho to usmein tumhaara time bahut vesta ho jaata hai। gale hi ghut jaate hain। pahli-pahli baat alpha ki uthaao। tik-tik karne se samajh thode hi sakte hain। bilkul simple reeti aur dheere se baith samjhaana chaahiye, jo dehi-abhimaani honge vahi achha samjha sakenge। bade-bade museum mein achhe-achhe samjhaane vaalon ko madad deni pade। thode roz apna centre chhod madad dene aa jaana hai। pichhaadi mein centre sambhaalne koi ko bitha do। agar gaddi sambhaalne laayak koi ko aapasmaan nahin banaaya hai, to baap samjhenge koi kaam ke nahin, service nahin ki। baba ko likhte hain service chhod kaise jaayen! are baba hukm karte hain phalaani jagah pradarshani hai service par jaao। agar gaddi laayak kisko nahin banaaya hai to tum kis kaam ke। baba ne hukm kiya - jhat bhaagna chaahiye। mahaarthi braahmani unko kaha jaata hai। baaki to sab hain ghodesvaar, pyaade। sabko service mein madad deni hai। itne varsha mein tumne kisko aapasmaan nahin banaaya hai to kya karte the। itne samay mein messenger nahin banaaya hai, jo centre sambhaalen। kaise-kaise manushya aate hain - jinse baat karne ka bhi akla chaahiye। murli bhi zaroor roz padhni hai athva sunni hai। murli nahin padhi goya absent pad gai। tum bachchon ko saare vishwa par gheraav daalna hai। tum saare vishwa ki seva karte ho na। patit duniya ko paavan banaana yeh gheraav daalna hai na। sabhi ko mukti-jeevanmukti dhaam ka raasta bataana hai, duhkh se chhudaana hai। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bahut meethe, shant, ati meethesvabhaav ka banna hai। kabhi bhi krodh nahin karna hai। apni aankhon ko bahut-bahut civil banaana hai।

2) baba jo hukm kare, use phauran maanna hai। saare vishwa ko patit se paavan banaane ki seva karni hai arthaat gheraav daalna hai।

vardaan:- baap ki yaad dvaara asantosh ki paristhitiyon mein, sada sukh va santosh ki anubhooti karne vaale mahaaveer bhav

sada baap ki yaad mein rahne vaale har paristhiti mein sada santushta rehte hain kyonki knowledge ki shakti ke aadhaar par pahaad maaphik paristhiti bhi raai anubhav hoti hai, raai arthaat kuchh nahin। chaahe paristhiti asantosh ki ho, duhkh ki ghatna ho lekin duhkh ki paristhiti mein sukh ki sthiti rahe tab kahenge mahaaveer। kuchh bhi ho jaae, nothing new ke saath-saath baap ki smriti se sada ekras sthiti rah sakti hai, phir duhkh ashaanti ki lahar bhi nahin aayegi।

slogan:- apna daivi swaroop sada smriti mein rahe to koi ki bhi vyartha nazar nahin ja sakti।

avyakt ishaare - svayan aur sarva ke prati mansa dvaara yog ki shaktiyon ka prayog karo

jaise science ki shakti ka prayog light ke aadhaar par hota hai। agar computer bhi chalta hai to computer might hai lekin aadhaar light hai। aise aapke silence ki shakti ka bhi aadhaar light hai। jab woh prakriti ki light anek prakaar ke prayog practical mein karke dikhaati hai to aapki avinaashi parmaatma light, aatmik light aur saath-saath practical sthiti light, to isse kya nahin prayog ho sakta!