Murli du jour du samedi 15 novembre 2025

15-11-2025 praatahmurli om shanti "baapdaada"' madhuban

“meethe bachche - apne characters sudhaarne ke liye yaad ki yaatra mein rehna hai, baap ki yaad hi tumhein sada saubhaagyashaali banaayegi''

prashn:- avastha ki parakh kis samay hoti hai? achhi avastha kiski kahenge?

uttar:- avastha ki parakh beemaari ke samay hoti hai। beemaari mein bhi khushi bani rahe aur khushmizaaz chehre se sabko baap ki yaad dilaate raho, yahi hai achhi avastha। agar khud royenge, udaas honge to doosron ko khushmizaaz kaise banaayenge? kuchh bhi ho jaae - rona nahin hai।

om shanti। do akshar gaaye jaate hain - durbhaagyashaali aur saubhaagyashaali। saubhaagya chala jaata hai to durbhaagya kaha jaata hai। stri ka pati mar jaata hai to woh bhi durbhaagya kaha jaata hai। akeli ho jaati hai। abhi tum jaante ho ham sada ke liye saubhaagyashaali bante hain। vahaan duhkh ki baat nahin। mrityu ka naam nahin hota hai। vidhva naam hi nahin hota। vidhva ko duhkh hota hai, roti rehti hai। bhal saadhu-santa hain, aisa nahin ki unhein koi duhkh nahin hota hai। koi paagal ban padte hain, beemaar rogi bhi hote hain। yeh hai hi rogi duniya। satayug hai nirogi duniya। tum bachche samajhte ho ham bhaarat ko phir se shreemat par nirogi banaate hain। is samay manushyon ke characters bahut kharaab hain। ab characters sudhaarne ki bhi zaroor department hogi। school mein bhi students ka register rakha jaata hai। unke characters ka pata chalta hai isliye baba ne bhi register rakhvaaya tha। har ek apna register rakho। character dekhna hai ki ham koi bhool to nahin karte hain। pahli baat to baap ko yaad karna hai। unse hi tumhaara characters sudharta hai। aayu bhi badi hoti hai ek ki yaad se। yeh to hain gyaan ratna। yaad ko ratna nahin kaha jaata। yaad se hi tumhaare character sudharte hain। yeh 84 janmon ka chakra tumhaare sivaae aur koi samjha na sake। is par hi samjhaana hai - vishnu aur brahma। shankar ke to character nahin kahenge। tum bachche jaante ho brahma aur vishnu ka aapas mein kya connection hai। vishnu ke do roop hain yeh lakshmi-naaraayan। vahi phir 84 janma lete hain। 84 janmon mein aapehi poojya aur aapehi pujaari bante hain। prajaapita brahma to zaroor yahaan hi chaahiye na। saadhaaran tan chaahiye। bahut karke ismen hi moonjhate hain। brahma to hai hi patit-paavan baap ka rath। kehte bhi hain - doordesh ka rahne vaala aaya desh paraaye… paavan duniya banaane vaala patit-paavan baap patit duniya mein aaya। patit duniya mein ek bhi paavan nahin ho sakta। abhi tum bachchon ne samjha hai ki 84 janma ham kaise lete hain। koi to lete honge na। jo pahle-pahle aate honge unke hi 84 janma honge। satayug mein devi-devta hi aate hain। manushyon ka zara bhi khyaal nahin chalta, 84 janma kaun lenge। samajh ki baat hai। punarjanma to sab maante hain। 84 punarjanma hue yeh badi yukti se samjhaana hai। 84 janma to sabhi nahin lenge na। ek saath sab thode hi aayenge aur shareer chhodenge। bhagvaanuvaach bhi hai ki tum apne janmon ko nahin jaante ho, bhagwan hi baith samjhaate hain। tum aatmaayen 84 janma leti ho। yeh 84 ki kahaani baap tum bachchon ko baith sunaate hain। yeh bhi ek padhaai hai। 84 ka chakra to jaanna bahut sahaj hai। doosre dharma vaale in baaton ko samjhenge nahin। tumhaare mein bhi koi sabhi 84 janma nahin lete hain। sabhi ke 84 janma hon to sab ikatthe aa jaaen। yeh bhi nahin hota hai। saara madaar padhaai aur yaad par hai। usmein bhi number one hai yaad। difficult subject par marks jaasti milti hain। unka prabhaav bhi hota hai। uttam, madhyam, kanishta subject hoti hain na। inmen hain do mukhya। baap kehte hain mujhe yaad karo to sampoorn nirvikaari ban jaayenge aur phir vijay maala mein piro jaayenge। yeh hai race। pahle to khud ko dekhna hai ki main kahaan tak dhaarna karta hoon? kitna yaad karta hoon? mere characters kaise hain? agar mere mein hi rone ki aadat hai to doosre ko khushmizaaz kaise bana sakta hoon? baba kehte hain jo rote hain so khote hain। kuchh bhi ho jaae lekin rone ki darkaar nahin hai। beemaari mein bhi khushi se itna to kah sakte ho apne ko aatma samajh baap ko yaad karo। beemaari mein hi avastha ki parakh hoti hai। takleeph mein thoda kudakne ki aavaaz bhal nikalti hai parantu apne ko aatma samajh baap ko yaad karna hai। baap ne paigaam diya hai। paigambar-messenger ek shivbaaba hai, doosra koi hai nahin। baaki jo bhi sunaate hain, saari bhakti maarga ki baaten। is duniya ki jo bhi cheezen hain sab vinaashi hain, abhi tumko vahaan le jaate hain jahaan toot-phoot nahin। vahaan to cheezen hi aisi achhi banengi jo tootne ka naam hi nahin hoga। yahaan science se kitni cheezen banti hain, vahaan bhi to science zaroor hogi kyonki tumhaare liye bahut sukh chaahiye। baap kehte hain tum bachchon ko kuchh bhi pata nahin tha। bhakti maarga kab shuru hua, kitna tumne duhkh dekha - yeh sab baaten abhi tumhaari buddhi mein hain। devtaaon ko kaha hi jaata hai - sarvagun sampanna.... phir woh kalaayen kaise kam hui? abhi to koi kala nahin rahi hai। chandrama ki bhi dheere-dheere kala kam hoti hai na।

tum jaante ho ki yeh duniya bhi pahle nai hai to vahaan har cheez satopradhaan first class hoti hai। phir puraani hote kalaayen kam hoti jaati hain। sarvagun sampanna yeh lakshmi-naaraayan hain na। abhi baap tumko sachchi-sachchi satya naaraayan ki katha suna rahe hain। abhi hai raat phir din hota hai। tum sampoorn bante ho to tumhaare liye phir srishti bhi aisi hi chaahiye। 5 tatva bhi satopradhaan (16 kala sampoorn) ban jaate hain isliye shareer bhi tumhaare natural beautiful hote hain। satopradhaan hote hain। yeh saari duniya 16 kala sampoorn ban jaati hai। abhi to koi kala nahin hai, jo bhi bade se bade log hain athva mahaatma aadi hain, yeh baap ki knowledge unki takdeer mein hi nahin hai। unhon ko apna hi ghamanda hai। bahut karke hai hi gareebon ki takdeer mein। koi kehte hain itna oonch baap hai, unko to koi bade raaja athva pavitra rishi aadi ke tan mein aana chaahiye। pavitra hote hi hain sannyaasi। baap baith samjhaate hain main kismen aata hoon। main aata hi usmein hoon jo poore 84 janma lete hain। ek din bhi kam nahin। shreekrishna paida hua us samay se 16 kala sampoorn thahra। phir sato, rajo, tamo mein aate hain। har cheez pahle satopradhaan phir sato, rajo, tamo mein aati hai। satayug mein bhi aisa hota hai। bachcha satopradhaan hai phir bada hoga to kahega ab ham yeh shareer chhod satopradhaan bachcha banta hoon। tum bachchon ko itna nasha nahin hai। khushi ka paara nahin chadhta hai। jo achhi mehnat karte hain, khushi ka paara chadhta rehta hai। shakla bhi khushnumah rehti hai। aage chal tumko saakshaatkaar hote rahenge। jaise ghar ke nazdeek aakar pahunchte hain to phir woh gharbaar makaan aadi yaad aata hai na। yeh bhi aise hai। purushaartha karte-karte tumhaari praalabdha jab nazdeek hogi to phir bahut saakshaatkaar hote rahenge। khushi mein rahenge। jo naapaas hote hain to sharma ke maare doob marte hain। tumko bhi baba bata dete hain phir bahut pachhtaana padega। apne bhavishya ka saakshaatkaar karenge, ham kya banenge? baba dikhlaayenge yeh-yeh vikarma aadi kiye hain। poora padhe nahin, traitor banen, isliye yeh saza milti hai। sab saakshaatkaar hoga। bigar saakshaatkaar saza kaise denge? court mein bhi bataate hain - tumne yeh-yeh kiya hai, uski saza hai। jab tak karmaateet avastha ho jaae tab tak kuchh na kuchh nishaani rahegi। aatma pavitra ho jaati hai phir to shareer chhodna pade। yahaan rah na saken। woh avastha tumko dhaaran karni hai। abhi tum vaapis jaae phir nai duniya mein aane ke liye taiyaari karte ho। tumhaara purushaartha hi yeh hai ki ham jaldi-jaldi jaayen, phir jaldi-jaldi aayen। jaise bachchon ko khel mein daudaate hain na। nishaan tak jaakar phir laut aana hai। tumko bhi jaldi-jaldi jaana hai, phir pahle number mein nai duniya mein aana hai। to tumhaari race hai yeh। school mein bhi race karaate hain na। tumhaara hai yeh pravritti maarga। tumhaara pahle-pahle pavitra grihastha dharma tha। abhi hai vicious phir viceless world banega। in baaton ko tum simran karte raho to bhi bahut khushi rahegi। ham hi raajya lete hain phir ganvaate hain। hero-heroine kehte hain na। heere jaisa janma lekar phir kaudi jaise janma mein aate hain।

abhi baap kehte hain - tum kaudiyon pichhaadi time vesta mat karo। yeh kehte hain ham bhi time vesta karte the। to hamko bhi kaha ab to tum mera bankar yeh roohaani dhandha karo। to jhat sab kuchh chhod diya। paise koi phenk to nahin denge। paise to kaam mein aate hain। paise bina koi makaan aadi thode hi mil sakta। aage chal bade-bade dhanvaan aayenge। tumko madad dete rahenge। ek din tumko bade-bade college, university mein bhi jaakar bhaashan karna hoga ki yeh srishti ka chakra kaise phirta hai। history repeat hoti hai aadi se ant tak। golden ej se iron ej tak srishti ki history-geography ham bata sakte hain। characters ke oopar to tum bahut samjha sakte ho। in lakshmi-naaraayan ki mahima karo। bhaarat kitna paavan tha, daivi characters the। ab to vicious characters hain। zaroor phir chakra repeat hoga। ham world ki history-geography suna sakte hain। vahaan jaana bhi achhe-achhe ko chaahiye। jaise thiyosophikal society hai, vahaan tum bhaashan karo। shreekrishna to devta tha, satayug mein tha। pahle-pahle hai shreekrishna jo phir naaraayan bante hain। ham aapko shreekrishna ke 84 janmon ki kahaani sunaayen, jo aur koi suna na sake। yeh topic kitni badi hai। hoshiyaar ko bhaashan karna chaahiye।

abhi tumhaare dil mein aata hai, ham vishwa ke maalik banenge, kitni khushi honi chaahiye। andar baith yeh jaap japo phir tumko is duniya mein kuchh bhaasega nahin। yahaan tum aate hi ho - vishwa ka maalik banne - parampita paramatma dvaara। vishwa to is duniya ko hi kaha jaata hai। brahmalok va sookshm vatan ko vishwa nahin kahenge। baap kehte hain main vishwa ka maalik nahin banta hoon। is vishwa ka maalik tum bachchon ko banaata hoon। kitni guhya baaten hain। tumko vishwa ka maalik banaata hoon। phir tum maaya ke daas ban jaate ho। yahaan jab saamne yog mein bithaate ho to bhi yaad dilaani hai - aatma-abhimaani ho baitho, baap ko yaad karo। 5 minute baad phir bolo। tumhaare yog ke programme chalte hain na। bahuton ki buddhi baahar chali jaati hai isliye 5-10 minute baad phir saavdhaan karna chaahiye। apne ko aatma samajh baithe ho? baap ko yaad karte ho? to khud ka bhi attention rahega। baba yeh sab yuktiyaan batlaate hain। ghadi-ghadi saavdhaan karo। apne ko aatma samajh shivaabaaba ki yaad mein baithe ho? to jinka buddhiyog bhatakta hoga woh khade ho jaayenge। ghadi-ghadi yeh yaad dilaana chaahiye। baba ki yaad se hi tum us paar chale jaayenge। gaate bhi hain khivaiya, naeeya meri paar lagaao। parantu arth ko nahin jaante। muktidhaam mein jaane ke liye aadhaakalpa bhakti ki hai। ab baap kehte hain mujhe yaad karo to muktidhaam mein chale jaayenge। tum baithte hi ho paap katne liye to phir paap karne thode hi chaahiye। nahin to phir paap rah jaayenge। number one yeh purushaartha hai - apne ko aatma samajh baap ko yaad karo। aise saavdhaan karte rahne se apna bhi attention rahega। khud ko bhi saavdhaan karna hai। khud bhi yaad mein baithe tab auron ko bithaayen। ham aatma hain, jaate hain apne ghar। phir aakar raajya karenge। apne ko shareer samajhna - yeh bhi ek kadi beemaari hai isliye hi sab rasaatal mein chale gaye hain। unko phir salvage karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apna time roohaani dhandhe mein saphal karna hai। heere jaisa jeevan banaana hai। apne ko saavdhaan karte rehna hai। shareer samajhne ki kadi beemaari se bachne ka purushaartha karna hai।

2) kabhi bhi maaya ka daas nahin banna hai, andar mein baith jaap japna hai ki ham aatma hain। khushi rahe ham beggar se prince ban rahe hai।

vardaan:- anubhvon ke guhyata ki prayogshaala mein rah nai research karne vaale antarmukhi bhav

jab svayan mein pahle sarva anubhav pratyaksha honge tab pratyakshata hogi - iske liye antarmukhi ban yaad ki yaatra va har praapti ki guhyata mein jaakar research karo, sankalp dhaaran karo aur phir uska parinaam va siddhi dekho ki jo sankalp kiya woh siddha hua ya nahin? aise anubhvon ke guhyata ki prayogshaala mein raho jo mahsoos ho ki yeh sab koi vishesh lagan mein magan is sansaar se upraam hain। karma karte yog ki powerful stage mein rahne ka abhyaas badhaao। jaise vaani mein aane ka abhyaas hai aise roohaaniyat mein rahne ka abhyaas daalo।

slogan:- santushtata ki seat par baithkar paristhitiyon ka khel dekhne vaale hi santushtamni hain।

avyakt ishaare - ashareeri va videhi sthiti ka abhyaas badhaao

jaise hathayogi apne shvaans ko jitna samay chaahen utna samay rok sakte hain। aap sahajyogi, svatah yogi, sada-yogi, karma-yogi, shreshtha-yogi apne sankalp ko, shvaans ko praaneshvar baap ke gyaan ke aadhaar par jo sankalp, jaisa sankalp jitna samay karna chaaho utna samay usi sankalp mein sthit ho jaao। abhi-abhi shuddh sankalp mein raman karo, abhi-abhi ek hi lagan arthaat ek hi baap se milan ki, ek hi ashareeri banne ke shuddh-sankalp mein sthit ho jaao।