Murli du jour du mercredi 19 novembre 2025

19-11-2025 praatahmurli om shanti "baapdaada"' madhuban

“meethe bachche - tumhein sadaiv yaad ki phaansi par chadhe rehna hai, yaad se hi aatma sachcha sona banegi''

prashn:- kaun-sa bal criminal aankhon ko phauran hi badal deta hai?

uttar:- gyaan ke teesre netra ka bal jab aatma mein aa jaata hai to kriminalpan samaapta ho jaata hai। baap ki shreemat hai - bachche, tum sab aapas mein bhaai-bhaai ho, bhaai-behen ho, tumhaari aankhen kabhi bhi criminal ho nahin sakti। tum sadaiv yaad ki masti mein raho। vaah takdeer vaah! humein bhagwan padhaate hain। aise vichaar karo to masti chadhi rahegi।

om shanti। meethe-meethe roohaani bachchon prati roohaani baap samjha rahe hain। bachche jaante hain ki roohaani baap jo bhi aatma hi hai, woh perfect hai usmein koi bhi junk (kat) nahin laga hua hai। shivbaaba kahenge mere mein junk hai? bilkul nahin। is daada mein to poori junk thi। inmen baap ne pravesh kiya hai to madad bhi milti hai। mool baat hai 5 vikaaron ke kaaran aatma par kat chadhne se impure ho gai hai। to jitna-jitna baap ko yaad karenge, kat utarti jaayegi। bhakti maarga ki kathaayen to janma-janmaantar sunte aaye ho। yeh to baat hi niraali hai। tumko ab gyaan saagar se gyaan mil raha hai। tumhaari buddhi mein em object hai aur koi bhi satsang aadi mein em object nahin hai। eeshvar sarvavyaapi kah meri glaani karte rehte hain, drama plan anusaar। manushya yeh bhi nahin samajhte ki yeh drama hai। ismen creator, director bhi drama ke vash hain। bhal sarvashaktimaan gaaya jaata hai - parantu tum jaante ho woh bhi drama ke patte par chal rahe hain। baba jo khud aakar bachchon ko samjhaate hain, kehte hain meri aatma mein avinaashi part noondha hua hai us anusaar padhaata hoon। jo kuchh samjhaata hoon, drama mein noondh hai। abhi tumko is purushottam sangamayug par purushottam banna hai। bhagvaanuvaach hai na। baap kehte hain tum bachchon ko purushaartha kar yeh lakshmi-naaraayan banna hai। aisa aur koi manushya kah na sake ki tumko vishwa ka maalik banna hai। tum jaante ho ham aaye hi hain vishwa ka maalik, nar se naaraayan banne। bhakti maarga mein to janma-janmaantar kathaayen sunte aate the, samajh kuchh bhi nahin thi। abhi samajhte ho - barobar in lakshmi-naaraayan ka raajya svarga mein tha, ab nahin hai। trimoorti ke liye bhi bachchon ko samjhaaya hai। brahma dvaara aadi sanaatan devi-devta dharma ki sthaapna hoti hai। satayug mein yeh ek dharma tha, aur koi dharma nahin the। abhi woh dharma nahin hai phir se sthaapna ho rahi hai। baap kehte hain main kalpa-kalpa ke sangamayug par aakar tum bachchon ko padhaata hoon। yeh paathshaala hai na। yahaan bachchon ko character bhi sudhaarna hai। 5 vikaaron ko nikaalna hai। tum hi devtaaon ke aage jaakar gaate the - aap sarvagun sampanna… ham paapi hain। bhaaratvaasi hi devta the। satayug mein yeh lakshmi-naaraayan poojya the phir kaliyug mein pujaari banen। ab phir poojya ban rahe hain, poojya satopradhaan aatmaayen thi। unke shareer bhi satopradhaan the। jaisi aatma vaisa jevar। sone mein khaad milaai jaati hai to unka bhaav kitna kam ho jaata hai। tumhaara bhi bhaav bahut oonch tha। abhi kitna kam bhaav ho gaya hai। tum poojya the, ab pujaari bane ho। ab jitna yog mein rahenge utna kat utregi aur baap se lav hota jaayega, khushi bhi hogi। baba saaph kehte hain - bachche, chart rakho ki saare din mein ham kitna samay yaad karte hain? yaad ki yaatra, yeh akshar right hai। yaad karte-karte kat nikalte-nikalte ant mati so gati ho jaayegi। woh to pande log yaatra par le jaate hain। yahaan to aatma khud yaatra karti hai। apne paramdham jaana hai kyonki drama ka chakra ab poora hota hai। yeh bhi tum jaante ho ki yeh bahut gandi duniya hai। paramatma ko to koi bhi nahin jaante, na jaanenge isliye kaha jaata hai vinaash kaale vipreet buddhi। unhon ke liye to yeh narka hi svarga ke samaan hai। unhon ki buddhi mein yeh baaten baith na saken। tum bachchon ko yeh sab vichaar saagar manthan karne ke liye bahut ekaanta chaahiye। yahaan to ekaanta bahut achhi hai isliye madhuban ki mahima hai। bachchon ko bahut khushi honi chaahiye। ham jeev aatmaon ko paramatma padha rahe hain। kalpa pahle bhi aise padhaaya tha। shreekrishna ki baat nahin। woh to chhota bachcha tha। woh aatma, yeh param aatma। pahle number ki aatma shreekrishna so phir last number mein aa gai hai। to naam bhi alag ho gaya। bahut janmon ke ant ke janma mein naam to aur hoga na। kehte hain yeh to daada lekhraaj hai। yeh hai hi bahut janmon ke ant ka janma। baap kehte hain main inmen pravesh kar tumko raajayog sikhla raha hoon। baap kismen to aayenge na। shaastron mein yeh baaten hain nahin। baap tum bachchon ko padhaate hain, tum hi padhte ho। phir satayug mein yeh gyaan hoga nahin। vahaan hai praalabdha। baap sangam par aakar yeh knowledge sunaate hain phir tum pad pa lete ho। yeh time hi hai behad ke baap se behad ka varsa paane ka isliye bachchon ko gaphlat nahin karni chaahiye। maaya gaphlat bahut karaati hai phir samjha jaata hai unki takdeer mein nahin hai। baap to tadbeer karaate hain। takdeer mein kitna farka pad jaata hai। koi paas, koi naapaas ho jaate hain। double sirtaaj banne ke liye purushaartha karna pade।

baap kehte hain grihastha vyavhaar mein bhal raho। laukik baap ka karza bhi bachchon ko utaarna hai। law full chalna hai। yahaan to sab hain bekaayde। tum jaante ho ham hi itne oonch pavitra the, phir girte aaye hain। ab phir pavitra banna hai। prajaapita brahma ke bachche sab bi.ke. ho to criminal drishti ho na sake kyonki tum bhaai-behen thahre na। yeh baap yukti bataate hain। tum sab baba-baba kehte rehte ho to bhaai-behen ho gaye। bhagwan ko sab baba kehte hain na। aatmaayen kehti hain ham shivbaaba ke bachche hain। phir shareer mein hain to bhaai-behen thahre। phir hamaari criminal aai kyon jaaye। tum badi-badi sabha mein yeh samjha sakte ho। tum sab bhaai-bhaai ho phir prajaapita brahma dvaara rachna rachi gai, to bhaai-behen ho gaye, aur koi sambandh nahin। ham sab ek baap ke bachche hain। ek baap ke bachche phir vikaar mein kaise ja sakte hain। bhaai-bhaai bhi hain to bhaai-behen bhi hain। baap ne samjhaaya hai yeh aankhen bahut dhokha dene vaali hain। aankhen hi achhi cheez dekhti hain to dil hoti hai। agar aankhen dekhengi nahin to trishna bhi nahin uthegi। in criminal aankhon ko badalna padta hai। bhaai-behen vikaar mein to ja nahin sakte। woh drishti nikal jaani chaahiye। gyaan ke teesre netra ka bal chaahiye। aadhaakalpa in aankhon se kaam kiya hai, ab baap kehte hain yeh saari kat nikle kaise? ham aatma jo pavitra thi, usmein kat lagi hai। jitna baap ko yaad karenge utna baap se lav jutega। padhaai se nahin, yaad se lav jutega। bhaarat ka hai hi praacheen yog, jisse aatma pavitra ban apne dhaam chali jaayegi। sab bhaaiyon ko apne baap ka parichay dena hai। sarvavyaapi ke gyaan se to bilkul gir gaye hain jor se। abhi baap kehte hain - drama anusaar tumhaara part hai। raajdhaani avashya sthaapan honi hai। jitna kalpa pahle purushaartha kiya hai, utna hi woh karenge zaroor। tum saakshi ho dekhte rehte ho। yeh pradarshaniyaan aadi to bahut dekhte rahenge। tumhaari eeshvareey mission hai। yeh hai incorporeal god fatherly mission। woh hoti hai Christian mission, bauddhi mission। yeh hai incorporeal eeshvareey mission। niraakaar to zaroor koi shareer mein aayega na। tum bhi niraakaar aatmaayen mere saath rahne vaali thi na। yeh drama kaisa hai? yeh kiski bhi buddhi mein nahin hai। raavanraajya mein sab vipreet buddhi ban pade hain। ab baap se preet lagaani hai। tumhaara anjaam (vaayda) hai mera to ek doosra na koi। nashtomoha banna hai। badi mehnat hai। yeh jaise phaansi par chadhna hai। baap ko yaad karna maana phaansi par chadhna। shareer ko bhool aatma ko chale jaana hai baap ki yaad mein। baap ki yaad bahut zaroori hai। nahin to kat kaise utregi? bachchon ke andar mein khushi rahni chaahiye - shivbaaba hamko padhaate hain। koi sune to kahenge yeh kya kehte hain kyonki woh to shreekrishna ko bhagwan samajhte hain।

tum bachchon ko to abhi badi khushi hoti hai ki ham ab shreekrishna ki raajdhaani mein jaate hain। ham bhi prince-princess ban sakte hain। woh hai first prince। naye makaan mein rehte hain। baad mein jo bachche janma lenge woh to deri se aaye hain na। janma svarga mein hi hoga। tum bhi svarga mein prince ban sakte ho। sab to pahle number mein nahin aayenge। nambarvaar maala banegi na। baap kehte hain - bachche, khoob purushaartha karo। yahaan tum aaye ho nar se naaraayan banne। katha bhi satya naaraayan ki hai। satya lakshmi ki katha kabhi nahin suni hogi। pyaar bhi sabka shreekrishna par hai। shreekrishna ko hi jhoole mein jhulaate hain। raadhe ko kyon nahin? drama plan anusaar unka naam chala aata hai। tumhaari hamjinsa to raadhe hai phir bhi pyaar shreekrishna se hai। unka drama mein part bhi aisa hai। bachche hamesha pyaare hote hain। baap bachchon ko dekh kitna khush hote hain। bachcha aayega to khushi hogi, bachchi aayegi to ghutka khaate rahenge। kai to maar bhi dete hain। raavan ke raajya mein characters ka kitna farka ho jaata hai। gaate bhi hain aap sarvagun sampanna...... hain। ham nirgun hain। ab baap kehte hain phir se aise gunvaan bano। abhi samajhte ho ham anek baar is vishwa ke maalik bane hain। ab phir banna hai। bachchon ko bahut khushi rahni chaahiye। oho! shivbaaba hamko padhaate hain। yahi baith chintan karo। bhagwan hamko padhaate hain, vaah takdeer vaah! aise-aise vichaar karte mastaana ho jaana chaahiye। vaah takdeer vaah! behad ka baap hamko mila hai, ham baba ko hi yaad karte hain। pavitrata dhaaran karni hai। ham yeh bante hain, daiveegun dhaaran karte hain। yeh bhi manamnaabhav hai na। baba hamko yeh banaate hain। yeh to practical anubhav ki baat hai।

baap meethe-meethe bachchon ko raay dete hain - chart likho aur ekaanta mein baith aise apne saath baaten karo। yeh badge to chhaati se laga do। bhagwan ki shreemat par ham yeh ban rahe hain। inko dekhkar unko pyaar karte raho। baba ki yaad se ham yeh bante hain। baba aapki to kamaal hai, baba hamko aage thode hi pata tha ki aap hamko vishwa ka maalik banaayenge। naudha bhakti mein darshan ke liye gala kaatne, praan tyaagne lag padte hain tab darshan hota hai। aise-aise ki hi bhakta maala bani hui hai। bhakton ka maan bhi hai। kaliyug ke bhagat to jaise baadshaah hain। abhi tum bachchon ki behad ke baap se preet hai। ek baap ke sivaae aur koi yaad na rahe। ekdam line clear honi chaahiye। ab hamaare 84 janma poore hue। ab ham baap ke pharmaan par poora chalenge। kaam mahaashatru hai, unse haar nahin khaani hai। haar khaakar phir pashchaataap kar kya karenge? ekdam haddi-haddi toot jaati hai। bahut kadi saza mil jaati hai। kat utarne badle aur hi jor se chadh jaati hai। yog lagega nahin। yaad mein rehna badi mehnat hai। bahut gap bhi maarte hain - ham to baap ki yaad mein rehte hain। baba jaante hain, rah nahin sakte। ismen maaya ke bade toofaan aate hain। svapna aadi aise aayenge, ekdam tang kar denge। gyaan to bada sahaj hai। chhota bachcha bhi samjha lenge। baaki yaad ki yaatra mein hi bada rola hai। khush nahin hona chaahiye - ham bahut service karte hain। gupta service apni (yaad ki) karte raho। inko to nasha rehta hai - ham shivbaaba ka bachcha akela hoon। baba vishwa ka rachayita hai to zaroor ham bhi svarga ka maalik banenge। prince banne vaala hoon, yeh aantarik khushi rahni chaahiye। parantu jitna tum bachche yaad mein rah sakte ho, utna ham nahin। baba ko to bahut khyaal karne padte hain। bachchon ko kabhi eershya bhi nahin honi chaahiye ki baba bade aadmiyon ki khaatiri kyon karte hain। baap har ek bachche ki nabja dekh unke kalyaan arth har ek ko us anusaar chalaate hain। teacher jaanta hai har ek student ko kaise chalaana hai। bachchon ko ismen sanshay nahin laana chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ki namaste।

dhaarna ke liye mukhya saar:-

1) ekaanta mein baith apne aapse baaten karni hai। aatma par jo junk chadhi hai use utaarne ke liye yaad ki yaatra par rehna hai।

2) kisi bhi baat mein sanshay nahin uthaana hai, eershya nahin karni hai। aantarik khushi mein rehna hai। apni gupta service karni hai।

vardaan:- beggar tu prince ka part practical mein bajaane vaale tyaagi va shreshtha bhaagyashaali aatma bhav

jaise bhavishya mein vishwa mahaaraajan daata honge। aise abhi se daataapan ke sanskaar emerge karo। kisi se koi salvation lekarke phir salvation den - aisa sankalp mein bhi na ho - ise hi kaha jaata hai beggar tu prince। svayan lene ki ichchha vaale nahin। is alpakaal ki ichchha se beggar। aisa beggar hi sampanna moorta hai। jo abhi beggar tu prince ka part practical mein bajaate hain unhein kaha jaata hai sada tyaagi va shreshtha bhaagyashaali। tyaag se sadaakaal ka bhaagya svatahban jaata hai।

slogan:- sada harshit rahne ke liye saaksheepan ki seat par drishta bankar har khel dekho।

avyakt ishaare - ashareeri va videhi sthiti ka abhyaas badhaao

ashareeri sthiti ka anubhav karne ke liye sookshm sankalp rup mein bhi kahaan lagaav na ho, sambandh ke rup mein, samparka ke roop mein athva apni koi visheshta ki taraph bhi lagaav na ho। agar apni koi visheshta mein bhi lagaav hai to woh bhi lagaav bandhan-yukta kar dega aur woh lagaav ashareeri banne nahin dega।