Murli du jour du samedi 17 janvier 2026

17-01-2026 praatahmurli om shanti "baapdaada"' madhuban

“meethe bachche - jab yeh bhaarat svarga tha tab tum ghor sojhre mein the, abhi andhiyaara hai, phir sojhre mein chalo''

prashn:- baap apne bachchon ko kaun si ek kahaani sunaane aaye hain?

uttar:- baba kehte meethe bachche - main tumhein 84 janmon ki kahaani sunaata hoon। tum jab pahle-pahle janma mein the to ek hi daivi dharma tha phir tumne hi do yug ke baad bade-bade mandir banaaye hain। bhakti shuru ki hai। abhi tumhaara yeh ant ke bhi ant ka janma hai। tumne pukaara duhkh harta sukh karta aao… ab main aaya hoon।

geet:- aaj andhere mein hai insaan........

om shanti। tum bachche jaante ho abhi yeh kaliyugi duniya hai, sab andhiyaare mein hain। pahle sojhre mein the, jabki bhaarat svarga tha। yahi bhaaratvaasi jo abhi apne ko hindu kahlaate hain yeh asul devi-devtaayen the। bhaarat mein svargavaasi the jab aur koi dharma nahin tha। ek hi dharma tha। svarga, vaikuntha, bahishta, heaven - yeh sab is bhaarat ke naam the। bhaarat pavitra aur praacheen dhanvaan tha। abhi to bhaarat kangaal hai kyonki abhi kaliyug hai। tum jaante ho ham andhiyaare mein hain। jab svarga mein the to sojhre mein the। svarga ke raaj-raajeshvar, raaj-raajeshvari shri lakshmi-naaraayan the। usko sukhdhaam kaha jaata hai। baap se hi tumko svarga ka varsa lena hai, jisko jeevanmukti kaha jaata hai। abhi to sab jeevan-bandha mein hain। khaas bhaarat aur aam duniya raavan ki jel mein, shokvaatika mein hain। aise nahin raavan sirf lanka mein tha aur raam bhaarat mein tha, usne aakar seeta churaai। yeh to sab hain danta kathaayen। geeta hai mukhya, sarva shaastramai shiromni shreemat arthaat bhagwan ki sunaai hui hai, bhaarat mein। manushya to koi ki sadgati kar nahin sakte। satayug mein the jeevanmukta devi-devtaayen, jinhonne yeh varsa kaliyug ant mein paaya tha। bhaaratvaasiyon ko yeh pata nahin hai, na koi shaastron mein hai। shaastron mein hai bhakti maarga ka gyaan। sadgati maarga ka gyaan manushya maatra mein bilkul hai nahin। sab bhakti sikhlaane vaale hain। kahenge shaastra padho, daan-punya karo। yeh bhakti dvaapar se chali aati hai। satayug aur treta mein hai gyaan ki praalabdha। aise nahin ki vahaan bhi yeh gyaan chalta aata hai। yeh jo varsa bhaarat ko tha woh baap se sangamayug par hi mila tha jo phir abhi tumko mil raha hai। bhaaratvaasi jab narkavaasi behad duhkhi ban jaate hain tab pukaarte hain - he patit-paavan duhkh harta sukh karta। kiska? sarva ka kyonki bhaarat khaas, duniya aam sabmen 5 vikaar hain। baap hai patit-paavan। baap kehte hain - main kalpa-kalpa, kalpa ke sangam par aata hoon। sarva ka sadgati daata banta hoon। ahilyaayen, ganikaayen aur jo guru log hain un sabka uddhaar mujhe hi karna padta hai kyonki yeh to hai hi patit duniya। paavan duniya satayug ko kaha jaata hai। bhaarat mein in lakshmi-naaraayan ka raajya tha। bhaaratvaasi yeh nahin jaante ki yeh svarga ke maalik the। patit khanda maana jhooth khanda, paavan khanda maana sachkhanda। bhaarat paavan khanda tha, yeh bhaarat hai avinaashi khanda, jo kabhi vinaash nahin hota hai। jab inka (lakshmi-naaraayan ka) raajya tha to aur koi khanda the nahin। woh sabhi baad mein aate hain। manushyon ne to kalpa laakhon varsha ka likh diya hai। baap kehte hain kalpa ki aayu 5 hazaar varsha hai। woh phir kah dete manushya 84 laakh janma lete hain। manushya ko kutta, billi, gadha aadi sab bana diya hai। parantu kutte billi ka janma alag hai, 84 laakh variety hain। manushyon ki to variety ek hi hai। unke hi 84 janma hain। baap kehte hain bhaaratvaasi apne dharma ko drama plan anusaar bhool gaye hain। kaliyug ant mein bilkul hi patit ban pade hain। phir baap sangam par aakar paavan banaate hain, isko kaha jaata hai duhkhadhaam phir bhaarat sukhdhaam hoga। baap kehte hain - he bachchon, tum bhaaratvaasi, svargavaasi the phir tum 84 janmon ki seedhi utarte ho। sato se rajo-tamo mein zaroor aana hai। tum devtaaon jaisa dhanvaan ever happy, ever healthy, wealthy koi nahin hota। bhaarat kitna saahookaar tha, heere-javaahraat to pattharon misal the। do yug baad bhaktimaarga mein itne bade-bade mandir banaate hain। woh bhi kitne bhaari mandir banaaye। somnaath ka mandir bade se bada tha। sirf ek mandir to nahin hoga na। aur bhi raajaaon ke mandir the। kitna lootkar le gaye hain। baap tum bachchon ko smriti dilaate hain। tumko kitna saahookaar banaaya tha। tum sarvagun sampanna, 16 kala sampoorn the yatha mahaaraaja-mahaaraani। unhon ko bhagwan-bhagavti bhi kah sakte hain। parantu baap ne samjhaaya hai - bhagwan ek hai, woh baap hai। sirf eeshvar va prabhu kahne se bhi yaad nahin aata ki woh sabhi aatmaon ka baap hai। baap kahaani baith sunaate hain। abhi tumhaare bahut janmon ke ant ka janma hai। ek ki baat nahin hai, na koi yuddha ka maidaan aadi hai। bhaaratvaasi yeh bhool gaye hain ki unhon ka raajya tha। satayug ki aayu lambi kar dene se bahut door le gaye hain। baap aakar samjhaate hain - manushya ko bhagwan nahin kah sakte। manushya kisi ki sadgati nahin kar sakte। kahaavat hai - sarva ka sadgati daata, patiton ka paavan karta ek hai। ek hi sachcha baba hai jo sachkhanda ki sthaapna karne vaala hai। pooja bhi karte hain parantu bhakti maarga mein tum jiski pooja karte aaye ho, ek ki bhi biography ko nahin jaante isliye baap samjhaate hain, tum shivjayanti to manaate ho na। baap hai nai duniya ka rachayita, heavenly god father। behad sukh dene vaala। satayug mein bahut sukh tha। woh kaise aur kisne sthaapan kiya? yeh baap hi baith samjhaate hain। narkavaasi ko aakar svargavaasi banaana ya bhrashtaachaariyon ko shreshthaachaari devta banaana, yeh to baap ka hi kaam hai। baap kehte hain - main tum bachchon ko paavan banaata hoon। tum svarga ke maalik bante ho। tumko patit kaun banaate hain? yeh raavan। manushya kah dete duhkh bhi eeshvar hi dete hain। baap kehte hain - main to sabhi ko itna sukh deta hoon jo phir aadhaakalpa tum baap ka simran nahin karenge। phir jab raavan raajya hota hai to sabki pooja karne lag padte hain। yeh hai tumhaara bahut janmon ke ant ka janma। kehte hain baba kitne janma hamne liye? baba kehte hain - meethe-meethe bhaaratvaasiyon, he aatmaon, ab tumko behad ka varsa deta hoon। bachche, tumne 84 janma liye hain। abhi tum 21 janma ke liye baap se varsa lene aaye ho। sabhi to ikatthe nahin aayenge। tum hi satayug ka sooryavanshi pad phir se lete ho arthaat sachche satya baba se satya nar se naaraayan banne ka gyaan sunte ho। yeh hai gyaan, woh hai bhakti। shaastra aadi sab hain bhakti maarga ke liye। woh gyaan maarga ke nahin hain। yeh hai spiritual roohaani knowledge। supreme rooh baith knowledge dete hain। bachchon ko dehi-abhimaani banna pade। apne ko aatma nishchay kar maamekam yaad karo। baap samjhaate hain - aatma mein hi achhe va bure sanskaar hote hain, jis anusaar hi manushya ko achha va bura janma milta hai। baap baith samjhaate hain yeh jo paavan tha, antim janma mein patit hai, tat tvam। mujh baap ko is puraani raavan ki duniya, patit duniya mein aana padta hai। aana bhi us tan mein hai jo phir pahle number mein jaana hai। sooryavanshi hi poore 84 janma lete hain। yeh hai brahma aur brahmaavanshi brahman। baap samjhaate to roz hain। pattharbuddhi ko paarasbuddhi banaana maasi ka ghar nahin hai। he aatmaayen, ab dehi-abhimaani bano। he aatmaayen, ek baap ko yaad karo aur raajaai ko yaad karo। deh ke sambandh ko chhodo। marna to sabhi ko hai। sabki vaanaprastha avastha hai। ek satguru bigar sarva ka sadgati daata koi ho nahin sakta। baap kehte hain - he bhaaratvaasi bachchon, tum pahle-pahle mere se bichhude ho। gaaya jaata hai - aatmaayen-paramatma alag rahe bahukaal..... pahle-pahle tum bhaaratvaasi devi-devta dharma vaale aaye ho। aur dharma vaalon ke janma thode hote hain। saara chakra kaise phirta hai so baap baith samjhaate hain। jo dhaaran nahin kara sakte hain, unke liye bhi bahut sahaj hai। aatmaayen dhaaran karti hain, punya aatma, paap aatma banti hain na। tumhaara yeh 84 vaan antim janma hai। tum sab vaanaprastha avastha mein ho। vaanaprastha avastha vaale guru karte hain, mantra lene ke liye। tumko to abhi dehdhaari guru karne ki darkaar nahin hai। tum sabka main baap, teacher, guru hoon। mujhe kehte bhi ho - he patit-paavan shivbaaba। abhi smriti aai hai। sab aatmaon ka baap hai, aatma sat hai, chaitanya hai kyonki amar hai। sabhi aatmaon mein part bhara hua hai। baap bhi sat chaitanya hai। woh manushya srishti ka beejroop hone kaaran kehte hain - main saare jhaad ke aadi-madhya-ant ko jaanta hoon isliye mujhe knowledgeful kaha jaata hai। tumko bhi saari knowledge hai। beej se jhaad kaise nikalta hai। jhaad badhne mein time lagta hai na। baap kehte hain main beejroop hoon, ant mein saara jhaad jadajdeebhoot avastha ko chakra leta hai। abhi dekho devi-devta dharma ka foundation hai nahin। praayah gum hai। jab devta dharma gum ho jaata hai tab baap ko aana padta hai - ek dharma ki sthaapna kar baaki sabka vinaash kara dete hain। prajaapita brahma dvaara baap sthaapna kara rahe hain, aadi sanaatan devi-devta dharma ki। yeh bhi saara drama bana hua hai। inki and hoti nahin। baap aate hain ant mein। jabki srishti ke aadi-madhya-ant ka knowledge sunaana hai to zaroor sangam par aayenge। tumhaara ek baap hai। aatmaayen sabhi brothers hain, mool vatan mein rahne vaali। us ek baap ko sab yaad karte hain। duhkh mein simran sab karen.. raavan raajya mein duhkh hai na। yahaan simran karte hain to baap sabka sadgati daata ek hai। unki hi mahima hai। baap nahin aaye to bhaarat ko svarga kaun banaave! islaami aadi jo bhi hain sab is samay tamopradhaan hain। sabko punarjanma to zaroor lena hai। abhi punarjanma milta hai narka mein। aise nahin ki svarga mein chale jaate hain। jaise hindu log kehte hain svargavaasi hua to zaroor narka mein tha na। abhi svarga mein gaya। tumhaare mukh mein gulaab। svargavaasi hua phir narka ke aasuri vaibhav tum unko kyon khilaate ho! bangaal mein machhliyaan aadi bhi khilaate hain। are, unko in sab khaane ki darkaar hi kya hai! kehte hain phalaana paar nirvaan gaya, baap kehte yeh sab hain gapode। vaapis koi bhi ja nahin sakte। jabki pahle number vaalon ko hi 84 janma lene padte hain।

baap samjhaate hain ismen koi takleeph nahin hai। bhakti maarga mein kitni takleeph hai। raam-raam japte romaanch khade ho jaate। woh sab hai bhakti maarga। yeh soorya-chaand bhi tum jaante ho ki roshni karne vaale hain। yeh koi devtaayen thode hi hain। vaastav mein gyaan soorya, gyaan chandrama aur gyaan sitaare hain। unhon ki mahima hai। woh phir kah dete soorya devtaae namah। unko devta samajh paani dete hain। to baap samjhaate hain yeh sab hai bhakti maarga, jo phir bhi hoga। pahle hoti hai avyabhichaari bhakti ek shivbaaba ki, phir devtaaon ki, phir utarte-utarte abhi to dekho tivaate par (jahaan teen raaste milte hain) bhi mitti ka deeva jagaae, tel aadi daal unki bhi pooja karte hain। tatvon ki bhi pooja karte hain। manushyon ke bhi chitra banaae poojte hain। ab inse praapti to kuchh bhi nahin hoti, in baaton ko tum bachche hi samajhte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma se bure sanskaaron ko nikaalne ke liye dehi-abhimaani rahne ka abhyaas karna hai। yeh antim 84 vaan janma hai, vaanaprastha avastha hai isliye punya aatma banne ki mehnat karni hai।

2) deh ke sab sambandhon ko chhod ek baap ko aur raajaai ko yaad karna hai, beej aur jhaad ka gyaan simran kar sada harshit rehna hai।

vardaan:- upraam aur ever ready ban buddhi dvaara ashareeri pan ka abhyaas karne vaale sarva kalaaon mein sampanna bhav

jaise circus mein kala dikhaane vaale kalaabaaj ka har karma kala ban jaata hai। ve kalaabaaj shareer ke koi bhi ang ko jaise chaahen, jahaan chaahen, jitna samay chaahen mould kar sakte hain, yahi kala hai। aap bachche buddhi ko jab chaaho jitna samay, jahaan sthit karne chaaho vahaan sthit kar lo - yahi sabse badi kala hai। is ek kala se 16 kala sampanna ban jaayenge। iske liye aise upraam aur ever ready bano jo order pramaan ek second mein ashareeri ban jaao। yuddha mein samay na jaaye।

slogan:- saralta aur sahansheelta ke gun ko dhaaran karne vaale heesachche snehi aur sahayogi hain।

avyakt ishaare - is avyakti maas mein bandhanmukta rah jeevanmukta sthiti ka anubhav karo

jo parmaatma gyaani bachche hain, unhein gyaan ka phal mukti aur jeevanmukti ka varsa sangam par hi praapta hota hai। gyaan arthaat samajh। samajhdaar har karma karte hue sada svayan ko bandhanmukta, sarva aakarshanon se mukta banaane ki samajh rakhta hai। unke har sankalp, bol, karma, sambandh aur samparka mein mukti-jeevanmakti ki stage rehti hai, jisko nyaara aur pyaara kehte hain।