Murli du jour du vendredi 16 janvier 2026

16-01-2026 praatahmurli om shanti "baapdaada"' madhuban

“meethe bachche - tum jo bhi karma karte ho uska phal avashya milta hai, nishkaam seva to keval ek baap hi karte hain''

prashn:- yeh class bada wonderful hai kaise? yahaan mukhya mehnat kaun si karni hoti hai?

uttar:- yahi ek class hai jismen chhote bachche bhi baithe hain to boodhe bhi baithe hain। yeh class aisa wonderful hai jo ismen ahilyaayen, kubjaayen, saadhu bhi aakar ek din yahaan baithenge। yahaan hai hi mukhya yaad ki mehnat। yaad se hi aatma aur shareer ki nature cure hoti hai parantu yaad ke liye bhi gyaan chaahiye।

geet:- raat ke raahi…

om shanti। meethe-meethe roohaani bachchon ne geet suna। roohaani baap bachchon ko iska arth bhi samjhaate hain। wonder to yeh hai geeta athva shaastra aadi banaane vaale inka arth nahin jaante। har ek baat ka anartha hi nikaalte hain। roohaani baap jo gyaan ka saagar patit-paavan hai, woh baith inka arth bataate hain। raajayog bhi baap hi sikhlaate hain। tum bachche jaante ho - abhi phir se raajaaon ka raaja ban rahe hain aur school mein aise koi thode hi kahenge ki ham phir se barrister bante hain। phir se, yeh akshar kisko kahne nahin aayega। tum kehte ho ham 5 hajaar varsha pahle misal phir se behad ke baap se padhte hain। yeh vinaash bhi phir se hona hai zaroor। kitne bade-bade bombs banaate rehte hain। bahut powerful banaate hain। rakhne liye to nahin banaate hain na। yeh vinaash bhi shubh kaarya ke liye hai na। tum bachchon ko darne ki koi darkaar nahin hai। yeh hai kalyaankaari ladaai। baap aate hi hain kalyaan ke liye। kehte bhi hain baap aakar brahma dvaara sthaapna, shankar dvaara vinaash ka kartavya karaate hain। so yeh bombs aadi hain hi vinaash ke liye। inse jaasti aur to koi cheez hai nahin। saath-saath natural calamities bhi hoti hai। unko koi eeshvareey calamities nahin kahenge। yeh kudarti aapdaayen drama mein noondh hain। yeh koi nai baat nahin। kitne bade-bade bomb banaate rehte hain। kehte hain ham shahron ke shahar khatma kar denge। abhi jo jaapaan ki ladaai mein bombs chalaaye - yeh to bahut chhote the। abhi to bade-bade bombs banaaye hain। jab jaasti museebat mein padte hain, sahan nahin kar sakte to phir bombs shuru kar lete hain। kitna nuksaan hoga। woh bhi trial kar dekh rahe hain। arbon rupaya kharcha karte hain। in banaane vaalon ki tanakhvaah bhi bahut hoti hai। to tum bachchon ko khushi honi chaahiye। puraani duniya ka hi vinaash hona hai। tum bachche nai duniya ke liye purushaartha kar rahe ho। vivek bhi kehta hai puraani duniya khatma honi hai zaroor। bachche samajhte hain kaliyug mein kya hai, satayug mein kya hoga। tum abhi sangam par khade ho। jaante ho satayug mein itne manushya nahin honge, to in sabka vinaash hoga। yeh kudarti aapdaayen kalpa pahle bhi hui thi। puraani duniya khatma honi hi hai। calamities to aisi bahut hoti aai hain। parantu woh hoti hain thodi andaaj mein। abhi to yeh puraani duniya saari khatma honi hai। tum bachchon ko to bahut khushi honi chaahiye। ham roohaani bachchon ko parampita paramatma baap baith samjhaate hain, yeh vinaash tumhaare liye ho raha hai। yeh bhi gaayan hai roodra gyaan yagya se vinaash jvaala prajjavlit hui। kai baaten geeta mein hain jinka arth bada achha hai, parantu koi samajhte thode hi hain। woh shanti maangate rehte hain। tum kehte ho jaldi vinaash ho to ham jaakar sukhi hoven। baap kehte hain sukhi tab honge jab satopradhaan honge। baap anek prakaar ki points dete hain phir koi ki buddhi mein achhi reeti baithti hain, koi ki buddhi mein kam। budhiyaaen samajhti hain shivbaaba ko yaad karna hai, bas। unke liye samjhaaya jaata hai - apne ko aatma samajh baap ko yaad karo। phir bhi varsa to pa leti hain। saath mein rehti hain। pradarshani mein sab aayenge। ajaamil jaisi paap aatmaon, ganikaaon aadi sabka uddhaar hone ka hai। mehtar bhi achhe kapde pahankar aa jaate hain। gaandhi ji ne achhooton ko free kar diya। saath mein khaate bhi hain। baap to aur bhi mana nahin karte hain। samajhte hain inhon ka bhi uddhaar karna hi hai। kaam se koi connection nahin hai। ismen saara madaar hai baap ke saath buddhiyog lagaane ka। baap ko yaad karna hai। aatma kehti hai main achhoot hoon। ab ham samajhte hain ham satopradhaan devi-devta the। phir punarjanma lete-lete ant mein aakar patit bane hain। ab phir mujh aatma ko paavan banna hai। tumko maaloom hai - sindha mein ek bheelni aati thi, dhyaan mein jaati thi। daud kar aae milti thi। samjhaaya jaata tha - inmen bhi aatma to hai na। aatma ka hak hai, apne baap se varsa lena। unke ghar vaalon ko kaha gaya - inko gyaan uthaane do। bole hamaari biraadri mein hangaama hoga। dar ke maare unko le gaye। to tumhaare paas aate hain, tum kisko mana nahin kar sakte ho। gaaya hua hai ablaayen, ganikaayen, bheelniyaan, saadhu aadi sabka uddhaar karte hain। saadhu logon se lekar bheelni tak।

tum bachche abhi yagya ki service karte ho to is service se bahut praapti hoti hai। bahuton ka kalyaan ho jaata hai। din-pratidin pradarshani service ki bahut vriddhi hogi। baba badges bhi banvaate rehte hain। kahaan bhi jaao to is par samjhaana hai। yeh baap, yeh daada, yeh baap ka varsa। ab baap kehte hain - mujhe yaad karo to tum paavan ban jaayenge। geeta mein bhi hai - maamekam yaad karo। sirf unmein mera naam udaae bachche ka naam de diya hai। bhaaratvaasiyon ko bhi yeh pata nahin hai ki raadhe-krishna ka aapas mein kya sambandh hai। unke shaadi aadi ki history kuchh bhi nahin bataate hain। donon alag-alag raajdhaani ke hain। yeh baaten baap baith samjhaate hain। yeh agar samajh jaaen aur kah den ki shiv bhagvaanuvaach, to sab unko bhaga den। kahen tum yeh phir kahaan se seekhe ho? woh kaun-sa guru hai? kahe bi.ke. hain to sab bigad jaaen। in gurooon ki raajaai hi chat ho jaae। aise bahut aate hain। likhkar bhi dete hain, phir gum ho jaate hain।

baap bachchon ko koi bhi takleeph nahin dete hain। bahut sahaj yukti batlaate hain। koi ko bachcha nahin hota hai to bhagwan ko kehte hain bachcha do। phir milta hai to unki badi achhi paravrish karte hain। padhaate hain। phir jab bada hoga to kahenge ab apna dhandha karo। baap bachche ko paravrish kar unko laayak banaate hain to bachchon ka servant thahra na। yeh baap to bachchon ki seva kar saath le jaate hain। vo laukik baap samjhega bachcha bada ho apne dhandhe mein lag jaae phir ham boodhe honge to hamaari seva karega। yeh baap to seva nahin maangate hain। yeh hai hi nishkaam। laukik baap samajhte hain - jab tak jeeta hoon tab tak bachchon ka pharja hai hamaari sambhaal karna। yeh kaamna rakhte hain। yeh baap to kehte hain main nishkaam seva karta hoon। ham raajaai nahin karte hain। main kitna nishkaam hoon। aur jo kuchh bhi karte hain to uska phal unko zaroor milta hai। yeh to hai sabka baap। kehte hain main tum bachchon ko svarga ki raajaai deta hoon। tum kitna oonch pad praapta karte ho। main to sirf brahmaanda ka maalik hoon, so to tum bhi ho parantu tum raajaai lete ho aur ganvaate ho। ham raajaai nahin lete hain, na ganvaate hain। hamaara drama mein yeh part hai। tum bachche sukh ka varsa paane ka purushaartha karte ho। baaki sab sirf shanti maangate hain। vo guru log kehte hain sukh kaag vishta samaan hai isliye woh shanti hi chaahte hain। woh yeh knowledge utha na sake। unko sukh ka pata hi nahin hai। baap samjhaate hain shanti aur sukh ka varsa dene vaala ek main hi hoon। satayug-treta mein guru hota nahin, vahaan raavan hi nahin। woh hai hi eeshvareey raajya। yeh drama bana hua hai। yeh baaten aur kiski buddhi mein baithengi nahin। to bachchon ko achhi reeti dhaaran kar aur oonch pad paana hai। abhi tum ho sangam par। jaante ho nai duniya ki raajdhaani sthaapan ho rahi hai। to tum ho hi sangamayug par। baaki sab hain kaliyug mein। woh to kalpa ki aayu hi laakhon varsha kah dete hain। ghor andhiyaare mein hain na। gaaya bhi hua hai kumbhakran ki neend mein soye pade hain। vijay to paandavon ki gaai hui hai।

tum ho brahman। yagya brahman hi rachte hain। yeh to hai sabse bada behad ka bhaari eeshvareey roodra yagya। woh had ke yagya anek prakaar ke hote hain। yeh roodra yagya ek hi baar hota hai। satayug-treta mein phir koi yagya hota nahin kyonki vahaan koi aapda aadi ki baat nahin। woh hai sab had ke yagya। yeh hai behad ka। yeh behad baap ka racha hua yagya hai, jismen behad ki aahuti padni hai। phir aadhaakalpa koi yagya nahin hoga। vahaan raavan raajya hi nahin। raavan raajya shuru hone se phir yeh sab shuru hote hain। behad ka yagya ek hi baar hota hai, inmen yeh saari puraani srishti svaaha ho jaati hai। yeh hai behad ka roodra gyaan yagya। ismen mukhya hai gyaan aur yog ki baat। yog arthaat yaad। yaad akshar bahut meetha hai। yog akshar common ho gaya hai। yog ka arth koi nahin samajhte hain। tum samjha sakte ho - yog arthaat baap ko yaad karna hai। baba aap to hamko varsa dete hain behad ka। aatma baat karti hai - baba, aap phir se aaye ho। ham to aapko bhool gaye the। aapne hamko baadshaahi di thi। ab phir aakar mile ho। aapki shreemat par ham zaroor chalenge। aise-aise andar mein apne saath baaten karni hoti hain। baba, aap to humein bahut achha raasta bataate ho। ham kalpa-kalpa bhool jaate hain। abhi baap phir abhul banaate hain isliye ab baap ko hi yaad karna hai। yaad se hi varsa milega। main jab sammukh aata hoon tab tumko samjhaata hoon। tab tak gaate rehte hain - tum duhkh harta sukh karta ho। mahima gaate hain parantu na aatma ko, na paramatma ko jaante hain। abhi tum samajhte ho - itni chhoti bindi mein avinaashi part noondha hua hai। yeh bhi baap samjhaate hain। unko kaha jaata hai parampita paramatma arthaat param aatma। baaki koi bada hajaaron soorya misal nahin hoon। ham to teacher misal padhaate rehte hain। kitne dher bachche hain। yeh class to dekho kitna wonderful hai। kaun-kaun ismen padhte hain? ablaayen, kubjaayen, saadhu bhi ek din aakar baithenge। budhiyaayen, chhote bachche aadi sab baithe hain। aisa school kabhi dekha। yahaan hai yaad ki mehnat। yeh yaad hi time leti hai। yaad ka purushaartha karna yeh bhi gyaan hai na। yaad ke liye bhi gyaan। chakra samjhaane ke liye bhi gyaan। natural sachcha-sachcha nature cure isko kaha jaata hai। tumhaari aatma bilkul pure ho jaati hai। woh hoti hai shareer ki cure। yeh hai aatma ki cure। aatma mein hi khaad padti hai। sachche sone ka sachcha jevar hota hai। abhi yahaan bachche jaante hain shivbaaba sammukh aaya hua hai। bachchon ko baap ko zaroor yaad karna hai। hamko ab vaapis jaana hai। is paar se us paar jaana hai। baap ko, varse ko aur ghar ko bhi yaad karo। woh hai sweet silence hom। duhkh hota hai ashaanti se, sukh hota hai shanti se। satayug mein sukh-shanti-sampatti sab kuchh hai। vahaan ladaai-jhagde ki baat hi nahin। bachchon ko yahi phurna hona chaahiye - hamko satopradhaan, sachcha sona banna hai tab hi oonch pad paayenge। yeh roohaani bhojan milta hai, usko phir ugaarna chaahiye। aaj kaunsi, kaunsi mukhya points suni! yeh bhi samjhaaya yaatraayen do hoti hain - roohaani aur jismaani। yeh roohaani yaatra hi kaam aayegi। bhagvaanuvaach - manamnaabhav। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh vinaash bhi shubh kaarya ke liye hai isliye darna nahin hai, kalyaankaari baap sada kalyaan ka hi kaarya karaate hain, is smriti se sada khushi mein rehna hai।

2) sada ek hi phurna rakhna hai ki satopradhaan sachcha sona ban oonch pad paana hai। jo roohaani bhojan milta hai use ugaarna hai।

vardaan:- svayan ko jimmevaar samajhkar har karma yathaartha vidhi se karne vaale sampoorn siddhi svarup bhav

is samay aap sangamayugi shreshtha aatmaon ka har shreshtha karma saare kalpa ke liye vidhaan ban raha hai। to svayan ko vidhaan ke rachayita samajhkar har karma karo, isse albelaapan svatah samaapta ho jaayega। sangamayug par ham vidhaan ke rachayita, jimmevaar aatma hain - is nishchay se har karma karo to yathaartha vidhi se kiye hue karma ki sampoorn siddhi avashya praapta hogi।

slogan:- sarvashaktimaan baap saath ho to maaya paper-tiger ban jaayegi।

avyakt ishaare - is avyakti maas mein bandhanmukta rah jeevanmukta sthiti ka anubhav karo

sada jeevan-mukta rahne ka sahaj saadhan hai - ‘main' aur ‘mera baba'! kyonki mere-mere ka hi bandhan hai। mera baba ho gaya to sab mera khatma। jab ‘ek mera' mein ‘sab mera-mera' samaapta ho gaya, to bandhan-mukta ho gaye। to yahi yaad rakhna ki ham brahman jeevan-mukta aatma hain।