Murli du jour du lundi 26 janvier 2026

26-01-2026 praatahmurli om shanti "baapdaada"' madhuban

“meethe bachche - tumne aadhaakalpa jiski bhakti ki hai, vahi baap khud tumhein padha rahe hain, is padhaai se hi tum devi devta bante ho''

prashn:- yogbal ke lift ki kamaal kya hai?

uttar:- tum bachche yogbal ki lift se second mein oopar chadh jaate ho arthaat second mein jeevanmukti ka varsa tumhein mil jaata hai। tum jaante ho seedhi utarne mein 5 hazaar varsha lage aur chadhte hain ek second mein, yahi hai yogbal ki kamaal। baap ki yaad se sab paap kat jaate hain। aatma satopradhaan ban jaati hai।

om shanti। roohaani baap roohaani bachchon ko baith samjhaate hain। roohaani baap ki mahima to bachchon ko sunaai hai। woh gyaan ka saagar, sat-chit-aanand svarup hai। shanti ka saagar hai। unko sab behad ki shiphten di jaati hain। ab baap hai gyaan ka saagar। aur is samay jo bhi manushya hain sab jaante hain ham bhakti ke saagar hain। bhakti mein jo sabse teekha hota hai unko maan milta hai। is samay kaliyug mein hai bhakti, duhkh। satayug mein hai gyaan ka sukh। aise nahin ki vahaan gyaan hai। to yeh mahima sirf ek hi baap ki hai aur bachchon ki mahima bhi hai kyonki baap bachchon ko padhaate hain athva yaatra sikhlaate hain। baap ne samjhaaya hai do yaatraayen hain। bhakta log teertha karte hain, chaaron taraph chakra lagaate hain। to jitna time chaaron taraph chakra lagaate hain, utna time vikaar mein nahin jaate hain। sharaab aadi chhi-chhi koi cheez nahin khaate peete hain। kabhi badreenaath, kabhi kaashi chakra lagaate hain। bhakti karte hain bhagwan ki। ab bhagwan to ek hona chaahiye na। sab taraph to chakra nahin lagaana chaahiye na! shivbaaba ke teertha ka bhi chakra lagaate hain। sabse bada banaaras ka teertha gaaya hua hai, jisko shiv ki puri kehte hain। chaaron taraph jaate hain parantu jinka darshan karne jaate hain athva jinki bhakti karte hain, unki biography, occupation ka kisko pata nahin isliye unko kaha jaata hai andhashraddha। kiski pooja karna, maatha tekna aur unki jeevan kahaani ko na jaanna, usko kaha jaata hai blind faith। ghar mein bhi manaate hain, deviyon ki kitni pooja karte hain, mitti ki va patthar ki deviyaan banaae unko bahut shrringaarte hain। samjho lakshmi ka chitra banaate hain, unse poochho inki biography bataao to kahenge satayug ki mahaaraani thi। treta ki phir seeta thi। baaki inhonne kitna samay raajya kiya, lakshmi-naaraayan ka raajya kab se kab tak chala, yeh koi bhi jaante nahin। manushya bhakti maarga mein yaatra par jaate hain, yeh sab hain bhagwan se milne ke upaay। shaastra padhna yeh bhi upaay hai bhagwan se milne liye। parantu bhagwan hai kahaan? kahenge woh to sarvavyaapi hai।

abhi tum jaante ho padhaai se ham yeh (devi-devta) bante hain। baap khud aakar padhaate hain, jiske milne liye aadhaakalpa bhakti maarga chalta hai। kehte hain baba paavan banaao aur apna parichay bhi do ki aap hain kaun? baba ne samjhaaya hai ki tum aatma bindi ho, aatma ko hi yahaan shareer mila hua hai, isliye yahaan karma karti hai। devtaaon ke liye kahenge ki yeh satayug mein raajya karke gaye hain। Christian log to samajhte hain barobar god father ne paradise sthaapan kiya। ham usmein nahin the। bhaarat mein paradise tha, unhon ki buddhi phir bhi achhi hai। bhaaratvaasi satopradhaan bhi bante hain to phir tamopradhaan bhi bante hain। woh itna sukh nahin dekhte to duhkh bhi itna nahin dekhte hain। abhi pichhaadi ke Christian log kitna sukhi hain। pahle to woh gareeb the। paisa to mehnat se kamaaya jaata hai na। pahle ek Christ aaya, phir unka dharma sthaapan hota hai, vriddhi hoti jaati hai। ek se do, do se chaar… phir aise vriddhi hoti jaati hai। abhi dekho Christian ka jhaad kitna ho gaya hai। foundation hai - devi-devta gharaana। woh phir yahaan is samay sthaapan hota hai। pahle ek brahma phir braahmanon ki adopted santaan vriddhi ko paate hain। baap padhaate hain to bahut dher brahman ho jaate hain। pahle to yeh ek tha na। ek se kitni vriddhi hui hai। kitni hone ki hai। jitne sooryavanshi, chandravanshi devtaayen the, utne sab banne ke hain। pahle hai ek baap, unki aatma to hai hi। baap ki ham aatmaayen santaan kitni hain? ham sab aatmaon ka baap ek anaadi hai। phir srishti ka chakra phirta rehta hai। sab manushya to sadaiv nahin hain na। aatmaon ko bhinna-bhinna part bajaana hai। is jhaad ka pahle-pahle thur hai devi-devtaaon ka, phir unse tubes nikli hain। to baap baith bachchon ko samjhaate hain - bachchon, main aakarke kya karta hoon? aatma mein hi dhaarna hoti hai। baap baith sunaate hain - main aaya kaise? tum sab bachche jabki patit bane ho to yaad karte ho। satayug-treta mein to tum sukhi the to yaad nahin karte the। dvaapar ke baad jab duhkh jaasti hua hai tab pukaara hai - he parampita paramatma baba। haan bachchon, suna। kya chaahte ho? baba aakar patiton ko paavan banaao। baba ham bahut duhkhi, patit hain। hamko aakar paavan banaao। kripa karo, aasheervaad karo। tumne mujhe pukaara hai - baba, aakar patiton ko paavan banaao। paavan satayug ko kaha jaata hai। yeh bhi baap khud baith batlaate hain। drama ke plan anusaar jab sangamayug hota hai, srishti puraani hoti hai tab main aata hoon।

tum samajhte ho sannyaasi bhi do prakaar ke hain। woh hain hathayogi, unko raajayogi nahin kaha jaata। unhon ka hai had ka sannyaas। gharbaar chhod jaae jangal mein rehte hain। gurooon ke followers bante hain। gopeechanda raaja ke liye bhi ek katha sunaate hain। usne kaha tum gharbaar kyon chhodte ho? kahaan jaate ho? shaastron mein bahut kuchh kahaaniyaan hain। abhi tum bi.ke. raajaaon ko bhi jaakar gyaan aur yog sikhlaate ho। ek ashtaapa geeta bhi hai, jismen dikhaate hain - raaja ko vairaagya aaya, bola hamko koi paramatma se milaaye। dhindhora pitvaaya। woh yahi samay hai। tum jaakar raajaaon ko gyaan dete ho na, baap se milaane liye। jaise tum mile ho to auron ko bhi milaane ki koshish karte ho। tum kehte ho ham tumko svarga ka maalik banaayenge, mukti-jeevanmukti denge। phir unko bolo shivbaaba ko yaad karo, aur koi ko nahin। tumhaare paas bhi shuru mein baithe-baithe ek-do ko dekhte dhyaan mein chale jaate the na। bada wonder lagta tha। baap tha na inmen, to woh chamatkaar dikhaate the। sabki rassi kheench lete the। baapdaada ikatthe ho gaye na। kabristaan banaate the। sab baap ki yaad mein so jaao। sab dhyaan mein chale jaate the। yeh sab shivbaaba ki chaturaai thi। isko phir kai jaadu samajhne lage। yeh tha shivbaaba ka khel। baap jaadoogar, saudaagar, ratnaagar hai na। dhobi bhi hai, sonaar bhi hai, vakeel bhi hai। sabko raavan ki jel se chhudaate hain। unko hi sab bulaate hain - he patit-paavan, he doordesh ke rahne vaale....... hamko aakar paavan banaao। aao bhi patit duniya mein, patit shareer mein aakar hamko paavan banaao। abhi tum unka bhi arth samajhte ho। baap aakar batlaate hain tum bachchon ne raavan ke desh mein hamko bulaaya hai, main to paramdham mein baitha tha। svarga sthaapan karne ke liye mujhe narka raavan ke desh mein bulaaya ki ab sukhdhaam mein le chalo। abhi tum bachchon ko le chalte hain na। to yeh hai drama। mainne jo tumko raajya diya tha woh poora hua phir dvaapar se raavan raajya chala hai। 5 vikaaron mein gire, unke phir chitra bhi hain jagannaathpuri mein। pahle number mein jo tha vahi phir 84 janma le ab pichhaadi mein hai phir unko hi pahle number mein jaana hai। yeh brahma baitha hai, vishnu bhi baitha hai। inka aapas mein kya connection hai? duniya mein koi nahin jaante। brahma-sarasvati bhi asul mein satayug ke maalik lakshmi-naaraayan the। abhi narka ke maalik hain। abhi yeh tapasya kar rahe hain - yeh lakshmi-naaraayan banne ke liye। delvaada mandir mein poora yaadgaar hai। baap bhi yahaan hi aaye hain isliye ab likhte bhi hain - aabu sarva teerthon mein, sab dharmon ke teerthon mein mukhya teertha hai kyonki yahaan hi baap aakar sarva dharmon ki sadgati karte hain। tum shantidham hokar phir svarga mein jaate ho। baaki sab shantidham mein chale jaate hain। woh hai jad yaadgaar, yeh hai chaitanya। jab tum chaitanya mein woh ban jaayenge to phir yeh mandir aadi sab khatma ho jaayenge। phir bhakti maarga mein yeh yaadgaar banaayenge। abhi tum svarga ki sthaapna kar rahe ho। manushya samajhte hain - svarga oopar mein hai। abhi tum samajhte ho yahi bhaarat svarga tha, abhi narka hai। yeh chakra dekhne se hi saara gyaan aa jaata hai। dvaapar se aur aur dharma aate hain to abhi dekho kitne dharma hain। yeh hai iron ej। abhi tum sangam par ho। satayug mein jaane ke liye purushaartha karte ho। kaliyug mein hain sab patthar-buddhi। satayug mein hain paarasbuddhi। tum hi paarasbuddhi the, tum hi phir pattharbuddhi bane ho, phir paarasbuddhi banna hai। ab baap kehte hain tumne hamko bulaaya hai to main aaya hua hoon aur tumko kehta hoon - kaam ko jeeto to jagatjeet banenge। mukhya yeh vikaar hi hai। satayug mein hain sab nirvikaari। kaliyug mein hain vikaari।

baap kehte hain bachche, ab nirvikaari bano। 63 janma vikaar mein gaye ho। ab yeh antim janma pavitra bano। abhi marna bhi sabko hai। main svarga sthaapan karne aaya hoon to ab meri shreemat par chalo। main jo kahoon woh suno। abhi tum pattharbuddhi ko paarasbuddhi banaane ka purushaartha kar rahe ho। tum hi poori seedhi utarte ho phir chadhte ho। tum jaise jinna ho। jinna ki kahaani hai na - usne bola kaam do to raaja ne kaha achha seedhi utro aur chadho। bahut manushya kehte hain bhagwan ko kya padi thi jo seedhi chadhaate aur utaarte hain। bhagwan ko kya hua jo aisi seedhi banaai! baap samjhaate hain yeh anaadi khel hai। tumne 5 hajaar varsha mein 84 janma liye hain। 5 hazaar varsha tumko neeche utarne mein lage hain phir oopar mein jaate ho second mein। yeh hai tumhaare yogbal ki lift। baap kehte hain yaad karo to tumhaare paap kat jaayenge। baap aate hain to second mein tum oopar chadh jaate ho phir neeche utarne mein 5 hazaar varsha lage hain। kalaayen kam hoti jaati hain। chadhne ki to lift hai। second mein jeevanmukti। satopradhaan banna hai। phir aahiste-aahiste tamopradhaan banenge। 5 hazaar varsha lagte hain। achha, phir tamopradhaan se satopradhaan banna hai ek janma mein। abhi jabki main tumko svarga ki baadshaahi deta hoon to tum pavitra kyon nahin banenge। parantu kaameshu, krodheshu bhi hain na। vikaar na milne se phir stri ko maarte hain, baahar nikaal dete hain, aag laga dete hain। ablaaon par kitne atyaachaar hote hain। yeh bhi drama mein noondh hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jagat ka maalik banne va vishwa ki baadshaahi lene ke liye mukhya kaam vikaar par jeet paani hai। sampoorn nirvikaari zaroor banna hai।

2) jaise humein baap mila hai aise sabko baap se milaane ki koshish karni hai। baap ki sahi pahchaan deni hai। sachchi-sachchi yaatra sikhlaani hai।

vardaan:- gam ki duniya saamne hote hue bhi begampur ki baadshaahi ka anubhav karne vaale ashta shakti svarup bhav

gam aur begam ki abhi hi knowledge hai, gam ki duniya saamne hote bhi sada begampur ke baadshaahi ka anubhav karna - yahi ashta shakti svarup, karmendriy jeet bachchon ki nishaani hai। abhi hi baap dvaara sarvashaktiyon ki praapti hoti hai lekin agar koi na koi sangadosh va koi karmendriy ke vasheebhoot ho apni shakti kho lete ho to jo begampur ka nasha va khushi praapta hai woh svatah hi kho jaati hai। begampur ke baadshaah bhi kangaal ban jaate hain।

slogan:- dridhta ki shakti sada saath ho to saphalta gale ka haar hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

apne sankalpon ke toofaan va koi bhi sambandh dvaara, prakriti va samasyaaon dvaara toofaan va vighna aate hain to unse mukti paane ke liye yog yukta, yukti-yukta bano। jab tak yogayukta nahin tab tak vighnon se yukta ho।