Murli du jour du mercredi 4 février 2026

04-02-2026 praatahmurli om shanti "baapdaada"' madhuban

“meethe bachche - sangam par tumhein nai aur niraali knowledge milti hai, tum jaante ho ham sab aatmaayen actors hain, ek ka part na mile doosre se''

prashn:- maaya par jeet paane ke liye tum roohaani yoddhon ko (kshatriyon ko) kaun-si yukti mili hui hai?

uttar:- he roohaani kshatriy, tum sada shreemat par chalte raho। aatma-abhimaani ban baap ko yaad karo, roz savere-savere uth yaad mein rahne ka abhyaas daalo to maaya par vijay praapta kar lenge। ulte-sulte sankalpon se bach jaayenge। yaad ki meethi yukti maayaajeet bana degi।

geet:- jiska saathi hai bhagwan…

om shanti। yeh manushyon ke banaaye hue geet hain। inka arth koi kuchh bhi nahin jaante। geet bhajan aadi gaate hain, mahima karte hain bhakta log parantu jaante kuchh nahin। mahima bahut karte hain। tum bachchon ko koi mahima nahin karni hai। bachche baap ki kabhi mahima nahin karte। baap jaante hain yeh hamaare bachche hain। bachche jaante hain yeh hamaara baba hai। abhi yeh behad ki baat hai। phir bhi sab behad ke baap ko yaad karte hain। ab tak bhi yaad karte rehte hain। bhagwan ko kehte hain - he baba, inka naam shivbaaba hai। jaise ham aatmaayen hain vaise shivbaaba hai। woh hai param aatma, jisko supreme kaha jaata hai, unke ham bachche hain। unko supreme soul kaha jaata hai। unka nivaas sthaan kahaan hain? paramdham mein। sab souls vahaan rehti hain। actors hi souls hain। tum jaante ho naatak mein actors nambarvaar hote hain। har ek ke part anusaar itni tanakhvaah (pagaar) milti hai। sab aatmaayen jo vahaan rehti hain, sab paartadhaari hain, parantu nambarvaar sabko part mila hua hai। roohaani baap baith samjhaate hain ki roohon mein kaise avinaashi part noondha hua hai। sab roohon ka part ek jaisa nahin ho sakta। sabmen taakat ek jaisi nahin। tum jaante ho ki sabse achha part unka hai jo pahle shiv ki roodra maala mein hain। naatak mein jo bahut achhe-achhe actors hote hain unki kitni mahima hoti hai। sirf unko dekhne liye bhi log jaate hain। to yeh behad ka drama hai। is behad ke drama mein bhi oonch ek baap hai। oonch te oonch actor, creator, director bhi kahen, woh sab hain had ke actors, daayrektarsa aadi। unko apna chhota part mila hua hai। part aatma bajaati hai parantu deh-abhimaan ke kaaran kah dete ki manushya ka aisa part hai। baap kehte part saara aatma ka hai। aatma-abhimaani banna padta hai। baap ne samjhaaya hai ki satayug mein aatma-abhimaani hote hain। baap ko nahin jaante। yahaan kaliyug mein to aatma-abhimaani bhi nahin aur baap ko bhi nahin jaante। abhi tum aatma-abhimaani bante ho। baap ko bhi jaante ho।

tum braahmanon ko niraali knowledge milti hai। tum aatma ko jaan gaye ho ki ham sab aatmaayen actors hain। sabko part mila hua hai, jo ek na mile doosre se। woh part saara aatma mein hai। yoon to jo naatak banaate hain woh bhi part aatma hi dhaaran karti hai। achha part bhi aatma hi leti hai। aatma hi kehti hai main governor hoon, phalaana hoon। parantu aatma-abhimaani nahin bante। satayug mein samjhenge ki main aatma hoon। ek shareer chhod doosra lena hai। paramatma ko vahaan koi nahin jaante is samay tum sab kuchh jaante ho। shoodron aur devtaaon se tum brahman uttam ho। itne dher brahman kahaan se aayenge, jo banenge। laakhon aate hain pradarshani mein। jisne achhi tarah samjha, gyaan suna woh praja ban gaye। ek-ek raaja ki praja bahut hoti hai। tum praja bahut bana rahe ho। pradarshani, projector se koi samajhkar achhe bhi ban jaayenge। seekhenge, yog lagaayenge। abhi woh nikalte jaayenge। praja bhi niklegi phir saahookaar, raaja-raani, gareeb aadi sab niklenge। prince-princess bahut hote hain। satayug se treta tak prince-princess banne hain। sirf 8 va 108 to nahin honge। lekin abhi sab ban rahe hain। tum service karte rehte ho। yeh bhi nothing new। tumne koi function kiya, yeh bhi nai baat nahin। anek baar kiya hai phir sangam par yahi dhandha karenge aur kya karenge! baap aayenge patiton ko paavan banaane। isko kaha jaata hai world ki history-geography। nambarvaar to har baat mein hota hi hai। tumhaare mein jo achha bhaashan karte hain to sab kahenge ki isne bahut achha bhaashan kiya। doosre ka sunenge to bhi kahenge ki pahle vaale achha samjhaate the। teesre phir unse teekhe honge to kahenge yeh unse bhi teekhe hain। har baat mein purushaartha karna hota hai ki ham unse oopar jaayen। hoshiyaar jo hote hain woh jhat haath uthaayenge, bhaashan karne liye। tum sab purushaarthi ho, aage chal mel train ban jaayenge। jaise mama special mel train thi। baba ka to pata nahin padega kyonki donon ikatthe hain। tum samajh nahin sakenge ki kaun kehte hain। tum sadaiv samjho ki shivbaaba samjhaate hain। baap aur daada donon jaante hain parantu woh antaryaami hai। baahar se kehte hain yeh to bahut hoshiyaar hai। baap bhi mahima sun khush hote hain। laukik baap ka bhi koi bachcha achhi tarah padhkar oonch pad paata hai to baap samajhte hain ki yeh bachcha achha naam nikaalega। yeh bhi samajhte hain ki phalaana bachcha is roohaani service mein hoshiyaar hai। mukhya to bhaashan hai, kisko baap ka sandesh dena, samjhaana। baba ne misaal bhi bataaya tha ki kisko 5 bachche the to koi ne poochha ki tumko kitne bachche hain? to bola ki do bachche hain। kaha ki tumko to 5 bachche hain! kaha sapoot do hain। yahaan bhi aise hai। bachche to bahut hain। baap kahenge ki yeh doctor nirmala bachchi bahut achhi hai। bahut prem se laukik baap ko samjhaae centre khulva diya hai। yeh bhaarat ki service hai। tum bhaarat ko svarga banaate ho। is bhaarat ko narka raavan ne banaaya। ek seeta kaid mein nahin thi lekin tum seetaayen raavan ki kaid mein thi। baaki shaastron mein sab danta kathaayen hain। yeh bhakti maarga bhi drama mein hai। tum jaante ho satayug se lekar jo paas hua woh repeat hoga। aapehi poojya aapehi pujaari bante hain। baap kehte hain mujhe aakar pujaari se poojya banaana hai। pahle golden aged phir iron aged banna hai। satayug mein sooryavanshi lakshmi-naaraayan ka raajya tha। raamraajya to chandravanshi tha।

is samay tum sab roohaani kshatriy (yoddhe) ho। ladaai ke maidaan mein aane vaale ko kshatriy kaha jaata hai। tum ho roohaani kshatriy। baaki woh hain jismaani kshatriy। unko kaha jaata hai baahubal se ladna-jhagadna। shuru mein malla yuddha hoti thi baanhon aadi se। aapas mein ladte the phir vijay ko paate the। abhi to dekho bombs aadi bane hue hain। tum bhi kshatriy ho, woh bhi kshatriy hain। tum maaya par jeet paate ho, shreemat par chal। tum ho roohaani kshatriy। roohen hi sab kuchh kar rahi hain in shareer ki karmendriyon dvaara। rooh ko baap aakar sikhlaate hain - bachche, mujhe yaad karne se phir maaya khaayegi nahin। tumhaare vikarma vinaash honge aur tumko ulta-sulta sankalp nahin aayega। baap ko yaad karne se khushi bhi rahegi isliye baap samjhaate hain ki savere uthkar abhyaas karo। baba aap kitne meethe ho। aatma kehti hai - baba। baap ne pahchaan di hai - main tumhaara baap hoon, tumko srishti ke aadi-madhya-ant ka knowledge sunaane aaya hoon। yeh manushya srishti ka ulta jhaad hai। yeh variety dharmon ki manushya srishti hai, isko kaha jaata hai viraat leela। baap ne samjhaaya hai ki is manushya jhaad ka main beej roop hoon। mujhe yaad karte hain। koi kis jhaad ka hai, koi kis jhaad ka hai। phir nambarvaar nikalte hain। yeh drama bana hua hai। kahaavat hai ki phalaane ne dharma sthaapak paigambar ko bheja। parantu vahaan se bhejte nahin hain। yeh drama anusaar repeat hota hai। yeh ek hi hai jo dharma aur raajdhaani sthaapan kar rahe hain। yeh duniya mein koi bhi nahin jaante। abhi hai sangam। vinaash ki jvaala prajjavlit honi hai। yeh hai shivbaaba ka gyaan yagya। unhon ne roodra naam rakh diya hai। prajaapita brahma dvaara tum brahman paida hue ho। tum oonch thahre na। peechhe aur biraadriyaan nikalti hain। vaastav mein to sab brahma ke bachche ho। brahma ko kaha jaata hai great-great grand father। sijra hai, pahle-pahle brahma oonch phir sijra nikalta hai। kehte hain bhagwan srishti kaise rachte hain। rachna to hai। jab woh patit hote hain tab unko bulaate hain। vahi aakar duhkhi srishti ko sukhi banaate hain isliye bulaate hain baba duhkh harta sukh karta aao। naam rakha hai haridvaar। haridvaar arthaat hari ka dvaar। vahaan ganga bahti hai। samajhte hain ham ganga mein snaan karne se hari ke dvaar chale jaayenge। parantu hari ka dvaar hai kahaan? woh phir shreekrishna ko kah dete hain। hari ka dvaar to shivbaaba hai। duhkh harta sukh karta। pahle tumko jaana hai apne ghar। tum bachchon ko apne baap ka aur ghar ka abhi maaloom pada hai। baap ki gaddi thodi oonchi hai। phool hai oopar mein phir yugal daana usse neeche। phir hai vaijayanti maala so vishnu ki maala। vishnu ke gale ka haar vahi phir vishnupuri mein raajya karte hain। braahmanon ki maala nahin hai kyonki ghadi-ghadi toot padte hain। baap samjhaate hain ki nambarvaar to hain na। aaj theek hain kal toofaan aa jaate hain, grihchaari aane se thande ho jaate hain। baap kehte hain ki mera bananti, aashcharyavat sunanti, kathanti, dhyaan mein jaavanti, maala mein pirvanti... phir ekdam bhaaganti, chandaal bananti। phir maala kaise banen? to baap samjhaate hain ki braahmanon ki maala nahin banti। bhakta maala mein mukhya females mein meera aur males mein naarad। sangam par baap hi aakar sabko mukti-jeevanmukti dete hain। bachche samajhte hain ki ham hi svarga ke maalik the। abhi narka mein hain। baap kehte hain ki narka ko laat maaro, svarga ki baadshaahi lo, jo tumhaari raavan ne chheen li hai। yeh to baap hi aakar bataate hain। woh in sab shaastron, teerthon aadi ko jaante hain। beejroop hai na। gyaan ka saagar, shanti ka saagar..... yeh aatma kehti hai।

baap samjhaate hain ki yeh lakshmi-naaraayan satayug ke maalik the। unke aage kya tha? zaroor kaliyug ka ant hoga to sangamayug hua hoga phir ab svarga banta hai। baap ko svarga ka rachayita kaha jaata hai, svarga sthaapan karne vaala। yeh lakshmi-naaraayan svarga ke maalik the। inhon ko varsa kahaan se mila? svarga ke rachta baap se। baap ka hi yeh varsa hai। tum koi se bhi poochh sakte ho ki in lakshmi-naaraayan ko satayug ki raajdhaani thi। kaise li? koi bata nahin sakenge। yeh daada bhi kehta hai ki main nahin jaanta tha। pooja karta tha parantu jaanta nahin tha। ab baap ne samjhaaya hai - yeh sangam par raajayog seekhte hain। geeta mein hi raajayog ka varnan hai। sivaae geeta ke aur koi bhi shaastra mein raajayog ki baat nahin hai। baap kehte hain ki main tumko raajaaon ka raaja banaata hoon। bhagwan ne hi aakar nar se naaraayan banne ki knowledge di hai। bhaarat ka mukhya shaastra hai geeta। geeta kab rachi gai, yeh jaante nahin। baap kehte hain kalpa-kalpa sangam par aata hoon। jinko raajya diya tha vo raajya ganvaakar phir tamopradhaan duhkhi ban pade hain। raavan ka raajya hai। saare bhaarat ki hi kahaani hai। bhaarat hai all-round, aur to sab baad mein aate hain। baap kehte hain ki tumko 84 janmon ka raaz bataata hoon। 5 hazaar varsha pahle tum devi-devta the, tum apne janmon ko nahin jaante ho, he bhaaratvaasiyon! baap aate hain ant mein। aadi mein aaye to aadi-ant ka knowledge kaise sunaaye! srishti ki vriddhi hi nahin hui hai to samjhaaye kaise? vahaan to knowledge ki darkaar hi nahin। baap abhi sangam par hi knowledge dete hain। knowledgeful hai na। zaroor knowledge sunaane ant mein aana pade। aadi mein tumko kya sunaayenge! yeh samajhne ki baaten hain। bhagvaanuvaach ki main tumko raajayog sikhaata hoon। yeh university hai paandav government ki। abhi hai sangam - yaadav, kaurav aur paandav, unhonne baith senaayen dikhaai hain। baap samjhaate hain yaadav-kaurav vinaash kaale vipreet buddhi। ek-do ko gaali dete rehte hain। baap se preet nahin hai। kah dete ki kutte-billi sabmen paramatma hai। baaki paandavon ki preet buddhi thi। paandavon ka saathi svayan paramatma tha। paandav maana roohaani pande। woh hain jismaani pande, tum ho roohaani pande। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma-abhimaani ban is behad naatak mein hero part bajaana hai। har ek actor ka part apna-apna hai isliye kisi ke part se rees nahin karni hai।

2) savere-savere uthkar apne aapse baaten karni hai, abhyaas karna hai - main in shareer ki karmendriyon se alag hoon, baba aap kitne meethe ho, aap humein srishti ke aadi-madhya-ant ka gyaan dete ho।

vardaan:- baap ke sanskaaron ko apna niji sanskaar banaane vaale vyartha va puraane sanskaaron se mukta bhav

koi bhi vyartha sankalp va puraane sanskaar deh-abhimaan ke sambandh se hain, aatmik swaroop ke sanskaar baap samaan honge। jaise baap sada vishwa kalyaankaari, paropkaari, merciful, vardaata....hai, aise svayan ke sanskaar natural ban jaaen। sanskaar banna arthaat sankalp, bol aur karma svatah usi pramaan chalna। jeevan mein sanskaar ek chaabi hain jisse svatah chalte rehte hain phir mehnat karne ki jaroorat nahin rehti।

slogan:- aatmik sthiti mein sthit rah apne rath (shareer) dvaara kaarya karaane vaale hi sachche purushaarthi hain।

ye avyakt ishaare - ekta aur vishvaas ki visheshta dvaara saphalta sampanna bano

jaise baap ne aap sabko kone-kone se dhoondhakar nikaal liya। anek vrikshon ki daaliyaan ab ek hi chandan ka vriksha ho gaya। log kehte hain - do chaar maataayen bhi ek saath ikatthi nahin rah sakti aur aap maataayen saare vishwa mein ekta sthaapan karne ke nimitta ho, yahi aapki aapsi ekta baap ki pratyakshata karegi।