Murli du jour du mardi 17 mars 2026

17-03-2026 praatahmurli om shanti "baapdaada"' madhuban

“meethe bachche - tum sachche-sachche satya baap se satya katha sunkar nar se naaraayan bante ho, tumhein 21 janma ke liye behad ke baap se varsa mil jaata hai''

prashn:- baap ki kis aagya ko paalan karne vaale bachche hi paarasbuddhi bante hain?

uttar:- baap ki aagya hai - deh ke sab sambandhon ko bhoolkar baap ko aur raajaai ko yaad karo। yahi sadgati ke liye satguru ki shreemat hai। jo is shreemat ko paalan karte arthaat dehi-abhimaani bante hain vahi paarasbuddhi bante hain।

geet:- aaj andhenre mein ham insaan…

om shanti। yeh kaliyugi duniya hai। sab andhere mein hain, yahi bhaarat sojhre mein tha। jab yeh bhaarat svarga tha। yahi bhaaratvaasi jo ab apne ko hindu kahlaate hain, yeh asul devi devtaayen the। bhaaratvaasi svargavaasi the। jab koi dharma nahin tha, ek hi dharma tha। svarga, vaikuntha, bahishta, heaven yeh sab bhaarat ke naam the। bhaarat praacheen pavitra bahut-bahut dhanvaan tha। abhi to bhaarat kangaal hai kyonki ab kaliyugi hai। woh satayug tha। tum sab bhaaratvaasi ho। tum jaante ho ham andhiyaare mein hain jab svarga mein the to sojhre mein the। svarga ke raaj raajeshvar, raaj-raajeshvari lakshmi-naaraayan the। unko sukhdhaam kaha jaata hai। naye-naye aate hain to baap phir samjhaate hain। baap se hi tumko svarga ka varsa lena hai, jisko jeevanmukti kaha jaata hai। abhi sab jeevanbandha mein hain। khaas bhaarat aam duniya, raavan ki jel shok vaatika mein hain। aise nahin ki raavan sirf lanka mein tha aur raam bhaarat mein tha aur usne aakar seeta churaai। yeh sab hain danta kathaayen। geeta hai mukhya, sarva shaastron mein shiromni shreemat arthaat bhagwan ki sunaai hui geeta। manushya to koi ki sadgati kar nahin sakte। satayug mein the jeevanmukta devi devtaayen, jinhonne yeh varsa kaliyug ant mein paaya tha। bhaarat ko yeh pata nahin tha, na koi shaastra mein hai। shaastra to sab hain bhakti maarga ke liye। woh sab bhakti maarga ka gyaan hai। sadgati maarga ka gyaan manushya maatra mein hai nahin। baap kehte hain ki manushya, manushya ke guru ban nahin sakte। guru koi sadgati de nahin sakte। woh guru kahenge bhakti karo, daan punya karo। bhakti dvaapar se chali aai hai। satayug treta mein hai gyaan ki praalabdha। aise nahin vahaan yeh gyaan chala aata hai। yeh jo varsa bhaarat ko tha, yeh baap se sangam par hi mila tha। jo phir abhi tumko mil raha hai। bhaaratvaasi, narkavaasi mahaan duhkhi ban jaate hain tab pukaarte hain he patit-paavan duhkh harta sukh karta, kiska? sarva ka kyonki khaas bhaarat duniya aam mein 5 vikaar hain hi hain। baap hai patit-paavan। baap kehte hain main kalpa-kalpa, kalpa ke sangam par aata hoon aur sarva ka sadgati daata banta hoon। ablaaon, ahilyaaon, ganikaaon aur guru log jo hain unka bhi uddhaar mujhe karna hai kyonki yeh to hai hi patit duniya। paavan duniya satayug ko kaha jaata hai। bhaarat mein in lakshmi-naaraayan ka raajya tha। yeh bhaaratvaasi nahin jaante ki yeh svarga ke maalik the। patit khanda maana jhooth khanda, paavan khanda maana sachkhanda। bhaarat paavan khanda tha। in lakshmi-naaraayan ki sooryavanshi dynasty thi। yeh bhaarat hai avinaashi khanda, jo kabhi vinaash nahin hota। jab inka raajya tha to aur koi khanda tha nahin। woh sab baad mein aate hain। shaastron mein sabse badi bhool to yeh ki hai jo kalpa laakhon varsha ka likh diya hai। baap kehte hain ki na to kalpa laakhon varsha ka hota, na satayug laakhon varsha ka hota। kalpa ki aayu 5 hajaar varsha hai। yeh phir kah dete ki manushya 84 laakh janma lete। manushya ko kutta-billi aadi bana diya hai। parantu unka janma alag hai। 84 laakh variety hai। manushyon ki variety ek hai, unke hi 84 janma hain।

baap kehte hain bachche tum aadi sanaatan devi devta dharma ke the। bhaaratvaasi apne dharma ko drama plan anusaar bhool gaye hain। kaliyug ant mein bilkul patit ban pade hain। phir baap aakar sangam par paavan banaate hain, inko kaha jaata hai duhkhadhaam। phir part sukhdhaam mein hoga। baap kehte hain - he bachchon tum bhaaratvaasi hi svargavaasi the। phir tum 84 janmon ki seedhi utarte ho। sato se rajo, tamo mein zaroor aana hai। tum devtaaon jitna dhanvaan ever happy, ever healthy koi nahin hota। bhaarat kitna saahookaar tha। heere javaahraat to bade-bade pattharon misal the, kitne to toot gaye hain। baap tum bachchon ko smriti dilaate hain ki tumko kitna saahookaar banaaya tha। tum sarvagun sampanna, 16 kala sampoorn the। yatha raaja raani..... inhon ko bhagwan bhagavti bhi kah sakte hain। parantu baap ne samjhaaya hai ki bhagwan ek hai, woh baap hai। sirf eeshvar va prabhu kahne se bhi yaad nahin aata ki vo sabhi aatmaon ka baap hai। yeh to hai behad ka baap। woh samjhaate hain ki bhaaratvaasi tum jayanti manaate ho parantu asul mein baap kab aaye the, woh koi bhi nahin jaante hain। hain hi iron aged, pattharbuddhi। paarasnaath the, is samay pattharnaath hain। naath bhi nahin kahenge kyonki raaja raani to hain nahin। pahle yahaan daivi raajasthaan tha phir aasuri raajya ban jaata hai। yeh khel hai। woh hai had ka drama। yeh hai behad ka drama। world ki history-geography aadi se ant tak tum abhi jaante ho aur koi bhi nahin jaante। bhaarat mein jab devi devta the to saari srishti ke maalik the aur bhaarat mein hi the। baap bhaaratvaasiyon ko smriti dilaate hain। satayug mein aadi sanaatan devi devta, inhon ka shreshtha dharma, shreshtha karma tha phir 84 janmon mein utarna pade। yeh baap baith kahaani sunaate hain ki ab tumhaare bahut janmon ke ant ka janma hai। ek ki baat nahin। na yuddha ka maidaan aadi hi hai। bhaarat-vaasi yeh bhi bhool gaye hain ki inhon ka (lakshmi-naaraayan ka) raajya tha। satayug ki aayu lambi karne se bahut door le gaye hain।

baap samjhaate hain ki manushya ko bhagwan nahin kah sakte। manushya, manushya ki sadgati nahin kar sakte। kahaavat hai ki sarva ka sadgati daata patiton ko paavan karta ek hai। yeh hai jhooth khanda। sachcha baba sachkhanda sthaapan karne vaala hai। bhakta pooja karte hain parantu bhakti maarga mein jiski bhi pooja karte aaye hain, ek ki bhi biography nahin jaante hain। shiv jayanti to manaate hain। baap hai nai duniya ka rachayita। heavenly god father। behad sukh dene vaala। satayug mein sukh tha। woh kaise aur kisne sthaapan kiya? narkavaasiyon ko svargavaasi banaaya। bhrashtaachaariyon ko shreshthaachaari devta banaaya। yeh to baap ka hi kaam hai। tum bachchon ko paavan banaata hoon। tum svarga ke maalik bante ho। phir tumko patit kaun banaate hain? yeh raavan। manushya kah dete hain - sukh duhkh eeshvar dete hain। baap kehte hain main to sabko sukh deta hoon। aadhaakalpa phir tum baap ka simran nahin karenge phir jab raavan raajya hota hai to sabki pooja karne lag padte hain। yeh tumhaara bahut janmon ke ant ka janma hai। kehte hain baba hamne kitne janma liye hain? baap kehte bachche, tum apne janmon ko nahin jaante ho। tumne poore 84 janma liye hain। tum 21 janma liye behad ke baap se varsa lene aaye ho arthaat sachche-sachche satya baba se satya katha, nar se naaraayan banne ka gyaan sunte ho। yeh hai gyaan, woh hai bhakti। yeh spiritual knowledge supreme rooh aakar dete hain। bachchon ko dehi-abhimaani banna pade। apne ko aatma nishchay kar maamekam yaad karo। shivbaaba to sabhi aatmaon ka baap hai। aatmaayen sab paramdham se part bajaane aati hain, shareer mein। isko karmakshetra kaha jaata hai। bada bhaari khel hai। aatma mein bure va achhe sanskaar rehte hain। jis anusaar hi manushya ko janma milta hai achha va bura। yeh jo paavan tha, abhi patit hai, tatatvam। mujh baap ko is paraaye raavan ki duniya, patit shareer mein aana padta hai। aana bhi usmein hai jo pahle number mein jaana hai। sooryavanshi hi poore 84 janma lete hain। yeh hai brahma aur brahman। baap samjhaate hain roz, lekin pattharbuddhi ko paarasbuddhi banaana maasi ka ghar nahin hain। he aatmaayen ab dehi-abhimaani bano, he aatmaayen ek baap ko yaad karo aur raajaai ko yaad karo। deh ke sambandhon ko chhodo to paarasbuddhi ban jaayengi। marna to sabko hai। sabki ab vaanaprastha avastha hai। ek satguru bigar sarva ka sadgati daata koi ho nahin sakta।

baap kehte hain he bhaaratvaasi bachchon tum pahle paarasbuddhi the। gaaya hua hai ki aatma paramatma alag rahe... to pahle-pahle tum bhaaratvaasi devi-devta dharma vaale aaye ho aur dharma vaale peechhe aaye hain to unhon ke janma bhi thode hote hain। saara srishti ka jhaad kaise phirta hai woh baap baith samjhaate hain। jo dhaarna kar sakte hain, unke liye bahut sahaj hai। aatma dhaaran karti hai। punya aatma aur paap aatma to aatma banti hai। tumhaara antim 84 vaan janma hai। tum vaanaprastha avastha mein ho। vaanaprastha avastha vaale guru karte hain - mantra lene liye। tumko ab baahar ka manushya guru karna nahin hai। tum sabhi ka main baap teacher satguru hoon। mujhe kehte hi hain - he patit-paavan shivbaaba। abhi smriti aai hai, sabhi aatmaon ka yeh baap hai। aatma satya hai, chaitanya hai kyonki amar hai। sabhi aatmaon mein part bhara hua hai। baap bhi satya chaitanya hai। woh manushya srishti ka beejroop hone kaaran kehte hain ki main saare jhaad ke aadi-madhya-ant ko jaanta hoon, isliye mujhe knowledgeful kaha jaata hai। tumko bhi saari knowledge hai ki beej se jhaad kaise nikalta hai। jhaad badhne mein to time lagta hai। baap kehte hain ki main beejroop hoon। ant mein saara jhaad jadajdeebhoot avastha ko paata hai। abhi dekho devi devta dharma ka foundation hai nahin। praayahlop hai। jab devi-devta dharma gum ho jaata hai tab baap ko aana pade। ek dharma ki sthaapna kar baaki sabka vinaash kara dete hain। prajaapita brahma dvaara baap sthaapna kara rahe hain aadi sanaatan devi devta dharma ki। tum aaye ho bhrashtaachaari se shreshthaachaari devta banne। yeh drama bana hua hai, inki end nahin hoti। baap aate hain। aatmaayen sab brothers hain, mool vatan mein rahne vaali। jo us ek baap ko sab yaad karte hain। duhkh mein simran sab karen ... raavan raajya mein duhkh hai। yahaan simran karte hain to baap sarva ka sadgati daata ek hai। unki mahima hai। baap na aaye to paavan kaun banaaye। Christian, islaami aadi jo bhi manushya hain is samay sab tamopradhaan hain। sabhi ko punarjanma zaroor lena hai। abhi punarjanma milta hai narka mein। aise nahin ki sukh mein chale jaate hain। jaise hindu dharma vaale kehte hain ki svargavaasi hua to zaroor narka mein tha na। abhi svarga mein gaya, tumhaare mukh mein gulaab। jab svargavaasi hua phir usko narka ke aasuri vaibhav kyon khilaate ho! pitra khilaate hain na। bangaal mein machhli, ande aadi khilaate hain। are, unko yeh sab khaane ki darkaar kya hai! vaapis koi ja nahin sakta। jabki pahle number vaalon ko 84 janma lena padta hai। is gyaan mein koi takleeph nahin hai। bhakti maarga mein kitni mehnat hai। raam-raam japte romaanch khade ho jaate hain। yeh sab hai bhakti maarga। yeh soorya chaand aadi roshni karne vaale hain, yeh devta thode hi hain। vaastav mein gyaan soorya, gyaan chandrama aur gyaan sitaare yahaan ki mahima hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim 84 ven janma mein koi bhi paap karma (vikarma) nahin karna hai। punya aatma banne ka poora-poora purushaartha karna hai। sampoorn paavan banna hai।

2) apni buddhi ko paarasbuddhi banaane ke liye deh ke sab sambandhon ko bhool dehi-abhimaani banne ka abhyaas karna hai।

vardaan:- puraane sanskaaron va vighnon se mukti praapta karne vaale sada shakti sampanna bhav

kisi bhi prakaar ke vighnon se, kamjoriyon se ya puraane sanskaaron se mukti chaahte ho to shakti dhaaran karo arthaat anlakaari roop hokar raho। jo alankaaron se sada saje sajaaye rehte hain woh bhavishya mein vishnuvanshi bante hain lekin abhi vaishnav ban jaate hain। unhein koi bhi tamoguni sankalp va sanskaar touch nahin kar sakta। ve puraani duniya athva duniya ki koi bhi vastu aur vyaktiyon se sahaj hi kinaara kar lete hain, unhein kaarne akaarne bhi koi touch nahin kar sakta।

slogan:- har samay har karma mein balance rakhna hi sarva ki blessing praapta karne ka saadhan hai।

ye avyakt ishaare- “nishchay ke foundation ko majboot kar sada nirbhay aur nishchint raho"

jaise aapas mein do mitra hote hain to unke beech yadi koi unki glaani karne aata hai to woh uske bhaav ko badal dete hain। jahaan nishchay hota hai vahaan shabd ka bhaav badal saadhaaran baat ho jaati hai। to harek ki visheshta ko dekho tab anek hote bhi ek dikhaai denge। ekmat sangathan ho jaayega। koi kiske glaani ki baaten sunaaye to use teka dene ke bajaae sunaane vaale ka roop parivartan kar do।