Murli du jour du samedi 21 mars 2026

21-03-2026 praatahmurli om shanti "baapdaada"' madhuban

“meethe bachche - shreemat par kalyaankaari banna hai, sabko sukh ka raasta bataana hai''

prashn:- kisi bhi prakaar ki gaphlat hone ka mukhya kaaran kya hai?

uttar:- deh-abhimaan। deh-abhimaan ke kaaran hi bachchon se bahut bhoolen hoti hain। woh service bhi nahin kar sakte hain। unse aisa karma hota hai jo sab naphrat karte hain। baba kehte - bachche aatma-abhimaani bano। koi bhi akartavya nahin karo। ksheerkhanda ho service ke achhe-achhe plan banaao। murli sunkar dhaaran karo, ismen beparvaah nahin bano।

geet:- chhod bhi de aakaash sinhaasan…

om shanti। roohaani bachchon prati roohaani baap ki shreemat। abhi ham sab centres ke bachchon se baat kar rahe hain। ab jo trimoorti, gola, jhaad, seedhi, lakshmi-naaraayan ka chitra aur shreekrishna ka chitra - yeh 6 chitra hain mukhya। yeh jaise poori pradarshani hai, inmen sab saar aa jaata hai। jaise naatak ke parde banaaye jaate hain, advertise ke liye। woh kabhi barsaat aadi mein kharaab nahin hote hain। aise yeh mukhya chitra banaane chaahiye। bachchon ko shreemat milti hai roohaani service badhaane liye, bhaaratvaasi manushyon ka kalyaan karne ke liye। gaate bhi hain - kalyaankaari behad ka baap hai to zaroor koi akalyaankaari bhi hoga। jis kaaran baap ko aakar phir kalyaan karna padta hai। roohaani bachche jinka kalyaan ho raha hai, woh in baaton ko samajh sakte hain। jaise hamaara kalyaan hua hai to ham phir auron ka bhi kalyaan karen। jaise baap ko bhi chintan chalta hai ki kaise kalyaan karen। yuktiyaan bata rahe hain। 6 by 9 size ke sheet par yeh chitra banaane chaahiye। dehli jaise shahron mein aksar karke bahut manushya aate hain। jahaan government ki esembali aadi hoti hai। potriyet taraph bahut log aate hain, vahaan yeh chitra rakhne chaahiye। bahuton ka kalyaan karne arth baap mat dete hain। aise teen par bahut chitra ban sakte hain। dehi-abhimaani ban baap ki service mein lagna hai। baap raay dete hain - yeh chitra hindi aur angreji mein banaane chaahiye। yeh 6 chitra mukhya jagah par lag jaayen। agar aise mukhya sthaanon par lag jaayen to tumhaare paas saikdon samajhne ke liye aayenge। parantu bachchon mein deh-abhimaan hone ke kaaran bahut bhoolen hoti hain। aise koi mat samjhe ki main pakka dehi-abhimaani hoon। galtiyaan to bahut hoti hain, sach nahin batlaate hain। samjhaaya jaata hai, aisa koi kartavya nahin karo jo koi kharaab naphrat laaye ki inmen deh-abhimaan hai। tum sadaiv yuddha ke maidaan mein ho। aur jagah to 10-20 varsha tak yuddha chalti hai। tumhaari maaya se ant tak yuddha chalni hai। parantu hai gupta, jisko koi jaan nahin sakte। geeta mein jo mahaabhaarat ladaai hai, woh jismaani dikhaai hai। parantu hai yeh roohaani। roohaani yuddha hai paandavon ki। woh jismaani yuddha hai jo parampita paramatma se vipreet buddhi hain। tum brahman kul bhooshnon ki hai preet buddhi। tumne aur sang tod ek baap ke sang jodi hai। bahut baar deh-abhimaan aane kaaran bhool jaate hain phir apna hi pad bhrashta kar lete hain। phir ant mein bahut pachhtaana padega। kuchh kar nahin sakenge। yeh kalpa-kalpa ki baaji hai। is samay koi akartavya kaarya karte hain to kalpa-kalpaantar ke liye pad bhrashta ho jaata hai। bada ghaata pad jaata hai।

baap kehte hain - aage tum 100 pratishat ghaate mein the। ab baap 100 pratishat phaayde mein le jaate hain। to shreemat par chalna hai। har ek bachche ko kalyaankaari banna hai। sabko sukh ka raasta bataana hai। sukh hai hi svarga mein, narka mein hai duhkh। kyon? yeh hai vicious duniya, woh viceless thi, ab vicious duniya bani hai, phir baap viceless banaate hain। in baaton ko duniya mein koi nahin jaante hain। to mukhya yeh chitra permanent sthaanon par lagne chaahiye। pahla number dehli mukhya, second bombe aur kalkatta, koi ko order dene se sheet par bana sakte hain। aagra mein bhi ghoomne ke liye bahut jaate hain। bachche service to bahut achhi kar rahe hain aur bhi kuchh kartavya karke dikhaayen। yeh chitra banaane mein koi takleeph nahin hain। sirf experience (anubhav) chaahiye। achhe bade chitra hon jo koi door se bhi padh sake। gola bhi bada ban sakta hai। safety se rakhna pade, jo koi kharaab na kare। yagya mein asuron ke vighna padte hain kyonki yeh hain nai baaten। yeh dukaan nikaal baithe hain। aakhreen mein sab samajh jaayenge ki ham utarte aaye hain, zaroor kuchh khaami hai। baap hai hi kalyaankaari। vahi bata sakte hain ki bhaarat ka kalyaan kaise aur kab hua hai। bhaarat ko tamopradhaan kaun banaate hain phir satopradhaan kaun banaate hain, yeh chakra kaise phirta hai, koi nahin jaante hain। sangamayug ko bhi nahin jaante hain। samajhte hain bhagwan yuge-yuge aata hai। kabhi kehte hain bhagwan to naam roop se nyaara hai। bhaarat praacheen svarga tha। yeh bhi kehte hain Christ se 3 hajaar varsha pahle devtaaon ka raajya tha phir kalpa ki aayu lambi de di hai, to bachchon ko dehi-abhimaani banne ki badi mehnat karni hai। aadhaakalpa satayug aur treta mein tum aatma-abhimaani the parantu parmaatma-abhimaani nahin the। yahaan to phir tum deh-abhimaani ban pade ho। phir dehi-abhimaani banna pade। yaatra akshar bhi hai, parantu arth nahin samajhte hain। manamnaabhav ka arth hai roohaani yaatra par raho। he aatmaayen mujh baap ko yaad karo। shreekrishna to aise kah na sake। un par koi kalank laga na sake। yeh bhi baap ne samjhaaya hai seedhi jab utre hain to aadhaakalpa kaam chita par baith kaale ho jaate hain। ab hai hi iron ej। unki sampradaay kaali hi hogi। parantu sabka saanvara roop kaise banaayen। chitra aadi jo bhi banaaye hain sab besamjhi ke। usko hi shyaam phir sundar kehna… yeh kaise ho sakta hai। unko kaha hi jaata hai andhashraddha se gudiyon ki pooja karne vaale। gudiyon ka naam roop occupation aadi ho nahin sakta। tum bhi pahle gudiyon ki pooja karte the na। arth kuchh bhi nahin samajhte the। to baba ne samjhaaya hai - pradarshani ke chitra mukhya ban jaayen। committee bane jo pradarshani pichhaadi pradarshani karti rahe। bandhan mukta to bahut hain। kanyaayen bandhanmukta hain। vaanaprasthi bhi bandhanmukta hain। to bachchon ko direction amal mein laana chaahiye। yeh hai gupta paandav। koi ko bhi pahchaan mein nahin aa sakte। baap bhi gupta, gyaan bhi gupta। vahaan manushya, manushya ko gyaan dete hain। yahaan paramatma baap gyaan dete hain aatmaon ko। parantu yeh nahin samajhte ki aatma gyaan leti hai kyonki woh aatma ko nirlep kah dete hain। vaastav mein aatma hi sab kuchh karti hai। punarjanma aatma leti hai, karmon ke anusaar। baap yeh sab points achhi reeti buddhi mein daalte hain। sab centres mein nambarvaar dehi-abhimaani hain। jo achhi reeti samajhte aur phir samjhaate hain। deh-abhimaani na kuchh samajhte na samjha sakte hain। main kuchh samajhti nahin hoon, yeh bhi deh-abhimaan hai। are tum to aatma ho। baap aatmaon ko baith samjhaate hain। dimaag hi khul jaana chaahiye। takdeer mein nahin hai to khulta hi nahin। to baap tadbeer karaate hain parantu takdeer mein nahin hai to purushaartha bhi nahin karte hain। hai bahut sahaj, alpha aur be samajhna hai। behad ke baap se varsa milta hai। tum bhaaratvaasi sab god goddess the। praja bhi aisi thi। is samay patit ban pade hain। kitna samjhaaya jaata hai। apne ko aatma samajh baap ko yaad karo। baap kehte hain bachche hamne tumko god goddess banaaya। tum ab kya ban gaye ho। yeh hai kumbhi paak narka। vishay vaitarni nadi mein manushya jaanvar panchhi aadi sab ek samaan dikhaate hain। yahaan to manushya aur hi kharaab ho pade hain। manushyon mein krodh bhi kitna hai। laakhon ko maar dete hain। bhaarat jo veshyaalay bana hai phir inko shivaalay shivbaaba hi banaate hain। baap kitna achhi reeti samjhaate hain। direction dete hain aise-aise karo। chitra banaao। phir jo bade-bade manushya hain unhon ko samjhaao। yeh praacheen yog, praacheen knowledge sabko sunni chaahiye। haal lekar pradarshani lagaani hai। unhon ko to paise aadi kuchh nahin lene chaahiye। phir bhi jo theek samjho to kiraaya lo। chitra to aap dekho, chitra dekhenge to phir jhat paise vaapis kar denge। sirf yukti se samjhaana chaahiye। authority to haath mein rehti hai na। chaahe to sab kuchh kar sakte hain। woh thode hi samajhte hain, vinaash kaale vipreet buddhi to vinaash ko praapta ho gaye। paandavon ne to bhavishya mein pad paaya। so bhi raajya peechhe bhavishya mein hoga। abhi thode hi hoga। yeh makaan aadi sab toot jaayenge। ab baap ne samjhaaya hai pradarshani bhi karni chaahiye। khoob achhi tarah se card par nimantran dena hai। tum pahle badon ko samjhaao to madad bhi karenge। baaki soye nahin rehna hai। kai bachche deh-abhimaan mein soye rehte hain। committee banaae ksheerkhanda ho plan banaana chaahiye। baaki murli nahin padhenge to dhaarna kaise hogi। aise bahut laagarja (beparvaah) hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dehi-abhimaani bankar service ki bhinna-bhinna yuktiyaan nikaalni hain। aapas mein ksheerkhanda hokar service karni hai। jaise baap kalyaankaari hai aise kalyaankaari banna hai।

2) preet buddhi ban aur sang tod ek sang jodna hai। koi aisa akartavya nahin karna hai jo kalpa-kalpaantar ke liye nuksaan ho jaae।

vardaan:- behad ki vairaagya vritti dvaara nashtomoha smriti swaroop banne vaale achal-adol bhav

jo sada behad ki vairaagya vritti mein rehte hain woh kabhi kisi bhi drishya ko dekh ghabraate va hilte nahin, sada achal-adol rehte hain kyonki behad ki vairaagya vritti se nashtomoha smriti swaroop ban jaate hain। agar thoda bahut kuchh dekhkar ansh maatra bhi halchal hoti hai ya moh utpanna hota hai to angad ke samaan achal-adol nahin kahenge। behad ki vairaagya vritti mein gambheerta ke saath ramneekta bhi samaai hui hai।

slogan:- raajya adhikaari ke saath-saath behad ke vairaagi bankar rehna yahi raajarishi ki nishaani hai।

maateshvari ji ke anmol mahaavaakya:-

“aatma kabhi paramatma ka ansh nahin ho sakti hai''

bahut manushya aise samajhte hain, ham aatmaayen paramatma ki ansh hain, ab ansh to kehte hain tukde ko। ek taraph kehte hain paramatma anaadi aur avinaashi hai, to aise avinaashi paramatma ko tukde mein kaise laate hain! ab paramatma kat kaise ho sakta hai, aatma hi azar amar hai, to avashya aatma ko paida karne vaala amar thahra। aise amar paramatma ko tukde mein le aana goya paramatma ko bhi vinaashi kah diya lekin ham to jaante hain ki ham aatma paramatma ki santaan hain। to ham uske vanshaj thahre arthaat bachche thahre vo phir ansh kaise ho sakte hain? isliye paramatma ke mahaavaakya hain ki bachche, main khud to immortal hoon, jaagti jyot hoon, main deeva hoon, main kabhi bujhta nahin hoon aur sabhi manushya aatmaon ka deepak jagta bhi hai to bujhta bhi hai। un sabko jagaane vaala phir main hoon kyonki light aur might dene vaala main hoon, baaki itna zaroor hai mujh paramatma ki light aur aatma ki light donon mein pharka avashya hai। jaise bulb hota hai koi jyaada power vaala, koi kam power vaala hota hai, vaise aatma bhi koi jyaada power vaali koi kam power vaali hai। baaki paramatma ki power koi se kam jyaada nahin hoti hai tabhi to paramatma ke liye kehte hain। paramatma sarvashaktivaan arthaat sarva aatmaon se usmein shakti jyaada hai। vahi srishti ke ant mein aata hai, agar koi samjhe paramatma srishti ke beech mein aata hai arthaat yuge yuge aata hai to maano paramatma beech mein aa gaya to phir paramatma sarva se shreshtha kaise hua। agar koi kahe paramatma yuge yuge aata hai, to kya aisa samjhen ki paramatma ghadi ghadi apni shakti chalaata hai। aise sarvashaktivaan ki shakti itne tak hai, agar beech mein hi apni shakti se sabko shakti athva sadgati de deve to phir unki shakti kaayam honi chaahiye phir durgati ko kyon praapta karte ho? to isse saabit (siddha) hai ki paramatma yuge yuge nahin aata hai arthaat beech beech mein nahin aata hai। vo aata hai kalpa ke ant samay aur ek hi baar apni shakti se sarva ki sadgati karta hai। jab paramatma ne itni badi service ki hai tab unka yaadgaar bada shivling banaaya hai aur itni pooja karte hain, to avashya paramatma sat bhi hai, chaitanya bhi hai aur aanand swaroop bhi hai। achha, om shanti।

ye avyakt ishaare- “nishchay ke foundation ko majboot kar sada nirbhay aur nishchint raho"

vyartha sankalp va sanshay ki margin hote hue bhi samartha sankalp chalen ki sada baap rakshak hai, kalyaankaari hai। is nishchay ki vijay avashya hoti hai। to question mark ka tedha raasta na le sada kalyaan ki bindi lagaao। fullstop। isi vidhi se har baat sahaj bhi hogi aur siddhi bhi praapta hogi।