Murli du jour du samedi 11 avril 2026

11-04-2026 praatahmurli om shanti "baapdaada"' madhuban

“ antarmukhi bachchebachche - gyaan roop avastha mein rahkar in mahaavaakyon ko dhaaran karo tab apna va anya aatmaon ka kalyaan kar sakenge '' ( daadiyon ki diary se )

prashn:- sarvottam sachchi service kaun si hai? yathaartha service ka sookshm aur maheen raaz kya hai?

uttar:- jab kisi se koi bhool hoti hai to use saavdhaan karne ke saath sookshm reeti se apni yog shakti un tak pahuncha-kar unke ashuddha sankalpon ko bhasma karna, yahi sarvottam sachchi service hai। saath-saath apne oopar bhi attention dena, mansa mein bhi koi ashuddha sankalp utpanna na ho। ismen khud bhi saavdhaan rehna aur doosron prati aisi divya service karna, yahi service ka sookshm aur maheen raaz hai।

om shanti। har ek purushaarthi bachche ko pahle antarmukh avastha avashya dhaaran karni hai। antarmukhta mein bada hi kalyaan samaaya hua hai, is avastha se hi achal, sthir, dhairyavat, nirmaan-chitta ityaadi daivi gunon ki dhaarna ho sakti hai tatha sampoorn gyaanmay avastha praapta ho sakti hai। antarmukh na hone ke kaaran woh sampoorn gyaan roop avastha nahin praapta hoti kyonki jo bhi kuchh “mahaavaakya'' sammukh sune jaate hain, agar use gahraai mein jaakar grahan nahin karte sirf un mahaavaakyon ko sunkar repeat kar dete hain to woh mahaavaakya, vaakya ho jaate hain। jo gyaan roop avastha mein rahkar mahaavaakya nahin sune jaate, un mahaavaakyon par maaya ka parchhaaya pad jaata hai। ab aisi maaya ke ashuddha vibration se bhare hue mahaavaakya sunkar sirf repeat karne se khud sahit auron ka kalyaan hone ke badle akalyaan ho jaata hai isliye he bachchon ekdam antarmukhi ban jaao।

aapka yeh man mandir sadrishya hai। jaise mandir se sadaiv khushbu aati hai aise man mandir jab pavitra banta hai to sankalp bhi pavitra emerge hote hain। jaise mandir mein sirf pavitra devi devtaaon ke hi chitra rakhe jaate hain, na ki daityon ke। aise tum bachche apne man va dil roopi mandir ko sarva eeshvareey gunon ki moortiyon se saja do, ve gun hain - nirmoh, nirlobh, nirbhay, dhairyavat, niranhakaar ityaadi kyonki yeh sab tumhaare hi divya lakshan hain। aap bachchon ko apne man mandir ko ujiyaara arthaat sampoorn shuddh banaana hai। jab man mandir ujiyaara banen tab hi apne ujiyaare pyaare vaikuntha desh mein chal saken। to ab apne man ko ujval banaane ka prayatna karna hai tatha man sahit vikaari karmendriyon ko vash karna hai। parantu na sirf apna magar anya prati bhi yahi divya service karni hai।

vaastav mein service ka arth ati sookshm aur maheen hai। aisa nahin ki kiski bhool par sirf saavdhaan karna itne tak service hai। parantu nahin, unko sookshm reeti apni yog ki shakti pahunchaae unke ashuddha sankalp ko bhasma kar dena, yahi sarvottam sachchi service hai aur saath-saath apne oopar bhi attention rakhna hai। na sirf vaacha athva karmana tak magar mansa mein bhi koi ashuddha sankalp utpanna hota hai to unka vibration anya ke paas jaae sookshm reeti akalyaan karta hai, jiska bojh khud par aata hai aur vahi bojh bandhan ban jaata hai isliye he bachchon khud saavdhaan raho phir anya prati vahi divya service karo, yahi aap sevaadhaari bachchon ka alaukik kartavya hai। aisi service karne vaalon ko phir apne prati koi bhi service nahin leni hai। bhal kabhi koi anaayaas bhool ho bhi jaae to use apne buddhiyog bal se sadaiv ke liye correct kar dena hai। aisa teevra purushaarthi thoda bhi eeshaara milne se sheeghra mahsoos karke parivartan kar leta hai aur aage ke liye achhi reeti attention rakh chalta hai, yahi vishaal buddhi bachchon ka kartavya hai।

he mere praanon, paramatma dvaara rache hue is avinaashi raajasva gyaan yagya prati tan, man, dhan ko sampoorn reeti se svaaha karne ka raaz bahut maheen hai। jis ghadi aap kehte ho ki main tan man dhan sahit yagya mein svaaha arthaat arpan ho mar chuka, us ghadi se lekar apna kuchh bhi nahin rehta। usmein bhi pahle tan, man ko sampoorn reeti se service mein lagaana hai। jab sab kuchh yagya athva paramatma ke prati hai to phir apne prati kuchh rah nahin sakta, dhan bhi vyartha nahin ganva sakte। man bhi ashuddha sankalp vikalpa taraph daud nahin sakta kyonki paramatma ko arpan kar diya। ab paramatma to hai hi shuddh shant swaroop। is kaaran ashuddha sankalp svatah shant ho jaate hain। agar man maaya ke haath mein de dete ho to maaya variety roop hone ke kaaran anek prakaaron ke vikalpa utpanna kar man roopi ghode par aae savaari karti hai। agar kisi bachche ko abhi tak bhi sankalp vikalpa aate hain to samajhna chaahiye ki abhi man poorn reeti se svaaha nahin hua hai arthaat eeshvareey man nahin bana hai isliye he sarva tyaagi bachchon, in guhya raazon ko samajh karma karte saakshi ho khud ko dekh bahut khabardaari se chalna hai।

svayan gopi vallabh tum apne priy gop gopiyon ko samjha rahe hain ki tum har ek ka vaastavik sachcha prem kaun sa hai! he praanon tumhein ek do ki prem bhari saavdhaani ko sveekaar karna hai kyonki jitna priy phool utna hi shreshtha paravrish। phool ko valuable banaane arth maali ko kaanton se nikaalna hi padta hai। vaise tumhein bhi jab koi saavdhaani deta hai to samajhna chaahiye jaise ki usne meri paravrish ki arthaat meri service ki। us service athva paravrish ko regard dena hai, yahi sampoorn banne ki yukti hai। yahi gyaan sahit aantarik sachcha prem hai। is divya prem mein ek do ke liye bahut regard hona chaahiye। har ek baat mein pahle khud ko hi saavdhaan karna hai, yahi nirmaanchit ati madhur avastha hai। aise prem poorvak chalne se tumhein jaise yahaan hi ve satayug ke suhaavne din aantarik mahsoos honge। vahaan to yeh prem natural rehta hai parantu is sangam ke sweetest samay par ek do ke liye service karne ka yeh ati meetha ramneek prem hai, yahi shuddh prem jag mein gaaya hua hai।

tum har ek chaitanya phoolon ko hardam harshit mukh ho rehna hai kyonki nishchay buddhi hone ke kaaran tumhaari nas nas mein sampoorn eeshvareey taakat samaai hui hai। aisi aakarshan shakti apna divya chamatkaar avashya nikaalti hai। jaise chhote nirdosh bachche shuddh pavitra hone kaaran sadaiv hansate rehte hain aur apne ramneek charitra se sabko bahut kheenchate hain। vaise tum har ek ki aisi eeshvareey ramneek jeevan honi chaahiye, iske liye tumhein kisi bhi yukti se apne aasuri svabhaavon par jeet praapta karni hai। jab koi ko dekho ki yeh krodh vikaar ke vash ho mere saamne aata hai to unke saamne gyaan roop ho bachpan ki meethi reeti se muskaraate raho to woh khud shaantachat ho jaayega arthaat vismriti swaroop se smriti mein aa jaayega। bhal unko pata na bhi pade lekin sookshm reeti se unke oopar jeet paakar maalik ban jaana, yahi maalik aur baalakpan ki sarvochcha shiromni vidhi hai।

eeshvar jaise sampoorn gyaan roop vaise phir sampoorn prem roop bhi hai। eeshvar mein donon hi kvaaliteez samaai hui hain parantu first gyaan, second prem। agar koi pahle gyaan roop banne bigar sirf prem roop ban jaata hai to woh prem ashuddha khaate mein le jaata hai isliye prem ko merge kar pahle gyaan roop ban bhinna-bhinna roopon mein aai hui maaya par jeet paakar peechhe prem roop banna hai। agar gyaan bigar prem mein aaye to kahaan vichlit bhi ho jaayenge। jaise agar koi gyaan roop banne ke bigar dhyaan mein jaate hain to kai baar maaya mein phans jaate hain, isliye baba kehte hain bachche, yeh dhyaan bhi ek soot ki janjeer hai parantu gyaan roop ban peechhe dhyaan mein jaane se ati mauj ka anubhav hota hai। to pahle hai gyaan peechhe hai dhyaan। dhyaanishta avastha se gyaanishta avastha shreshtha hai isliye he bachchon, pahle gyaan roop ban phir prem emerge karna hai। gyaan bigar sirf prem is purushaarthi jeevan mein vighna daalta hai।

saaksheepan ki avastha ati meethi, ramneek aur sundar hai। is avastha par hi aage ki jeevan ka saara madaar hai। jaise koi ke paas koi shaareerik bhogna aati hai। us samay agar woh saakshi, sukhroop avastha mein upasthit ho use bhogta hai to past karmon ko bhog chuktu bhi karta hai aur saath saath future ke liye sukh ka hisaab bhi banaata hai। to yeh saaksheepan ki sukhroop avastha past aur future donon se connection rakhti hai। to is raaz ko samajhne se koi bhi aise nahin kahega ki mera yeh suhaavna samay sirf chuktu karne mein chala gaya। nahin, yahi suhaavna purushaartha ka samay hai jis samay donon kaarya sampoorn reeti siddha hote hain। aise donon kaarya ko siddha karne vaala teevra purushaarthi hi ateendriy sukh va aanand ke anubhav mein rehta hai।

is variety viraat drama ki har ek baat mein tum bachchon ko sampoorn nishchay hona chaahiye kyonki yeh bana banaaya drama bilkul vaphaadaar hai। dekho, yeh drama har ek jeev praani se unka part poorn reeti se bajvaata hai। bhal koi wrong hai, to woh wrong part bhi poorn reeti se bajaata hai। yeh bhi drama ki noondh hai। jab wrong aur right donon hi plan mein noondhe hue hain to phir koi baat mein sanshay uthaana, yeh gyaan nahin hai kyonki har ek actor apna-apna part baja raha hai। jaise bioscope mein anek bhinna-bhinna naam roop-dhaari actors apni-apni acting karte hain to unko dekh, kisse naphrat aave aur kisse harshit hove, aisa nahin hota hai। pata hai ki yeh ek khel hai, jismen har ek ko apna apna good va bed part mila hua hai। vaise hi is anaadi bane hue bioscope ko bhi saakshi ho ekras avastha se harshitmukh ho dekhte rehna hai। sangathan mein yeh point bahut achhi reeti dhaaran karni hai। ek do ko eeshvareey roop se dekhna hai, mahsoosta ka gyaan uthaae sarva eeshvareey gunon ki dhaarna karni hai। apne lakshya swaroop ki smriti se shant chitta, nirmaan-chitta, dhairyavat, mithaas, sheetalta ityaadi sarva daivi gun emerge karne hain।

dhairyavat avastha dhaaran karne ka mukhya foundation - wait and si। he mere priy bachchon, wait arthaat dhairya dharna, si arthaat dekhna। apne dil bheetar pahle dhairyavat gun dhaaran kar uske baad phir baahar mein viraat drama ko saakshi ho dekhna hai। jab tak koi bhi raaz sunne ka samay sameep aave tab tak dhairyavat gun ki dhaarna karni hai। samay aane par us dhairyata ke gun se raaz sunne mein kabhi bhi vichlit nahin honge isliye he purushaarthi praanon, jara thahro aur aage badhkar raaz dekhte chalo। is hi dhairyavat avastha se saara kartavya sampoorn reeti se siddha hota hai। yeh gun nishchay se baandha hua hai। aise nishchaybuddhi saakshi drishta ho har khel ko harshit chehre se dekhte aantarik dhairyavat aur adol-chitta rehte hain, yahi gyaan ki paripakva avastha hai jo ant mein sampoornata ke samay practical mein rehti hai isliye bahut samay se lekar is saaksheepan ki avastha mein sthit rahne ka parishram karna hai।

jaise naatak mein actor ko apna mila hua part poorn bajaane arth aage se hi rehearsal karni padti hai, vaise tum priy phoolon ko bhi aane vaali bhaari pareekshaaon mein yog bal dvaara paas hone ke liye aage se hi rehearsal avashya karni hai। lekin bahut samay se lekar agar yeh purushaartha kiya hua nahin hoga to us samay ghabraahat mein fail ho jaayenge, isliye pahla apna eeshvareey foundation pakka rakh daiveegundhaari ban jaana hai।

gyaan swaroop sthiti mein sthit rahne se svatah shant roop avastha ho jaati hai। jab gyaani tu aatma bachche, ikatthe baithkar murli sunte hain to chaaron taraph shanti ka vaayumandal ban jaata hai kyonki ve kuchh bhi mahaavaakya sunte hain to aantarik deep chale jaate hain। deep jaane ke kaaran aantarik unhon ko shanti ki meethi mahsoosta hoti hai। ab iske liye koi khaas baithkar mehnat nahin karni hai parantu gyaan ki avastha mein sthit rahne se yeh gun anaayaas aa jaata hai। tum bachche jab savere savere uthkar ekaanta mein baithte ho to shuddh vichaaron roopi lahren utpanna hoti hain, us samay bahut upraam avastha honi chaahiye। phir apne niz shuddh sankalp mein sthit hone se anya sab sankalp aapehi shant ho jaayenge aur man aman ho jaayega kyonki man ko vash karne arth bhi koi taakat to avashya chaahiye isliye pahle apne lakshya swaroop ke shuddh sankalp ko dhaaran karo। jab aantarik buddhiyog kaayde pramaan hoga to tumhaari yeh nirsankalpa avastha svatah ho jaayegi। achha!

meethe-meethe gyaan guljaari, gyaan sitaaron prati yaadapyaar, good morning aur namaste।

dhaarna ke liye mukhya saar:-

1) apne lakshya swaroop ki smriti se shant chitta, nirmaan chitta, dhairyavat, mithaas, sheetalta aadi sarva daivi gun dhaaran karne hai।

2) nishchaybuddhi saakshi drishta ho is khel ko harshit chehre se dekhte aantarik dhairyavat aur adol-chitta rehna hai। bahut samay se lekar is saaksheepan ki avastha mein sthit rahne ka purushaartha karna hai।

vardaan:- ek hi raasta aur ek se rishta rakhne vaale sampoorn pharishta bhav

niraakaar va saakaar roop se buddhi ka sang va rishta ek baap se pakka ho to pharishta ban jaayenge। jinke sarva sambandh va sarva rishte ek ke saath hain vahi sada pharishte hain। jaise government raaste mein board laga deti hai ki yeh raasta block hai, aise sab raaste block (banda) kar do to buddhi ka bhatakna chhoot jaayega। baapdaada ka yahi pharmaan hai - ki pahle sab raaste banda karo। isse sahaj pharishta ban jaayenge।

slogan:- sada seva ke umang-utsaah mein rehna - yahi maaya se safety ka saadhan hai।

ye avyakt ishaare - mahaan banne ke liye madhurta aur namrata ka gun dhaaran karo

aapka bol aur swaroop donon saath-saath hon - bol spashta bhi hon, usmein sneh bhi ho, namrata aur madhurta bhi ho। satyata bhi ho lekin swaroop ki namrata bhi ho, isi roop se baap ko pratyaksha kar sakenge। nirbhay ho lekin bol maryaada ke andar hon - jab in donon baaton ka balance ho tab kamaal dikhaai degi। phir aapke shabd kade nahin, meethe lagenge।