Murli du jour du samedi 18 juillet 2026

18-07-2026 praatahmurli om shanti "baapdaada"' madhuban

“meethe bachche - is puraani duniya mein jis prakaar ki aashaayen manushya rakhte hain woh aashaayen tumhein nahin rakhni hai, kyonki yeh duniya vinaash honi hai''

prashn:- sangamayug par kaun si aash rakho to sab aashaayen sada ke liye poori ho jaayengi?

uttar:- humein paavan ban, baap ko yaad kar unse poora varsa lena hai - sirf yahi aash ho। isi aash se sada ke liye sab aashaayen poori ho jaayengi। aayushvaan bhav, putravaan bhav, dhanvaan bhav… sab vardaan mil jaayenge। satayug mein sab kaamnaayen poori ho jaayengi।

geet:- tumheen ho maata, tumheen pita ho…

om shanti। meethe-meethe roohaani bachchon arthaat aatmaon prati parampita paramatma yeh samjha rahe hain। tum jaante ho behad ka baap hamko vardaan de rahe hain। vo log aasheervaad dete hain - putravaan bhav, aayushvaan bhav, dhanvaan bhav। ab baap tumko vardaan dete hain - aayushvaan bhav। tumhaari aayu bahut badi hogi। vahaan putra bhi hoga to woh bhi sukh dene vaala hoga। yahaan jo bhi bachche hain, duhkh dene vaale hain। satayug mein jo bachche honge, sukh dene vaale honge। abhi tum bachche jaante ho behad ka baap behad sukh ka varsa de rahe hain। barobar ham aayushvaan, dhanvaan bhi banenge। abhi koi bhi kaamna dil mein nahin rakhni hai। tumhaari sab kaamnaayen satayug mein poori honi hai। is narka mein koi bhi kaamna nahin rakhni hai। dhan ki bhi kaamna nahin rakho। bahut dhan ho, badi naukri mile - yeh bhi jaasti tamanna nahin rakhna hai। pet to ek paav roti khaata hai, jaasti lobh mein nahin rehna hai। jaasti dhan hoga to woh khatma ho jaana hai। bachche jaante hain baba hamko svarga ka maalik banaate hain। ab baap kehte hain - de daan to chhoote grahan। kaun sa daan do? yeh 5 vikaar hain। yeh daan mein dene hain to grahchaari chhoot jaae aur tum 16 kala sampoorn ban jaao। tum jaante ho hamko sarvagun sampanna, 16 kala sampoorn... yahaan banna hai। 5 vikaaron ka daan dena padta hai। bachchon ko baap kehte hain - meethe bachchon aash koi bhi nahin rakho, sivaae behad ke baap se behad ka varsa lene। baaki thoda samay hai, gaaya bhi jaata hai - bahut gai thodi rahi। baaki thoda samay is vinaash mein hai isliye is puraani duniya ki koi aash nahin rakho। sirf baap ko yaad karte raho। yaad se bachchon ko satopradhaan banna hai। is duniya mein manushya jo aash rakhte hain woh koi bhi nahin rakho। aash sirf rakhni hai ek shivbaaba se ham apna svarga ka varsa leven। kisko bhi kabhi duhkh nahin dena hai। ek do ke oopar kaam kataari chalaana - yeh sabse bada duhkh hai isliye sannyaasi log stri se alag ho jaate hain। kehte hain isne chhod diya hai। is samay raavan raajya mein sab patit, paap aatmaayen hain।

abhi samay bahut kam hai, tum agar baap ki shreemat par nahin chalenge to shreshtha nahin banenge। bachchon ko oonch te oonch banna hai isliye 5 vikaaron ka daan dena hai to yeh grahan chhoot jaayega। sabke oopar grahchaari hai, bilkul hi kaale ban gaye hain। baap kehte hain - agar mere se varsa lena hai to paavan bano। dvaapar se lekar tum patit bante-bante satopradhaan se tamopradhaan ban pade ho, tab to gaate ho patit-paavan aao, aakar humein paavan banaao। to baap pharmaan karte hain - bachche ab patit nahin bano, kaam mahaashatru ko jeeto, isse hi tumne aadi-madhya-ant duhkh ko paaya hai। baap kehte hain - tum svarga mein bilkul pavitra the। ab raavan ki mat par tum patit bane ho, tab to devtaaon ke aage jaakar unhon ki mahima gaate ho ki aap sarvagun sampanna, sampoorn nirvikaari aur ham vikaari hain। nirvikaari hone se sukh hi sukh hai। baap kehte hain - ab ham aaye hain, tum bachchon ko nirvikaari banaane। ab tum bachchon ko sab ichchhaayen chhodni hai। apna dhandha dhori aadi bhal karo। aur ek do ko gyaan amrit pilaao। gaaya bhi jaata hai - amrit chhod vish kaahe ko khaae। baap kehte hain koi bhi kaamna nahin rakho। ham yaad ki yaatra se poore satopradhaan ban jaayenge। 63 janma jo paap kiye hain, woh yaad se hi khalaas honge। ab nirvikaari banna hai। bhal maaya ke toofaan aayen parantu patit nahin banna hai। manushya se devta banna hai। tum hi satopradhaan poojya devta the phir tum hi poojya se pujaari bante ho। ham nirogi the phir rogi bante hain ab phir se nirogi ban rahe hain। jab nirogi the to aayu badi thi। ab to dekho baithe-baithe manushya mar jaate hain। to koi bhi aash nahin rakhni hai। yeh sab chhi-chhi aashaayen hain। kaante se phool banne ke liye to ek hi first class aash hai - baap kehte hain mujhe yaad karo to punya aatma ban jaayenge। is samay sabke oopar raahu ka grahan hai। saare bhaarat par raahu ka grahan hai। phir chaahiye - brihaspati ki dasha। tum jaante ho ab hamaare oopar brihaspati ki dasha baithi hai। bhaarat svarga tha na। satayug mein tumhaare oopar brihaspati ki dasha thi। is samay hai raahu ki dasha। ab phir behad ke baap se brihaspati ki dasha milti hai। brihaspati ki dasha mein 21 janmon ka sukh rehta hai। treta mein hain shukra ki dasha। jitna jo yaad karenge, bahut yaad karenge to brihaspati ki dasha hogi। yeh bhi samjha diya hai ab sabko vaapis ghar jaana hai isliye baap ko yaad karte raho to vikarma vinaash ho aur tum udne laayak bano। maaya ne tumhaare pankh kaat diye hain।

ab tumko milti hai eeshvareey mat, jisse tum sada sukhi bante ho। eeshvareey mat par tum svarga ke maalik bante ho। vishwa ki baadshaahi le rahe ho। eeshvareey mat milti hai ki baap ko yaad karo to ant mati so gati ho jaayegi। yaad se hi vikarma vinaash ho jaayenge, pavitra ban jaayenge। pavitra aatma hi svarga ke laayak banegi। vahaan tumhaara shareer bhi nirogi hoga, aayu bhi badi hogi। dhan bhi bahut hoga। vahaan kabhi dharma ka bachcha nahin banaate। baap kehte hain - aayushvaan bhav, sampattivaan bhav। putra bhi ek zaroor hoga। is samay baap sabhi ko dharma ka bachcha banaate hain। to phir satayug mein koi dharma ka bachcha hota nahin। ek bachcha ek bachchi hai yogbal se। poochhte hain vahaan bachche kaise paida honge, vahaan hai hi yogbal। drama mein noondh hai। satayug mein sab yogi hain। shreekrishna ko yogeshvar kaha jaata hai। aise nahin ki shreekrishna yog mein rehte hain। vo to poora pavitra yogi hai। eeshvar ne sabko yogeshvar banaaya hai to bhavishya mein yogi rehte hain। baap ne yogi banaaya hai। yogiyon ki aayu badi rehti hai। bhogi ki aayu chhoti hoti hai। eeshvar ne bachchon ko pavitra banaae yog sikhaakar devta banaaya hai, inko kaha jaata hai yogi। yogi athva rishi pavitra hote hain। tumko samjhaaya hai - tum ho raajarishi। raajayog seekh rahe ho, raajaai pad paane ke liye। is samay baap ko yaad karna hai, yahaan koi ulti aash nahin rakhni hai ki bachcha paida ho। phir bhi vikaar mein jaana pade na, kaam kataari chalaani pade। deh-abhimaani kaam kataari chalaate hain। dehi-abhimaani kaam kataari nahin chalaate hain। baap samjhaate hain pavitra bano। aatmaon se baat karte hain, ab yeh kaam kataari nahin chalaao। pavitra bano to tumhaare sab duhkh door ho jaayenge। tumko svarga ka maalik banaate hain। baap kitna sukh dete hain। baap se to poora varsa lena chaahiye।

baap to gareeb nivaaz hai। gaaya bhi jaata hai sudaama ne do chapti chaaval di to mahal mil gaye। baba 21 janmon ke liye varsa de dete hain। yeh bhi samajhte ho - ab sabko vaapis jaana hai। shivbaaba ki sthaapna ke kaarya mein jitna jo madad kare। ghar mein university va hospital kholo। board par likh do, bahnon aur bhaaeeyon, 21 janma liye, ever healthy aur wealthy banna hai to aakar samjho। ham ek second mein ever healthy, wealthy banne ka raasta bataate hain। tum surgeon ho na। surgeon board to zaroor lagaate hain, nahin to manushyon ko kaise pata pade। tum bhi apne ghar ke baahar mein board laga do। koi bhi aaye usko do baap ka raaz samjhaao। had ke baap se had ka varsa lete aaye ho। behad ka baap kehte hain - maamekam yaad karo to behad ka varsa milega। projector, pradarshani mein pahle yeh samjhaao। is purushaartha se tum yeh banenge। ab hai sangam। kaliyug se satayug banna hai। tum bhaaratvaasi satopradhaan the, ab tamopradhaan bane ho। ab baap kehte hain - mujhe yaad karo to tum svarga ke maalik banenge। akshar hi do hain। alpha ko yaad karo to be baadshaahi tumhaari। is yaad se khushi mein rahenge, is chhi-chhi duniya mein koi bhi prakaar ki aash nahin rakho। yahaan tum purushaartha karte ho - jeete ji marne ke liye। woh to marne ke baad kehte hain svargavaasi hua। tum sabko kehte ho ham svargavaasi banne ke liye baap ko yaad karte hain। usse behad ka sukh milta hai। baap ko yaad karne se tum kab royenge, peetenge nahin। toofaan maaya ke aate hain, uska khyaal nahin karo। maaya ke toofaan to aayenge। yeh hai yuddha। sankalp-vikalpa aate hain, to muphta mein time jaata hai। toofaan to paas ho jaayega, sadaiv thode hi rahega। savere uthkar baap ko yaad karna hai, baap se varsa lena hai। yeh dhun andar lagi rahe। baap aur koi takleeph nahin dete hain। sirf baap ko yaad karna hai। aur sabko bhool jaao, yeh sab mare hue hain। aapas mein yahi baaten karte raho। baba ab to sirf aapko hi yaad karenge। aap se svarga ka varsa lenge। time rakh do - ham 3-4 baje zaroor uthkar baap ko yaad karenge। chakra bhi yaad rakhna hai। baap ne humein rachta aur rachna ki knowledge di hai। ham is manushya srishti jhaad ko jaante hain। ham 21 janma kaise lete hain - yeh buddhi mein hai। abhi phir ham jaate hain, svarga mein phir se aakar part bajaayenge। ham aatma hain, aatma ko hi raajya milta hai। baap ko yaad karne se varse ke hakdaar ban jaate hain। yeh raajayog hai। baap ko yaad karte hain। behad ke baap dvaara anek baar vishwa ke maalik bane hain, phir narkavaasi bane hain। ab phir svargavaasi bante hain - ek baba ki yaad se। baap ki yaad se hi paap bhasma ho jaayenge isliye isko yog agni kaha jaata hai।

tum brahman ho raajarishi, rishi hamesha pavitra hote hain, baap ko yaad karte aur raajaai ka varsa lete hain। ab thode hi vikaar ke liye aash rakhni hai। yeh chhi-chhi aash hai। ab to paarlaukik baap se varsa lena hai। beemaar hote bhi yaad kar sakte ho। baap ko bhi bachche pyaare hote hain। baba ko kitne bachchon ko patra aadi likhne padte hain। shivbaaba likhvaate hain। tum bhi patra likhte ho - shivbaaba care of brahma। ham sab shivbaaba ke bachche brothers hain। roohaani baap aakar hamko paavan banaate hain, isliye kaha jaata hai - patit-paavan। sabhi aatmaon ko paavan banaate hain। koi ko bhi chhodta nahin hoon, prakriti bhi paavan banti hai। tum jaante ho satayug mein prakriti bhi paavan rahegi। abhi shareer bhi patit hai tab to ganga mein shareer dhone jaate hain, lekin aatma to paavan hoti nahin। woh to hogi - yog agni se। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is kaliyugi duniya mein koi bhi ulti aash nahin rakhni hai। sampoorn satopradhaan banne ke liye eeshvareey mat par chalna hai।

2) paavan bankar vaapis ghar jaana hai, yahi ek aash rakhni hai। ant mati so gati। maaya ke toofaanon mein samay nahin ganvaana hai।

vardaan:- sada powerful vritti dvaara behad ki seva mein tatpar rahne vaale had ki baaton se mukta bhav

jaise saakaar baap ko seva ke sivaae kuchh bhi dikhaai nahin deta tha, aise aap bachche bhi apne powerful vritti dvaara behad ki seva par sada tatpar raho to had ki baaten svatah khatma ho jaayengi। had ki baaton mein samay dena - yeh bhi gudiyon ka khel hai jismen samay aur energy vesta jaati hai isliye chhoti-chhoti baaton mein samay va jama ki hui shaktiyaan vyartha nahin ganvaao।

slogan:- seva mein saphalta praapta karni hai to bol aur chaal-chalan prabhaavshaali ho।

ye avyakt ishaare - jvaalaasvaroop sthiti mein rah shaktishaali yaad ka anubhav karo

samay pramaan ab sarva brahman aatmaon ko sameep laate hue jvaala swaroop ka vaayumandal banaane ki seva karo, uske liye chaahe bhatthiyaan karo ya aapas mein sangathit hokar roohrihaan karo lekin jvaala swaroop ka anubhav karo aur karaao, is seva mein lag jaao to chhoti-chhoti baaten sahaj parivartan ho jaayengi।