Murli du jour du mercredi 29 juillet 2026

29-07-2026 praatahmurleeom shanti"baapdaada"' madhuban

“meethe bachche - apne svadharma mein sthit hokar aapas mein pyaar se ek do ko om shanti kaho - yeh bhi ek do ko regard dena hai''

prashn:- bhakti mein bhi bhagwan ko bhog lagaate hain, yahaan tum bachche bhi lagaate ho - yeh rasam kyon?

uttar:- kyonki yeh bhi unka regard rakhna hai। bhal tum jaante ho shivbaaba niraakaar hai, abhokta hai। khaate nahin lekin vaasna to pahunchti hai। sarva ka sadgati daata, patit-paavan baap hai। to zaroor bhog bhi unko lagaana chaahiye।

geet:- hamaare teertha nyaare hain…

om shanti। bachchon ki dil mein bhi utha om shanti। jaise kisko namaste kaha jaata hai। to woh bhi return mein kehte hain namaste। yahaan baap ne kaha - om shanti। to sab bachche inki aatma sahit sabki dil se aayega om shanti arthaat ham aatma shant swaroop hain। respond to karna chaahiye na। yeh respond hua na। doosre koi arth sahit aise kah na saken। baap gyaan soorya bhi kehte hain om shanti। gyaan chandramaan bhi kehte hain om shanti। gyaan sitaare bhi kehte om shanti। sitaaron mein sab aa gaye। ab tum bachchon ko apne svadharma ka pata laga hai ki ham shant swaroop aur shantidham ke rahne vaale hain। yeh tumko nishchay hua hai। achhi reeti se tum aatma ko jaante ho। barobar kaha bhi jaata hai, mahaan aatma, paap aatma। aatma hi ek shareer chhod doosra leti hai। parantu aatma ka yathaartha parichay koi ko nahin hai। ham aatma itni chhoti hain। 84 janmon ka part bajaate hain। yeh na tumko pata tha na aur koi jaante hain। abhi tum bachche sammukh baithe ho। baap ko apna banaate ho। bachche baap ko apna banaate hain varsa lene ke liye।

tum bachche jaante ho ham aatmaon ka behad ka baap is brahma tan mein aaya hua hai, brahma tan mein aakar aadi sanaatan devi-devta dharma ki sthaapna karte hain। kalpa pahle bhi aadi sanaatan devi-devta dharma arthaat sooryavanshi raajdhaani sthaapan hui thi। yeh sthaapna ka kaarya kalpa-kalpa baap hi karte hain, jisko bhagwan kaha jaata hai। bhagwan baap se sab maangate hain ki duhkh haro, sukh do। jab sukh mil jaata hai to maangane ki darkaar nahin rehti। yahaan maangate hain kyonki duhkh hai। vahaan kuchh bhi maangane ki darkaar nahin rehti kyonki baap sab kuchh dekar jaate hain isliye satayug mein koi bhi baap ko yaad nahin karte। baap samjhaate hain ki bachchon ko ham sukhdhaam ka maalik banaate hain। tum bachche jaante ho - is baba se ham phir se sukhdhaam ka varsa le rahe hain। behad ke baap se behad ka sukh lete hain। tumko samjhaaya jaata hai bhakti maarga kaise chalta hai। manushya srishti roopi jhaad ki utpatti, paalna aur sanghaar kaise hota hai va drama ka aadi-madhya-ant kya hai। yeh hai saakaari duniya, woh hai niraakaari। bachche samajh gaye hain ki hamne poora aadhaakalpa bhakti ki। ab kaliyug ka ant hai। varsa milta hi hai sangam par। yeh bachchon ko achhi reeti samajhna chaahiye। abhi ham sangam par hain, yeh tum bachche hi samajhte ho। doosre koi samjhenge nahin। jab tak parichay nahin denge। zaroor sangamayug aata hai, jabki puraani duniya badal nai hoti hai। yeh saari puraani duniya hai, inko iron ej kaha jaata hai। yeh bhi tum jaante ho - pahle-pahle saari duniya par ek hi dharma hota hai। nai duniya mein bhaarat khanda hi sirf hota hai, thode manushya hote hain। nai duniya ko hi svarga kaha jaata hai। isse siddha hai nai duniya mein naya bhaarat tha। ab puraani duniya mein puraana bhaarat hai। gaandhi bhi kehte the nai duniya, naya bhaarat ho, nai dehli ho। ab nav bhaarat va nai dehli hai nahin। nav bhaarat mein to in lakshmi-naaraayan ka raajya tha। abhi usi hi bhaarat par raavan ka raajya hai। yeh bhi likhna chaahiye - nai duniya, nai dehli। phalaane samay se phalaane samay tak inka raajya। yeh samjha bhi vahi sakta jo nai duniya banaane vaala hai। brahma dvaara nai duniya svarga sthaapan karte hain, jis svarga ka varsa lene ke liye tum aate ho। baap tumko yukti batlaate hain athva purushaartha karaate hain। sammukh bhi milne aate ho athva vahaan bhi baith padhte ho। dil hoti hai sammukh milen। woh sammukh milte hain manushya, manushya se। yahaan tum kahenge ham jaate hain - shivbaaba se milne। kahenge woh to niraakaar hai na। ham aatma bhi niraakaar hain। ham bhi yahaan part bajaane aate hain na। jinka naam hai woh zaroor paartadhaari bhi hain। bhagwan ka bhi naam hai na। niraakaar shiv ko hi bhagwan kaha jaata hai aur kisko bhagwan nahin kahenge। bhagwan niraakaar hi gaaya jaata hai। unki pooja hoti hai, aatmaon ki bhi pooja hoti hai। roodra yagya rachte hain na। woh mitti ke saaligraam banaate hain। patthar ka banaao va mitti ka। mitti ke todne phir banaane sahaj hain। duniya to in baaton ko nahin jaanti hai। roodra yagya mein kitni aatmaon ki pooja kar sakte hain। bachche to dher hain। bhagat sab bhagwan ke bachche hain, baap ko yaad karte hain। baba ne samjhaaya hai - shivbaaba aate hi bhaarat mein hain। tum thode bachche jo unke madadgaar, khudaai khidmatgaar bante ho, unki hi pooja bhakta log saaligraam banaakar karte hain, yagya jo rachte hain unmein chhota yagya bhi hota hai, bada bhi hota hai। bade saahookaar log bada yagya rachte hain। laakh-laakh banaate hain। chhota yagya hoga to 5-10 hajaar banaayenge। jaisa-jaisa seth vaisa yagya aur phir utne saaligraam banaate। ek shiv baaki saaligraam banaate phir utne brahman bhi chaahiye। bahuton ne yagya dekha hoga। tum jaante ho baba ham bachchon ki seva karte hain, ham phir auron ki seva karte hain isliye pooja hoti hai। tum abhi poojya bante ho। aatma kehti hai baba aap to sadaiv poojya ho। hamko bhi poojya bana rahe ho। tum poojya aatma shareer legi to kahenge poojya devi-devtaayen। aatma hi poojya athva pujaari banti hai। baap aate bhi hain ek hi baar। phir kabhi baap aatmaon ko padhaaye - yeh hota hi nahin। aatma hi sunti hai। jaise aatma shareer dvaara sunti hai vaise parampita paramatma, supreme aatma bhi shareer ka aadhaar le in dvaara sunte hain। in dvaara tumko raajayog sikhlaate hain। unko apna shareer to hai nahin। brahma, vishnu, shankar ka bhi apna sookshm shareer hai। yahaan to sabka apna-apna shareer hai। yeh hai hi saakaari duniya। shivbaaba hai niraakaar। woh gyaan ka saagar, sukh ka saagar, pyaar ka bhi saagar hai। woh aakar sabko patit se paavan banaate hain। ismen prerna ki koi baat nahin hai। mujhe agar prerna se paavan banaana ho phir yahaan aakar rath lene ki kya darkaar hai। shiv ke mandir mein aage bail rakhte hain। manushyon ki buddhi bilkul hi pattharbuddhi hone ke kaaran kuchh bhi samajhte nahin। bail shiv ke aage kyon rakha hai? gaooshaala naam suna hai to bail rakh diya hai। ab bail par kisne savaari ki! shreekrishna ki aatma to satayug mein hoti hai। unko kya padi hai jo jaanvar mein aakar baithenge। kuchh bhi samajhte nahin। dropdi bhi ek thode hi thi। dher hain jo pukaarti hain। unhonne to ek naatak bana diya hai ki shreekrishna saadiyaan dete jaate hain, arth kuchh nahin samajhte। abhi tum bachche samajhte ho tumko 21 janma ke liye nangan nahin hona hai। kahaan ki baat kahaan le gaye hain। bhaktimaarga ki athaah kahaaniyaan hain। kehte hain yeh kathaayen aadi sab anaadi hain। punarjanma lete sunte aaye hain। anaadi bhi kab se shuru hui, kuchh pata nahin। yeh bhi pata nahin hai ki raavan raajya kab se shuru hota hai। unka koi varnan nahin hai। tum kitni seva karte ho। woh soorya chaand sitaare aadi to hain hi hain। satayug mein bhi hain to abhi bhi hain। unka badal-sadal nahin hota। tum ab nimitta bane ho। bhaarat ko hi phir se andhiyaare se nikaal roshni mein laane। bhakti maarga ko andhiyaara kaha jaata hai। tumhaari mahima hai, tum dharti ke sitaare ho। sitaare hain to chaand soorya bhi hone chaahiye।

yeh hai tumhaara roohaani teertha। tum aisi yaatra par jaate ho jahaan se phir is mrityulok mein nahin aayenge। abhi yeh mrityulok hai phir yahaan hi amarlok hoga। dvaapar se mrityulok shuru hota hai। ab tum sachchi-sachchi amraktha sun rahe ho - amarlok mein jaane ke liye। tum samajhte ho ham aatmaon ki yaatra nyaari hai। tum yahaan baithe yaatra par jaane ka purushaartha karte ho। yaad se hi tumhaare vikarma vinaash honge। woh yaatra par jaate hain, vikarma vinaash kahaan hote hai! sharaab ki to manushyon mein itni aadat hai jo chhipaakar zaroor le jaate hain। aajkal to bahut gande bhi hote hain - yaatra mein। hain to sab patit na। jaise brahman patit, vaise yaatri bhi patit। pande log yaatra karaate hain, paavan thode hi hain। tum to pavitra rehte ho। sachche brahman tum ho। tumhaari aatma pavitra rehti hai। yaad ki yaatra se hi tum pavitra bante ho। satopradhaan banna hai। baba baar-baar likhte hain - “meethe bachchon''। yeh shivbaaba ne aatmaon ko likha। mujhe yaad karo to tum tamopradhaan se satopradhaan ban satopradhaan duniya ke maalik ban jaayenge। bas ek hi direction hai mukhya। kitna sahaj hai। yaad se hi vikarma vinaash honge। yaad nahin karenge to vikarma nahin vinaash honge phir saja khaayenge। baba to kehte hain tum kahaan bhi jaao, kamaai kar sakte ho। utho, baitho, khaao sirf baap ko yaad karo। tumhaari kamaai hai। bachchon ke liye to aur hi sahaj hai। ismen koi attention aadi ki baat nahin। shreenaath ke mandir mein shreenaath ki yaad mein baithte hain। bhog lagta hai। hai to patthar ki moorti na। bhog bhi kisko lagaana chaahiye? adhikaari to ek hi shivbaaba hai। sarva ka sadgati daata patit-paavan woh hai। baap kehte hain - main sveekaar hi nahin karta hoon। tum mere oopar doodh bhi paani vaala chadhaate ho, yeh bhog lagaate ho, kyon? main to niraakaar abhokta hoon! meri kya pooja karte ho। mere aage bhog rakhenge lekin bhakton ne bhog lagaaya, unhonne hi baantakar khaaya। tum jaante ho shivbaaba ko bhog to zaroor lagaana hai। phir baant kar tum khaate ho। yeh jaise kiska regard rakhna hai। ham shivbaaba ko bhog lagaate hain। shivbaaba ka bhandaara hai na। jiska bhandaara hai usko bhog zaroor lagaana pade। bhal tum bhog lagaate ho, khaate bhi tum bachche hi ho। yeh brahma khaata hai, main nahin khaata hoon। baaki vaasna to aayegi na। bahut achha bhog banaaya hai। kahne ke liye organs to hain na। yeh brahma kha sakte hain। yeh shareer to inka hai na। main sirf inmen aakar pravesh karta hoon। mukh hi kaam mein laata hoon - tum bachchon ko patit se paavan banaane। gau mukh bhi kehte hain na। barobar gau bhi hai। tum jaante ho inse hi tum bachchon ko adopt karte hain। yeh maat-pita donon hain। parantu maataaon ko sambhaale kaun! isliye sarasvati ko nimitta rakha - drama plan anusaar। maata guru ki mahima bhi chaahiye na। guru to pahle number mein mashhoor yeh hai। guru brahma theek hai। jaise baap vaise bachche। tum brahman bhi sachche guru bante ho। sabko sachcha raasta bataate ho svarga ka। aatma hi mukh se raasta bataati hai ki manamnaabhav, madhyaaji bhav। baap, maa bachche sab vahi raasta bataate hain। yahaan tum sammukh baithe ho, yaad rehti hai। phir ghar jaate ho to bahut bachche bhool jaate hain। yahaan aanand aata hai, baba paas aaye hain। baba kehte hain svadarshan chakradhaari ban yeh yukti bataao ki muktidhaam, baap ko aur varse ko yaad karo। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aapas mein ek do ko va baap ko yathaartha regard dena hai। baap bhal abhokta hai। lekin jiske bhandaare se paalna hoti hai usko pahle sveekaar zaroor karaana hai।

2) poojyaneey banne ke liye khudaai khidmatgaar banna hai। baap ke saath seva mein madadgaar banna hai। jab aatma aur shareer donon paavan honge tab pooja hogi।

vardaan:- apne prati va sarva aatmaon ke prati law full banne vaale law maker so new world maker bhav

jo svayan prati law full bante hain vahi doosron ke prati bhi law full ban sakte hain। jo svayan law ko brake karte hain woh doosron ke oopar law nahin chala sakte, isliye apne aapko dekho ki savere se raat tak mansa sankalp mein, vaani mein, karma mein, samparka va ek do ko sahayog dene mein va seva mein kahaan bhi law brake to nahin hota hai! jo law maker hain woh law brekar nahin ban sakte। jo is samay law maker bante hain vahi pees maker, new world maker ban jaate hain।

slogan:- karma karte karma ke achhe va bure prabhaav mein na aana hi karmaateet banna hai।

ye avyakt ishaare - jvaalaasvaroop sthiti mein rah shaktishaali yaad ka anubhav karo

jvaala swaroop yaad ke liye man aur buddhi donon ko ek to powerful brake chaahiye aur modne ki bhi shakti chaahiye। isse buddhi ki shakti va koi bhi energy vesta na hokar jama hoti jaayegi। jitni jama hogi utna hi parakhne ki, nirnay karne ki shakti badhegi। iske liye ab sankalpon ka bistar banda karte chalo arthaat sametne ki shakti dhaaran karo।