Murli du jour du dimanche 30 août 2026

30-08-26 praatahmurli om shanti ''avyakt-baapdaada'' revise 13-04-11 madhuban

jvaalaamukhi agni swaroop yog ki shakti se sanskaaron ka sanskaar karo, apne chalan, chehre, drishti, vritti aur sankalp se baap ko pratyaksha karo

aaj bachchon ke pyaar ne pyaar ke saagar ko bhi apne paas bula liya। baapdaada ko khushi hai ki bachchon ka baap se dil ka pyaar achha hai aur sada hi is pyaar ke aadhaar se baap samaan ban hi jaayenge। vaise bhi baapdaada ne pyaar ki subject mein bachchon ko aage rakha hai। to aaj bachchon ne apne pyaar ki taar mein baandh pyaar ke saagar ko madhuban mein vishesh bula liya। aisa pyaar sada emerge rahe। dilaaraam baap ko bhi bachchon ke dil ka pyaar sada pahunchta rehta hai lekin nambarvaar zaroor hai। baap yeh chaahta hai ki pyaar ki nishaani hai ki sada har ek ke dil mein dilaaraam saath rahe, koi bhi bachcha akela na ho, combined ho। to check karna sada combined rehte ho va kab kab akele bhi ban jaate ho? akele mein maaya apna chance le leti hai isliye baapdaada sada kehte hain dilaaraam ko sada dil mein basa lo। isko kaha jaata hai sachcha aur sada pyaar। to kabhi akele bante ho ki sada saath rehte ho? har bachche ka vaayda kya hai? khaas madhuban nivaasiyon ka nasha hai ki saath hain, saath chalenge, saath raajya karenge। aise hi jo vishesh bahut-bahut meethe nimitta bachche baithe hain, unhon ka to baap se dil ka vaayda hai aur majority ka practical bhi hai jo sada combined roop mein rehte hain lekin nambarvaar hain। baap chaahte hain har bachcha, mahaarthi nimitta bachche to auron ko bhi apne chehre dvaara baap ka saakshaatkaar karaane vaale hain। unhon ke chehre aur chalan se baap ka prakaashmay chehra aur saath mein baap jaisi nyaari aur pyaari chalan ka saakshaatkaar hota rehta hai।

brahma baap ko dekha, brahma baap ne ant tak baap ki shreemat pramaan har murli mein kitna baari baba-baba kaha, ginti karna har murli mein baba-baba kitne baari kehte hain, aur apni soorat se, moorta se, vachan se, vishesh nayan aur mastak se baap ko pratyaksha kiya, aap bachche to anubhvi ho ki brahma baap ko dekhte kya anubhav hota? baapdaada। sirf baap shabd koi nahin kehta, sada har ek ke mukh se baapdaada, baapdaada ikattha nikalta aur anubhav hota। aise follow father। aapke chehre se, bol se, chalan se, drishti se baap ki yaad svatah hi dekhne vaale ko aave। abhi baap ne dekha ki majority aap sabka yahi sankalp hai ki ham apne chehre ya bol ya karma dvaara baap ko pratyaksha karen। to follow father। jaise brahma baap ne apne chalan chehre se, drishti se, vritti se, sankalp se sada baap ko pratyaksha kiya, aap sabko to anubhav hai na! akela brahma baap nahin dekhte the, baapdaada hi dekhte the। kaaran? brahma baap ne sada apne naynon mein, mastak mein baap ko samaaya। to aapke vishesh nayan, mukh, chalan baapdaada ko samaaya hua pratyaksha karen। har bol mein sikhaane vaala anubhav ho, yeh jo bhi bol rahi hai, bol raha hai isko sikhaane vaala, ismen shakti bharne vaala sarvashaktivaan baap hai, bhagwan hai। yeh bhagwan ke bachche hain, bhagwan ke student hain, bhagwan ko follow karne vaale followers nahin, lekin kadam mein padam banaane vaale hain। ab samay bhi aapka sahayogi banne ke liye taiyaar hai। haalten badal rahi hain। jo haalten na chaahte bhi bhagwan ki yaad dilaati hain। to ek samay aur doosra aap nimitta bane hue donon group ki visheshta hai, ek vishesh nimitta banen hue madhuban nivaasi hain, doosra bana banaaya nimitta group meeting mein aaye ho।

baapdaada ne dekha majority aane vaale bachchon ki dil mein umang-utsaah hai ki humein baap ko pratyaksha karna hi hai। chaahe apni soorat ki seerat se, chaahe vaani se, chaahe koi bhi aatmaayen sambandh-samparka mein hain, aajkal aapki mansa aatmaon ke kalyaan ki bhaavna se aapke connection mein aa rahi hain aur aane bhi chaahti hain। aur jo baapdaada ne mansa seva ka kaarya diya hai, usmein bhi dekha ki jo yogayukta hokar mansa seva ka abhyaas karte hain to abhi yeh vibration chaaron or kisi na kisi ko pahunch raha hai ki humein kahaan se light ki kirnen, sukh shanti ki lahar aa rahi hai lekin kahaan se aa rahi hai, abhi woh spashta nahin hua hai। aa rahi hai lekin bhaarat ke baapdaada ke bachchon se aa rahi hai, woh spashta nahin hua hai। nahin to bhaagenge। abhi aur shaktishaali kirnen aisi aatmaon par daalo jo unhon ko spashta ho jaae, pahunch rahi hai, shuru hua hai abhi lekin thoda-thoda koi-koi ki kirnen pahunchne lagi hain, abhi isko aur shaktishaali banaao। iske liye jo vighna padta hai, pahunchne mein spashta hone mein kaaran banta hai, yog lagaate ho, amritvele baithte ho lekin jvaalaamukhi yog, uski kami hai। iske kaaran ek to jin bhakton ko ya aatmaon ko aap kirnen bhejte ho woh itni spashta nahin hoti hain aur doosra jvaalaamukhi agni swaroop yog ki shakti na hone mein ya kami hone mein sanskaar jo beech mein vighna daalte hain, woh sanskaar bhi samaapta nahin hote hain। purushaartha karte ho sanskaar parivartan ho jaaye lekin marte hain, jalte nahin hain। jaise raavan ko sirf maarte nahin hain, maarne ke baad jalaate hain kyonki maarne ke baad shareer to rah jaata hai na! to aise hi aap amritvele yaad mein baithte ho lekin yog agni roop mein jvaala roop mein kam hai। milan manaate ho, roohrihaan karte ho, apne jeevan ki baaten bhi karte ho। lagaataar yog agni roop ho, sanskaar ko maarte zaroor ho, woh marta hai lekin beech-beech mein uth jaata hai। jal jaayega to naam roop khatma ho jaayega। abhi sabhi bachche roohrihaan mein bhi kehte hain jitna chaahte hain utna nahin hai।

to baapdaada aaj yeh ishaara de rahe hain kyonki special mahaaveer bachche meeting mein aaye hain aur madhuban nivaasi arthaat madhuban mein hai kya, madhuban arthaat baba। madhuban kahne se sabko kya yaad aata hai? madhuban ka baba। to madhuban vaalon ko vishesh yeh attention rakhna chaahiye ki madhuban kahne se madhuban ka baba yaad aata hai! madhuban mein rahne vaale ko kis drishti se dekhte hain? madhuban vaale haath uthaao। bahut hain। chaahe neeche, chaahe oopar lekin aaj ki sabha mein sabse jyaada madhuban nivaasi hain। baapdaada khush hai ki madhuban nivaasi yeh kamaal avashya dikhaayenge ki har madhuban nivaasi ke soorat aur seerat se baba baba hi dikhaai de। baat se baap dikhaai de kyonki madhuban mein yagya seva ka bal aur phal bahut milta hai। lene vaala leve, lekin milta hai। sanskaar ko dekhne ya sanskaar milaane mein aur sada attention dene ki aavashyakta hai। baapdaada ko har madhuban ke bachchon se vishesh pyaar hai kyon? baap ke sthaapan kiye yagya ki seva mein svayan ko samarpan kiya hai। madhuban nivaasiyon ko ek to apne purushaartha ka phal mil raha hai aur doosra jo madhuban mein aane vaale chaahe brahman, chaahe nai aatmaayen aati hain unhon ki seva ka, yagya seva hai, saadhaaran seva nahin hai, yagya seva ka extra punya bhi milta hai। agar koi bhi madhuban nivaasi apne baapdaada ki shreemat par amritvele se raat tak shreemat pramaan chalta hai to unko extra, madhuban vaale khud jaane nahin jaane, albele rahen to bhi madhuban ka seva ka punya milta zaroor hai। madhuban nivaasi banna saadhaaran baat nahin hai। chaahe koi kaisa bhi kaam kar raha hai, chalo saphaai kara raha hai। lekin aise saadhaaran kaam ka bhi punya bahut hai kyonki baap ka racha hua yagya hai। is yagya se hi madhuban mein hi sabhi ko parmaatma pyaar praapta hota hai isliye sivaae madhuban ke baap kahaan bhi nahin aata hai। yeh madhuban ko baap ke aane ka, milne ka milaane ka part noondha hua hai। to har ek madhuban vaale apne punya ke khaate ko jaano, pahchaano aur us mahaan praapti swaroop bano। kuchh bhi ho, aapka kaam hai badon tak pahunchaana, pahunchaaya arthaat dil se nikaala, aapki jimmevaari poori hui। agar aap samajhte ho kuchh ho nahin raha hai to aapka ismen paap nahin banega। jo jimmevaar hai unhon ka banega। aap nishchint raho। dena aapka kaam hai, lekin sochna kya hua, kya nahin hua, yeh kyon nahin hua, woh kyon nahin hua, iski aapko aavashyakta nahin hai aur hi vyartha sankalp chalenge। aapki jo jimmevaari hai woh aap karo, pahunchaao। lekin pahunchaane ke baad, pahunchaana bhi reeti pramaan, madhuban nivaasi brahman ho, oonch ho, apne martabe ko jaan aisa kartavya karo jo aapko sab aapke kartavya ko sunkar aur bhi seekhen। madhuban nivaasi ke oopar sabhi ko bhaavna hai, to aise bhaavna vaalon ko bhaavna ka phal dikhaao। madhuban vaalon mein baapdaada jaante hain ki koi koi bachche bahut maryaadaapoorvak sva purushaarthi, baap se snehi ban sahayog dene vaale bhi bachche hain। lekin baapdaada yahi chaahta hai, baapdaada ki chaahna kya hai madhuban nivaasiyon ke prati? madhuban nivaasi har baap ka bachcha yagya snehi, sahayogi ban apne chalan dvaara sabhi ko baap ka parichay de ki ham madhuban nivaasiyon ka kitna bada bhaagya hai, bhaagya ko prasiddha karo kyonki yagya nivaasi ho, paramatma ne kya racha pahle? yagya racha। aur yagya ki dharni nimitta madhuban hai। jaante ho na madhuban ki mahima, jo jaante hain madhuban ki mahima, woh haath uthaao। baapdaada yahaan (saamne T.vi. par) dekhte hain। achha, bahut achha।

jo nimitta bane hue bachche hain, baapdaada unhein dekhkar khush hote hain। sabhi attention dete hain lekin aur attention deke sabko santushta karo to vishwa ko santushti ki kirnen pahunche, yeh bhi kaarya nimitta vaalon ko karna hai। jo nimitta hain unhon ko apne apne hands ke, sanskaar parivartan karaane mein thodi mehnat karni padegi। seva karaate ho, rahne khaane ka prabandha majority centre dete hain lekin unhon mein shakti aisi bharo jo baap se shakti le aapke sevaasthaan ka vaayumandal aisa banaayen jo bhi aave woh pahle to vaayumandal ki aakarshan mein aa jaaye kyonki aajkal sab yahi chaahte hain ki aise koi kaarya ho jo aane se hi anubhav ho kuchh, dekhne se hi anubhav ho kuchh। sunne ka anubhav hota hai, yog ka anubhav hota hai lekin vaayumandal ka bhi anubhav ho, yeh attention nimitta bani hui aatmaon ko rakhna, unki vishesh seva hai। svayan agar yogayukta ban vaayumandal mein theek sthiti mein rehte hain to unka prabhaav sevaasthaan par automatically padta hai। jaise baapdaada va bade nimitta aatmaon ka vaayumandal, vibration padta hai na। baapdaada ka vaayumandal badalta hai na। to har bachche ko vaayumandal banaane ka, kyonki abhi apne centres ka vaayumandal badlenge tab sansaar ka vaayumandal badlega, nimitta aapke sevaasthaan se। purushaartha hai, lakshya hai lekin is lakshya ko aur powerful banaao। jisko dekhen, log shakla se vibration se jaan jaate hain aajkal, kyonki aasuri shakti ka bhi prabhaav unhon ki buddhi mein hai, knowledge ka bhi prabhaav hai, isliye jo bhi meeting mein aaye ho, har ek jimmevaar ho। nahin to meeting mein naam kyon daala! himmat hai na tab aapka naam hua na isliye apna pharja pratyaksha karo। karne chaahte bhi ho, baapdaada jaante hain karne ka prayatna bhi kar rahe ho lekin thoda prayatna ko badhaao। samjha।

abhi baapdaada sabki result dekhne chaahte hain। madhuban vaale ya meeting vaale, donon ki result dekhne chaahte hain। jo jagat amba ka vishesh purushaartha raha, baap ka kehna aur jagat amba ka karna। aapki deedi ka yahi shabd tha, ab ghar chalna hai, ab ghar chalna hai। aapki daadi ka yahi sankalp raha ab karmaateet hona hai, karmaateet hone ke class karaana, karmaateet ka umang dilaana। aapke paandav jo gaye, unhon ka bhi yahi dil mein sankalp raha ki humein jo paandav, paandavon ko vijayi kaha jaata hai, to paandavon ka jo lakshya raha aur hai bhi ki jo gaayan hai vijayi paandav, paandav kaho to kya yaad aata hai? vijay। chaahe akshoni sena thi to bhi paandav shabd kahne se vijay yaad aati hai। 5 paandav lekin vijayi। kaisa bhi vaayumandal ho, akshoni sena ka vaayumandal tha lekin paandav, paandavapti ki shreemat se vijayi bane aur vijay ka naam baala kiya। abhi vahi paandav vijayi ban auron ko bhi vijay dilaane vaale। to paandavon ko dekh karke baapdaada khush hote hain, kis baat mein khush hote hain? ki shaktiyon ke saathi hain। shaktiyon ko sahayog de aage badhaane mein saathi hain। jaise baap ne shaktiyon ko shivshakti ka mantra de combined banaaya, aise paandav bhi shaktiyon ko jo paandavon mein visheshta hai, us visheshtaaon mein shaktiyon ko sahayog deke aage rakhne vaale achhe hain, aur sada achhe te achhe ban aage badhne vaale hain।

baapdaada aaj aapke sneh ko dekh aap sabko sneh ka haar pahnaate hain। bas aap bhi har ek ko sneh sahayog ka haar pahnaao। baanhon ka haar nahin, dil mein sahayog ka haar pahnaao। baapdaada ne pahle bhi kaha hai har ek bachche ki jeb mein sahayog ke note hone chaahiye। to galtiyaan note nahin karo, lekin sahayog ke note se jeb bhara hua hona chaahiye। kahaan bhi dekho sahayog chaahiye to sahayog ka note de do। hai jeb mein? sahayog ke note hain? bhara hua hai, kheesa (jeb) bhara hua hai? khaali to nahin hai? aap sahayog ka note do aur woh aapko duaaon ka haar pahnaayenge।

aapke advance party ki vishesh aatmaayen aur baap sookshm vatan nivaasi intajaar kar rahe hain। aapko unhon ka sankalp pahunchta hai? woh date maangate hain। aapki badi badi daadiyaan aur daadaayen donon date ka intajaar kar rahe hain। to unhon ko date denge! denge? pahli line bataao, date denge? ki kahenge wait and si। har ek ko ismen kya karna hai? har ek apne rahe hue sanskaaron ka sanskaar kar lo, samay sameep aa jaayega। samay ko sameep laane ka yahi tareeka hai। jo vighna daal raha hai, rahe hue sanskaar। to abhi jab doosre baari season shuru hoga usmein din hain, kaaphi din hain। roz koi na koi sanskaar ka sanskaar kar dena। ek ek ka karte jaao, itne din hain। to kaun kehta hai, agle baari jab baapdaada aaye to ham haath uthaayenge sanskaar ka sanskaar ho gaya। woh haath uthaao। ho gaya? haath to utha rahe hain। baapdaada advance mein bahut bahut bahut mubaarak de rahe hain। achha।

vardaan:- aalasya ke bhinna-bhinna roopon ko samaapta kar sada hullaas mein rahne vaale teevra purushaarthi bhav

vartamaan samay maaya ka vaar aalasya ke roop mein bhinna-bhinna tareeke se hota hai। ye aalasya bhi vishesh vikaar hai, ise khatma karne ke liye sada hullaas mein raho। jab kamaai karne ka hullaas hota hai to aalasya khatma ho jaata hai isliye kabhi bhi hullaas ko kam nahin karna। sochenge, karenge, kar hi lenge, ho jaayega…yeh sab aalasya ki nishaani hai। aise aalasya vaale nirbal sankalpon ko samaapta kar yahi socho ki jo karna hai, jitna karna hai abhi karna hai - tab kahenge teevra purushaarthi।

slogan:- sachche sevaadhaari woh hain jinka sochna aur kehna samaan ho।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

pavitrata ki shama sada shreshtha te shreshtha jalti rahe, zara bhi halchal mein nahin aaye, achal। jitni achal pavitrata ki shama hogi utna sahaj sabhi baap ko pahchaan sakenge aur pavitrata ki jayjaykaar hogi। pavitrata ki personality ko sada emerge roop mein smriti mein rakho। smriti hi samarthi ka aadhaar hai aur jahaan samarthi hai vahaan maaya aa nahin sakti। samartha aatma ke paas maaya ka aana asambhav hai।