Murli de Mamma - 017

> > mama murli madhuban

rachna aur rachayita ka gyaan

rikordah

kaun aaya mere man ke dvaare paayal ki jhankaar liye…….

aisa kaun hai, jisko aankh se dekha nahin jaata lekin dil pahchaanti hai । aisa kaun hai? kyon raam ji, baap । behad ka baap । jisko niraakaar baap kaho । shareer ke pita ko saakaar, woh niraakaar । to niraakaar baap jisko niraakaar parampita paramatma kaha jaata hai, vo in aankhon se bhale dekha nahin jaata lekin jaana jaata hai, pahchaana jaata hai । aise nahin aankhon se nahin dekha jaata iseelie vo koi cheej hi nahin hai । aankhon se dekhne ke liye to yahaan ka bhi saansaarik padaarthon mein bhi kai cheejen hain jo ham aankhon se nahin dekh sakte hain parantu uska matlab yeh to nahin hai ki woh koi cheej hi nahin hai । to jabki saansaarik padaarthon mein se bhi ham koi cheej aankhon se na dekh karke us cheej ki hasti samajhte hain ki hai , to woh to parampita paramatma hai na । to aisa nahin aankhon se nahin dekhte hain to iska matlab woh kuchh hai hi nahin । nahin, vo hai । hai to kya hai vahi to baith kar ke svayan jo hai vahi samjhaata hai main kya hoon । to abhi usi behad baap se parichay mila hai ki main kya hoon । hoon to ek star light, bindi kaho, star light kaho, bahut chhoti lekin chhoti mein yeh sab bada, jismen yeh sab behad ki knowledge, aur uska behad ka kartavya ka part bhara hua hai । isi tarah se ham aatmaaen bhi bahut chhoti si hain bindi, star light lekin usmein hamaare kitne janmon ka yeh part bhara hua hai । jaise record hai to record mein geet bhara hua hai । dekho yeh records ka box hai na, kitne record pade hain । to yeh maano aatmaon ka bhi box hai jisko niraakaari duniya kahenge । woh hai aatmaon ke stock ka box jaise is box mein bahut record pade hain, usi tarah se aatmaon ke bhi stock ka box incorporeal world kaho ya usko kaho aatmaon ke stock ka box, jahaan stock rehti hai aur phir usi stock se nambarvaar time anusaar, jaise-jaise jab jiska part hai aatmaaen is corporeal world mein aati hain part bajaane । jaise is record ko nikaal karke gramophone par chadhaaya jaata hai, to chadhaaya jaata hai to usko phir needal, yeh rakhte hain aur phir vo bajta hai, theek hai na । isi tarah se woh niraakaari aatmaaen bhi yahaan aati hain, shareer ka aadhaar leti hai to iske saath woh phir bolti hai, ye maano usko phir needal lagi vo jaise bajta hai phir yeh talkie ho jaata hai । nahin to aatma silence shareer ke bina, to shareer bhi kuchh silence, shareer bhi koi kaam ka nahin aur aatma bhi jo hai na woh silence । jab donon ka mel hota hai to phir bajta hai, phir talkie । to record ismen pade hain to bhi gramophone silence mein pada hai jab donon ka mel hota to phir bajta hai । aisa hota hai na to yeh sabhi cheejen samajhne ki । to baap samjhaate hain sabhi aatmaaen jo hain na unko sabko shareer mein aana hai aur shareer lena shuru kiya aatma ne to usko bahut shareeron mein janma lena padega । aise nahin shareer le karke phir vaapas chali jaae vahaan । nahin, unko jitna jitna time hai part bajaane ka woh shareer unko lene hi hai । phir shareer lene ka bhi stejis hain । baap baithkar samjhaate hain ki jab pahle pahle jab aatma aati hai oopar se, shareer leti hai to pahli aatma pure hai isliye unko shareer bhi achha milta hai । peechhe jitna-jitna shareer lete jaaenge jitna jitna time hota jaaega phir sab stage neeche padti jaaegi । to jo aatma sabse pahle aati hai shuru shuru mein yaani golden ej mein unke bahut janma honge, jo peechhe aaenge silver copper end aaeeran ej mein, dekho abhi bhi kai aatmaaen aati hain stock ki vriddhi hoti jaati hai, sankhya badhti jaati hai na, to uska maana abhi bhi utarti jaati hain aatmaaen । nahin to itni souls kahaan se aati hai । yeh manushya ki sankhya jo vriddhi hoti hai woh kahaan se hoti hai । jo marte hain woh bhi to janmate hi hain, phir agar jo marte hain vahi janmate hote to phir stock equal rehna chaahiye na । nahin yeh vriddhi bhi hota hai to uska maana stock badhta hai to koi stock ghar hai na jahaan se aatmaaen aati hain । to aati bhi hai aur jo marte hain woh bhi yahaan hi janma lete hain । abhi jaane ki to baat hai nahin aise nahin jo marte hain woh jaate hain doosri aati hai nahin jo shareer chhodte hain woh bhi ek shareer chhod karke doosra lete yahaan hi hain aur stock vriddhi ko bhi paata jaata hai sankhya badhti jaati hai uski maana nai aatmaaen bhi aati jaati hai jo yahaan stock badhta jaata hai । to jo abhi aati hongi uske baaki kitne janma honge kyonki iron ej ka abhi end hai to uska kya ek-do janma honge so bhi chhoti aayu ka kya janma hoga । to isi tarah se baap baithkar ke samjhaate hain ki jo-jo aatmaaen shuru se aati hain unke bahut janma aur jo peechhe-peechhe aati hai unka kam । jo shuru mein aatmaaen aati hai unka to bahut mein bahut 84 janma aur kam se kam do janma bhi ho sakte hain । aise bhi jo last mein aati hain dekho abhi jo aa rahi hai unka kya hoga, ek do janma bhi nahin । abhi last mein, abhi to destruction ka time hai baaki thode time mein uski baaki kya hai to iseelie baap kehte hain dekho bahut mein bahut 84 janma, kam se kam do janma jisko maiksimam minimum kaha jaae । to bahut mein bahut kaho 84 janma aur kam mein kam do । isi tarah se yeh jaise jhaad hota hai na, jhaad badhta jaata hai, jo jad hai jad ka aayu jhaad mein ginege last tak bhaai kahenge jad ko paida hue bahut time hua to iski ej bahut hui jhaad mein aur yeh daar ka time thoda kam raha phir doosra chhota daar phir taar phir taariyaan peechhe last mein bhi chhote chhote patte nikalte hain to kahenge yeh to abhi abhi hua hai abhi-abhi isi jhaad ka last hai, isko khatma hona hai । to yeh abhi-abhi aaya hai to iski aayu chhoti । to jhaad mein bhi nambarvaar jad ki aayu time jyaada taar ki usse taariyon ki usse kam, taari ki usse kam phir chhoti-chhoti taari niklenge to phir kahenge abhi abhi nikli hai abhi abhi khatma honge । isi tarah se yeh manushya srishti roopi bhi ek vriksha hai । iseelie geeta mein vriksha ka naam liya hua hai ki yeh manushya srishti ek vriksha sadrishya hai । iski vriddhi vriksha sadrishya hoti hai aur phir iska anaadi hai yeh sepling lagti hai, yeh vriksha sepling lagne vaala hai । to isi tarah se baap baithkar ke samjhaate hain ki bachche abhi jo time hai, ye vriksha vriddhi ko pa chuka hai । abhi yeh jadajdeebhoot avastha ko pa chuka hai, vriddhi ko pa chuka hai । baaki bhi jo vriddhi hogi woh bhi abhi jaldi jaldi hoti ja rahi hai lekin abhi end to pahunch gai hai na । to abhi end iseelie baap kehte hain abhi yeh jadajdeebhoot avastha ko pa chuka hai । abhi isko khatma karke phir naya sepling lagna hai, phir new world । to yeh saari hai manushya ke anek janmon ka srishti ka chakkar jisko samajhna hai । aur hai ek aatma dekho bindi star light us ek ek aatma mein kitne janmon ka part bhara hua hai । to yeh to hua ham aatmaon ka phir paramatma ka bhi । woh bhi to hai aatma hi hai na । woh bhi star light hai aise nahin uska shep bada hai, ham chhote hain kyonki woh bada hai iseelie woh bada hai nahin । vaise aap logon ne dekhe honge na vo bahut kai shivling ki pooja karte hain aur ek yagya bhi rachte hain । phir woh chhote-chhote shaaligraam bahut shivling banaate hain uska ek yagya karte hain । to woh bahut shaaligraam banaate hain usko kehte hain shaaligraam chhote-chhote banaate hain, ek bada banaate hain shivling । usko shivling kehte hain aur baaki sab chhote-chhote usko shaaligraam kehte hain । to inka bhi yahi arth hai ki chhote-chhote maana aatmaaen । aatma ka bhi shep to vahi hai to aatma shaaligraam aur woh paramatma shivling parantu uska aisa nahin woh bada hai uska size aur ham chhote chhote hain, nahin । hamaara size aur uska side ek hi hai । baaki pharka kiska hai ki ham janma maran mein aate hain, hamaari light dull ho jaati hain । aise samjho jaise yeh staartas hai kisi ki dull light hai kisi ki tej light hai aise hai na । isi tarah se hamaare mein bhi jitni-jitni purity hai itni tej hai aur jitni jitni impyoriti hai to dull hai phir dull padte–padte blaik । jaise chandrama ko grahan lag jaata hai na vo kaala pad jaata hai vaise aatmaaen maano kaali pad gai hai । baaki paramatma ko to grahan nahin lagta hai na maaya ka iseelie woh ever pure aur ek vahi hai jiske oopar koi aavran nahin । ek vahi aatma jisko iseelie hi paramatma kaha jaata hai kyonki ham sab mein us ek ko hi koi maaya ka grahan nahin lagta hai kyonki aate hi nahin janma maran mein । to yeh sabhi cheejon ko samajhna hai iseelie baap kehte hain dekho main aata hoon, main aa karke apna parichay deta hoon । to abhi dekho bhale aankhon se dekhne ki cheej nahin hai lekin abhi pahchaante hain achhi tarah se ki haan ham kaun hain, hamaara pita kaun hai । abhi usko pita bhi kyon kehte hain kyonki usse humein varsa praapta hota hai iseelie ham unko pita bhi kehte hain aur woh hamaare rachta bhi hain । to rachta ko pita kaha jaata hai jaise laukik mein bhi baap bachchon ko kriet karte hain tab unko father kehte hain । to isi tarah se woh bhi hamko kriet karte hain parantu kriet ka matlab yeh nahin ki aatmaaen kabhi hai hi nahin jisko baithkar banaata hai, ya bindiya ko banaata hai ya star light ko banaata hai, nahin, woh to anaadi hai immortal hai । usko banaane ki unko jaroorat nahin hai lekin usmein kya banaata hai woh jo impyoriti aavran grahan laga hai na, usko utaar kar ke woh apna jo purity ka power hai na, woh de karke hamaari impyoriti ka naash karke hamko phir purity mein le aate hain । yeh hamaari purity hamaare mein kriet karte hain iseelie maano hamaari nai life nai janreshans, naya yeh sabhi sukh ka vo kriet karte hain to unke dvaara kriet hota hai iseelie unko krietar kehte hain । baaki aise nahin hai ki ham aatmaaen hai hi nahin, jisko baithkar woh banaata hai ya hamaare shareer hai hi nahin jisko baithkar ke mitti ka putla banaata hai, aisi baaten nahin hai । to yeh sabhi cheejen buddhi mein hai ki haan aatmaaen anaadi hain, immortal hai, paramatma bhi immortal hai । jaise paramatma ko koi banaaya nahin kisne, uska koi krietar nahin hai vaise aatmaon ka bhi koi krietar nahin hai । lekin krietar kaha jaata hai vo kis arth mein ki haan woh hamaari impyoriti ko naash karke, jo ismen impyoriti pad gai usko naash karke hamaare mein purity le aate hain iseelie phir hamaari nai janreshans hamaari purity se hamko shareer bhi naya, hamaara sansaar bhi naya milta hai, hamaari saari jeevan nai ho jaati hai, to maano vo world ka krietar, aatma ka krietar in sab ka jaise krietar hai isi naate । to woh bhi unka part hai, us soul ka bhi jo supreme soul hai, uska bhi part hai hamko ye power dena iseelie kehte hain main aata hoon tum aatmaon ka apne saath connection rakhne, yog sikhaane ke liye arthaat mere se kaise connection rakho to tumko power mile aur power milne se tum purified honge aur tera sansaar naya ho jaaega । sab kuchh naya hoga to yeh hai us baap ka part yahaan isliye unko krietar, direct yeh sabhi naam dete hain । to abhi baap kehte hain abhi phir se yeh time aaya hai new world kriet karne ka । abhi old world apna stage poora kar chuka hai । abhi isko kuchh bhi marammat karne ki aur aage chalaane ka time nahin hai । abhi kandeeshan ekdam todne ki kandeeshan hai iseelie kehte hain, abhi kandeeshan iski ab jadajdeebhoot avastha bani hai, abhi iska destruction aur phir new world ka kanstrakshan iseelie dekho main aaya hoon yeh sepling lagaana mera kaam hai, to abhi main apne kaam par aaya hua hoon । uska kaam chaalu hai achhi tarah se । to abhi kaise chaalu hai woh kehte hain aise bhi to nahin main to karan karaavanhaar hoon na । mujhe to koi haath paav nahin hai koi baith karke kya karoon । yahaan knowledge dena hai uske liye mukh lena padta hai kyonki kanstrakshan ke kaam mein mujhe knowledge dena padta hai । knowledge se purified banaana padta hai iseelie knowledge deni padti hai aur destruction ke liye to knowledge dene ki baat hi nahin hai na । unko baith karke thodi kahenge ye atom aisa banaao, ye to prerna dvaara iseelie kehte hain shankar dvaara woh vinaash ka prerak ban karke, yeh dekho phir backbone to main hi hoon sabka, to phir dekho yeh sab abhi usi tarah se woh buddhi kaam karti rehti hai । to dekho vinaash, destruction । aur destruction ke liye to sirf manushya to nahin hai na, khaali yeh bombsa aadi, usmein to natural calamities bhi hai phir usko kya baith kar ke sikhaaoonga । aise to baat hi nahin hai na to jaise vo time hai main hoon hi backbone in sab ka prerak to unko bhi prerna se, to natural calamities se bhi aur yeh bombsa aadi se bhi civil vor ke jariye uski buddhi se dekho kaam hi aise bante hain । bichaare kitne sudhaar ke karte hain lekin sudharna to isi tareeke se hai na । woh kaam hi aise bante chalenge jismen takkar khaate rahen, takkar khaate rahen, kha-kha kar ke ekdam klash aa jaaega to phir ekdam khatma ho jaaenge sab । to yeh sabhi baaten baith kar ke baap samjhaate hain ki isi tareeke se mera kaam hai yeh destruction, kanstrakshan aur phir jo kanstrakshan karta hoon, usi ki phir paalna karne ke liye phir unko bhi laayak banaata hoon । yeh dekho abhi apan ko kanstrakshan vaali jo duniya hai, usmein ham sada sukh paate chalen uski praalabdha bhi hamaare mein banaate ja rahe hain ye bahut generation mein ham uska phal paate chalen । to uski paalna laayak bhi banaate hain to paalanhaar bhi ho gaya na। hamaare paalanhaar bhi ho gaya, hamaare kanstrakshan karne vaala bhi ho gaya to destruction to iseelie usko kehte hain vinaash, sthaapna paalna karta । parantu hai karan karaavanhaar । baaki aise nahin jaise kai iska arth samajhte hain ki woh vinaash, sthaapna, paalna aise karte hain yeh sab manushya jo marte hain na, kabhi koi mara, kabhi koi mara yeh jo marte hain yeh maarta bhagwan hai yeh vinaash karta bhagwan hai aur kai janmate hain, aaj ke din mein duniya mein kitne janmate honge, yeh jo janma sabko milta hai woh bhagwan deta hai yeh krietar hai, woh destruction karta hai jo marte hain, woh sab bhagwan karta hai aur khaana-peena jo sabko milta hai, kisi bichaare ko roti milti hai, kisi ko nahin milti hai yeh sab bhagwan karta hai । paalna mein to sab chalta hai na kisi ko achhi roti milti hai, kisi ko nahin milti hai, kitne bichaare bhookhe marte hain to yeh paalanhaar । to kai arth aisa samajhte hain ki yeh sab paalanhaar paramatma hai, vinaash karta bhi paramatma hai aur kriet karta bhi paramatma hai yeh sab paramatma karta hai, parantu paramatma kehte hain yeh tumhaare janma aur maran aur yeh paalan main thodi karta hoon । mera paalan aise thodi hoga kisi ko bechaaron ko roti mile, kisi ko mile hi nahin aur koi mare duhkhi bichaara hokar ke mare, yeh main thodi baithkar dhandha tumhaara karta hoon। yeh to tumhaare karmon ka hisaab hai har ek ka । tum apne karmon ke hisaab se janmate ho, koi raaja ke ghar mein janma lete hain, koi kahaan lete hain, yeh sab karma se apna jo banaae hain aur koi bichaare marte hain to yeh to tumhaara karma ka tha, yeh mera vinaash sthaapna paalna ye mera arth ye nahin hai । main kaise vinaash sthaapna aur paalna karta hoon jisko utpatti kahen parantu ham utpatta akshar iseelie kaam mein nahin laate kyonki kai utpatta se ye arth nikaalte hain ki bhaai kabhi kuchh tha hi nahin, jisse utpatta kiya । sthaapna kahne se yaani kuchh cheej hai jiske oopar aa karke sthaapna kiya । to sthaapna se siddha hota hai ki koi cheej pahle hai jiske oopar sthaapna kiya । aise nahin kuchh hai hi nahin to utpatta shabd se kai aise arth nikaalte hain iseelie ham utpatti akshar kaam mein nahin laate hain ki kahin koi aisa arth na samjhe ki bhagwan ne utpatti ki, pralay ki । pralay maana bilkul naash, kuchh raha hi nahin, utpatta maana kuchh tha hi nahin to phir utpanna kiya । parantu aise nahin na pralay hoti hai, na aise utpatti hoti hai। pralay hoti hi nahin hai। kai pralay ka jo meening samajhte hain ki ekdam kuchh bhi nahin na jal, na prithvi, na paani, kuchh bhi nahin, sab jalmai, jal bhi tha bhala , jalmai phir to jal bhi hoga na, kuchh to hoga na, parantu aise bhi nahin hai ki khaali jal hi jal tha iseelie bichaare kai chitra bhi dikhlaate hain na woh peepal ke patte par krishna chhota dikhlaate hain, dekhe hain chitra mein? vo peepal ka patta hai jal hai, jal ke oopar peepal ka patta hai, uske oopar krishna aise angootha choosta hua dikhaate hain ki bas us bichaare ke paas thikaana hi nahin tha। patte ke oopar baithna, jal ke oopar rehna aur aisa angootha choosta rehta hai dikhlaate hain, parantu aisa nahin hai ki ekdam kuchh duniya thi hi nahin, jal ke oopar ya patte ke oopar krishna aaya। iska arth hai, chitra dikhaate hain ham dekho ye patte ke oopar dekha hain, vo chhota michnoon, vo michnoon dekho patte ke oopar dikhlaaya hai। tum dikhaao uth ke, yeh dekha hai sabne? yeh patte ke oopar michnu dikhlaaya hai to yeh patta jo hai isi manushya srishti roopi vriksha ka pahla-pahla jo patta hai na, vo pahla pahla yeh hai iseelie iska hai ki pahla patta, to vriksha ke hisaab se। baaki aise nahin jalmai hai us mein patte ke oopar jaise dikhaaya hai angootha choosta hua। woh dekhe honge bahut bhakti maarga mein chitra banaate hain । aise angootha uske mukh mein pada hai aur pate par tairta-tairta aisa dikhaate hain to aisi baaten nahin hai। yeh dikhlaaya hai ki is vriksha ka pahla jo patta hai woh first yaani first human jisko kahen nai duniya ka, to pahle yeh prince hai na। peechhe vahi shreenaaraayan bana hai parantu pahla to chhotaapan ginenge na। to yeh sabhi cheejen baith kar ke baap samjhaate hain ki nai duniya ka pahla- pahla। baaki aise nahin ekdam kuchh hai hi nahin to yeh sabhi cheejen aur geeta mein bhi hai main aata hoon adharma vinaash, dharma sthaapan karne ke liye to adharma vinaash karne ke liye aaya hoga aur dharma sthaapan karne ke liye to zaroor adharmi bhi manushya honge na, iska matlab hi hai ki duniya to hogi na। duniya thi hi nahin aur bhagwan aaya duniya banaane ke liye to uska matlab duniya thi hi nahin to aisa kyon kaha main aata hua adharma vinaash aur dharma sthaapan karne to iska matlab adharmi manushya the na, tabhi to naash karne aaya to koi cheej thi na, jiska naash kiya aur koi cheej banaai । to naash karne vaali bhi to koi cheej thi na, duniya thi na to yeh sabhi cheejen samajhne ki hain। to baap baithkar samjhaate hain ki aise nahin hai ki duniya kabhi hai hi nahin । main aata hoon duniya puraani ko khatma karke nai duniya banaane ke liye to woh sepling ho gai na । baaki aise nahin ekdam pralay, nahin, nai duniya saath hi saath banaane aata hoon jaise woh change, yeh jenreshans ki change to yeh sabhi cheejen baithkar ke baap samjhaate hain iseelie kehte hain abhi phir usi kaam par aaya hoon aur vahi kaam kar raha hoon । abhi kis mein aana chaahiye, destruction ki us or jaana chaahiye ya kanstrakshan ki is or aana chaahiye, yeh to har ek ko apna nirnay apne se samajhna hai । koi chaahega ham destruction ki or jaaen, kyon nahin apna abhi new world jo sthaapan ho rahi hai usmein apna saubhaagya le len । aur aatma ko punarjanma mein aana hi hai । aise bhi nahin hai koi samjhe ham oopar baith hi jaaen stock ghar mein box mein baithe hi rahen, nahin, record bhara hua hai kaahe ke liye, bajne ke liye ya bhara rakhne ke liye । woh bhara hi pada hai usmein, usko aana hi hai gramophone par, zaroor aana hai । aisa hi nahin hai ki record khaali box mein rakha rahe, nahin to phir bhara hi kis liye, kaahe ke liye bhara hai । to usmein part hai, to record mein part hai hi, usko gramophone par aana hi hai aur yeh anaadi hai, usko bajna hi hai, usko shareer mein aana hi hai । koi kahe ki nahin, ham leen ho jaaen । baithe hi rahe udhar, usmein leen ho jaaen । ek to leen nahin ho sakte jiska jo-jo part bhara hua hai ek do mein milte, ek ka geet doosra, doosre ka geet teesra, sabka apna apna geet apna hai na, dekho sab ka karma ka hisaab apna hai na, ek na mile doosre se, milta nahin hai iseelie sabka apna hai । anek janmon ka hi apna-apna hai । iseelie kehte hain bachche yeh to baaten sab samajhne ki hai ki yeh drama ki, behad ki sab baaten kaise bani hui hai, inheen sabhi baaton ko samajhna hai । to yathaartha reeti se jaan karke abhi uske mutaabik kya karna chaahiye । baaki aise nahin ki main leen ho jaaoon, nahin usmein leen nahin ho sakte, uska part apna hai paramatma ka bhi । usmein koi leen nahin ho sakta hai na । uska part apna hai । aatma aatma mein bhi leen nahin ho sakti hai to paramatma mein kaise leen ho sakegi, kabhi nahin । aatma aatma mein bhi chaahe leen ho jaae to bhi nahin ho sakti hai । uska part apna uska part apna har ek ka sanskaar apna to aatma aatma mein bhi mix nahin ho sakti to usmein kaise hogi । vo to hai hi sabse nyaara । kehte hai na tumhaari gat mat nyaari, tumhaara sab kuchh nyaara to woh jo hai hi nyaara bilkul, janma maran rahit to hamaare se uske milne ki kya baat hai aur milne se koi matlab bhi nahin hai idhar hamko jo stage chaahiye sukh ki shanti ki iseelie ham samajhte hain na ham usmein mil jaaen, shant swaroop ho jaaenge । parantu hamko apne stage mein jo shanti lene ki hai woh hamaari stage hai na । aise thodi usse milenge tabhi shanti hogi, nahin, hamko apni stage mein shanti ki stage hai lekin ham woh jaante nahin hain । hamko woh apni stage praapta karne ki hai । to woh ham kaise praapta karen isi ka baithkar ke baap samjhaate hain ki tum mere mein milne ki leen ho jaane ki koshish mat kar । na tu leen hoga, na woh stage koi aise milne ki hai । tumko kaise stage teri milne ki hai woh tu mujhse samajh । woh jo tumhaare oopar jo blaik aavran grahan maaya ka chadha hai na woh utaar to tu bhi apni stage par aa jaaega । to tumko kya utaarna hai tumko kaise pure banna hai to usi tareeke se pure ban । baaki koshish karte ho ki usmein mil jaaen mil jaaen, milenge kya? usmein milne ka ya kuchh aisa hone ka to hai hi nahin na । woh hone ki nahin hai । unse connection rakhkar ke power lene ka hai aur apne oopar jo grahan chadha hai na maaya ka, blaik ho gae ho, woh chamak tumhaari nikal gai hai ekdam, to woh chamak apne mein laao । woh mere se chamak le mere se woh power lo, vo shakti lo, vo bal lo chamak ka, usi chamak se phir tum sada sukhi banenge । phir aisi chamkeeli aatma phir jab shareer bhi legi woh bhi chamkeele, jaise devtaaon ke shareer ever healthy ever velthi ever happy baaki tumhaara aise hi kaam hai baaki aise nahin tum koshish karo mere mein milne ki, mere milne ka to kuchh hai hi nahin । jo hai hi nahin baat, jo stage hi nahin hai, jo hone ki nahin hai, usse kuchh nahin । jo tumhaare ko milna kya hai, tumhaara hona kya hai, tumko praapta kya karna hai woh tu apni samajh na । tum cheej kya ho, tumko kaise apni cheej apne laayak banaani hai, apne koshish usi mein rakhne ki hai usi ko samajh । to yeh sabhi baaten samajhne ki hai usi ko samajh karke aur apna purushaartha rakhne ka hai । to buddhi mein aati hain na ye sabhi baaten ? to usi ko samajh ke abhi yahi purushaartha apna rakhne ka hai । achha time hua hai, do minute silence । silence ka matlab hai yaad karo aur usse power lo to yeh blaik aavran se chadha hai na, woh utarta jaae, ye utaarna hai । yaad ka matlab bhi yahi hai ki usse hamko power milega, shakti milegi, bal milega yaad ka connection aur hamko apna woh utaarna hai । baaki koi aise nahin usmein mil jaane ki koi baat hai kuchh nahin । usse hamko milna hai kuchh, milne ka matlab yeh nahin hai ki mil jaana hai, nahin usse praapta hona hai । usse milna hai, kya praapta hone ka hai, yeh power, jisse hamaari aavran athva jo kuchh chadha hai, yeh agyaan ka andhakaar kaho ya maaya ka grahan kaho usse humein chhootna hai । maaya ka bondej kaho । svargavaasi bana rahe hain । svarga banega tabhi to svargavaasi bhi banenge na । svarga hi nahin hoga to svargavaas kahaan karenge । abhi savarga hi to paramatma abhi aaya hai banaane । to abhi aaya hai baaki koi duniya bani rakhi nahin hai, banaane aaya hai । isi duniya ko hi usko banaana hai na । to jab svarga banaane vaala aave svarga banaave tabhi to ham svargavaasi hoven na । isse pahle koi hua hoga svargavaasi, koi nahin । kaise hoga, svarga hi nahin hai, kahaan hai, kidhar hai । iseelie baap kehte hain isse pahle hi nahin to svargavaasi kahaan honge, yahi baithe hain sab । jo mare hain idhar hi hain koi na koi janma mein । koi gaya hi nahin hai svarga mein । svarga hi kahaan hai jo vahaan gae honge । svarga hi main abhi aata hoon banaane ke liye । abhi jo banenge aise laayak vo phir svarga mein shareer lete, shareer chhodte svargavaas mein rahenge, yaani svarga mein shareer chhodenge shareer lenge । to woh svarga ka shareer chhodna aur lena woh marna nahin hai । to usko kahenge amar । to vo duhkh se shareer nahin chhodte hain, abhi to duhkh se chhodte hain na, isko akaale mrityu kehte hain । usko mrityu nahin kahenge, woh maalik ho karke shareer chhodte hain jaise saanp ek khaal utaarta hai, doosri chadhaate hain isi tareeke se yeh ek shareer puraana hua, chhod diya ismen duhkh karne ki kya baat hai । aur hi puraana kapda chhodte hain, naya pahante hain khushi karte hain na, naya kapda mila hai aaj । aisa nahin hai? puraana chhoota to ismen bhi kya hai । baal yuva vriddha abhi time poora hua bhaai puraana utaarte hain naya lete hain । pata rehta hai na abhi time hai utaarne ka, abhi naya loonga kya loonga । maaloom rehta hai iseelie vo dar nahin rehta hai । woh duhkh ka to hai hi nahin janreshans sukh ke hi hain । abhi to duhkh hai na to bichaare rote hain । jiske ghar se koi marta hai to gharvaale bhi rote hain, aur woh bhi bichaare dukhi hoke hain । hota hai, to yeh duhkh mein jaate hain na iseelie rote hain । kehte hain svargavaas hai parantu jaate to duhkh mein hai na to rona tabhi aata hai । aatma to jaanti hai na ki vahaan jaata hai dukh mein to rote hain tabhi । sukh mein to bichaari jaate nahin, to apan abhi sach-sach svargavaasi hote hain । to abhi sach-sach svargavaas banaane ka prayatna karo apne ko । kaisa maataaji achha hai? phir chalengi svarga mein? uske liye to phir puraani duniya ka sab jo atke hain kuchh vo chhudaana padega । nahin to koi peechhe pakdega to ghaseet ke le jaaega to iseelie deh sahit deh ke sabandhon se buddhiyog hata karke ek mein jodna hai, uska power kheenchane ka hai । nahin to kidhar moh mamatva latka hua honga na to vo peechhe vaale pakad lenge phir buddhi udhar chali jaaegi to ant mate so gate । to phir aisa ho jaaega । isliye baap kehte apne ko al raaund se chhuda ke bandhanmukta ho jaao, to phir mere se hoga to phir le jaaoonga, theek hai na । kaisa, achha।