Murli de Mamma - 110

> >

mama murli madhuban

paramatma ka kartavya - 2

good morning । aaj somvaar April ki chhabees taareekh hai। praatah class mein praan maa ki murli sunte hain।

rikordah

tum hi ho maata pita tum hi ho

yeh mahima suni apne behad ke baap ki kyonki yeh koi common manushya ki aisi mahima nahin ho sakti । yeh usi ek ki mahima hai, jo is mahima ka adhikaari hai । yeh unki mahima unke kartavya anusaar hai gaai jaati hai । uska kartavya sabhi manushya aatmaon se mahaan hai kyonki sabhi manushya aatmaon ke liye hi uska kartavya hai to woh sabse ooncha ho gaya na kyonki sabke liye, sabka gati-sadgati daata ek hi hai । aise nahin kahenge thodo ki gati-sadgati daata hai। nahin, sarva ka, to sarva ki authority ho gai na । to sabka gati sadgati daata ek । to woh ek jo hai, usne aakar ke ham sabke liye kya mahaan kartavya kiya hai jiski mahima hai aur mahima hoti bhi tabhi hai, vaise bhi common tareeke se bhi dekha jaae to mahima hoti bhi tabhi hai jab koi kartavya karta hai । bhaai gaandhi ne kuchh kiya, phalaane ne kuchh kiya jinhon-jinhonne ne kuchh na kuchh thoda-bahut jaisa-jaisa bhi kaam kiya hai to uski dekho mahima hai । to baap ki bhi jo mahima hai, woh bhi aise hi nahin hai kyonki woh hai hi ooncha iseelie nahin । usne kaam ooncha kiya hai to uske bhi kartavya ki mahima hai। uski bhi bina kartavya ke mahima nahin hai। yahaan aakar ke usne mahaan kartavya kiya hai aur woh hamaare sambandh mein kartavya hai tabhi to ham gaate hain na, nahin to ham kyon gaate । ham jo uski mahima gaate hain aur mahima karte hain use yaad karte hain to zaroor hamaare liye kiya hai । to hamaare liye kiya hai aur usne sabse ooncha kartavya kiya hai isliye sabse oonchi uski mahima hai । to yeh hai usi baap ki mahima jisne hamaare liye, manushya srishti ke liye kahenge mahaan oonch kartavya kiya hai kyonki is srishti ka karta-dharta use kaha jaata hai na । to usne aakar ke manushya srishti ko oonch banaaya hai । srishti ko, koi thode aadmiyon ko, ya thodi sankhya ko ya kisko aisa nahin hai । usne aakar ke saari srishti ko banaaya hai। usmein sab aa jaata hai na, yeh tatva aadi sab aa jaata hai jis sab ko aakar ke parivartan mein laaya hai । lekin laaya kis yukti se hai woh baith karke samjhaate hain ki aise nahin hai, pahle manushya aatma, aatma ko change mein laane se phir aatma ke bal se apne karma ke bal ke aadhaar se phir aatma ka shareer, phir us shareerdhaari manushya ke liye ye sab prakriti tatva aadi par bhi unka bal kaam karta hai lekin banaane vaala to ho woh ho gaya na isliye banaane vaala woh, parantu banaate kaise hain jab talak manushya aatmaaen na oonchi bane, tab talak aatma ke aadhaar se shareer, prakriti tatva aadi yeh sabhi nambarvaar usi taakat mein aate hain। usse phir yeh saari srishti hari-bhari kaho ya srishti kaho sukhdaai banti hai। to sukhdaai banaane vaala baap jaanta hai ki manushya srishti sukhdaai banegi kaise, jab talak aatmaaen svachchha na bani hai tab talak sansaar sukhdaai nahin ho sakta hai iseelie woh aate hain pahle-pahle aatmaon ko hi aakar ke svachchha banaate hain । to svachchhata vahaan se hogi kyonki lagi bhi aatma ko hai na। jo bhi kuchh laga hai impyoriti woh lagi hai aatma ko । to jab talak vahaan se impyoriti na nikli hai tab talak har cheej se impyoriti nikal nahin sakti hai । to pahle pahle nikalni hai unse, aatma se to phir aatma ke bal se har cheej se unki impurity arthaat tamopradhaanta jo hai woh badal kar ke satopradhaanta ho jaaegi jisko kahenge ki sabhi golden aged mein aa jaate hain to phir yeh tatva aadi bhi golden aged stage mein aa jaate hain, parantu pahle stage kiski badlegi, aatma ki iseelie aatmaon ka badlaane vaala arthaat aatmaon ko purified banaane vaala phir authority woh ho gaya । to woh baap jaanta hai na ki yeh sansaar athva duniya bhi badlegi kaise । to badalne vaala woh isi tareeke se aakar ke hamko badalte hain arthaat hamaari duniya ko badalte hain । phir dekhte ho na duniya badalti ja rahi hai। badalte ja rahe ho na, pahle to apne ko badalna hai na । ham apne ko badlenge uske aadhaar se phir duniya badlegi to abhi badalte jaate ho apne badlaav ko dekhte jaate ho? kyonki apne ko jaanchate jaana hai athva dekhte jaana hai ki ham apne mein badalte ja rahe hain, hamaare mein kya pharka aaya hai । agar pharka nahin aaya hai, idhar nahin badle hain, apne main nahin badle hain to phir haan, badli hui duniya mein nahin aaenge । iseelie pahle dekhna hai, andaaja apna lagaana hai apne se ki ham apne mein badle hain? to apni jaanch rakho roj raat ko , to saara din jab beetta hai raat ko apni jaanch karo । jaise potaamel rakhne vaale raat ko apna khaata dekhte hain na ki haan kya jama hua, kya nikla, kya hua sab apna hisaab rakhte hain to yeh bhi apna saara potaamel rakhne ka hai to phir jaanch karo ki hamaare saare din mein kitna phaayda raha, kitna nuksaan raha, kya nuksaan mein gaya, kya phaayde mein aaya, agar nuksaan mein kuchh jyaada gaya to phir doosre din ke liye khabardaar rehna hai ki nuksaan na ho phaayde mein aave to isi tareeke se apna attention rakhne se phir ham phaayde mein jaate-jaate apne ko theek apni jo position hai usko pakadte chalenge to yeh apni jaanch rakhne ki । to aisi jaanch rakhte aur apne ko badalta hua dekhna hai ki ham badalte ja rahe hain woh mahsoos hona chaahiye na । aise nahin ham so devta banenge woh to peechhe banenge abhi jaise hain vaise hi । nahin, woh badalne ka to yahaan hi maaloom padega na ki hamaare mein hamaare mein hamaare sanskaar mein kya parivartan hai । hamaare ko kya pata chalega । hamaare sanskaar aage jo paanch vikaaron ke vash sanskaar chalte the, abhi dekhna hai ki us vikaaron se ham chhootte ja rahe hain to phir woh chhoote hue dikhaai padenge na । aage krodh tha bhai hamaare mein jyaada, abhi ham dekhte hain ki hamaare mein woh krodh nikalta ja raha hai athva hamaare mein lobh tha, moh tha jo bhi vikaaron ka hai to yeh sabhi baaton ko dekhte jaana hai ki hamaare yeh sanskaar badalte ja rahe hain । agar badalte ja rahe hain chhootte ja rahe hain to maano ham badalte ja rahe hain । agar nahin chhodte hain to samjhenge abhi badle nahin hain to badalne ka pharka mahsoos hona chaahiye । apne mein change aani chaahiye to yeh jaanch karni hai apne se । to yeh roj apna dekhna hai kyonki hamaare roj ke jo ham saara din karte hain, usi se hi to hamaara khaata banta hai na karmon ka । to jahaan se banta hai vahaan se hi to hamko sambhaalna hai na । baaki aise nahin hai ki saara din ham apne vikaari khaate mein chalte rahe baaki samjhe ki hamne achha kiya, koi daan kiya punya kiya bas usse hamne achha kiya। nahin, hamaara karma ka jo khaata chalta hai usi mein hi to hamko sambhalna hai na ki ham jo kuchh karte hain woh ham koi vikaar ke sang mein apna vikrami khaata to nahin banaate hain to apne ko sambhaalna hai । to yeh saari jisko kaha jaata hai saare din ki dincharya aur yeh saara apna potaamel rakhne ka hai ki saara din kaisa beeta, to yeh raat ko jaanchana hai । jab sote hain na to sone se pahle das pandrah minute apni inheen baaton ko dena chaahiye। vichaar rakhna chaahiye ki aaj saara din hamaara kaisa beeta। kai hote hain jo note bhi karte hain ki haan khyaal mein rahega aaj hamaare se yeh aisi baat ye krodhvash hui । is vikaari sang se yeh baat ho gai, to jo kuchh ho to phir doosre din ke liye khabardaar rahenge। to yeh saare din ka apna rakhna aur saath-saath apne pichhle paapon ka bhi jo bojh hai sir par unke liye bhi apna chart rakhna ki haan unko bhi to humein mitaana hai na। to use mitaane ke liye baap ka pharmaan hai mujhe yaad karo to woh bhi hamne kitna samay us yaad mein diya jo pichhle khaate ka paap ka bojha mite । to yeh cheejen khyaal mein rakhne ki hai ki ham saare din mein apna chart athva saare din ki dincharya kaise rahi to yeh khyaal rakhne se phir ham doosre din ke liye saavdhaan rahenge । aise saavdhaan rehte rehte saavdhaan ho jaaenge phir hamaare karma achhe rehte chalenge। phir aisa koi paap nahin hoga। to paapon se hi to bachna hai na । bura banaate hain hamko yeh vikaar aur vikaaron ke kaaran hi ham phir duhkhi hote hain kyonki paap banta hai tab to duhkh hota hai na । abhi hamne chhootna hai duhkh se mukhya cheej yahi hai baaki aur koi baat to nahin hai । paramatma ko bhi ham pukaarte hain, yaad karte hain jo bhi kuchh hai yeh sabhi yatna kislie hain? chaahe saansaarik padaarthon ke yatna, chaahe yeh eeshvareey maarga ke yatna kaahe ke liye hain? apne sukh aur shanti ke liye, em to yahi hai na । lekin woh em hamaare mein aaegi kaise ham paaenge kaise uska yeh practical practice jab usmein aaenge tabhi to hoga na । to yeh hai practice iseelie isko kaha hi jaata hai practical college, us practice ke liye jisse ham apne ko svachchha athva pavitra banaakar ke phir hamaara jo aadi sanaatni pavitra pravritti ka aadarsha hai woh ham pa lete hain । to yeh usi ki college jaise doktari college mein koi jaaega doctor banne ke liye to doktari practice se doctor hota jaaega na । isi tarah se ham bhi is college mein kaho ya is school mein kaho, is padhaai se athva is practice se ham in vikaaron se athva paap karma karne se kaise chhoot jaae, to hamko uski practice mein chalna hai। to jitna ham uski practice mein rahenge utna-utna ham svachchha hote jaaenge। svachchha ki degree kya hai devta। ye devta hi to svachchha gaae hue hain na। unki hi to mahima hai na sarvagun sampanna solah kala sampoorn sampoorn nirvikaari to yeh mahima hai na। to banna hai, aise nahin hai bane banaae hain । nahin, banna hai kyonki ham hi bigde hain । ham hi devta the so bigde hain abhi bigde se phir sudhaarna hai। to yeh hamko hi banna hai na। aise nahin devtaaen koi baithe hain, doosri koi duniya hai। nahin, yeh ham hi, manushya hi devta banne ke hain aur devta hi phir aise hue hain, gire hain ab phir chadhna hai । kaisa? to phir chadhna hai na abhi? lekin chadhne ka bhi dhang baith karke baap samjha raha hai। usko samajh ke chalne ka hai। kaisa? khyaal mein hai na poora ?achha! aate hain sabka mukhda dekhne ke liye, khush khairaaphat poochhne ke liye। to sab apne behad baap se jo baap varsa dene ke liye varsa kaho ya apna hi hak kaho jo baap ke paas hai। yeh milegi cheej usi se hi, yeh khyaal mein rakhna hai ki usi se hi milega। to jo cheej uske dvaara hi milne ki hai iseelie uske saath hi hamko apna relation abhi jodna hai । toot gaya tha relation, abhi baap ne aakar ki roshni di hai ki tum mere ho abhi mere ho karke kaise raho। practical jaise laukik mein baap bachchon ka bachche baap ka kaise ho karke rehte hain। rehte ho na, dekho rah rahe ho, chal rahe ho na । abhi baap kehte hain nahin, mere hokar ke raho। practical tan man dhan se mere ho karke chalo । kaise chalo, aadarsha hai ki jiske tan mein aata hai, usne apna tan man dhan kiska bana karke rakha, unka rakha na। jaise woh practical mein unka ho kar ke chal rahe hain kehte hain follow father । abhi follow karna hai ki manushya ko kya karna hai woh woh manushya se kara karke dikhaate hain to abhi karna hai na। to abhi karte chalo। ismen aur koi poochhne ki aur moonchhenne ki bhi baat nahin hai। seedhi hai na saaph baat, to abhi chalte raho। achha, time hua abhi । kyonki sunna hai thoda। ek ek baat bahut moolya vaali hai । aise nahin bahut suno aur dhaaran karo thoda । nahin, suno thoda, dhaaran karo bahut। karna to practical dhaaran hai na iseelie jo sunte ho usko practical mein kaise laao uska poora khyaal rakhte raho । to abhi aap logon mein yeh practical daali jaati hai ki thoda suno aur dhaaran bahut karo, nahin to bahut sunte ho na, usmein se thoda uthaate ho । abhi suno thoda aur dhaaran karo bahut woh practice karaai jaati hai। to abhi thoda suno aur dhaaran karo bahut aisi apni practice ko aage badhaate chalo । agar koi isko ek akshar sune aur practical mein laae na to dekho kya ho jaae, bas sune aur laae । aise nahin sunte rahe sunte rahe। nahin, sune aur laae to dekho kya ho jaae। to aaj jo suna usko agar koi practical mein laae ki bas aaj se ham isi stage mein chalenge। apne se koi vikaar sang ya koi aisa kaam nahin karenge aur apni aisi dincharya aur apna aisa chart ye rakhenge, agar isko koi practical practice mein uthaae aur chale to dekho kya ho jaaega। to abhi iski practice practical mein laao। samjha! to jo sunte ho vo laao, abhi aisi practice mein chalna hai baaki nahin to bahut suna hai। suna hai bahut practical mein bahut thoda karte ho iseelie abhi sunaaenge thoda aur practical practice mein bahut laane ka khyaal rakhne ka hai । to yeh dhyaan rakhna hai practical practice mein chalen aur uski practical ki dhaarna । kaise hain hamaare ye chhote-chhote mumbai ke laadle phool kaho, phool kahen kali kahen? phool? oho! achha phool kaho। bhala phool khushboodaar kahen ya kya kahen? khushboodaar । phool kahin bina khushbu ke hote hain? achha, bhala khushboodaar mein bhi kaun sa phool kahe? gulaab ka kahen ? dekho to yeh to bada jhaad lagaate gae hain, kuchh nahin chhoda। pahle kaha phool kaho, peechhe kaha khushboodaar kaho, phir kaha gulaab ka kaho to kampleet jagah bhar di ekdam, baaki kuchh rakhi hi nahin । bahut achha । ab jo kaha na usko practical mein chalaao । to abhi aisi practice karo ki jo kehte ho jo sunte ho woh karo, bas doosri baat nahin । jo kaho, jo suno so karo । karne ke oopar jor do samjha । samajhte hain hamne kya dekha, kis se mile ya baba ne kya sunaaya, kya hua uska bhi gyaan hai na tabhi maja hai । nahin to bina gyaan aise bhakti maarga mein bhi bahut jaate hain to bas dekha phir kya । vo to samajhte hain na, bas dekha na hamaare svarga ke khul gae । ham pahunch gae udhar । parantu nahin, dekho pahunch thodi hi jaate hain। phir usko bhej deta utaar karke, kehte hain abhi mehnat karo। karenge to apne karma se na। practical to tabhi jaaenge jab apne karma ko banaaenge। baaki to achha dekha jaise svapna । achha gyaan jaisa mila hai aur jaisa daada ko banaaya hai abhi aisa banne ka hai। follow karna hai to aisa baap aur aisa daada donon ko jaante ho na achhi tarah se ab follow karo । aise jo follow karne vaale hain sapoot bachche hain athva meethe meethe bachche hain aise bachchon prati yaad pyaar aur good morning।