Murli de Mamma - 113

> >

mama murli madhuban

purushaartha aur praalabdha

yeh sangam ka suhaavna samay woh achha va hamaara bhavishya jo ham devi-devta pad ko paaenge woh achha? question karte hain, kaun se din achhe hain ? yeh achha? kyon? devi devta banenge, praalabdha paaenge satayugi banenge, woh nahin achha aur yeh achha, kyon ? yahaan se hi pad paate ho tabhi, yeh theek hai । haan, yeh theek baat hai ki yeh din un dinon se bhi achhe hain । kyonki kamaai ismen karte hain । woh to khaaenge, khaate-khaate, khaate-khaate khut jaaega । yahaan to bharte hain na to idhar to bharte rehte hain to bharne ke din achhe hain na aur yahaan hamko baap ka sang milta hai । uske saath ham apna saubhaagya banaate hain to yeh saubhaagya banaane ke din hai । peechhe to saubhaagya ki praalabdha paaenge । solah kala se phir kala kam hote-hote chaudah kala ho jaaegi to woh to hua khaate rehna aur yahaan hai akaaunt mein jama karte rehna to yeh jama ke din achhe hain jo ham akaaunt mein daalte bharpoor hote jaate hain aur baap ke sang ke din hain । to haan yeh din bahut meethe hain jo abhi gujar rahe hain । usmein bhi abhi prejent kyonki kamaai ke din mein bhi is sangam mein bhi yeh time kamaai ka hai sangam ka । aage chalkar ke jab vinaash ka scene chalega tab us time thode baithkar ke sun sakenge, kamaai kar sakenge । nahin, kamaai ka yeh abhi ka time hai, yeh jo beech ka thoda time hai isi mein ham yeh kamaai kar sakte hain iske baad din aur bhi kharaab hote jaaenge, jismen ham aise baith karke sune, karen mushkil padta jaaega । to yeh sabhi baaten samajhne ki hai aur ismen yeh hamaara prejent ek-ek din jo bhi beetta ja raha hai yeh sab suhaavne din hai । sangam mein bhi yeh suhaavne din hai kyonki kamaai ke din hai na । peechhe, aage chalkar ke kamaai nahin hogi phir jo apna stock yeh jama karke rakha hai na, us time par bhi usi se kaam lena padega na । jitni-jitni jiski dhaarna hogi to us dhaarna ko phir usmein lagaana padega, jismen taakat hogi । to taakat bhi jama karte ho na ye din । sangam ke dinon mein bhi yeh din prejent ke din, yeh woh din jinmen ham kamaai kar rahe hain to aise sangam ke suhaavne dinon ko khote nahin rehna, dhyaan rakhna hai । jab kehte ho ki nahin, un praalabdha ke dinon se bhi yeh din achhe hain to is dinon se ham itni kamaai karte hain aur gaate bhi aise hain shaastron mein bhi hai devtaaen bhi ichchha karte the manushya janma ki । parantu devtaaen kyon manushya janma ki ichchha karte the, yeh baat kahne ki hai, aise nahin ki ham koi ichchha karenge vahaan iski, hamko to yaad bhi nahin hoga ki ham aise the, hamne aise yeh praalabdha praapta ki । detail to nahin hogi, haan yeh hoga ki haan achhe karma kie hain, jaise common hota hai ki mainne achhe karma karte hain to achha mila hai to vaise hi achha phal paaya hai parantu abhi to jaante hain na । to gaate hain ki bhaai devtaaen bhi manushya janma ki ichchha rakhte the, kaun se manushya janma ki? yeh, abhi ke antim janma ki । manushya janma to aise bahut hain, devtaaon ke bhi manushya janma to bahut chale hain na, parantu yeh, antim jismen ham baap ke saath kaise hamne yeh suhaavne din bitaae arthaat yeh apni praalabdha oonchi paai, in dinon ki woh bhi ichchha rakhte hain । to is manushya janma ki yeh antim janma kyonki is antim janma se hi to ham itne oonche bante hain na devi devtaaon jenreshans mein, apni praalabdha oonchi praapta karte hain । to in dinon ko bhoolna nahin । na bhoolna hai, na khona hai aur in dinon ko achhi tarah se kamaai mein tatpar hokar ke kamaai karne ki hai aur sachchi kamaai abhi hi hai । is kamaai se hamaari sabhi kamaai ho jaati hai sab । hamko dhan-sampatti sab phir ismen se poora ho hi jaata hai na । to peechhe hamko baithkar ke koi shareer nirvaah ke liye aise maatha khoti aise nahin karna padega jaise abhi । abhi saara din maatha khoti karte ho tabhi pet ki aajeevika nikal sakti hai, udhar aisa nahin hai । udhar pet ke liye chinta hi nahin hai, pet ke liye to khaane-peene ka apna achhi praalabdha milti hai । sab ke paas achhi jaaydaad rehti hai, bhale raaja ho, praja ho sab khaane-peene mein sukhi kyonki vahaan sankhya bhi thodi, maal bahut sab kuchh to phir kaahe ke liye chinta aur vahaan tan durusta man durusta, khushi jaisi khuraak nahin, happy life hoti hai na vahaan to yeh sabhi cheejen abhi apan jaante hain iseelie aisi life banaane ka apna poora-poora purushaartha aur khyaal aur attention rakhte rehna ek ek ghadi ki bahut kamaai to iseelie ismen ek ghante, ek ghadi, aadhi ghadi ka bhi bahut moolya hai । isse ham bahut janma janmaantar ka bana sakte hain । usmein to dekho aath ghante dete ho, aaj ghanton mein aajeevika ka mushkil se nikal sakta hai aur idhar to ismen dene se tumhaara janma janmaantar ka kamaai nikalti hai । ismen kehte hain ghadi, aadhi ghadi, aadhi ki bhi punah aadhi ghadi do to bhi tumhaare janma janmaantar ka milega dekho ismen kitna malteeplikeshan ho jaata hai । to aisi kamaai ke liye aur aisi dhaarna banaane se dekho ab kitna apna janma janmaantar ka banaate hain । to kyon nahin aisi kamaai ke liye apna jitna time ban sake utna dena chaahiye to isse hamaari kitni kamaai banegi aur sachchi । to aisi kamaai ke moolya ko achhi tarah se samajhte abhi baap se apna yeh hak lene ka poora purushaartha rakhte rehna hai । to abhi achhi tarah se baap ko aur baap ke dvaara jo jaaydaad kaho ya varsa kaho praapta hota hai usko jaan gae ho na? abhi in baaton mein to koi moonjhata nahin hai na, na baap mein ki kaisa baap hai ya kaise aa sakta hai ya kaise saadhaaran tan mein aata hai aisi-aisi baaton mein to nahin koi abhi maujooda hai na, to abhi baap ko bhi samjha hai aur phir baap se jo kuchh praapti hone ki hai usko bhi jaana hai jiske liye to abhi dekh hi rahe ho duniya ki haalaat bhi abhi samjhaati ja rahi hai ki abhi duniya ki haalaat peechhe padti ja rahi hai । jo cheej peechhe hai to zaroor hai ki uska ant ho karke kuchh aage bhi to aaega na । peechhe padte-padte aakhir unka end bhi to hona chaahiye na, aise thodi hai ki peechhe peechhe chalta jaae । nahin, end hai to abhi end ka bhi to kabhi time aaega na, to aaya hai । duniya nahin jaanti hai ki end hai, duniya samajhti hai ki yeh to aise ho karke sudhregi । bichaare chillaate to sab dekho rehte hain, kai to samajhte hain isse to achha British government thi to kuchh achhe the kaise samajhte hain ki svaraajya pa karke bechaare khud hi tang pad gae hain jaise । parantu nahin, liya to sahi, svatantra to bane parantu svatantrata ka poora laabh aur poora sab woh sabhi cheejen to nahin hai na । ismen to dekho ye bhrashtaachaar aadi in sabhi baaton ne baaki bhi dekho karma ko bura kar diya hai to bure karmon ke kaaran dekho woh sukh jo woh apna sukh nahin pa sakte hain, yeh to karma ka hisaab hai na । to iseelie baap baithkar ke abhi hamaare karmon ko achha banaane ka yeh yatna de rahe hain ki tum shreshthaachaari bano to sreshthaachaari hi to sukh pa sakenge na bhrashtaachaari thodi sukh paaenge । nahin, shreshthaachaari to apne aachran ko shreshtha banaao to prakriti tumhaare aage seva rakhegi achhi tarah se, nahin to prakriti laat maarti rahegi, sab taraph se duhkh hi duhkh aata rahega iseelie baap baithkar ke yeh shreshthaachaar banaane ka abhi yeh yatna batla rahe hain iseelie kehte hain pahle aachran, apne karma jab talak achhe nahin bane hain tab tak to ham uska praalabdha bhi pa nahin sakte hain na । yeh hamaari praalabdha abhi jo pa rahe hain woh to bhrashtaachaari karmon ki to bhrashtaachaari karmon ki kya paaenge bhrashta praalabdha arthaat duhkh ki । bhrashtaachaari karmon ki bhrashta praalabdha aur shreshthaachaar karmon ki shreshtha praalabdha yeh to buddhi common bhi samajhti hai । kehte bhale hain dekho bhrashtaachaar shreshthaachaar, naam to uthaate hain lekin vichaare jaante nahin hain ki bhrashtaachaar kya hai, vo rishvatkhori ko, corruption ko bhrashtaachaar samajhte hain parantu khaali corruption thode hi hai, idhar to sab, in paanch vikaaron mein hi to bhrashtaachaar hai na । inheen ke kaaran hi to yeh saari baaten hain । khaali corruption hai iseelie bhrashtaachaar hai, nahin bhrashtaachaar to paanch vikaaron ka poora raajya hai to yahi to bhrashtaachaar yaani karma giraana hi to bhrashtaachaar hai na । corruption bhi kyon hui hai, yeh sabhi lobh, laalach yeh sabhi baaten kyon hoti hain vikaar hai, deh-abhimaan hai, body konshasnes hai, pahle to yeh sab shatru hai isi se to sab hua hai, parantu yeh thodi hi duniya jaanti hai, bas oopar-oopar ki baaton ko ki bhaai corruption, corruption ko band karo । corruption jaaega kaise lobh, laalach aadi yeh sab vikaar apna raajya jama kar baithe hain to woh aise hi thodi jaaega । woh to aur bhi badhte jaaenge ek do ko marte maarte aur usi mein aur badhte jaaenge । to abhi dekho yeh duniya ka haal to dekhte rehte ho na isko maara, usko goli maari, usko maari dekho laga kya pada hai, samaachaar to suno duniya ka । akhbaar mein to yahi rona peetna laga hua hai yeh mara, woh mara, yeh hua, woh hua to aaj ke sansaar ka samaachaar maana duhkh ka samaachaar । sukh ka samaachaar to hai hi nahin ki hamaari duniya kaisi thi vagairah । sab jidhar dekho bechaare isi mein hi saara din kar rahe hain lekin karte-karte aakhiri bhi to aaenge na to aakhir aane ka bhi samay aa chuka hai । to yeh sabhi baaton ki apne paas scene hai poori practical ki aakhir bhi kaisa hoga । aisa nahin hai aakhir bhi bas aise hi jaise yeh samajhte hain ki aakhir mein sabhi dharma milkar ke ek ho jaaenge, aise nahin milenge । yeh aapas mein takkar khaate-khaate ek do ko mar maarkar ke peechhe sab ke maathe theek honge । to yeh to ham jaante hain na ki mar ke yeh mitenge aise, baaki aise nahin sudharne ke hain ki aise hi sab dharma apne aap achhe ho jaaenge, milkar ek ho jaaenge aisi buddhi yahaan aise hi palat jaaegi । nahin aise nahin paltegi, ye mar ke peechhe phir nae aaenge na tab phir buddhi kuchh hogi theek, baaki aise hi yeh aae to abhi tamopradhaan buddhi hai na, sabhi aatmaon ki abhi tamopradhaan buddhi to usmein tamo ka forsa hai । woh tamo ka forsa unko achhe kartavya mein laane hi nahin dega । tamo ka forsa tamo ka hi kaam karega na, woh to ho hi raha hai, din-ba-din jo dekhte ja rahe hain । to yeh sabhi baaten abhi buddhi mein hai isliye iska prayatna kaun sa karna hai, jo prayatna kar rahe hain in prayatnon se kuchh hone ka nahin hai yeh to abhi buddhi mein siddha hota jaata hai na । hona hota to aaj ke prayatna thodi hi hai yeh to bahut kaal se karte aae hain to kuchh to sudhaar hota na । ye bichaare jitna karte jaate hain, jitna banaane ki koshish karte hain utna hi ek baat banti hai to do-chaar aur bigad jaati hai, kehte hain na banti ek hai chaar bigadti hai, to yeh sabhi baaton se duniya ka kya haal hoga । to yeh sabhi baaten abhi hai buddhi mein iseelie baap kehte hain bachche abhi aap is duniya se buddhi hata karke apni pet ki aajeevika ke liye jitna zaroori hai utna sirf thoda nimitta kaam karte baaki apna to saara abhi yahaan se uthaao, abhi vahaan apna lagaao, apna saara kuchh, jo jama karna hai udhar kar do kyonki abhi to tumhaare liye vahi safety ka sthaan hai aur vahaan hi safety milegi baaki idhar to kiski dabi rahi dhool mein, kiski raaja khaae, kiski chori loot le jaae kiski aag jalaae, iska arth samajhte ho na kiska chor loot le jaae, jab aise baap hote hain na to chori, daaka vaalon ko bhi chance milta hai । woh bhi samajhte hain lage to abhi lage na, to aisa hota hai ki to kiski chor khaae, kiski raaja khaae, dekhe hain na raaja log, abhi government bhi achhi tarah se peechhe lagi hai dhanvaanon ke peechhe to kiski raaja khaae, dekho khaate jaate hain na, to kiski raaja khaae, kiski chor loot jaae kiski aag jalaae, yeh sabhi honge na, dekho yeh jalaate hain, yeh karte hain, woh karte hain । woh thoda hangaama abhi hua hindi ke oopar, kitna yeh sab hua aag jalaao uske makaan ko, ye karo, vo karo to yeh sab kya karte hain aur natural calamities bhi bahut apne samay par kaam karenge । abhi to yeh chhoti-chhoti raharsalsa hain । yeh to practical jab sab baaten hongi tab to bahut hangaama hoga, phir to koi control nahin kar sakega, abhi to thoda control ho hi jaata hai na ।peechhe to control hona hi imposibal ho jaaega jab sab bhadak uthenge । koi kisi ka sunega hi nahin । abhi dekho thode mein bhi to sunte nahin hai na, yeh jab josh badh jaata hai phir to kabhi sunenge hi nahin, kaam karke hi rahenge lekin abhi to hai bhaai ek taraph thoda shant hai, doosri taraph kuchh hota hai to ek do ko control kar lete hain lekin woh to time hi aisa rahega na । etmospheyar, vaayumandal world ka saara ud padega to yeh sabhi baaten baap baithkar abhi samjhaate hain bachche uske liye pahle se hi apna jo kuchh karna hai woh kar lo aur apna jeevan achha bana lo aur isi ko karke apna bhavishya nai duniya mein jama karo, is duniya ki koi abhi temptation nahin rakho, idhar ye karen, shaadi karen, bachche paida karen, idhar ham bade saahookaar bane ye karen, yahaan ki abhi koi temptation rakhne ki nahin hai yahaan sab ban ke dekh liya । yahaan sab banne vaalon se hi poochh lo na, netaaon se poochho, dhanvaanon se poochho, saadhu sanyaasiyon se poochho, jo bichaare tyaag karke baithe hain unse bhi poochho, jo lekar baithe hain unse bhi poochho, donon bichaare woh phir bhi yahi kehte hain ki woh cheej nahin hai । bhale alpakaal ka ho parantu phir bhi vo sukh ki baat to nahin hai na । vo bhi sab khojnaaon mein hain, sab bichaare purushaartha karte hi rehte hain । iseelie baap kehte hain woh cheej to mere paas hai na jiski chaahna sab ko rehti hai tyaag kiya hai, to bhi rehti hai, phir bhi shanti ke liye sukh ke liye phir bhi chaahat hai ichchha hai । ichchha phir bhi sab mein hi hai to iseelie baap kehte hain woh cheej to mere paas hai na । ichchha poorn karna, kampleet santushta rakhna woh cheej mere paas hai, vo cheej abhi main deta hoon to kampleet deta hoon phir ichchha maatram avidya, yaani ichchha kya hoti hai uski avidya । avidya maana uski knowledge hi nahin hai, ichchha karne ki knowledge hi nahin hai । abhi to ichchha sab mein hi hai, usmein phir baap kehte hain tumko ichchha maatra avidya yaani ichchha ki avidya, tumhaare ko koi ichchha karne ki baat hi nahin uski avidya । ichchha kya hota hai woh pata hi nahin, ichchha kyon karen, sab kuchh hai, kaahe ke liye ichchha karen usko kaha jaata hai ichchha maatram avidya । woh geeta mein bhi hai tumko aisi koi apraapta vastu nahin rahegi jisko praapta karne ke liye phir tumko purushaartha karna pade, ye geeta ke varsans hain । koi apraapta vastu nahin rahegi, to apraapta hi nahin rahegi to phir praapti ki ichchha hi kahe ke liye rahegi । apraapta hi nahin kuchh, sab praapta hai to abhi baap kehte hain dekho main abhi tumko sab praapti vaala banaata hoon, jismen sab kuchh tumko aaraam se sab kuchh praapta rahega, parantu karma itne achhe rakho na । rakhenge achhe nahin aur aise hi praapti ka sab kuchh milega aise to nahin hai na, bin kamaai se to kuchh kaam nahin hota, purushaartha hai iseelie kehte hain abhi apni achhi kamaai karo, apne ko achha banaao, apna achha purushaartha rakho aur usi se phir apni praalabdha to automatic hai hi । rakho ichchha na rakho lekin praalabdha jo achhe karma karte hain uski praalabdha to automatic hoti hi hai । yeh to nahin abhi koi samajhte hain na ki ham nishkaam hai, nishkaamta kuchh hoti nahin hai । nishkaam bhi kaamna hoti hai । koi kahe ki hamaari koi kaamna nahin hai, kaamna kyoon nahin hai, bhaai suna hai na kaamna nahin rakhne se bhagwan achha kaam kar deta hai, to andar mein to hai na ki haan kaamna nahin rakhenge to bhagwan achha karega । jabaan se nahin bole, sankalp na karen lekin andar andarastood samaaya hua hai ki bina kaamna se kaam poora hota hai to yeh to hui na kaamna । kaamna ke bina koi kaam hota hi nahin hai, nishkaamta bhi kaamna hi hai iseelie ye nishkaamta kehna ek abhimaan hai, ye aap abhimaan hai main nishkaami hoon, vo title dete hain kahin-kahin yeh phalaana nishkaami hai, ye ye hai, koi nishkaami ho hi nahin sakta hai । bhale koi gareebon ki seva karke jaate hain, ya kahin hospital kholi hai bhaai yeh nishkaami tha, bas deta hi deta tha, bhale parantu uske andar to hai na ki aisa karne ka bhi phal bada hai iseelie nishkaami hai to nishkaami mein bhi kaamna to hai na । bina kaamna koi kaam hota hi nahin hai iseelie baap kehte hain nishkaami to ek main hi hoon kyonki main to kaamna nahin rakhoonga ki main koi svarga ka adhikaari banoon, ye banoon kyonki mujhe banna hi nahin hai aur na mujhe jaroorat hai iseelie nishkaami agar koi hai to ek baap, parampita paramatma kyonki usko kaamna rakhne ki jaroorat hai hi nahin । manushya ko kaamna hai aur manushya ko hi praapta honi hai woh to manushya se oopar ka hai na iseelie usko na kaamna hai, na neeche aata hai na ooncha hona hai । woh to hai hi oonche se ooncha bhagvan, woh neecha hi nahin hota jo ooncha hone ki kaamna ho ।ooncha hoe to phir neecha bhi ho । nahin woh to hai hi oonche te ooncha । ek hi baap hai jisko nishkaami kah sakte hain mujhe tumse ek hi baap hai jisko nishkaam hi kah sakte hain isliye to baap kehte hain dekho main aata hoon tum bachchon ko itna saubhaagya praapta karaane ke liye lekin meri koi tumhaare mein ye kaamna thodi hi hai ki main bhi paaoonga । nahin, vishwa ka maalik tumko banaata hoon, main to phir jaisa hoon vaisa hi hoon, mere mein koi pharka padne ki baat hi nahin hai, pharka tumhaare mein aata hai, neeche tum aate ho, oonche tum bante ho main to jaisa hoon vaisa hi hoon, mujhmen pharka hai hi nahin । to ek vo hi hai jiske paas koi kaamna ki baat hi nahin hoti hai to nishkaami bhi kahen na to unko kah sakte hain baaki koi manushya apne ko nishkaami kahlaae, nahin, manushya maana hi kaamna phir gupta ya pratyaksha, woh to unke karma ka phal hai hi । manushya ke liye yeh lo hai ki manushya aatma ke karma ka phal hai to yeh law jo hai woh har ek se bandha hua hai । yeh law hai har ek ke liye, eeshvar ka yeh niyam hai । jaise har cheej ka niyam hai na, to aatma ka bhi niyam hai jiske saath karma aur karma ka phal laga hua hai । usko karma bhi avashya karna hai aur phir uska phal bhi avashya milna hi hai iseelie yeh law hai । to law ko bhi samajhna hai, har baat ke law aur phindsa ko bhi samajhna hota hai to yeh eeshvareey lodge bhi kaun se hain, yeh prakriti ke loz kya hain, manushya aatma ke loz kya hain, yeh sabhi sansaar ka chakra kis law mein chalta hai yeh sabhi baaton ko samajhna hai । aise nahin hai ki niyam bigar koi cheej hai । sab niymon se bandhi hui hai aur woh chalti hai jisko kehte hain nature parantu nature ko bhi to samajhna hai na । kah dena automatic chalti hai parantu automatic ke bhi niyam kya hain, kiske aadhaar par kiska aadhaar hai, yeh sabhi baaton ko bhi to samajhna hai na । to abhi baith kar ke baap samjhaate baaten hain ki dekho abhi tamo bilkul, tamopradhaan to tamopradhaan ke baad phir satopradhaan, to ek ke ke oopar ek ka kaise aadhaar to abhi vo time hai iseelie uske liye abhi kya karna chaahiye, woh baith karke abhi samjhaate hain iseelie kehte hain usmein meri madad ki darkaar hai । is time par hi mujhe aana padta hai kyonki yeh time mere kaam ka hai । iske beech mein mera kaam hai hi nahin । usmein to phir sabhi aatmaon ka apne aap apne niyam se chalne ka hai, ismen phir mujhe aana padta hai । jab bilkul tamopradhaan patit duniya ho jaati hai to mera kaam hota hai to main apne time par aata hoon । main abhi law ke mutaabik bandha hua hoon, main kahoon nahin main nahin aata hoon is baar, aise nahin ho sakta hai । main bhi lo mein bana hua hoon, mujhe bhi aana hai । jab bilkul sab ki taakat chali jaati hai to mujhe aana hi hai phir mujhe usko theek karna hai ye sabhi niyam hain । to yeh sabhi baaton ko bhi samajhne ka hai na, to dekho jaise soorya hai, soorya paani ko kheenchata hai, to yeh phir paani oopar se aata hai yeh sab niyam bandhe hue hain na । yeh sab cheej ka apna apna niyam hai, ye` baarish kaise aati hai? baarish paani to yahaan se hi kheenchati hai na, paani kheechta hai phir vo baadal bante hain, phir baadal baraste hain phir usse sooraj kheechta hai phir usse baadal banta to ye chakra, isi tarah se ham bhi jab khatma ho jaate hain phir baba aa karke ham baadlon ko bharte hain । ham baadal hai na hamko bharte hain, phir hamko bharne se phir ham garajte hain, phir sada ham usmein chalte hain, phir khaali ho jaate hain phir baba aate hain to yeh bhi sab niyam se sabhi baaten bandhi hui hai, us supreme saul ka bhi part hai isi tarah se yeh sabhi ke niyam, sabhi ke kaanoon anaadi yeh drama phiksda bana hua hai isko bhi bahut kaayde se samajhne ka hai । iseelie koi paramatma ko jaanna mushkil nahin hai aur paramatma ko is tareeke se maanna bhi mushkil nahin hai । maante aur mushkil samajhte woh hai, jo nahin jaante hain, jin bichaaron ko in lodge ka pata nahin to abhi to khud jo maalik hai in lodge ka woh baithkar samjhaate hain na ki main bhi bandha hua hoon, mera bhi part hai aane ka aur main bhi apne time par aata hoon । main bhi time par aaoonga na jaise baarish ki season hai na phir barasne ka bhi time hai na, baadal bharne ka bhi time hai na, in sabhi baaton ka time hai, isi tarah se mera bhi time hai । main jab chaahoon tab aa jaaoon ya jab ho tab aao nahin mera bhi niyam hai । jab yahaan sab khaali ho jaate hain to kheenchate hain । dukhi hote hain na, to duhkh mein phir yaad karte hain to phir main aata hoon, phir aakar ke tumhein bharta hoon, phir bhar karke le chalta hoon, phir tum aate ho nambarvaar phir bhari hui aatmaaen aati ho na sampoorn । to phir jab sampoorn aati ho to yahaan kuchh-kuchh time, jitni-jitni jiski taakat hai utna-utna time yahaan sukhi rehte hain to pahli jo aatmaaen hain sarvagun sampanna solah kala sampoorn, sampoorn nirvikaar vo bahut kaal yahaan sukhi rehti hain aur usi samay sansaar sukhi hai usko kaha jaata hai satayug aur kya svarga । abhi ismen kya moonjhane ki baat hai ki kaisa svarga hoga, kaise ham samjhe, yeh kalpanaaen hain, ye kaise hai, ismen moonjhane ki baat nahin khaali niyam samajhna hai । agar koi nature bhi samjhe na to nature vaale ko bhi ham achhi tarah se samjha sakte hain । koi science vaala ho na unko bhi aur achhi tarah se samjha sakte hain kyonki science to abhi hi siddha karti hai to yeh sabhi baaton se ham samjha sakte hain ki aap science vaale nature vaale achhi tarah se samajh sakte ho kyonki nature ka niyam bhi kya hai, paramatma ko bhi apne time par aana, uska time hai abhi lekin woh jaante nahin hai ki yeh time hai ham khaali ho gae hain । woh samajhte hain abhi hamaare mein bahut taakat hai lekin yeh taakat ladne marne maarne ki bahut hai । abhi jo taakat nikalti hai manushya se woh kaahe ki nikalti hai ek-do ko marne maarne ki । abhi taakat jaakar ke tamo taakat ho gai hai, abhi taakat hai lekin taakat ulta kaam karti hai kyonki buddhi ulti ulti ho gai hai na tamopradhaan to abhi sabki tamo pradhaan buddhi hai sivaay marne maarne giraane ek-do ki haani karne ke bina kaam nahin chalta hai iseelie iska bhi prabhaav hai tamo ka, uska raajya hai na । sabka apna-apna time hai na, iseelie baap kehte hain abhi yeh time aisa hai, usi time par hi to mujhe aa karke uska phir naash kyonki inko naash karna aur kiski taakat nahin hai । yeh paanch shaitaan hai na, to in shaitaanon ko to main hi naash kar sakta hoon mera bal । tum kaise karenge, tum aatmaon mein to khud hi bal nahin tum to shaitaan ke varsha ho gae ho na । ekdam uske control mein aa gae ho tum kaise apne mein se woh bal nikaal sakte ho tumhaare mein bal hai hi nahin, koi main bhi nahin hai । bhale saadhu sanyaasi hain lekin woh kampleet bal nahin hai iseelie baap kehte hain bachche mujhe aana padta hai to iseelie main aata hoon aur aa karke yeh sabhi paanch vikaar shaitaanon ka naash karne ka upaay batlaata hoon । main bhi upaay de karke tumse hi karaaoonga kyonki karma ka phal to tumko paana hai main thodi hi karoonga । main karoonga to phir main paaoon । aise thodi hi hai ki main karoon aur tum paao । nahin, phir to aisa ho jaaega tum karo aur main paaoon, phir to aisa bhi ho jaana chaahiye na parantu aisa nahin hai, jo karega so paaega iseelie law hai tumhaare liye tumko karna hai tumko paana hai to mujhe bhi aa karke us law ke mutaabik kaam karaana padega । tumhaare se hi tumhaare karma ko ooncha karaana padega । main aise hi samjhoon jaadu ka haath phira doon to sab theek ho jaao nahin, mera bal ka yeh kaam nahin hai । main apna bal jo mere paas bal hai tere liye woh tumko deta hoon, tum woh le karke apne ko balvaan banaao to lena hai na banaana hai baaki aisa nahin chhoomantar se koi kaam hone ka hai । nahin, bhagwan hoon to matlab chhoomantar se kaam karoon, iska matlab yeh nahin hai bhagwan iseelie nahin hai । kai bichaare aise samajhte hain ki bhagwan hai to uske liye to kya badi baat hai woh aise haath phir murda ko jinda kar de woh aise samajhte hain ki aise karen parantu baap kehte hain bachche mujhe koi aise murde jinde nahin karaane hain, woh shareer ko to chhodna hi hai lekin mujhe murde ko jinda kaisekraana hai jo tamopradhaan, aise murde bane hain unko unko jinda karta hoon unki life ko ooncha banaata hoon, peechhe unka marna-janmana jisko phir devtaaon ke marne janmane ko amar kaha jaata hai । unke shareer chhodne ko bhi amar kaha jaata hai kyonki woh apne kaanoon se apne time par shareer chhodte hain iseelie unko mrityu nahin kahenge devtaaon ko । mrityu kahen ki bhaai devta mrityu mein aaya, devta ke liye kabhi kahne mein nahin aata hai । devtaaon ko amar pad gina jaata hai, kyon? aise nahin devtaaen shareer nahin chhodte hain, chhodte hain parantu apne time par apne bal se apni taakat se iseelie woh apni taakat se shareer chhodna aur lena unko mrityu nahin kaha jaata hai । woh amar pad kyonki shareer chhodte bhi woh sukhi hain aur lete hain to sukh ka milna hi hai lena hi hai iseelie unke paas jaise puraana vastra utaara, naya pahnenge to kya phir rote hain ? nahin, aur khush honge, puraana chhoota ab naya milta hai to unko aur hi khushi rahegi na, usmein duhkh ki kya baat hai to woh aisi life ho jaati hai । to yeh sabhi cheejen baithkar ke baap samjhaate hain iseelie kehte hain bachche main amar pad, amarlok ka vahaan ka bhi tumko maalik banaata hoon । amarlok amarlok kahenge satayug ko, devtaalok ko athva jahaan ham is duniya mein amar pad paate hain baaki woh aatmaaen to amar aur man donon se oopar hai na, unko amar nahin kahenge aatmaon ko jab ham shareer mein yahaan kampleet shareer aatma bhi pavitra aur shareer bhi pavitra hai to usko kahenge amar pad yaani satayug ko । svarga ko amar aur narka ko mrityu lok aise, baaki woh hamaari niraakaari duniya usko amarlok nahin kahenge baaki woh to aatma na marna amar woh to hai hi immortal, unko to kaate kaate nahin jaae, jale jalaae nahin jaae, uske liye to is sab ka question hi nahin hai marne aur janmane ka lekin yeh kaisa hai, aatma kis tarah se ek shareer chhod karke doosra leti hai, lene mein uska kaisa pavitra shareer aur pavitra aatma hai usi ko phir kahenge bhaai amarpad । to yeh sabhi cheejen bahut achhi tarah se ek ek point clear buddhi mein rakhni hai aur clear phir samjhaane ki hai । to samjhaane ka bhi tax achha rakhna hai phir usko kahenge sarvisebal ki yeh bachche sarvisebal hain, yeh doosron ko achhi tarah se kuchh samjha sakte hain to yeh seva hai sabse oonchi, abhi ismen to aur koi nahin hai na । bhale koi ko dhan nahin hai dhan se seva nahin kar sakte hain to tan to hai na, buddhi to hai na, buddhi se seva karen, buddhi ka daan de doosron ko arthaat yeh oonch knowledge jo hai woh knowledge se doosron ko roshni deve, to is jaisi seva koi hai bahut oonchi seva hai jo jiske paas agar tan ka hai to haan tan ka, tan se bhi koi hard work thode hi hai, nahin yeh sunaana hai, samjhaana hai । haan koi kahega boodha hoon bhaai, nahin kisi ke paas ja sakta, achha bhaai koi javaan hai, yang hai, woh to ja sakta hai na । dekho jaise yahaan karuna hai, bhaagta hai daudta hai kisi ke paas jaata hai, koi bichaara boodha hoga, kahega to achha bechaara boodha hai, nahin nikal sakta hai, ghar mein baithkar yaad karo baba ko to yeh bhi seva hai । unko yaad karne se tumhaare bhi paap dagdha honge aur uska bal doosron ko bhi mil sakta hai to ghar mein baithe bhi seva kar sakte hain । chalo kisi ka shareer bechaare ka aisa hai, nahin chal sakta hai, chalo ghar mein bhi seva karo । hai agar tan ka kuchh beel to chalo tan ka karo, agar dhan ka bal hai to chalo dhan se karo, jitna jisko bal hai teenon hi hai to tan-man-dhan teenon se karo, jaisa jisko hai usse karo । matlab karo, karne se tumhaare karma shreshtha banenge aur usi shreshtha karma ki phir praalabdha paaenge, to theek baat hai na । ismen to moonjhane ki hai nahin koi baat । jitna hai utna apna karna hai purushaartha, ismen moonjhane ki hai nahin hai hamaare paas dhan nahin hai to ham kaise karen, koi dhan se hi to banne ki nahin hai na, jitna jo hai itne se karna hai, badlaaya na koi gareeb hai lekin woh dil se apna jitna chalta hai uska utna hi banta hai, koi dhanvaan hai parantu kanjoos hai to uska kya banta hai kuchh nahin । yeh dil se hai, woh gareeb aage chala jaaega, saahookaar peechhe ho jaaega aur dekhte bhi ho saahookaar bichaare hai, koi aate hain sameep? sab gareeb, kyonki bhagwan hai bhi gareeb navaaj । saahookaaron ko to bichaaron ko abhi thoda saahookaari ka nasha hai to abhi thoda tempteshan hai na dhan ki to usmein latak baithe hain iseelie baap kehte hain main jab aata hoon, us time jo saahookaar hai na woh bahut gareeb samjho kyonki aage chalkar ke duniya mein gareeb honge na । abhi jo gareeb hai na woh bahut saahookaar samajhna hai kyonki woh apna bhavishya praalabdha bana sakte hain iseelie gareeb hona is time aur bhaagyashaali ki baat hai isliye aisa nahin samajhna ki ham gareeb hain, kuchh nahin kar sakte hain, kaisa bhooshan? ham bahut saahookaar ban sakte hain aur bahut dhanvaan ban sakte hain kyonki ham baap ke ho karke sachche agar chalte hain, to woh to har ek ko apne se poochhna hai ki ham sachche hain । unke saath kitne sachche hain, sachche ka arth samajhte ho na, jaise ham apne se hain vaisa unse, apne se kaise hain? sab apna pata hai na, main kya hoon, kaisa hoon, bura hoon ya achha hoon buraai andar karta hoon to apne ko maaloom hai na mainne buraai kiya hai andar to khaata hai na konshiyas to baait karta hai na । to haan uske saath bhi aisa sachcha ki haan buraai ki hai to baap kehte hain haan mere aage rakho to phir tumhaara maaf ho jaaega । aisa nahin karte raho, buraai karo mere aage rakho, buraai karo mere aage rakho to uska maana tumko maaph hoti jaaega । na, na, na, baap hai to phir kehte hain nahin khabardaar, achha ek baar bhool ho gai chalo koi maaya ki ungali lag gai, chalo ek baar phir agar doosri baar to aur dand teesri baar to khatma ekdam । to iseelie baap kehte hain ki nahin bhool bhi ghadi-ghadi nahin, ghadi-dhadi gira to khatma ho jaaega isliye koi bhi bhool mein apne ko na laana hai aur apni bhoolon se apne ko bachaate aage badhte chalna hai to aise banne vaale jo hai vahi kuchh apna pa sakenge aur apna kuchh le sakenge । to abhi pocket badhte jaate ho na? pocket samajhte ho na, kahaan hai pocket? buddhi, yeh pocket nahin । buddhi pocket hai usne bharte jaao achhi tarah se । bahut hain, yeh bengaluru vaale to hoshiyaar hote jaate hain, bahut achhe । achha toli khilaao । dekho, yeh toli bhi aai hai madhuban se । dekho sikildhe ho na bengaluru vaale, to aap logon ko aapke bhaai behen sabhi yaad karte hain ki bengaluru vaale hamaare bhaai behen, to dekho madhuban vaalon ne aap logon ko yaad kiya hai sikildhe ho na iseelie । achha, ji? daadi khilaae? daadi… kisne bola? kisne bhi bola, achhi raay koi deta hai to eksepta karna chaahiye na, ismen bechaare ne koi buri raay thodi hi di, bahut achhi di, achhi raay le lena chaahiye, (bahut might milti hai maataaji ke haath se) haan haan kyon nahin, maataaji ke haath ki (aur mama ke haath se mile to ?- mama ke haath se mile to aho saubhaagya) teacher se prem students ka dikhaai padat hai ki teacher se prem hai aur teacher ka bhi students se prem hai । haan jo paalte hain, sanbhaalte hain, chalaate hain to natural hai uske saath thoda ho to jaata hai aur teacher bhi achhi hai meethi hai bichaari bholi bhaali । haan bholon ka to bhagwan hai na । koi bichaari mein vo nahin hai, bahut idhar-udhar mein nahin rehti hai । achhi hai bengaluru ke liye fit । bengaluru ke bhi bhole bhaale hain na to bhole bhaalon ko bholi hi chaahiye । haan…laathi bhi deti hai! agar laathi bhi na de to phir aap chalo kaise । aap pahle se hi aise hue pade ho, aapko laathi mile to thoda seedha to chalo na । laathi na mile to phir chalo hi kaise, baaki phir aise hi gir jaao । dekho jo jo sahi na chalne vaale hote to thoda laathi dete hain, thode andhe hote to laathi dete hain, laathi ke aadhaar par chalte hain to laathi bhi chaahiye na । laathi na mile to khade kaise ho, susta pad jaao । pahle se to soe hi pade ho, maaya ne to sula diya baaki bhi so jaao, to thoda susta padenge to laathi to chalaaengi na tab to thode khade hoge । to yeh bhi to chaahiye na, teacher agar thoda aankh bhi na dikhlaay to kaam kaise chale, kaam thoda chalaane ke liye thoda aankh dikhlaani padti hai, parantu aankh doosri thode hi hai, yeh to meethi-meethi aankhen hain, aur isi se to ham tej bante hain । achha, vaah! daadi । daadi bhool gai, achha, abhi tumne bulaaya hai iseelie tumko kam deng। achha lo, tumko khilaaen ? ek haanth mein, ek mukh mein । aisa bandar karta hain ham hansi karte hain aise hi, daadi hai na, to aise hi chit-chait karte hain । apni gyaan ki chait hai, bandar se mandir, vo gaali dete hain ek-do ko a bandar, a sooar, a kutte ke bachche kehte hain na aisa? gaali dete hain parantu ye to manushya ko gae hain kutte bane hai, sooar bane hain, jaise giraavat se bhi badtar । abhi to ham dekho bandar se mandir bante hain kyonki aatma ko pavitra banaate hain uska yeh ghar usko bhi pavitra, abhi dekho sach-sach mandir bante hain na, abhi pata chala hai । uske liye phir hamaari duniya bhi aisi svachchha rahenge phir usi ke yaadgaar yeh chitra banaate chalte hain lekin pahle to practical chaitanya the phir jad, unka phir mandir banaate hain jad yaadgaaron ka, jad chitron ka । pahle to chaitanya the na to chaitanya mein kya honge, sochna hai । achha aisa baapdaada aur maa ke meethe-meethe bahut achhe sapoot sayaane samajhdaar bachchon ko yaad pyaar aur good morning jisko toli nahin mili bhool to nahin gai daadi, achha ।