Murli de Mamma - gyan-sitar-04

१६.१२.५८

paramatma ko haath mein haath dena arthaat svayan ko unke aage sampoorn supurda kar unke direction par chalna

om shanti। hamaare paas ab roshni hai arthaat manushya aatma sukh ke va duhkh ke jo bhi punarjanma dhaaran karti hai un sab ki knowledge hai। kaise ham part bajaane aaye, phir kahaan jaana hai — in sab baaton ki roshni hai। paramatma jo dharmaraaj hai woh to sabke hisaab-kitaab ko jaanne vaala hai na। jo pakke nishchay buddhi hain woh samajhte hain ki ab ham practical mein us paramatma ke sambandh mein hain। woh dharmaraaj bhi hai, aage-peechhe ka sab hisaab-kitaab unke aage chuktu karna hai। unko haath mein haath poora dena hai। koi-koi poochhte hain ki ‘haath mein haath’ dena kisko kaha jaata hai? jab ham jaante hain woh hamaara baap, teacher aur guru hai। past vikarmon ka hisaab - kitaab bhi unke aage ab chuktu karna hai aur bhavishya praalabdha bhi us dvaara hi praapta karni hai। isliye ham sab kuchh unko supurda karte hain। jitna supurda karenge aur bhavishya praalabdha banaane ke liye jo unka poorn direction hai, us par chalenge to phir hamse sab karma karaane vaala woh responsible ho jaayega। yeh hua haath mein haath dena। phir bhal kaise bhi woh chalaave। parantu hamko sab supurda karna hai। itni samarthi chaahiye। harek ke hisaab-kitaab ko dekh chalaaya jaata hai। woh karnakraavanhaar hai। woh jo karaayega woh poorn kalyaan arth। to itna nishchay hona chaahiye ki unke direction anusaar hamaari avastha ho। apni avastha ko poora banaana hai।

apne ko poora supurda karna hai। jabki ham jaante hain ab poora hisaab-kitaab lene vaala practical mein aaya hai। woh hamaare saamne upasthit hue hain sab kuchh dekhne, direction dene aur karma karaane। to ham jitna supurda karenge utna hamaari responsibility bhi unke oopar aisi rahegi। kai samajhte hain ki bas kaagaj par apna poora potaamel likhkar dena hai, bas। parantu potaamel ke rahasya ko bhi samajhna hai। jaise baap bachche ka sambandh hota hai, to woh sab kuchh pesh karenge na raay lene ke liye। yeh bhi unke direction par chalne ki samarthi chaahiye। yeh to practical ki baat hai। aise nahin hamne kaagaj par likh diya to bas, bachche ho gaye। yahaan to practical unka banna hai, phir woh jaise chalaave। paramatma kehte hain na — main jo hoon, jaisa hoon us rup se jaanna hai। phir woh jaise chalaave। vaise hi jo bachcha banne ka daanv lagaata hai unko samajhna hai — jaisa hoon, vaisa hoon, tumhaara hoon। phir to unka apna kuchh raha nahin। itni himmat hai to aage badhna hai। agar donon taraph buddhi hogi to kaam nahin chalega। second-second poora direction lena hai। nahin to unko itni responsibility uthaane ki kya aavashyakta hai? practical jeevan banaani hai। jaise laukik reeti koi kiska bachcha banta hai to karma ke khaate se banta hai। ab woh baap, teacher, guru hai। to sab taraph ke karma unko supurda karne hain। bade saahas ki baat hai। paramatma ke aage spashta hona hai। yeh baaten unhon ke liye hain jo poorn vijay praapta karne chaahte hain। aise purushaarthi hi vijay ko pa sakenge। poori handling leni hai jisse apne karma shreshtha bhi hote jaaen aur vikarmon ka bojh bhi vinaash hota jaae। practical mein jaanna hai, practical mein banna hai।

bhagwan bhal bholaanaath hai parantu itna to bhola nahin hai। bhola is baraabri mein hai jo dekho, leta kya hai aur dene mein kaisa poora daata hai! tum dete aisi cheez ho jo unke kaam ki nahin hai, tumhaare kaam mein bhi poori nahin aati hai। aur deta kitna hai! is hisaab se bholaanaath hai। parantu woh puraana bhi poora lega। itna to bhola nahin hai jo sirf kaagaj le leve। parantu unke aage poora rakhkar phir poora lena hai। ismen apna kuchh bhi nahin samajhna hai। bekaar cheez unke aage rakhni hai, itni himmat ho tab hai baat।